Àwọn Ẹsẹ Bíbélì Tí Ọ̀pọ̀ Èèyàn Mọ Zuwã 20

Pín

Tawamhã Zezusi te duré tãma nharĩ za'ra: — Rowẽ na 're aihâimana za'ra wa'aba mono. Ĩmama we te te datẽme ĩzatõrĩ ne, wa za duré datẽme asatõrĩ za'ra wa'wa isine. Tawamhã tizadawa wa'u'u na ma tô sa'uri za'ra. Ãne te tawamhã tãma nharĩ za'ra: — Wa za oto Ĩpẽ'ẽzani hã aima sõmri za'ra wa'wa. Wẽ uptabi di, ta hã.

Tawamhã Zezusi te asa duré tãma tinha, ãne: — Ĩ'madâ'â wapsi, ma tô oto ĩzaze, ĩhâiwa'utuzém na. Ni'wam norĩ hã te te 're ĩ'madâ'â za'ra mono õ nherẽ, te te 're ĩzaze za'ra mono wamhã, tãma 're rowẽ za'ra mono di za.

Tawamhã Zezusi te Tomehẽ ma tinha, ãne: — We ĩtẽme aimorĩ, ĩnhib'rada 'madâ'â da. Ĩnhib'rata zapu'uzéb 're, asipto hã sẽrẽ. Duré ĩ'a're wi ĩwa'rézéb 're, asib'rada hã sẽrẽ. Ĩhâiwa'utuzém na ĩwasu'u na, ĩwawã tõ. Te za oto ĩzaze, ĩhâiwa'utuzém na hã. Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.