Àwọn Ẹsẹ Bíbélì Tí Ọ̀pọ̀ Èèyàn Mọ Matiw 7

Pín

“Wu kihh dhang, bhi Naan p'ee pihh nyi wunn; wu kihh lyap, bhi Naan p'ee l'e tihh wu kad; wu kihh bwappee, bhi Naan p'ee wangg pwooluh wunn.

P'ee koohweeh w'u kihh dhang, bhi Naan p'ee pihh nyi gwoh ni; koohweeh w'u kihh lyap, bhi Naan p'ee l'e tihh kad diy; yakhal koohweeh w'u kihh bwappee, bhi Naan p'ee wangg pwooluh nyi.

“Pee'mhinyi bhi koohweeh w'u kihh klihng kamm keena mhize, harr kihh kyeer mwopp, bhi nyi a kaa m'ee gwooh sih-soon, w'u dyik luh keeniy a kih laar.

Pee'mhinyi bhi kapp bii w'u wu kihh dh'om tihh mwoohzeh sh'in wunn, bhi wu sh'in a kihhsheh wu'mwopp zag. P'ee a mihhse a shiiy khi kamm w'u dhighin W'aar mhi Musa, kihh r'an khi Mhi-wanggshiiy mwopp weett.

Dhangg fokhol'pang w'u wuh-weell kihh arr w'u wuh-weell a arr seen, dhangg a gurum lee'lee kyekk kih arr mhizeh ni.

“Wu dhel dhighin a phi fokhol'pang w'u wuh-weell. P'ee fokhol'pang w'u kih-kaam kihh arr w'u kihkaam dhen chl'am a arr kyemm, dhangg dw'uu gurum dhess mwopp a dyikihh.

Dheeh kad kan wu'wunn, w'u kooh bhalang phirooh wunn a mwoohbis, wu man pihh zhukhum wu'rett zhepp wuh mwopp, dhangg dheeh diy a Puup wu w'u kih dhengNaan a'ng? Ai nyi p'ee pihh zhukhum wu'rett mwooh mwopp kihh dhang phi nyi.

“Tapp wu kihh bheez menguh mou, tapp'baa Naan bheez wu'wunn zag. P'ee mihh wu kihh bheez mwoohzeh a rih-rangg bhi Naan p'ee bheez wu'wunn a kihhsheh zag. Zhangg'kamm w'u wu kamm dhighin bhi Naan p'ee kamm nyi wu'wunn a dhighin zag.

Dhangg koohweeh w'u klihng kamm keena mhize dhangg kyeer mou, bhi nyi a kaa yo'khor w'u dyik luh keeniy a kih ees.

“A mihyeh l'e bhi ghi kihh naah reb chidyillipp w'u yit em'nangg, dhangg baah wu'gha ghi naah gag gwallang-yokhomm w'u yit mag mou ayeh? Diy sh'in a rangg bhi ghi satt em'nangg ghi le, ‘Yet tihh ih m'ang reb chidyillipp w'u yit gha seh lhi'baa,’ dhangg gag gwallang-yokhomm yit mag ayeh?

“Wu kihh kangg kihh mhi-wanggshiiy mhidwungg mwopp e'h. Mwopp kihh mwaall shut ja kihpee wu diy sh'i shoop mhi tihm, dhangg takhann dhighin bhi mwopp a asmhipangg w'u nyee'gullung. Wunn p'ee man mwopp a sh'i dhakk'shin khimwopp. Gurum mwopp kihh cham yak zhepp'anab tihngg ghir, kooh mwopp yak koon tihng mong'mongg mihngg?

Nyi a kihhsheh zag, kapp tihngsheep wu'rett kihh la a zhepp wu'rett; tihngsheep wu'bis kihh la a zhepp wu'bis.

Tihngsheep wu'rett kihh mak la zhepp wu'bis mou, yakhal tihngsheep wu'bis kihh mak la zhepp wu'rett mou.

Kapp tihngsheep w'u baah la zhepp wu'rett mou, bhi mwopp p'ee gab nyi ming dhighin wus.