Àwọn Ẹsẹ Bíbélì Tí Ọ̀pọ̀ Èèyàn Mọ လူႉၵႃႇ 17

Pín

မၼ်း​ၸဝ်ႈ​သမ်ႉ​လၢတ်ႈ​တီႈ​ၵေႃႉ​ၼၼ်ႉ​ထႅင်ႈ​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​တႃႉ။ တၢင်း​ယုမ်ႇ​မၢတ်ႈ​မႂ်း​ႁႂ်ႈ​တၢင်း​ၶႆႈ​တၢင်း​ပဵၼ်​မႂ်း​ႁၢႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ၼႂ်း​ဝၼ်း​ၼိုင်ႈ ပေႃး​မၼ်း​ၽိတ်း​ပိူင်ႈ​မႂ်း တေႃႇ​ထိုင်​ႁွတ်ႈ​ၸဵတ်း​ပွၵ်ႈ​လႄႈ သမ်ႉ​ၶိုၼ်း​မႃး​တီႈ​မႂ်း​တေႃႇ​ထိုင်​ႁွတ်ႈ​ၸဵတ်း​ပွၵ်ႈ​လႄႈ​ဝႃႈ၊ ၵဝ်​ၶႃႈ​ၶုၵ်း​ၸႂ်​လႆႈ​မႆႈ​ၸႂ်​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ၸိုင်၊ ပွႆႇ​လွတ်ႈ​ဢပႅတ်ႈ​မၼ်း​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။

ၼႂ်း​ၶဝ်​ၼၼ်ႉ​ၵူၼ်း​ၵေႃႉ​ၼိုင်ႈ လႆႈ​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​ၼၼ်ႉ​သေ​ယဝ်ႉ၊ ၶိုၼ်း​မႃး​လႄႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ယွင်ႈ​ယေႃး​မုၼ်​ၽြႃး​ပဵၼ်​ၸဝ်ႈ​ဢေႃႈ။- မၼ်း​ၶုပ်ႉ​မူပ်ႇ​ႁိမ်း​တိၼ်​မၼ်း​ၸဝ်ႈ​သေ​လႄႈ​လဝ်ႊ​လၢတ်ႈ​လႄႈ​ဝႃႈ၊ ၵျေး​ၸူး​ၸဝ်ႈ​ႁဝ်း​ယႂ်ႇ​ၼႃႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ၵေႃႉ​ၼၼ်ႉ​ပဵၼ်​ၵူၼ်း​ သမႃႇရီႉ ​ဢေႃႈ။

သူ​ႁဵတ်း​သတီႉ​တီႈ​တူဝ်​ၸဝ်ႈ​ၵဝ်ႇ​တႃႉ။ ပေႃး​ပီႈ​ၼွင်ႉ​မႂ်း​ၽိတ်း​ပိူင်ႈ​မႂ်း​ၸိုင်၊ သင်ႇ​သွၼ်​ပၼ်​မၼ်း​တႃႉ။ ပေႃး​မၼ်း​လႆႈ​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ ပွႆႇ​လွတ်ႈ​ဢပႅတ်ႈ​မၼ်း​တႃႉ။

ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၵူၼ်း​ဢၼ်​ႁွတ်ႈ​ထိုင်​တၢင်း​ဢၼ်​မူတ်း​သႂ်​မီး​သိပ်း​ၼိုင်ႈ ဢမ်ႇ​ၸႂ်ႈ​ႁိုဝ်။ ၶဝ်​ၵဝ်ႈ​ၵေႃႉ​ၼၼ်ႉ​မီး​ၵႃႈ​လႂ်။

ၸဝ်ႈ​ၽြႃး​ၵေႃႈ​လၢတ်ႈ​လႄႈ​ဝႃႈ၊ ပေႃး​သူ​မီး​တၢင်း​ဢၼ်​ယုမ်ႇ​မၢတ်ႈ​ထၢၼ်ႇ ၽၼ်း​ၽၵ်း​ၵၢတ်ႇ​မဵတ်ႉ​ၼိုင်ႈ​ၸိုင်၊ ၼႂ်း​လွင်ႈ​ဢၼ်​သူ​လၢတ်ႈ​တီႈ​တူၼ်ႈ​မၢၵ်ႇ​လိူဝ်ႇ​ၼႆႉ​လႄႈ​ဝႃႈ၊ မႂ်း​ထူၺ်ႈ​ဢဝ်​တင်း​ႁၢၵ်ႈ​မႂ်း​သေ​လႄႈ ပၵ်း​ယူႇ​ၵႃႈ​ၼႂ်း​ပၢင်ႇ​လၢႆႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ၊ မၼ်း​တၵ်း​ထွမ်ႇ​ဢဝ်​ၵႂၢမ်း​သူ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၵျၢမ်ႇ​ႁႃ ႁႂ်ႈ​လႆႈ​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၼၼ်ႉ တၵ်း​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။

မၼ်း​ၸဝ်ႈ​သမ်ႉ​လၢတ်ႈ​တီႈ​တပႄး​ၸဝ်ႈ​တင်း​လၢႆ​ထႅင်ႈ​လႄႈ​ဝႃႈ​ၸမ်ႉ၊ လွင်ႈ​တၢင်း​ဢၼ်​ၶီႈ​လိုတ်း​လႄႈ လူမ်ႉ​တင်း​လၢႆ​ၼၼ်ႉ တၵ်း​လႆႈ​မီး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ႁႂ်ႈ​လွင်ႈ​တၢင်း​ဢၼ်​ၶီႈ​လိုတ်း​လႄႈ​လူမ်ႉ​ပဵၼ်​ၼၼ်ႉ​မီး​ဢႃႉ​မင်ႇၵလႃႇ​ဢေႃႈ။- ၵေႃႉ​ဢၼ်​ႁႂ်ႈ​လုၵ်ႈ​ဢွၼ်ႇ​ၸိူဝ်း​ၼႆႉ​သေ​ၵေႃႉ​သေ​ၵူၼ်း ၶီႈ​လိုတ်း​လႄႈ​လူမ်ႉ​ၼၼ်ႉ၊ တီႈ​ၵေႃႉ​ၼၼ်ႉ​ပေႃး​မၼ်း​လႆႈ​ၶၢမ်ႇ​တၢင်း​ဢၼ်​ဢဝ်​မၢၵ်ႇ​ႁိၼ်​လူၺ် ႁွႆႈ​သႂ်ႇ​ၵႃႈ​တီႈ​ၶေႃး​သေ​လႄႈ ပွႆႇ​ၸူမ်​လူင်း​ၵႃႈ​ၼႂ်း​ၼမ်ႉ​ပၢင်ႇ​လၢႆႇ​တီႈ​ဢၼ်​လိုၵ်ႉ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။

ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၸူဝ်ႈ​ပၢၼ်​ ၼူဝ်းဢႃႇ ​ၼၼ်ႉ၊ တၵ်း​ပဵၼ်​ၼႂ်း​ၸူဝ်ႈ​ပၢၼ်​လုၵ်ႈ​ၵူၼ်း​ၼၼ်ႉ​ဢေႃႈ။- ၶဝ်​ၼၼ်ႉ​ၵိၼ်​ယူႇ၊ ၶူပ်း​ယူႇ၊ ဢဝ်​ၽူဝ်​ယူႇ၊ ဢၢပ်ႈ​ပၼ်​ၵၼ်​ယူႇ​တေႃႇ​ထိုင်​ႁွတ်ႈ​ဝၼ်း​ဢၼ်​ ၼူဝ်းဢႃႇ ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​လႄႈ၊ တၢင်း​ဢၼ်​ၼမ်ႉ​ထူမ်ႈ​မိူင်း မႃး​ၽဵဝ်ႈ​ပႅတ်ႈ​ၶဝ်​တင်း​သဵင်ႈ​တင်း​လူင်​ၼၼ်ႉ​ဢေႃႈ။