Àwọn Ẹsẹ Bíbélì Tí Ọ̀pọ̀ Èèyàn Mọ Hechos 5

Pín

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.

Nache 'enauaque naua na'axa'te da soomaye queto'oto da dapaxaguenataxaata'ape qataq ỹa'axattrac da So Jesús Lca'aguishec Ñim Lo'onatac 'Enauacna, huaña aso no'onaxanaxaqui late'erai, qataq naua nma'ate.

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta. ¿Saisheto' peta'a da 'aralamaxat som 'alhua? Cha'aye co'ollaq 'aumen somaye, qaq ¿saisheto' peta'a da maiche 'aralamaqte aso lasheue? ¿Ta'ainco' ye tachiguio' ye 'arhuel da 'auo'ot de'era? 'Am 'auatenachet Ñim Lo'onatac 'Enauacna, saishet da nacheqomi'. Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

Qaq ỹoqo'oye qami' no'on da qauaqaita'alo qome de'eraua ỹale't, saishet da sa qaualemaxache'. Cha'aye de'era ỹo'ottrac, qom maiche lalamaxa't, nache damaye qome saishet da qaỹa'ague. Qalaxaye damaye da huo'otaq nacheñi Ñim Lo'onatac 'Enauacna da chegoqo'ot, nache qami' saishet da qauañoxoche da qanlaxachiiñi. Ỹoqo'oye qarvichiỹalec de'era. Cha'aye da nache qoñiitec de'era, nache qami' qanpa'aguiñiitague' Ñim Lo'onatac 'Enauacna.