Àwọn Ẹsẹ Bíbélì Tí Ọ̀pọ̀ Èèyàn Mọ Ima̍tiyu 23

Pín

Ɔ̄chɛ nīi re̍ka ɔmaga lipu̍ yī ala̍ ma̍, anu̍ ge̍ē de ē pīya ɔ̍chɛ̍ yī ala̍ wa̍a̍ a̍nɛ.

Ɔ̄chɛ nīi ge̍ nāa iyī nū ke̍ke̍ni̍, e̍ ge̍ē bī ɔlɔjā gāa ajɛ. Ɔ̄chɛ nīi ge̍ chī bī iyī nū ga ajɛ, e̍ ge̍ē nāa ɔlɔjā ke̍ke̍ni̍.

“I̍īyo̍ de ala̍ Āchɛ yī Ifa̍rasīi ba̍la āchɛ ongū Lihɔ yī Iju̍u! Ala̍ āchɛ ɔkɛlā ɔha̍ chōo̍chē ya̍ ɔha̍ ɛla̍ā! Ala̍ jwɔ̍ɔnyɛ yī obī ɔjā ūkpo̍he lipu̍ yī igwo̍ ge̍ kɔ̄ de Ɔwɔ. Ala̍ jwɔ̍ɔnyɛ yī ɔya̍ i̍ngɔ̍ɔ la ɛjā bāa īpū oro̍ōre̍ ɛha̍ nīi lɛ gɛnɛgɛnɛ re̍ka imi̍nti ba̍la idi̍li ba̍la iku̍min nīi ala̍ ē de kɔ̄ de Ɔwɔ ma̍. Ɛjā bāa lɛha̍ ɔmɔ̍ɔ̄ma̍ de āchɛ, ba̍la lɛpɔ̄ ɔhɔ̍ɔ̄hɛ̍ kpakpa, ba̍la lɛlā olēchi̍ lēchi̍ nīi - ɛjā ɔlamu-ɔlamu gba̍a̍ nīi Lihɔ yī Imo̍sīisi chikpo̍ ka āchɛ ɛ̍lɛ ge̍ ya̍ ma̍, ala̍ chī chōo̍chē hi̍hi̍yo̍ yī wā. Ɛjā nūma̍ ngma̍ nīi ala̍ ge̍ ya̍ o̍bū a̍nɛ. Bū la ɛbɛ ɔla̍ā, anu̍ nīi ala̍ ge̍ē hi̍hi̍yo̍ yī ɛjā ehēhī ɛla̍ā la ɔyɔ̍ɔ̄ya̍ ni̍ a̍nɛ.

“I̍īyo̍ de ala̍ Āchɛ yī Ifa̍rasīi ba̍la āchɛ ongū Lihɔ yī Iju̍u! Ala̍ āchɛ ɔkɛlā ɔha̍ chōo̍chē ya̍ ɔha̍ ɛla̍ā! Ala̍ ē nāa okwi̍ihi yī ɔgba̍galā ba̍la u̍kpu̍ūhā yī ala̍ ngma̍ cha̍cha̍, lipu̍ yī wā chī mōmu la ɛjā ānyānyi ba̍la ɛjā ode gbō iyī ala̍ iyī ala̍.

“Ijɛru̍sālɛm be̍e! Ijɛru̍sālɛm! Awɔ nīi re̍ka ongmo̍ āchɛ ɔkɛrɔ̄ yī Ɔwɔ, ongmo̍ alɛrɔ̄ yī nū lɛchɛ̄chɔ̄ ma̍! N chɛ̄rī kpa̍a ka n ge̍ē kpo̍ wɔ ē tū la acha̍ lɔkɔ nīi ugū kpo̍ ayi̍ yī nū tū ma̍, a i̍ chī chɛ̄ de u ni̍.

I̍ngi̍ngɔ̍ɔ nīi ala̍ lɛ a̍nɛ. Āchɛ ge̍ ma̍ ala̍ la yɛchɛchɛ, ala̍ ē hwɔhi hwɔhi; abɔ̍ɔ lipu̍ yī ala̍ chī mōmu la arīmɛ̄ ba̍la lɛlā ɔdwɔ̄bi̍.