Àwọn Ẹsẹ Bíbélì Tí Ọ̀pọ̀ Èèyàn Mọ लूका 9

Pín

फेर वो बा सबळा न्अ खियो, “कोई म्हारअ पाछ्अ चालबो छाव्अ तो बीन्अ खुदा-खुद बेई नटणो पड़ेलो अर बीन्अ रोजीना खुदकी सुळी उठाणी पड़ेली। जद्‍या वो म्हारअ पाछ्अ चाल्अलो।

क्युं क ज्योबी खुदकी ज्यान बचाबो छाव्अलो वो बीन्अ गमावलो पण ज्योबी म्हारी बजेसुं खुदकी ज्यान देव्अलो वो बीन्अ बचावलो।

बीप्अ ईसु बीन्अ खियो, “अस्यो कोई बी ज्यो हळ प हाथ मेलर पाछ्अ देख्अ छ परमेसर का राज क लायक कोन्अ।”

क्युं क बीम्अ कोई मनख न्अ कांई फायदो क वो सबळा जगत न्अ पाले अर खुदा-खुद न्अ खतम करदे या फेर भटक जावे।

ज्योबी म्हारी बजेसुं या म्हारा बचना की बजेसुं लज्जीत छ बी बेई मनख को छोरो बी जद्‍या खुदकी सयान, खुदका परम-पिता अर पवितर सरगदूता की स्यान मं प्रगट हेव्अलो तो बाक्अ बेई लज्जित हेव्अलो।

ईसु बान्अ खियो, “लुंगत्या कन्अ गुफा हेव्अ छ। अर आम्बर की चड़या क बी घुस्याळा हेव्अ छ पण मनख का छोरा कन्अ माथो देबा बेई बी कोई ठार कोन्अ।”

बान्अ खियो, “ज्योबी ई बाळक को म्हारा नांऊ सुं सुवागत करअ छ वो बीको सुवागत करअ छ ज्यो बीन्अ खन्दायो छ। जिसुं थाम्अ ज्यो सबळासु छोटो छ बोई सबळा सुं बड़ो छ।”