Àwọn Ẹsẹ Bíbélì Tí Ọ̀pọ̀ Èèyàn Mọ Juan 6

Pín

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Nache So Jesús 'enapeco': –'Oonolec da 'eetapeguec Ñim Lo'onatac 'Enauacna, nshetaique da qami' qaua'amaqchiñi nam namaq Ñimaye.

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Qalaxaye so Simón Pedro 'enapeco': –¿Negue'tom ca lỹa seca'ataxague, 'am Qarataxala'? Ye nache'amta maye naua 'ara'aqtaqa naamaye ỹa'n da achaalataxac maye chochaq tatec.

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Aỹem, Nachaỹem nauole maye san da nca'alaxa.

Nache So Jesús ỹaconalo soua nauolel, ime, nache ỹanot da na'achecỹaxac Ñim Lo'onatac 'Enauacna. Qaq co'ollaq imat da ỹanot da na'achecỹaxac Ñimaye, nache ỹanoiguilo soua lapaxaguenataqa. Qaq soomaye, nache ỹanoiguilo 'enauac som nso'ootañipi. Nataqa'en ỹe'enaxatchigui naqa'en soua nỹaxaye da ỹanoigui 'enauac somayepi, choche ivitta'a da comaraxaicpi. Qaq co'ollaq mashe comaraxaicpi somayepi, nache So Jesús 'enapegalo soua lapaxaguenataqa, 'eeta': –Qalapoñiỹa't 'enauac na ñi'iỹoxotpi, yaqto' saishet da huo'o ca ne'en.

Qaq co'ollaq mashe qaỹoqteueeguelo soomaye, nache ỹauaategueta So Jesús da naỹa'a aso nllocta petalec na 'etaxat, nache soomaye ỹataqta huo'o da lcolanaqa'. Qalaxaye So Jesús 'enapegalo soomaye, 'eeta': –¡Nachaỹem, saishet da qayi'i!