Àwọn Ẹsẹ Bíbélì Tí Ọ̀pọ̀ Èèyàn Mọ Luka 5

Pín

evasi bōdha kījali muthi ḍāju:— nīnu dōni bitrita taki kihiwaha mīnka assali mī wallanga meth’du inzihi Simonu tulle wessaliĕ

Simonu:— zōngitatī! laanga hallee māmbu wāhu ātomi samma māmbu ēnaawa pānaatomi; ātiwa nī hāḍati lehe walla meth’nomi inzihi evani tulle westesi. evari ēle kīhiwaha hāreka mīnka asteri, ēdānaki evari walla genza hazzi maẓẓe.

evasi prārdhana kījali zāḍata haẓẓesi.

wenḍe zīwu pātali nānu pāpungani hāti wātee samma nītigattaraï arga wāha hilloo inzihi westesi.

Simonu Petru ēdāni messiwaha, Jesu menta nōkita menta kuttiwaha:— prabhutī! nannaa pissa hallamu, nānu pāpitee inzihi westesi.

ēdānaki Jesu:— rōgingkee samma neharaki osso gūrū pāḍa ăusi.

evari dōningani gattutaki reẓẓi ḍāju bahēti pissiwaha evani zēẓo perheri.

evasi ro gāḍata mannati kushtu dukha tulle mūtasi ro mānēi maẓẓesi. evasi Jesuï messiwaha menta kuttiwaha:— prabhuti! ninge ishtomi ātihe, nīnu nannaa othi kījali āḍadi inzihi evanaï battimālitesi. embatiĕ evasi kēju gōsiwaha evanaï dīgiwaha:— nange ishtomiĕ; nīnu othati āmu inzaliĕ kushtudukha evanaï piste.

evani bakkiti samacharomi ōḍe eẓẓeka wēngite. zana samūhomi evani zōkoḍi wennanakiĕ tami rōgingani othnanakiĕ kūḍa wāhi maẓẓe.