Chivkeeb Lug Tawqha
Lug Tawqha
Lub npe Chivkeeb nuav txhais has tas “txawmkeeb.” Phoo ntawv nuav yog qha txug kev tsim lub ntuj hab lub nplajteb, kev txawmkeeb ntawm tuabneeg, kev txhum hab kev txomnyem pib muaj lug rua huv lub nplajteb, hab has txug Vaajtswv kev ua dlejnum nrug rua tuabneeg. Phoo Chivkeeb nuav muab faib ua ob ntus luj le nuav:
(1) Tshooj 1-11 yog has txug kev tsim muaj lub nplajteb hab keebkwm thaus u kws chiv muaj tuabneeg lug. Ntu nuav yog has txug tej tam tuabneeg, xwsle, Adaas hab Evas, Ka-ees hab Anpees, Nau-as hab dlej nyaab nplajteb, hab tug Pemthuam huv tebchaws Npanpiloos.
(2) Tshooj 12-50 yog has txug cov Yixalayees cov yawmkoob thaus u lub neej. Thawjtug yog Anplahaas, kws suavdlawg paub txug nwg txuj kev ntseeg hab kev noog Vaajtswv lug. Dlhau ntawd yog has txug nwg tug tub Ixaj hab nwg tug xeebntxwv Yakhauj (kws muaj dlua ib lub npe hu ua Yixalayees), hab Yakhauj kaum-ob tug tub kws chiv muaj kaum-ob xeem rua huv tsaav tuabneeg Yixalayees. Ib qho tshwjxeeb yog has txug Yauxej kws yog Yakhauj ib tug tub, hab tej xwmtxheej kws tshwm muaj es ua rua Yakhauj txhaj coj nwg cov tub tsiv moog nyob rua tebchaws Iziv.
Uantej phoo ntawv nuav has txug tuabneeg, mas tub xub has txug tej kws Vaajtswv tau ua taag lug lawm. Nwg pib ntawm qhov kev qha kws muaj tseeb has tas Vaajtswv tsim lub nplajteb lub ntuj, hab moog xaus rua ntawm Vaajtswv cov lug cogtseg has tas Nwg yuav hlub hab taabncuab Nwg tsaav tuabneeg moog le. Thoobplawg phoo ntawv nuav, Vaajtswv yog tug tseemceeb tshaaj; Nwg yog tug kws rautxim hab txavtxim rua cov tuabneeg kws ua txhum, yog tug coj hab paab Nwg tsaav tuabneeg, hab yog tug kws teeb puab le keebkwm. Phoo chivkeeb nuav yog sau txug ib tsaav tuabneeg txuj kev ntseeg hab paab kuas txuj kev ntseeg ntawd cajsa.
Txheejtxheem
Tsim nplajteb hab tuabneeg (1:1—2:25)
Chiv muaj kev txhum hab kev txomnyem (3:1-24)
Txij Adaas moog txug rua Nau-as (4:1—5:32)
Nau-as hab dlej nyaab nplajteb (6:1—10:32)
Tug pemthuam huv Npanpiloos (11:1-9)
Txij Semas moog txug rua Anplaas (11:10-32)
Cov yawmkoob: Anplahaas, Ixaj, Yakhauj (12:1—35:29)
Exaus cov xeebntxwv (36:1-43)
Yauxej hab nwg cov tijlaug (37:1—45:28)
Cov Yixalayees nyob huv tebchaws Iziv (46:1—50:26)
Àwon tá yàn lọ́wọ́lọ́wọ́ báyìí:
Chivkeeb Lug Tawqha: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Chivkeeb Lug Tawqha
Lug Tawqha
Lub npe Chivkeeb nuav txhais has tas “txawmkeeb.” Phoo ntawv nuav yog qha txug kev tsim lub ntuj hab lub nplajteb, kev txawmkeeb ntawm tuabneeg, kev txhum hab kev txomnyem pib muaj lug rua huv lub nplajteb, hab has txug Vaajtswv kev ua dlejnum nrug rua tuabneeg. Phoo Chivkeeb nuav muab faib ua ob ntus luj le nuav:
(1) Tshooj 1-11 yog has txug kev tsim muaj lub nplajteb hab keebkwm thaus u kws chiv muaj tuabneeg lug. Ntu nuav yog has txug tej tam tuabneeg, xwsle, Adaas hab Evas, Ka-ees hab Anpees, Nau-as hab dlej nyaab nplajteb, hab tug Pemthuam huv tebchaws Npanpiloos.
(2) Tshooj 12-50 yog has txug cov Yixalayees cov yawmkoob thaus u lub neej. Thawjtug yog Anplahaas, kws suavdlawg paub txug nwg txuj kev ntseeg hab kev noog Vaajtswv lug. Dlhau ntawd yog has txug nwg tug tub Ixaj hab nwg tug xeebntxwv Yakhauj (kws muaj dlua ib lub npe hu ua Yixalayees), hab Yakhauj kaum-ob tug tub kws chiv muaj kaum-ob xeem rua huv tsaav tuabneeg Yixalayees. Ib qho tshwjxeeb yog has txug Yauxej kws yog Yakhauj ib tug tub, hab tej xwmtxheej kws tshwm muaj es ua rua Yakhauj txhaj coj nwg cov tub tsiv moog nyob rua tebchaws Iziv.
Uantej phoo ntawv nuav has txug tuabneeg, mas tub xub has txug tej kws Vaajtswv tau ua taag lug lawm. Nwg pib ntawm qhov kev qha kws muaj tseeb has tas Vaajtswv tsim lub nplajteb lub ntuj, hab moog xaus rua ntawm Vaajtswv cov lug cogtseg has tas Nwg yuav hlub hab taabncuab Nwg tsaav tuabneeg moog le. Thoobplawg phoo ntawv nuav, Vaajtswv yog tug tseemceeb tshaaj; Nwg yog tug kws rautxim hab txavtxim rua cov tuabneeg kws ua txhum, yog tug coj hab paab Nwg tsaav tuabneeg, hab yog tug kws teeb puab le keebkwm. Phoo chivkeeb nuav yog sau txug ib tsaav tuabneeg txuj kev ntseeg hab paab kuas txuj kev ntseeg ntawd cajsa.
Txheejtxheem
Tsim nplajteb hab tuabneeg (1:1—2:25)
Chiv muaj kev txhum hab kev txomnyem (3:1-24)
Txij Adaas moog txug rua Nau-as (4:1—5:32)
Nau-as hab dlej nyaab nplajteb (6:1—10:32)
Tug pemthuam huv Npanpiloos (11:1-9)
Txij Semas moog txug rua Anplaas (11:10-32)
Cov yawmkoob: Anplahaas, Ixaj, Yakhauj (12:1—35:29)
Exaus cov xeebntxwv (36:1-43)
Yauxej hab nwg cov tijlaug (37:1—45:28)
Cov Yixalayees nyob huv tebchaws Iziv (46:1—50:26)
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.