Ala Kalɔ Buse 23
23
Sara Úkpi Na Báva-nwu
1Sara úlie ngba na ɔ́ƒɔ akwa eti anyɔ ku aavlanyɔ-maatɛ. 2Na úkpi na Kiriat-Arba, ɔni lɛnɔ basɔ baalɔ Hebron, na Kanaan kalɔ lɛlɔ. Mmɔ na Abraham útéwulo-nwu.
3Ɔmmɔ kama ni, Abraham ɔ́tɔlɔ kesii kani na ulekudi ɔtɛ mmɔ na útátɛmiku Hetiƒuɔ. Na ɔ́su-ma ɔnini, 4“Kadi bamba ukyuli na ndi. Na ndi ɔƒɔ na bina akɔ. Mɔɔyɔ́ ka bibo kabuli kalɔ kadi bite-mi na liye na bina kudɔ mɛni, na liti linwini bekyuli kavakɔ kalɛ na lɛkana na lɛva mina uleku.”
5Mmɔ na Hetiƒuɔ bammɔ bédie kenye na básu Abraham banini, 6“Ati, kywɛ-bu atu, ɔgadine ɔni na áƒɔ lɛnyi geen na adi na bula akɔ. Anwuɔsu ti ƒula ukpine táva kɔƒiɔtɔ kɔbuni kɔni na béku bése mmɔ akɔ unwi kemmo. Bula akɔ ɔdi biala uléni ka ava ƒula ukpine na nwuna kaƒiɔtɔ kadi kemmo.”
7Amu na Abraham ɔ́ta na úboku lili kalɔ na Hetiƒuɔ bammɔ ƒui anumi. 8Na ɔ́su-ma ɔnini, “Si bínu kalɔ ka lɛva mina ukpine ni, amu bɛkywɛ-mi atu na bivele Soha ubidi Eƒron bite-mi. 9Na uti Makpela lɛtakpɛ ubu ɔni ndi anwu Eƒron ɔdi na ɔkya nwuna kalɔ kawɔlɔkɔ mmɔ uye ute-mi. Bɛsu-nwu na uye-ka ute-mi na kuye kɔni na ɔ́manku kenye. Na liti mmɔ linwini bekyuli kavakɔ.”
10Amu na Eƒron, Hitini ɔmmɔ údie kenye na ɔma ɔmmɔ ɔba kenye kesii kani na bása beli mmɔ, na ɔ́su Abraham ɔnini, 11“Ati, neeeye-ka neeete-ɔ! Líti kalɔ kammɔ líte-ɔ ƒaa ku lɛtakpɛ ubu ɔni nkya kalɔ kammɔ kemmo na bekyuli bamɛni ƒui anumi kalɛ na ava ƒula ukpine.”
12Mmɔ ni, Abraham ɔ́sɔ úboku lili kalɔ na bekyuli bammɔ ƒui anumi. 13Na ɔ́su Eƒron na bana ƒui anumi ɔnini, “Kywɛ-mi atu. Si adubo bɔtunaku-mi ni, ndubɔƒɔ kalɔ kammɔ ƒui kayu. Anwuɔsu nuku-mi kalɔ na aƒɔ sika ɔƒualadi ɔmmɔ na ɔdia na lɛva mina ukpine na mmɔ.”
14Amu na Eƒron ɔ́su Abraham ɔnini, 15“Ati, kalɔ kammɔ kadubɔƒɔ aani sika ɔƒualadi ebi antabi akyami atɛ bɔkɔku unu. Nsu ni, bi na ɔmmɔ ɔdi na ami ku-ɔ ntɛ? Sie na atáva ƒula ukpine.”
16Mmɔ ni, Abraham ɔ́kɔku sika ɔƒualadi bɔkɔku bɔmmɔ kenye úte Eƒron aani kalɛ na anwu ɔlati ɔ́su na kadi ƒui anumi ɔni ndi antabi akyami atɛ unu bɔkɔku aani kalɛ na uwi ɔmmɔ beyedine baakɔ́ku ala kalɛ.
17Anwuɔsu Eƒron kalɔ kani kemmo na Makpela lɛtakpɛ ubu ɔmmɔ ɔkya na kede Mamre ni, kalɔ kammɔ ku egyii ani ƒui nkya kalɔ kammɔ kemmo útédu kana lɛmii ƒui ni, bávumana-ka ɔlati na bénweni ɔku básia-ka lɛlɔ. 18Na kalɔ kammɔ ƒui kénwini Abraham kadi na ɔdi-nwu kese na kadi ƒui bani nébo ɔma ɔmmɔ ɔba kenye mmɔ ƒui anumi. 19Na ɔmmɔ kama ni, Abraham útáva ulekudi na Makpela lɛtakpɛ ubu na kalɔ kammɔ kemmo. Na kalɔ kammɔ kedenku Mamre na Hebron na Kanaan kalɔ kemmo. 20Ɔmmɔ ɔsu ni, Hetiƒuɔ bénweni ɔku bávumana kalɔ kammɔ ɔlati béte Abraham, na mmɔ únwini bekyuli kavakɔ.
Àwon tá yàn lọ́wọ́lọ́wọ́ báyìí:
Ala Kalɔ Buse 23: lef
Ìsàmì-sí
Pín
Daako
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fyo.png&w=128&q=75)
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Ala Kalɔ Buse 23
23
Sara Úkpi Na Báva-nwu
1Sara úlie ngba na ɔ́ƒɔ akwa eti anyɔ ku aavlanyɔ-maatɛ. 2Na úkpi na Kiriat-Arba, ɔni lɛnɔ basɔ baalɔ Hebron, na Kanaan kalɔ lɛlɔ. Mmɔ na Abraham útéwulo-nwu.
3Ɔmmɔ kama ni, Abraham ɔ́tɔlɔ kesii kani na ulekudi ɔtɛ mmɔ na útátɛmiku Hetiƒuɔ. Na ɔ́su-ma ɔnini, 4“Kadi bamba ukyuli na ndi. Na ndi ɔƒɔ na bina akɔ. Mɔɔyɔ́ ka bibo kabuli kalɔ kadi bite-mi na liye na bina kudɔ mɛni, na liti linwini bekyuli kavakɔ kalɛ na lɛkana na lɛva mina uleku.”
5Mmɔ na Hetiƒuɔ bammɔ bédie kenye na básu Abraham banini, 6“Ati, kywɛ-bu atu, ɔgadine ɔni na áƒɔ lɛnyi geen na adi na bula akɔ. Anwuɔsu ti ƒula ukpine táva kɔƒiɔtɔ kɔbuni kɔni na béku bése mmɔ akɔ unwi kemmo. Bula akɔ ɔdi biala uléni ka ava ƒula ukpine na nwuna kaƒiɔtɔ kadi kemmo.”
7Amu na Abraham ɔ́ta na úboku lili kalɔ na Hetiƒuɔ bammɔ ƒui anumi. 8Na ɔ́su-ma ɔnini, “Si bínu kalɔ ka lɛva mina ukpine ni, amu bɛkywɛ-mi atu na bivele Soha ubidi Eƒron bite-mi. 9Na uti Makpela lɛtakpɛ ubu ɔni ndi anwu Eƒron ɔdi na ɔkya nwuna kalɔ kawɔlɔkɔ mmɔ uye ute-mi. Bɛsu-nwu na uye-ka ute-mi na kuye kɔni na ɔ́manku kenye. Na liti mmɔ linwini bekyuli kavakɔ.”
10Amu na Eƒron, Hitini ɔmmɔ údie kenye na ɔma ɔmmɔ ɔba kenye kesii kani na bása beli mmɔ, na ɔ́su Abraham ɔnini, 11“Ati, neeeye-ka neeete-ɔ! Líti kalɔ kammɔ líte-ɔ ƒaa ku lɛtakpɛ ubu ɔni nkya kalɔ kammɔ kemmo na bekyuli bamɛni ƒui anumi kalɛ na ava ƒula ukpine.”
12Mmɔ ni, Abraham ɔ́sɔ úboku lili kalɔ na bekyuli bammɔ ƒui anumi. 13Na ɔ́su Eƒron na bana ƒui anumi ɔnini, “Kywɛ-mi atu. Si adubo bɔtunaku-mi ni, ndubɔƒɔ kalɔ kammɔ ƒui kayu. Anwuɔsu nuku-mi kalɔ na aƒɔ sika ɔƒualadi ɔmmɔ na ɔdia na lɛva mina ukpine na mmɔ.”
14Amu na Eƒron ɔ́su Abraham ɔnini, 15“Ati, kalɔ kammɔ kadubɔƒɔ aani sika ɔƒualadi ebi antabi akyami atɛ bɔkɔku unu. Nsu ni, bi na ɔmmɔ ɔdi na ami ku-ɔ ntɛ? Sie na atáva ƒula ukpine.”
16Mmɔ ni, Abraham ɔ́kɔku sika ɔƒualadi bɔkɔku bɔmmɔ kenye úte Eƒron aani kalɛ na anwu ɔlati ɔ́su na kadi ƒui anumi ɔni ndi antabi akyami atɛ unu bɔkɔku aani kalɛ na uwi ɔmmɔ beyedine baakɔ́ku ala kalɛ.
17Anwuɔsu Eƒron kalɔ kani kemmo na Makpela lɛtakpɛ ubu ɔmmɔ ɔkya na kede Mamre ni, kalɔ kammɔ ku egyii ani ƒui nkya kalɔ kammɔ kemmo útédu kana lɛmii ƒui ni, bávumana-ka ɔlati na bénweni ɔku básia-ka lɛlɔ. 18Na kalɔ kammɔ ƒui kénwini Abraham kadi na ɔdi-nwu kese na kadi ƒui bani nébo ɔma ɔmmɔ ɔba kenye mmɔ ƒui anumi. 19Na ɔmmɔ kama ni, Abraham útáva ulekudi na Makpela lɛtakpɛ ubu na kalɔ kammɔ kemmo. Na kalɔ kammɔ kedenku Mamre na Hebron na Kanaan kalɔ kemmo. 20Ɔmmɔ ɔsu ni, Hetiƒuɔ bénweni ɔku bávumana kalɔ kammɔ ɔlati béte Abraham, na mmɔ únwini bekyuli kavakɔ.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.