Àwọn Ẹsẹ Bíbélì Tí Ọ̀pọ̀ Èèyàn Mọ Ripimae Agaa 17

Pín

Abram-na mali 99 patinaloa, Adaa Aa nipu piri ipua lalo: Ni Gote purina-re yapulu oroyalo nina rolo-para pirape. Goa pua epeanu pape.

Nere abiare Abram pida wala nateme, nena biri abiare Abraham teme, akoloya nere abia onaa adapuna aara maapiralua.

Go rogatepa agaare oroyalo salia. Goa pua ne sana rikirana page, gome madu saliade nogo nakinuna rikirana page, nimina Gote pitua.

Go rogatepa agaana papeare go lapatoda nere ruru adapuna aara pirali.

Go rabu Gote-me lalo: E, yapare, nena ore Sarah-me nena naki mada madialia, goa paliaga, nipuna biri Aisak lape. Nina rogae agare nipurapu palua, go rogalipade aagare orope maralaliade ruru rapu page pa sama lama palia.

Go Kenan onaana su ne abia go kimisu ipua epaa ayere, neme nepara nena orope madusalide nogo naki walo diayawa, niri nimina Gote pitua.

Go rabu Abram-me kubuniawa, Gote adaa bi kasa, nipume giri-loa kone gupa isa. Gorupa mali 100 pope yomagae-na naki madiata pae? Sarah page mali 90 yadega naki mada madialia pae?

Gote-me Abram para wala lalo: Nena ore Saraina, bi rado ma-ato, abiare nipuna biri Sarah lape.

Ora rayona yogane puduri rugutapape. Go robore sana roga i-agaana robo.

Go yapare nina rogae aagare Aisak rapu rogalua, mo mali medana Saraha-me madialiade naki rapu.

Naki rayore yapi 8 popenaloare, yogane puduri rugulatepape, orope maralalimide rayona page komea goa pipape. Pa ruru para kaboria epe onaana sinuna page kogono aanuna sinu page. Nena adare-para madininu page kaboria epenuna page go rayona yogane puduri ora rugulatepape. Go robomere nina, nimi rapu rogae agaare (pa sama lama palia).