Àwọn Ẹsẹ Bíbélì Tí Ọ̀pọ̀ Èèyàn Mọ Gén 3

Pín

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

Y chikikojol k'a ri chikopi' ri e richin pa k'echelaj ri xeruben ri Dios, k'o k'a jun kumetz ri más nowineq y kan man jun chik k'a ri achi'el rija'. Y rija' xubij chire ri ixoq: ¿Kan qitzij chi ri Dios xubij chiwe chi man titej kiwech re che' re ek'o wawe' pa qejoj?, xcha'.

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Y ri Dios xubij chuqa' chire ri Adán: Roma kan xanimaj rutzij ri awixjayil y xatej ruwech ri che' ri xinbij chawe chi man tatej; awoma k'a rat xtiqaqa k'a itzel pa ruwi' re ruwach'ulew richin jantape'; y rik'in janila ruk'ayewal xtasamajij ri ulew richin xkawa' chijun ri ak'aslen.

Y ri Dios xubij chire: ¿Achike xbin chawe chi at ch'anel? ¡Xa xatej ruwech ri che' ri xinbij chawe chi man tatej!, xcha'.

Y toq xerelesaj-pe chupan ri qejoj ri', ri pa relebel-q'ij chire ri qejoj xeruya' querubín*f4* y jun espada rik'in q'aq' nisutin chuchi' ri qejoj, richin nuchajij ri bey, akuchi k'o-wi ri che' ri nuya' k'aslen.

Y ri Adán, Eva*f3* k'a xubij chire ri rixjayil, roma ja rija' ri nabey te'ej ri xya'on k'aslen chiqe qonojel winaqi'.