Àwọn Ẹsẹ Bíbélì Tí Ọ̀pọ̀ Èèyàn Mọ Yohanna 2

Pín

A mihhse a wu'shee dhighin v'ur bii'aapwoo w'u gyet Jesu mwan sh'in. Shin bii'aapwoo mhize ni a Kaana w'u dhighin yill Galili; a kihhsheh bhi le tihh gurum mwopp naah tihghindhess keeniy, bhi zheppkamm khinyi mwopp pihhzeenn nyi.

Jesu lapp nyi le, “Hai n'aah, a mihyeh daam'pee yi kihh orr nyi? Baah pee m'aan khi wull mou.”

Jesu satt mhi shapp soh ni mwopp le, “Wu gam kihn'jii ni mwopp weett kihh a'm.” Bhi mwopp gam kihn'jii nyi mwopp weett bwellekk. Bhi satt mwopp le, “Wu yak pakk dhak wu dum kihh nyi Gu-kihkyeen khi mhi shap soh bhal'dyik ni,” bhi mwopp sh'in kaa satt mwopp seh.

Jesu lapp mwopp satt le, “Wu shirrip LuhNaan mhize bhi a'n p'ee shikhir yakhal kihh nyi dhighin t'eer kunn.”

Bhi tep gw'am sh'i tengg shen mwopp kwett lhipwat kihfur LuhNaan ni; kihhsheh kihh tihm, kihh nihngg ni mwopp weett. Yakhal brep shaghal khi mhi-pringshaghal ni mwopp chiit seh; yak tebul khimwopp kabhan kaah'zoo. Yakhal satt mhi'glong duu'duu ni mwopp le, “Wu chakk mihhse wu pwat kihh nyi! Wu shikhir kihh luh khi Daa dheeh wunn a luhtukk o'h!”