Génesis 4
4
Caín ets Abel
1Yë ye'etyëjk ojts mëët nyäpyuwa'akëty ja tyo'oxytyëjk Eva ets ojts ja tyo'oxytyëjk wyi'imy u'unk mëët. Jëtu'un tyajmëxu'unk'ajty tu'uk ja y'u'unk mëti'ipë xyëëwmooyën Caín. Ets y'ënäny: Tiosës tu'uk yë u'unk maay të xymyo'oy ye'etyëjkpë. 2Ënät ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.
3Nyäjxy jëtu'un ja xëëw jëmëjt, ënät yë Caín ojts tëkok yë Tios tukninëjkxy yë aaytyëëm ujtstëëm ets yë'ë tukwintsë'ëkëja'any. 4Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën, 5e yë Caín jyä'ä ka'ap ojts oy t'ijxë, ënät yë Caín yajxon jyoot'anpëjky ets tyajma'taay ja wyiin jyëjp. 6Ënät yë Wintsën y'ënäny: ¿Wi'ix ko mjoot'anpëky? ¿Wi'ix ko mwiin mjëjp xyajtëkajtsta'ay? 7Kooxyëp jeexyë xy'ëktuny mëti'ipë oyën, jotkujk jeexyë m'ijxë'ëky mkoowë'ëky. E ka'ap jëtu'un xytyuny, paaty yë nëë poky ëwxijtp tyim'ity ets mmëmëta'aka'anyë. E ko mijts xytyuk'a'ixëty, mijts yë nëë poky m'ëk mëmëtaknëp.
8Ënät yë Caín twooy yë y'uty Abel tu'kxëëw tu'kjëmëjt jëtijtpë jam kamjotm, ko ënäty jëtu'un nimäjtsk jam yajpaatë kamjotm. Ënät yë Caín ojts yë y'uty tnipëtë'ëky ets tyaj'o'ky. 9Ënät yë Wintsën tyajtëëy ja Caín ets t'ënëmaay:
¿Maa ja m'uty Abel?
Tää ja Caín y'ëtsooy.
Ka'apës nijawë, wi'ixës koos xyajtëy. ¿Tii ëjts nkëwent'ajtyp yë n'utyë?
10Jëtu'un yë Wintsën y'ënëmaayë:
¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty. 11Paaty tyam poky mwë'ëmëty ets ëxkexy ma ja it naaxwiinyëtën, ma ja m'uty ja nye'pny të xytyääm të xyjyä'tsën, mëti'ipë të xyaj'ookyën. 12Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.
13Ënät yë Caín t'ëtsooy yë Tios:
Ëjts ka'apës nmëmëta'akëty jëtu'unpë ëyo'on jotmay mëjpë tsaatsypë. 14Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.
15Tä ja Wintsën y'ëtsoowë:
Pën myaj'o'këp, wëxtujk'ok nëjkx tkumëtoy.
Ënät yë Tios tpëjktäky tu'uk yë ijxpäjtën ma Cainkën, oy pën muum pyaatëtëty yi'iyë y'ixtëp ja ijxpäjtën ets ka'ap pën yaj'ookëtëty. 16Ënät yë Caín ojts jam tsyo'onë ma ënäty mëët ja Tios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.
Yë Caín yë y'u'unk y'ok
17Ënät yë Caín ojts mëët yë tyo'oxytyëjk nyäpyuwa'akëty ets ojts yë tyo'oxytyëjk wyi'imy u'unk mëët. Ko tyajmëxu'unk'ajty, jä'ä ojts txëëwmo'oy Henoc. Ok ojts yë Caín tu'uk yë kajpn tyaj'ixtä'äky mëti'ipë xyëëwmooyën Henoc, jëtu'un ijxtëm ja y'u'unk txëëwatyën. 18Henoc yë'ë y'u'unk'ajt yë Irad, Irad yë'ë y'u'unk'ajt Mehujael, Mehujael yë'ë y'u'unk'ajt Metusael, Metusael yë'ë y'u'unk'ajt Lámec. 19Yë Lámec mäjtsk ojts yë tyo'oxytyëjk tmëëtsëënë. Tu'uk jä'ä xyëëwajtyp Ada, e ja mëmäjtskpë jä'ä xyëëwajtyp Silá. 20Ada ojts tyajmëxu'unk'aty tu'uk yë y'u'unk myääy, mëti'ipë tyukxëëwajtën Jabal. Yë'ë jëtu'un yë Jabal yë y'u'unk y'ëna'k mëti'ipë ijty tyuktsëna'ayëtëpën yë wit tëjk, jä'ä ko yë'ë ënäty tyuunk'ajtëp jëyujk këwent'ajtk tsajpkaa këwent'ajtk. 21Yë Jabal tam ënäty tu'uk yë y'äjty jä'ä xyëëwajtyp Jubal. Yë Jubal yë y'u'unk y'ëna'k koowtëp ets xuxtëp ijty. Tam mëti'ipë tyukoopyën yë arpë ets mëti'ipë tyukxuxypyën yë tsajpkäpnyxyuxn. 22Silá ojts näjyëtu'un yë y'u'unk myääy tyajmëxu'unk'aty mëti'ipë xyëëwajtën Tubal-caín. Yë Tubal-caín yë'ë ënäty tyuunk'ajtyp tsuxkpujxn oytyuunk ets juunpujxn oytyuunk. Yaj'o'oyëp winë aakmëët yë pujxn. Tam ijty tu'uk yë y'uty, näjyëtu'un to'oxytyëjkpë, jä'ä xyëëwajtyp Naamá.
23Tu'kxëëw tu'kjëmëjt Lámec t'ënëmaay nimäjtsk ja tyo'oxytyëjk Ada ets Silá:
Mëtowtë yajxon mëti'ipë yam ntuk'ëwaanëjantëpën:
tëëjës yë ja'ay tu'uk nyaj'ooky mëti'ipës xyajtsëtyujtpën.
Tu'uk yë yä'äy ëna'k mëti'ipës ënäty xytsyi'kp xykyojxpën.
24Pën yajnitsiptuun wëxtujk'ok yë Caín ets ja myëtsip y'o'ktë.
Ëjts jä'äs nëjkx nyajnitsiptuny tëkë'px majkmokx mäjtsk ok
etsës ja nmëtsip näjyëtu'un y'ookëty.
Ja mëtëkëëkpë y'u'unkëty yë Adán ets Eva
25Ënät jatëkok ja Adán tpuwa'äkëy ja tyo'oxytyëjk ets ja tyo'oxytyëjk tyajmëxu'unk'ajty tu'uk ja y'u'unk myääy, mëti'ipë xyëëwajtën Set. Ets y'ënäny: Tiosës të xymyo'oy wiinkpë u'unk maay. Yë'ë kyutëkats yë Abel mëti'ipë Caín yaj'o'kën.
26Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Tios.
Àwon tá yàn lọ́wọ́lọ́wọ́ báyìí:
Génesis 4: QUETZMIXE
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblia en Mixe de Quetzaltepec, Oaxaca, México © Sociedad Bíblica de México, A.C., 2013. Active Translation in Process
Génesis 4
4
Caín ets Abel
1Yë ye'etyëjk ojts mëët nyäpyuwa'akëty ja tyo'oxytyëjk Eva ets ojts ja tyo'oxytyëjk wyi'imy u'unk mëët. Jëtu'un tyajmëxu'unk'ajty tu'uk ja y'u'unk mëti'ipë xyëëwmooyën Caín. Ets y'ënäny: Tiosës tu'uk yë u'unk maay të xymyo'oy ye'etyëjkpë. 2Ënät ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.
3Nyäjxy jëtu'un ja xëëw jëmëjt, ënät yë Caín ojts tëkok yë Tios tukninëjkxy yë aaytyëëm ujtstëëm ets yë'ë tukwintsë'ëkëja'any. 4Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën, 5e yë Caín jyä'ä ka'ap ojts oy t'ijxë, ënät yë Caín yajxon jyoot'anpëjky ets tyajma'taay ja wyiin jyëjp. 6Ënät yë Wintsën y'ënäny: ¿Wi'ix ko mjoot'anpëky? ¿Wi'ix ko mwiin mjëjp xyajtëkajtsta'ay? 7Kooxyëp jeexyë xy'ëktuny mëti'ipë oyën, jotkujk jeexyë m'ijxë'ëky mkoowë'ëky. E ka'ap jëtu'un xytyuny, paaty yë nëë poky ëwxijtp tyim'ity ets mmëmëta'aka'anyë. E ko mijts xytyuk'a'ixëty, mijts yë nëë poky m'ëk mëmëtaknëp.
8Ënät yë Caín twooy yë y'uty Abel tu'kxëëw tu'kjëmëjt jëtijtpë jam kamjotm, ko ënäty jëtu'un nimäjtsk jam yajpaatë kamjotm. Ënät yë Caín ojts yë y'uty tnipëtë'ëky ets tyaj'o'ky. 9Ënät yë Wintsën tyajtëëy ja Caín ets t'ënëmaay:
¿Maa ja m'uty Abel?
Tää ja Caín y'ëtsooy.
Ka'apës nijawë, wi'ixës koos xyajtëy. ¿Tii ëjts nkëwent'ajtyp yë n'utyë?
10Jëtu'un yë Wintsën y'ënëmaayë:
¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty. 11Paaty tyam poky mwë'ëmëty ets ëxkexy ma ja it naaxwiinyëtën, ma ja m'uty ja nye'pny të xytyääm të xyjyä'tsën, mëti'ipë të xyaj'ookyën. 12Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.
13Ënät yë Caín t'ëtsooy yë Tios:
Ëjts ka'apës nmëmëta'akëty jëtu'unpë ëyo'on jotmay mëjpë tsaatsypë. 14Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.
15Tä ja Wintsën y'ëtsoowë:
Pën myaj'o'këp, wëxtujk'ok nëjkx tkumëtoy.
Ënät yë Tios tpëjktäky tu'uk yë ijxpäjtën ma Cainkën, oy pën muum pyaatëtëty yi'iyë y'ixtëp ja ijxpäjtën ets ka'ap pën yaj'ookëtëty. 16Ënät yë Caín ojts jam tsyo'onë ma ënäty mëët ja Tios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.
Yë Caín yë y'u'unk y'ok
17Ënät yë Caín ojts mëët yë tyo'oxytyëjk nyäpyuwa'akëty ets ojts yë tyo'oxytyëjk wyi'imy u'unk mëët. Ko tyajmëxu'unk'ajty, jä'ä ojts txëëwmo'oy Henoc. Ok ojts yë Caín tu'uk yë kajpn tyaj'ixtä'äky mëti'ipë xyëëwmooyën Henoc, jëtu'un ijxtëm ja y'u'unk txëëwatyën. 18Henoc yë'ë y'u'unk'ajt yë Irad, Irad yë'ë y'u'unk'ajt Mehujael, Mehujael yë'ë y'u'unk'ajt Metusael, Metusael yë'ë y'u'unk'ajt Lámec. 19Yë Lámec mäjtsk ojts yë tyo'oxytyëjk tmëëtsëënë. Tu'uk jä'ä xyëëwajtyp Ada, e ja mëmäjtskpë jä'ä xyëëwajtyp Silá. 20Ada ojts tyajmëxu'unk'aty tu'uk yë y'u'unk myääy, mëti'ipë tyukxëëwajtën Jabal. Yë'ë jëtu'un yë Jabal yë y'u'unk y'ëna'k mëti'ipë ijty tyuktsëna'ayëtëpën yë wit tëjk, jä'ä ko yë'ë ënäty tyuunk'ajtëp jëyujk këwent'ajtk tsajpkaa këwent'ajtk. 21Yë Jabal tam ënäty tu'uk yë y'äjty jä'ä xyëëwajtyp Jubal. Yë Jubal yë y'u'unk y'ëna'k koowtëp ets xuxtëp ijty. Tam mëti'ipë tyukoopyën yë arpë ets mëti'ipë tyukxuxypyën yë tsajpkäpnyxyuxn. 22Silá ojts näjyëtu'un yë y'u'unk myääy tyajmëxu'unk'aty mëti'ipë xyëëwajtën Tubal-caín. Yë Tubal-caín yë'ë ënäty tyuunk'ajtyp tsuxkpujxn oytyuunk ets juunpujxn oytyuunk. Yaj'o'oyëp winë aakmëët yë pujxn. Tam ijty tu'uk yë y'uty, näjyëtu'un to'oxytyëjkpë, jä'ä xyëëwajtyp Naamá.
23Tu'kxëëw tu'kjëmëjt Lámec t'ënëmaay nimäjtsk ja tyo'oxytyëjk Ada ets Silá:
Mëtowtë yajxon mëti'ipë yam ntuk'ëwaanëjantëpën:
tëëjës yë ja'ay tu'uk nyaj'ooky mëti'ipës xyajtsëtyujtpën.
Tu'uk yë yä'äy ëna'k mëti'ipës ënäty xytsyi'kp xykyojxpën.
24Pën yajnitsiptuun wëxtujk'ok yë Caín ets ja myëtsip y'o'ktë.
Ëjts jä'äs nëjkx nyajnitsiptuny tëkë'px majkmokx mäjtsk ok
etsës ja nmëtsip näjyëtu'un y'ookëty.
Ja mëtëkëëkpë y'u'unkëty yë Adán ets Eva
25Ënät jatëkok ja Adán tpuwa'äkëy ja tyo'oxytyëjk ets ja tyo'oxytyëjk tyajmëxu'unk'ajty tu'uk ja y'u'unk myääy, mëti'ipë xyëëwajtën Set. Ets y'ënäny: Tiosës të xymyo'oy wiinkpë u'unk maay. Yë'ë kyutëkats yë Abel mëti'ipë Caín yaj'o'kën.
26Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Tios.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblia en Mixe de Quetzaltepec, Oaxaca, México © Sociedad Bíblica de México, A.C., 2013. Active Translation in Process