Àwọn Ẹsẹ Bíbélì Tí Ọ̀pọ̀ Èèyàn Mọ Atos 2

Pín

Ĩ na töpö pi honi wani kuu ha, Pedro aiki, ‑Makö pi tapomo sapamo nö, makö wanisala wi, ĩ ma tä hosalö nö, Jesus Cristo a tälöö! Jesus Cristo ma täli salo, makö mãi õmamono nö, makö kuaö! Ĩ na makö kuaö ha, makö wanisala wi, ĩ tä na Teusö a hĩso mapalo nö, kamakö na kama õsi totoki kitäö!

Ĩ na tä kua tä, Jesus a tälö noai, ĩ töpönö ta hini sinomotima. Jesus anö töpö simönö noai, ĩ töpönö ta katehati wi, ĩ ta hini sinomotima. Jesus a tälö noai, ĩ töpö noimaso sinomotima. Jesus a nomaso noai, ĩ tä na ĩ töpö pi tapomo pia salo, ĩ töpö kokamo nö, ĩsa ãi kakapa sinomoma. Teusö a na ĩ töpö hapalo sinomotima.

Ta pata kua hätäpo nö, ĩ töpö õsi pewö na Teusö a õsi kua tolele, ĩ a kua totiköma. A kua totiki nö, töpö kai a haö tikopöpasoma.

Töpö kokamo tä, hutu mosökö pata hamö pe epii ipoko ta pata kui na, ĩ na tä kuu kai pata itholasoma. Tä kuu kai pata ithololö nö, ĩ töpö kokamo pole ha, ĩ ha ta pata lisipalo nö, sai a õsi pewö hamö ĩ na ta pata kuuma. Ĩ na ta pata kuu nö, koa taka pata hili kua wi na, ĩ na ta pata kui, ta pata selekepalo nö, töpö kokamo pole, ĩ töpö pewö na ta pata kua hätäpoma. Ta pata kua hätäpo nö, ĩ töpö õsi pewö na Teusö a õsi kua tolele, ĩ a kua totiköma. A kua totiki nö, töpö kai a haö tikopöpasoma.

Ĩ na tä kua tä, ĩ tä wakala pewö hamö Teusömo wi a sai ha ĩ töpö kokamo sinomotima. ‑Samakö kulahamo waikia kuleö!‑ ĩ na töpö pi mönahai, töpö pi kuu nö, kama töpö sai pö hamö ĩsa ãi kaka nö, ĩ töpö ia sinomotima. ‑Aitaköö! Wa toita apöö!‑ ĩ na Teusö na ĩ na ĩ töpö kuu sinomotima. ‑Jesus a thapo wi ĩ töpö toita apö‑ ĩ na ai töpö pewö kuuma. Jesus a thapo soma noai, ĩ töpö na, Jesus a täa nömöanani wi, Teusö anö ĩ töpö kokapamanöma.

“Pi naka. Ĩ na Teusö a kuu kuleö: ‘Waiha tä mumi pewö mapo pia tä, sanöma töpö pewö na kamisa õsi kua tolele, ĩ sa õsi ithopaki kitä. Sa uni ithopaikö kölö nö, au ulu töpö, au thäwö töpö, ĩ na töpö kui töpönö sa kai a wäsä kuki kitäö! Au hĩsa töpönö uni tä tapa kuki kitä. Au pata töpö wano manimo kuki kitä.

Jesus a thapo wi ĩ töpö kokamoti nö, töpö noimaso sinomoti nö, kama hai ĩ wani tä umapo maama. Ai töpö na kama hai ĩ wani tä totokö nö, sitipa kökö tälö nö, kama töpö honimoti wi, ĩ töpö na sitipa kökö totota sinomotima.

Ĩ na tä kua tä, ‑Teusö ai. Sa pasilipalöö!‑ töpö kuu wi, Teusö anö ĩ töpö täapa läo kõo kitäö!’ ĩ na Teusö a kuu kuleö!” ĩ na Joeu a kuumaö!‑ ĩ na Pedro a kuuma.

‑Aitaköö! Teusö a huu kõo waikia kule‑ ĩ na töpö kuu paio mai ha, pili motokö sii lupasoö, iä iä tä kui na, ĩ na pilipoma hanaha kupasoö, ĩ na tä kua kitä.