Àwọn Ẹsẹ Bíbélì Tí Ọ̀pọ̀ Èèyàn Mọ Matyo 4

Pín

Yeso a kwěe yí ńgə́, “Pə́ ŋwaʼlə̂ á mə́m Aŋwaʼlə Əsê ńgə́, ‘ŋwunə a kě á mbî chîə ńté lə́ tsɔʼə apá pô, ḿbə́ ńchîə ńté lə́ atséebə atsəm páʼə ä fɛ́d nə́ á ntso Əsê.’ ”

Yeso a sóŋ nə́ yí ńgə́, “Lǒo gho á nəpɛnə́ maŋə, Satan! Aŋwaʼlə Əsê á sóŋ ńgə́, gho yǐ shib ghóʼkə tsɔʼə Mmaʼmbî a pə́ nə́ Əsê əzo; ə́ kə́ ə́faʼ tsɔʼə á mbô yí təjiʼə.”

Yeso a kwěe yí ńgə́, “Aŋwaʼlə Əsê á kə́ ə́sóŋ ńgə́, kɔ gho kwaʼlə̂ Mmaʼmbî páʼ a pə́ nə́ Əsê Əzo.”

Ajwǐəsê a tíʼ ńdɔgə̂ Yeso ńgɛn nə́ yə́ á kɔŋ yi njǔbtə ńgə́ Dɛbəələ a kwaʼlə̂ yə́. Ndzaŋə ándó Yeso a nə ńchî nə́ əlěmbî məghə́m mɛ́n nəkwa pópə pənətúʼ məghə́m nəkwa ńchaʼtə́sê tə jî məjî lə́, nji ə́ záŋə yə́.

“Yeso a sóŋ nə́ pó ńgə́ yǐ nə́ ńdzoŋə̂ a mə, maŋ yǐ lɔgə̂ áwɨ́ ghɛd ngaŋə́kóolə pɨ ə́wə́.” Pó tɔ́g ḿmɛdtə̂ məŋkɛd mɔ́b ńdzoŋə̂ yə́.

Ə́fɛ́d nə́ ndɛd jɨ́d zə̂, Yeso a chúʼə á mə́ sóŋ nə́ anǔəsê ńgə́, “Mɛdtə̂ nə́ mənu mə́ təpɔŋ pɨ ghɛd nə́ ńté ńgə́ anuə nəfoonə nəpóolə á páatə.”