Àwọn Ẹsẹ Bíbélì Tí Ọ̀pọ̀ Èèyàn Mọ ཡུ་ཧན་ན། 17

Pín

རོག་ཏེ་བ་དེན་པ་གི་ཨ་ཉི་ དམ་པ་ཅོད་ཉི་གནང༌ཤོ། ཉི་ན་ག་གསུང་ཤོ་ དེན་པ་གི༌ལ།

ཚེ་མ་འགྱུར་བརྟན་པ་ག་དེན་ཐ་ཤོ་ དཀོན་མཆོག་ངོ་མ་ ནཱན་ཐུར་ཤ་གི་ཁཱན་ཁེ་པ་ གུམ་ཡེ་ལེ་ཁེ༌ལེ། ཉི་ནཱན་གི་ཀུན་ཏི་ཁཱན་ ཡི་ཤུ་ཁིརིས་བུ་ གུམ་ཡེ་ལེ་ཁེ༌ལེ།

ཇ་ག་སྨོན་ལམ་ཤོ་ རོག་ཏེ་བ་ཀ་དེན་གེ་ཤ་མང་གི་ དག་པ་ཀབ་ཉི་ རོག་ཏེ་བ་ཀ་ཆཱས་ག་ཐུང་ཀེ་ཨ་ཉི་ ཇ་ག་དད་པ་ཨ་ཁཱན་བ་ཀ་ དེན་གེ་བུ་གི༌ལ། ཇང་ན་ག་ནང་ཀ་དང་ ནཱན་ཇ་ག་ནང་ཀ་ བཞུགས་པ་པུརུས་ཀིན་ཨ་ཉི་ རོག་ཏེ་བ་བུ་ ཨ་ཧ་ནང་ཀ་ཆོན་ཆེན་དག་ཉི་ ཇི་གི་སྨོན་ལམ་ཏབ༌ཅ། ཉི་རོག་ཏེ་བ་བུ་ ཨ་ཆིང་ཀབ་ཉི་ཐུར་རིན་ཆེན། ཉི་ཤ་ ཇང་ནཱན་གི་ ཀུན་ཏི་ཝ་ལ་དག་ཉི་ འཛམ་གླིང་གི་ སེ་ལེ་རེ༌བེ།

རོག་ཏེ་བ་ འཛམ་གླིང་གེ་ བསྣམས་ཅོ་དག་ཉི་ ཇི་གི་སྨོན་ལམ་ཏབ་ཅ་མང་གི། དག་པ་ཀབ་ཉི་ ངན་པ་ཆོ་ཁཱན་གེ་ སྐྱབས་ཨ་ཉི་གནང་ཤོ་དག་ཉི་ སྨོན་ལམ་ཏབ༌ཅ།

ཨ་ཆིང་ཐུར་ཆོ་ཝ་པུརུས་ཀིན་ཨ་ཉི་ རོག་ཏེ་བ་བུ་ ཐུར་རིན་ཆེན་དག་པ་གི་ ནཱན་གི་ ཇ་ག་གནང་ཁཱན་ གཟི་བརྗིད་ཁེ་པ་ ཇི་གི་ རོག་ཏེ་བ་ཀ་ བི་ཝ༌ཅ། ཇང་རོག་ཏེ་བ་ཀ་ནང་ཀ་དང་ ནཱན་ཇ་ག་ནང་ཀ་ ཧང་ཡ་དག་ནེ་ལ་ རོག་ཏེ་བ་ ཐམས་ཅན་རང་ ཐུར་རིན་ཆེན། ཉི་ཤ་ ཇང་ཤོ་ ནཱན་གི་ཀུན་ཏི་ཝ༌ལ། ཉི་ནཱན་གི་ ཇང་ཕང་པ་ད་བུ་རང་ རོག་ཏེ་བ་བུ་ཕང་པ་དག་ཉི་ འཛམ་གླིང་གི་སེ་ལེ་རེ༌བེ།