Àwọn Ẹsẹ Bíbélì Tí Ọ̀pọ̀ Èèyàn Mọ Lok 6

Pín

Mobɛ oha bângɛ, yolo bɛnywɛ lwɛnyu Abɛcha kom'hɛ. Na biya byamwehɛwa byeba byelɔngiwɛ bisɔka, byabihielelwɛ, byekilola bɛ́ na otola omwakea. Byamwebabɛnja oha bângɛ, Abɛcha lwakɛ kwem'ha byɔka bîya.»

Nǎ biya, n'to m'bɛnju kwebatɔkɔma binywa bibɛnju bye ohuma o n'tema kwakɛ. Ela n'to m'be, bibé byekebatɔkɔma byebahuma m'bibé byɛnɛ byebikilolɛ n'ta n'tema kwakɛ. Yolo anywa a n'to ebatɔkɔma ka binywa byɛnɛ byebikilolɛ n'ta n'tema kwakɛ.»

«Ela bɛnywɛ, mobɛ ǒnda tomango twɛnyu. Na mobɛ otoetela bisɔka. Eyǎka mobɛ osɔmbɔlɔcha, mushilǎngɛ osuechechiwa. Mwahoeta bîya, mwehɛwa matabishi maolo, eyǎka mwêba chikelwɛ bǎna ba Abɛcha kwe hakolo ha byɔsɛ, yolo kɛnyikɛ kwebaeta bisɔka o baya bashi na boswachi na o bawa bobé.

Mobɛ omɔnɛnana kɛnɛ nɛhɛ Sɛnyu.»

Yɛso kwetokɔmɛ́ eyaka kɛte: «Mushibɛ́ omɔna ka bibé bya bângɛ, yolo Abɛcha kushimɔnɛ byɛnyu. Mushibɛ okɔnamina bângɛ, yolo Abɛcha kushin'kɔnaminɛ lwɛnyu. Ela bɛnywɛ mobɛ olɛ̌lɛla bângɛ, yolo Abɛcha kon'lɛ̌lɛlɛ lwɛnyu.

Yɛso kwekelelɛ otɔkɛma eyaka. Ela bɛnywɛ bɛnɛ mohopolecha nehobɛnja on'kanina bînɔ: «Tomango twɛnyu mobɛ otoonda, na baya bɛnɛ bebam'mɔnywa, mɔbɛ́ obaetela bisɔka. Baya bɛnɛ beban'kɔnamina mobɛ obasabela Abɛcha yolo kobahalelɛ. Na baya bɛnɛ bebán'sobya mobɛ obasabela wa Abɛcha.

Biya byamwebabɛnja bato bam'etelɛ, moetelɛ bǎngɛ.

Nǎmbɔ n'to kwaohola o lemwɛ tama, on'kalochechɛ lêngɛ. Nǎmbɔ n'to kwahosapa echibabɔ yɔbɛ, on'shikilɛ na shimishi. N'to kwahosaba eto yɔyɔsɛ ushin'kimɛ, aɔ kwahosapa eto yɔbɛ, ushibɛnjɛ kôsuechechɛ.

Yɛso kwekaninɛ eyǎka kɛte: «N'te kobɛnju kushibaha bikuma bibe, na n'te kobe kushibaha bikuma bibɛnju.

Bato bebamana n'te ohetela bikuma byakɛ. Bato bashibahɔmba bǔngɔ o n'te kwa asɛmɛkɛ, na bashibahɔmba bumú o n'te kwa esongwa.