Àwọn Ẹsẹ Bíbélì Tí Ọ̀pọ̀ Èèyàn Mọ ມັດທາຍ 10

Pín

ເຮົາ​ກຳລັງ​ໃຊ້​ພວກເຈົ້າ​ໄປ​ເໝືອນດັ່ງ​ແກະ​ຢູ່​ທ່າມກາງ​ຝູງ​ໝາໄນ. ເຫດສະນັ້ນ ຈົ່ງ​ສະຫລາດ​ເໝືອນ​ງູ ແລະ ອ່ອນສຸພາບ​ເໝືອນ​ນົກເຂົາ.

ຜູ້ໃດ​ກໍ​ຕາມ​ທີ່​ສະແຫວງຫາ​ຊີວິດ​ຂອງ​ຕົນ​ກໍ​ຈະ​ເສຍ​ຊີວິດ ແລະ ຜູ້ໃດ​ທີ່​ຍອມ​ສະຫລະ​ຊີວິດ​ຂອງ​ຕົນ​ເພື່ອ​ເຫັນ​ແກ່​ເຮົາ​ກໍ​ຈະ​ພົບ​ຊີວິດ.

ຢ່າ​ຢ້ານ​ຜູ້​ທີ່​ຂ້າ​ໄດ້​ແຕ່​ຮ່າງກາຍ​ແຕ່​ບໍ່​ສາມາດ​ຂ້າ​ຈິດວິນຍານ​ໄດ້. ແຕ່​ຈົ່ງ​ຢ້ານ​ພຣະອົງ​ຜູ້​ທີ່​ສາມາດ​ທຳລາຍ​ໄດ້​ທັງ​ຈິດວິນຍານ ແລະ ຮ່າງກາຍ​ໃນ​ນະລົກ.

ຜູ້ໃດ​ທີ່​ບໍ່​ຮັບ​ເອົາ​ໄມ້ກາງແຂນ​ຂອງ​ຕົນ ແລະ ຕາມ​ເຮົາ​ມາ ກໍ​ບໍ່​ສົມ​ກັບ​ເຮົາ.

“ຜູ້ໃດ​ກໍ​ຕາມ​ຍອມຮັບ​ເຮົາ​ຕໍ່ໜ້າ​ມະນຸດ, ເຮົາ​ກໍ​ຈະ​ຍອມຮັບ​ຜູ້​ນັ້ນ​ຕໍ່ໜ້າ​ພຣະບິດາເຈົ້າ​ຂອງ​ເຮົາ​ໃນ​ສະຫວັນ​ເໝືອນກັນ. ແຕ່​ຜູ້ໃດ​ທີ່​ປະຕິເສດ​ເຮົາ​ຕໍ່ໜ້າ​ມະນຸດ, ເຮົາ​ກໍ​ຈະ​ປະຕິເສດ​ຜູ້​ນັ້ນ​ຕໍ່ໜ້າ​ພຣະບິດາເຈົ້າ​ຂອງ​ເຮົາ​ໃນ​ສະຫວັນ.

ຈົ່ງ​ຮັກສາ​ຄົນ​ເຈັບໄຂ້​ໃຫ້​ຫາຍດີ, ຈົ່ງ​ເຮັດ​ໃຫ້​ຄົນຕາຍ​ຟື້ນຄືນ​ມາ, ຈົ່ງ​ເຮັດ​ໃຫ້​ຄົນ​ທີ່​ເປັນ​ພະຍາດຂີ້ທູດ​ຫາຍດີ ແລະ ຂັບໄລ່​ຜີມານຮ້າຍ​ອອກ. ພວກເຈົ້າ​ທັງຫລາຍ​ໄດ້​ຮັບ​ລ້າໆ​ກໍ​ຈົ່ງ​ໃຫ້​ລ້າໆ.

ດັ່ງນັ້ນ ຢ່າ​ຢ້ານ​ເລີຍ; ພວກເຈົ້າ​ກໍ​ມີ​ຄ່າ​ຫລາຍ​ກວ່າ​ນົກຈອກ​ຫລາຍ​ໂຕ.

“ຢ່າ​ຄິດ​ວ່າ​ເຮົາ​ມາ​ເພື່ອ​ນຳ​ສັນຕິສຸກ​ມາ​ສູ່​ໂລກ, ເຮົາ​ບໍ່​ໄດ້​ນຳ​ສັນຕິສຸກ​ມາ, ແຕ່​ນຳ​ດາບ​ມາ.