Àwọn Ẹsẹ Bíbélì Tí Ọ̀pọ̀ Èèyàn Mọ Jowǎ̤ni̤ 10

Pín

Pwa̤ǎhǔnu a hèma̤pěhî̌tè hî̌numî̌, ma̤pûhǐ a hè ǎhǔhǐnu, a glè hè ma̤sinṳ kò, a hè ma̤pî̌ma̤lṳ̂kè pwǎ kò aya pwǎ. He dě ma̤pûhǐ kò nî̤bǎ ta̤htûpwa̤ htohǒtò̤ ma̤pûhǐ kò ta̤ǒhtûpwa̤ lǒbe lò̤gulò̤wṳ̂ aya nudě he hè pwǎ.

“He mî̌ pwa̤gèǐsophû̌ awǒ tapwa̤. Pwa̤gèǐsophû̌ awǒ tapwa̤nu a ǐlò̤kè ata̤htûpwa̤ ta sophû̌ toǒ aya.

He sophû̌ toǒ numî̌ a gana̤de heyo̤. He sî̌ya asî, dě asî gû hekò.

He ǐ asî yolahtûpwa̤ tûjûpwa̤. A sipe dǐkhò̌꤮ tò̤. Kò hè cǐhǎhtò̌jòpe asî dě he cǔdekû dǐpwǎ̤꤮ tò̤.

He mî̌ takhakû hǒ. Bò kòyò htě a hènṳ tṳtṳ ta he dě a mî̌ takhakû htǒotoǒnu, a nî̤bǎ ta̤ma̤lû̌htò̌ge pě. A hǎhtò̌ hènṳdě a kè̌shǐ a la̤ǎshǎ agûla̤ pě.

“He mî̌ pwa̤gèǐsophû̌ awǒ tapwa̤. He sî̌ya he sophû̌ dě he sophû̌ sî̌ya he.

Hepha htǒonu adû̌khlo ta kò pṳ̂̌꤮ tapwa̤. Sophû̌ htǒotoǒ numî̌ a ǐ he dě kò hè cǐhǎhtò̌jòpe asî dě hepha a cǔdekû dǐpwǎ̤꤮ tò̤. He ta hepha mî̌ tapwǎ̤꤮ pa pwǎ.”

Alò̤ta hǐnuhǒ, hepha sî̌ya he dě he sî̌ya hepha, dě he ǐlò̤kè he sò̌phlǒ ta he sophû̌ toǒ aya.

He dè noma̤si kò ta hena̤ tò̤ hî̌nu, kò ma̤sijò he dǐpwǎ̤꤮ tò̤. He ǐlò̤kè he sò̌phlǒ htǒonumî̌, kò no he dǐpwǎ̤꤮ tò̤, he sò̌phlǒ ta he sò̌phlǒ ǐlò̤ tû̌ pwǎ. He ǒ ta he ta̤po̤ta̤phǎ dě he sò̌yṳ ǐlò̤kè hesò̌ mî̌ a nî̤nî̤, he sò̌yṳ phî̌wǒge yǎ mî̌ a nî̤nî̤ pwǎ. Hepha mǎhènṳ heyo̤ ta he bǎma̤ htǒo,” a hî̌ bǎ asî hǐnu.

Hǐnu akhû̌akhî, Ye̤shǔ hî̌ gesǒ, “He hî̌ mè̤mè̤̌ sî, he mî̌ sophû̌po̤ a takhakû hǒ.

Dè dòkǎǎ sophû̌ ta kò hî̌numî̌, sophû̌ htǒotoǒnu ata mè̤tò̤ akhû̌akhî, bǎ a kè̌shǐ Chyǐmi̤ hè akha, a bè̌kè sophû̌ dě a hǎhtò̌khlè̌kè pwǎ. Dě Chyǐmi̤htǒo hè pṳ̂ǎkè sophû̌ pě, dě a hè ma̤ khlè̌pò̌ khlè̌shîkèbò sophû̌ pě.

Běcǎ Ye̤shǔ hî̌kî̌ya ta̤hî̌bǎ ta, “He hî̌ mè̤mè̤̌ sî, kòyò htě a hènṳto dě sophû̌po̤ a takhakû tò̤ tapwa̤pwa̤, dě a dè hèhtò̌nṳbò̌ ahǔwa̤ tò̤glòglò hî̌numî̌, pwa̤ǎhǔ, pwa̤phî̌sigwi we̤saphǎǎ kò pwǎ.