Àwọn Ẹsẹ Bíbélì Tí Ọ̀pọ̀ Èèyàn Mọ മത്തായി 4

Pín

അദ്‌ക്ക് ഏസു: << <മന്‌സാ് അഡേന താനെ തിന്തല്ല ഉജുറു പെ്ളേക്കാദ്, സാമിദ് ബായിലിര്‌ന്ത് ബര ഒരൊരു ണായഗണാലേമ് ഉജുറു പെ്ളേക്കാര്> എന്ത് എ്ള്‌ദിര്‌ക്ക്‌ദ്>> എന്ത് സൊന്നാ്.

അദ്‌ക്ക് ഏസു: <<സെയിത്ത്യാനെ, എനാണ ബ്‌ട്ട് കഡാന്ത് പോ. <ണിന്ന് സാമ്യായിര്‌ക്ക ആണ്ടവാനമാട്ട് കുമ്മുഡികൊണ്ട്‌മ് അയ്യി സാമിക്ക് പ്‌ഡിക്ക കാര്യഗണമാട്ട് സെയ്‌ദ് കൊണ്ട്‌മ് ണഡാക്കുഡൊ> എന്ത് എ്ള്‌ദിര്‌ക്ക്‌ദല്ല>> എന്ത് സൊന്നാ്.

അക്കുളെ ഏസു അയ്യി ജാദിക്കെ: << <ണിന്ന് സാമ്യാന ആണ്ടവാന സോദണെ സെയ്യ ബേ്ഡ> എന്ത് ഗൂഡി എ്ള്‌ദിര്‌ക്ക്‌ദല്ല?>> എന്ത് സൊന്നാ്.

അദ്‌ക്ക് പ്‌റ ഏസുണ സെയിത്ത്യാ് സോദണെ സെയ്യ ബേ്ണ്ടി സാമിണിഗാല് ബെ്ട്ടെകാഡ്‌ക്കെ കൂട്ടി പോറ്റു. അദിലി ഏസു ഇ്റ്‌ട്ട്‌പഗാല് ണാപ്പദ് ണാള് തീനി തിന്നാത്ത പരേസ പരേസി കൊണ്ടിര്‌ന്താ്. അദ്‌ക്ക് പ്‌റ ഏസുക്ക് പജി പ്‌ഡിത്ത്‌ദ്.

<<ണിമ്മ എന്ന് പിന്ന്‌മേലെ ബായി. മീന് പ്‌ഡിക്കവാര് മീന് പ്‌ഡിക്ക പാസെ ണാന് ണിമാണ സാമി ആള്‌റാദ്‌ക്കെ മന്‌സാര്‌ണ സേത്ത്‌റവാര് ആക്കുവെ>> എന്ത് ഏസു അവാര്‌ക്ക് സൊന്നാ്. അപ്പ്‌താനെ അവാര് റണ്ട് ആള്‌മ് ബലേന തള്ള്യെക്കി ഏസു പിന്ന്‌ക്ക് പോനാര്.

അയ്യി ണാളിലിര്‌ന്ത് ഏസു: <<സാമി ആള്‌റാദ് ണിമ്മ്‌ദ് കാല്‌ക്കെ ബന്ത് എജ്ജിര്‌ക്ക്‌ദ്. അദ്‌ണാലെ പാവ സെയ്‌രാദ്‌ണ തള്ള്യെക്കി സാമി സാരി തിലിമ്പിരി>> എന്ത് ബെല്ല്യാദ്‌ക്ക് ആലാത്ത് ആലാത്ത് സൊല്ല്യ പ്‌ഡിത്താ്.