Àwọn Ẹsẹ Bíbélì Tí Ọ̀pọ̀ Èèyàn Mọ Luka 18

Pín

Kija Yeso a꞉ɓunzo isisinio mɨngana, naɓɔ kʉpanɨa ɓɔ yɨkwanana kʉta Asʉɓɨɨ ati kʉ 'uɓomu chʉkɔmʉ nʉ ndokono.

Ndʉ juji ɔɔ ɓɨɓɨ ngiinanɨ aɓio ʉkyɨeni‑zʉ ɓwanɨ, ajʉ Asʉɓɨɨ ambʉkʉtɨna 'ʉkɔmbɔ wʉ ɓombi ngiɓa ɛyɔ a꞉ɓʉchwa tiga uɗo nadɨndɨ ɓiɛ? Ajʉ a꞊sɨa wati kʉɓaa ʉta ambʉsalɨenikɔmʉ ɓombi ngiɓa ɓaamʉndɨanɨa nuɓutu kʉndʉ nusoti sɨanɨ ɓiɛ? Maninu kʉɓɨa ɓɔ a꞊ɓʉɓɨnyɨa 'ʉkɔmbɔ nguʉndaɓʉ tʉkʉ gagaa. Ɨkyɛmɨngana, ati ngia ɛmɛ Mwana ngia ʉ Mombi ma꞊ka‑ɔɔ, ajʉ ma꞊gbʉka ɓombi ngiɓa ɓanʉ baya ya akʉ ɨtaka kʉ gbʉkanɨ ɓiɛ? »

Kija Yeso a꞉ɓutisio ɓɔ: « Moni ngika ka ɓʉkaɨ akʉ ɓombi, kambʉkɔmʉ ɓʉkaɨ akʉ Asʉɓɨɨ. »

Amati ʉ makwaa maja, juji ngiinanɨ ambikinye kʉnda kʉtɨna 'ʉkɔmbɔ nguʉnanɨ. Ɨkyɛmɨngana, mbise ɔngɔ, ambufaniso kʉyakanaka ɛyɔ kʉ nangana ɓɔ: ‹ Abana ndʉ mambakakumo Asʉɓɨɨ, gʉkʉ mombi kititi. Ndu woko ngia anɛmɛ kundukuniso ɓɔmʉ, ma꞊tɨna ɓʉnɨ‑zʉ 'ʉkɔmbɔ nguangɔ tʉkʉ tɨnaa nayɔ kʉɓɨnyɨa, ambʉ ɔɔɓʉka‑sa ɓata‑zʉ nɛmɛ kundukuniso. › »

Maninu kusigio tʉkʉ kingono ɓɔ, mombi ngia ambʉkʉjananɨa Ɓʉngama ɓʉ Asʉɓɨɨ ngbanga ndʉ mwana ɔɔ ɗɛkɛkɛ, ambʉkʉkwanana kukumunio amati ɔngɔ gʉkʉ ɗɛkɛkɛ. »

Ɨkyɛmɨngana, Yeso a꞉soko ɓana ngiɓʉnanɨ ambusigio ɓakpataka ɓɔ: « Sieni ɓana ɓɔɔ ɗɛ ɗɛ ɗɛ kʉka ya andɛmɛ, nɔɔɓunangyokɔmʉ, jʉ Ɓʉngama ɓʉ Asʉɓɨɨ ɓa aka ekoo ʉ ɓombi ngiɓa ɓa ngbanga ndʉ ɛɓɔ.

Tiga nanɨ, Yeso ambumusigio ɓɔ: « Faniso kʉna kʉtɔ, baya ngiisɔɔ yinahiiso hiisoo. »

Yeso ambumutisio ɓɔ: « Wʉnasoko ɓɔ mombi ɔɔ uɗo jʉtanɨ? Mombi ɔɔ 'uɗo ambʉkɔmʉ gʉkʉ mʉngana, tʉkʉ Asʉɓɨɨ kʉ nangana a 'uɗo.