Àwọn Ẹsẹ Bíbélì Tí Ọ̀pọ̀ Èèyàn Mọ Matyo 24

Pín

Ndzaŋ təpɔŋə á yǒ nə́ nɨ́ tə́shú lə́, akɔŋnə pɨ pə́ nɨ́ nə́ á póolə. Lə́ ŋwu ntsəm páʼ a tɨ́ nə́ ńtyantə̂ tə ńkoʼə̂ a ndwigtə á yǒ chwáalə.

Pə́ yǒ náŋkə nkɨ yi əshîʼnə ghɛn ńté Anuə Nəfoonə Nəpóolə á mbô mbî ntsəm, ńjî ńgə́ mbî ntsəm ə́ zóʼə, kɔ ŋwu tsə̌ á yǒ ə́sóŋ ńgə́ maŋ nə ńkě zóʼ pô, záʼ ndwigtə mbî ə́ tíʼ ḿbɔŋə́ yǐəə.

Nə́ yǒ zóʼ ndzaŋ pə̈ lə́ʼ nə́ məntsoolə ə́ kə́ zóʼ ndzaŋ pə́ sóŋ nə́ anu ńté məntsoolə. Lə́, nə́ ghɛd ńdzóʼ, kɔ nə́ pɔ́gə. Ndɛn mənu wɨ́d ghɛn ə́ chîə á mə́ lɔg nə́ aliʼə́, lə́ ndɛd ndwigtə mbî ə́ pə́ ḿbɛ́d pɔŋə́ yǐəə.

Atúmə á yǒ lǒo á əsê sɔb məsɔŋə́ á ndzəm yətsə́, əláʼ páʼ pəfo pə́ sáʼ nə́ ə́ lǒo á əsê ə́sɔb məsɔŋə́ á ndzəm pətsə́. Nji ə́ yǒ gháʼə, ndəsê ə́ chiʼnə̂ aliʼə́ aliʼə́. Ndɛn mənu ghɛn ətsəm ə́ ghɛd chî lə́ tsɔʼə ándó məngyě nəpəmə a zóʼə móonə.”

Nəpó pó ndəsê ə́ ghɛd laŋ kətaŋə, lə́ atséebə mə á pə́ ńdáʼ ńkě kətaŋ laŋ pô.”

Ńté ńgə́ pɨ pə́ nɨ́ nə́ pə́ yǒ yǐ nə́ əlɛ́nə mə̈ ə́sóŋə ńgə́, ‘Maŋ lə́ Nchwádkə!’ ə́ tíʼ fɨg pɨ pə́ nɨ́ nə́.

Pə́ yǒ tíʼ waamə̂ áwɨ́ ghɛd nə́ chigə ńjɨ́ ngə́ʼ pə kə́ ńjwítə áwə́ənə́. Mbî ntsəm ə́ peenə̂ áwɨ́ ńté atûə mə. Á ghɛd pə́ nə́ ndɛd yi wɨ́ lə́, pɨ pə́ nɨ́ nə́ pó myaʼ mbimə́ əzɔb ə́fi məmbɨ mɔ́b, ə́ kə́ pa məmbɨ móobə́. Məntú mə́ Əsê mə́ məfɨg mimə nɨ́ nə́ mə́ yǒ ə́fɛ́d fɨg pɨ pipə nɨ́ nə́.

Yeso a kwěe ághɔ́b ńgə́, “Lɔg nə́ ndɛlə́, kɔ nə́ ghɛd ŋwu tsə̌ a fɨgə̂ áwə́ənə́.

Lə́ələ́ pə́ ńgə́, nə́ kə́ ńtə́ ḿbyáabə ńté ńgə́ Mɔ́ Ŋwunə a yǒ yǐ nə́ ndɛd páʼ nə́ pěʼ nə́ ńkě tə́ ḿbyáabə pô.

Lə́ələ́ pə́ ńgə́, nə́ lɔg ndɛd ńté ńgə́ nə́ kě jîə alě páʼ Mmaʼmbî əwəənə́ a yǒ nə́ yǐ pô.

“Ŋwu tsə̌ a kě anu jî ńté alěmbî yə wɨ́ kɨ ndɛd yi wɨ́ pô, á lǒo pətseŋpə́ndɛ̂ pí páʼ pə́ chî nə́ nəpó pə́ kě jî pô, kɨ Mɔ́ Ŋwunə tə ńdə́ʼtə Tǎ páʼ a jî nə́ anu ńté.

Ńté ńgə́ məsê mə́ məfɨg pópə məntúmə́sê mə́ məfɨg mə́ yǒ yǐ ghɛd pətə́kɔʼ pə́ əkyeʼmə́nu pópə əkɨʼnəmə́nuə á mə́ fɨg nə́ pəənə, tə pá pɨ páʼ Əsê a tsɔ́ʼ nə́ ághɔ́b lə́ ə́wə́, páʼ təmbɔʼ ndú ə́ chî ə́wə́.

Ndzaŋə ándó á nə́ ńchî nə́ nə́ əlěmbî Nwâ lə́, lə́ ndzaŋə ándó á lǒo nə́ chîə əghâ Mɔ́ Ŋwunə a lǒo nə́ yǐəə. Á nə ḿbə́ nə́ ndɛd záʼ ə́ nkǐ yǒ ḿbɔŋə̂ kɔ́ʼ lə́, pɨ pə́ nə̈ ńjîə ńkə́ ńnô, ńdzɔ́ʼə ńkə́ fɛ̂ pɔ́ póobə́ á ndɛ̂ ndzɔʼə́, tə ńkoʼ nə́ ndɛd Nwâ a nə́ ńkwú nə́ á mə́mə apáŋə. Pó pə́ ńkě jîə anuə á yǐ nə́ laŋ pô tə nkǐ ə́ yǐ ńkɔ́ʼ ńdɔgə̂ ághɔ́b pətsəm ńgɛnə̂. Lə́ ndzaŋə á yǒ nə́ kə́ chî nə́ ndɛd páʼ Mɔ́ Ŋwunə a yǒ nə́ yǐəə.