Àwọn Ẹsẹ Bíbélì Tí Ọ̀pọ̀ Èèyàn Mọ Juan 13

Pín

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa. Qaq ñi 'oonolec da qoñiita ỹataqta ỹauotec ca lỹa, nache 'enauac na huetalec ana 'alhua ỹaỹaten da ỹataqta 'eesa da qami' ỹapaxaguenataqa.

Qaq Aỹem, maye Aỹem Qarataxala'ai qataq Aỹem Qanapaxaguenaxala'ai seỹota'ape naua qarapia'achilli', qaq nagui no'on da ñi 'oonolec da qoñiita nataqa'en iỹoi' naua lapia'ate ca lỹa. Aỹem qami' sachaxanalo de'era, da yaqto' nataqa'en qami' qauo'oche.

Nache So Jesús 'enapeco': –Nagui 'am saishet da 'auaỹaten da so'ottac, qalaxaye qom qaỹata'ague, nache ishet da 'auaỹaten.

Qaq ỹataqta 'eesa de'era qami' sa'axatema, da qaica ca nlatac da napacalec da la'amaqchec ca na'aco', qataq qaica ca namaxashec da ishet da napacalec cam ỹamaqtac camaye.

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe. Nache icoyingui so 'etaxat so pilotaxaqui, nache iỹoi' naua lapia'ate soua lapaxaguenataqa qataq ỹaqaxaỹaxa't, huota'a naqa'en so pilotaxat hualoq laỹe.