Àwọn Ẹsẹ Bíbélì Tí Ọ̀pọ̀ Èèyàn Mọ Lucas 21

Pín

Önö kutenö, pö mamo läa totia sisaikiö! Teusö a na pö hapalo sinomoö! Ĩ na makö kuati tä, sa huu kõköma, makö peama mai kitä. Sanöma sa kupaso noai, ĩ sa na toitai makö kua asa soatiopököö!‑ ĩ na Jesus a kuuma.

Ĩ na Jesus a kuu nö, ‑Pö pi mosaia totikiö! Pe epii makö iapalo opatii, makö polemo opatii, nii tä, wani tä, ĩ na tä kui tä na makö pi kuo sinomo sisaö, ĩ na pö kua tihöö! Ĩ na makö kuati tä, makö pi motöa soala tä, sa huu kõo wi ĩ tä wakala kua soataki kitä.

“Jesus sa hosa mai kitäö!” makö õsi kuu satia apaö ha, Teusö anö makö täa koni kitä‑ ĩ na Jesus a kuuma.

Kamisanö makö pi hatuka totipalöma, makö hapalo taö öpa kitä. Makö hapalo taö öpa kutenö, makö wanipo wi, kamakö na ĩ töpö hapalo hö̃töo mai kitä. “Wa hapalo pole ĩ pitili wa” ĩ na töpö pewö pi ku upa salo‑ ĩ na Jesus a kuuma.

Hutu mosökö pata matasoö, hi masita tä uli matasoö, ĩ na tä kua kitä maaki, sa kai pitili ipii ĩ tä mapo pasio mai kitäö!‑ ĩ na Jesus a kuuma.

Ĩ na Jesus a kuu nö, ‑Ĩ na tä kua tä, pili motokö, pilipoma a, sitikali pö, ĩ na pö kui pö aipöa apöpaso pia salo. Mötati tuu pata supa supamo nö, pola pata lalupalo opaö ha, töpö pi honia totia apöso kitäö! “Hi masita tä uli mapo pialeö!” ĩ na ai töpö pi kuu salo, ĩ töpö kilia apölo nö, töpö nomawö kelaso kitä. Hutu mosökö pata huöpo wi ĩ tä matalo nö, sitikali kökö pewö pata kea soaso kitäö! Ĩ na tä kua tä, sanöma sa kupaso noai ĩ sa huu kõo piale, sanöma töpönö ĩ tä tapa kitä. Ĩ töpö pewö mamo tetela tä, sanöma sa kupaso noai ĩ Jesus sa hai, sa lotete epii, sa wakala apii sa toita apii, ilasi tä hösöka ha ĩ sa itho laso kitä‑ ĩ na Jesus a kuuma.

Kamakönö Cristo sa thapo kutenö, ai töpö pewönö makö wanipo kitä.

Tä uli pata lakö lakömo hãkikio opa kitä. Oi oi tä, kamakali tä, ĩ na tä kua hö̃töa totipaso kitä. Hutu mosökö pata mömomö pi kiliha apöpaso kitä. Ĩ na tä kuaö ha, “Hi masita tä uli mapo pialeö!” makö pi ku upa kitä‑ ĩ na Jesus a kuuma.

Pata töpö na ai töpö hölaö, ai töpö säpasoö, ĩ na töpö kua kuki kitä. Önö kutenö, “Ki ha pata töpö na ai töpö höla kulaliö! Ki ha ai töpö säpaso kulaliö!” ĩ na ma tä kuu hini kitä maaki, pö kili tihöö! Hi masita tä uli mapo soata mai kitä‑ ĩ na Jesus a kuuma. Ĩ na a kuu nö, ‑Ai tiko töpö kai hapalo wi, ĩ töpö na töpö satehe epii töpö wasu ekupa sinomoti kitä. Ĩ na tä kua tä, ai töpö na pata tä kaikanamo wi, ĩ töpö satehe epii töpö kokamo nö, ai tiko töpö satehe epö hö̃töi, ĩ töpö na ĩ töpö wasu ekupa sinomo kuki kitä.

Ĩ na Jesus a kuu nö, ‑Ĩ na tä kua tä, pili motokö, pilipoma a, sitikali pö, ĩ na pö kui pö aipöa apöpaso pia salo. Mötati tuu pata supa supamo nö, pola pata lalupalo opaö ha, töpö pi honia totia apöso kitäö! “Hi masita tä uli mapo pialeö!” ĩ na ai töpö pi kuu salo, ĩ töpö kilia apölo nö, töpö nomawö kelaso kitä. Hutu mosökö pata huöpo wi ĩ tä matalo nö, sitikali kökö pewö pata kea soaso kitäö!

Ĩ na a kuu nö, ‑Ai tiko töpö kai hapalo wi, ĩ töpö na töpö satehe epii töpö wasu ekupa sinomoti kitä. Ĩ na tä kua tä, ai töpö na pata tä kaikanamo wi, ĩ töpö satehe epii töpö kokamo nö, ai tiko töpö satehe epö hö̃töi, ĩ töpö na ĩ töpö wasu ekupa sinomo kuki kitä.

Ĩ na töpö kuu ha, ‑Ai töpönö makö mönama pi topa kutenö, pö pi mosaia totikiö! Ai töpö satehe epii töpö waloiki nö, “Jesus Cristo sa. Teusö anö sa simönö noai ĩ sa. Huki sa töpö utitipamanö nö, sa kaikanamo totio pia kuleö!” ĩ na töpö kuu hãkikio kitä maaki, ĩ töpö na pö nokapalo hãto tihöö!