ᒐᓂᓯᔅ 8

ᑲ ᐳᓂ ᐃᔅᒋᐸᒡ

1ᒋᓴᒪᓂᑐᐤ ᒋ ᒋᔅᒋᓯᑐᐛᐤ ᓄᐛᔨᒋ ᑭᔭ ᒥᓯᐛ ᐊᐛᓯᓴ ᐊᓐᑕ ᑲ ᑕᔨᒋ ᐅᐤᑎᒡ᙮ ᐊᑯ ᒋᓴᒪᓂᑐᐤ ᒂ ᐃᑐᑕᐧᒃ ᒐᒋ ᔪᑎᓂᔨᒡ, ᑭᔭ ᒋ ᐊᒍᐸᐱᔪᐤ᙮ 2ᒋᓴᒪᓂᑐᐤ ᒋ ᒋᐸᐊᒻ ᐅᑕᐃᐸᓇ ᑕᒥᔅᑭᒥᑲᒡ ᐊᓐᑕ ᑲ ᐅᒋᐱᔨᒡ ᓂᐱᔪᐤ᙮ ᐃᔭᐱᒡ ᒋ ᐅᓯᐊᐤ ᒋᒋᒋᓯᑯᔭᓇ ᑲ ᑕᑐᐱᔨᒋ ᑭᔭ ᒂ ᒋᒺᑕᑎᓂᔨᒡ᙮ 3ᒪᑎᐧᑲᒡ ᒋ ᐊᒍᐸᐱᔪᐤ ᓂᐱᔾ ᐃᔅᐱᔅ ᐸᐃᑯ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐛ ᒋᓯᑲᐛ᙮ 4ᐊᑯ ᐊᕋᕋᑦ ᐱᔅᑯᑎᓇᒡ ᒋ ᓂᑲᑎᓐ ᐅᐤᑦ ᑲᒋ ᓂᔄᐅᑕᒡ ᑕᑐᓴᑉ ᒋᓯᑲᒡ ᐊᓐ ᓂᔄᐅᑕᒡ ᐱᓯᒻ ᐸᐃᑯᑕᐤ ᐱᐳᓐ᙮ 5ᐊᔅᒄ ᒋ ᐊᒍᐸᐱᔪᐤ ᓂᐱᔾ, ᑲᒋ ᓂᔅᑐᐱᓯᒺᔭᒡ ᑕᐧᑯᒡ ᐱᔅᑯᑎᓇᐛ ᒋ ᓄᑯᓇ᙮

6ᑲᒋ ᓇᐎᔪᐛ ᒋᓯᑲᔨᒡ, ᓄᐛ ᒋ ᔪᑕᓂᒻ ᐛᒋ ᓴᒋᐛᐱᓇᓄᐎᒡ ᑲ ᐅᓯᑕᑦ ᐅᐤᑎᒡ᙮ 7ᐊᑯ ᒂ ᐃᑎᓴᐛᑦ ᑲᐧᑲᒍᐛ, ᒥᒄ ᒋ ᐱᐸᒥᔭᔪᐛ ᐸᑐᔅ ᑲᒋ ᐸᒂᔅᑭᒥᑲᔨᒡ᙮ 8ᓄᐛ ᒋ ᐎ ᓂᑐ ᒋᔅᒐᔨᑎᒻ ᑲᒋ ᒍᐱᔨᒂ ᓂᐱᔪᐤ, ᐊᑯ ᒂ ᐃᑎᓴᐛᑦ ᐛᐱᓯᐤ ᐱᔭᓯᓴ᙮ 9ᒥᒄ ᐛᐱᓯᐤ ᐱᔭᓯᔅ ᓇᒪ ᐅᒋ ᒥᔅᑭᒻ ᒐ ᑥᐅᑦ, ᐊᑯ ᑲᐤ ᒋ ᒋᐛᐱᔪᐤ ᐊᓐᑕ ᐅᐤᑎᒡ᙮ ᐊᔅᒄ ᒋ ᑎᑯᓂᔪᐤ ᓂᐱᔪᐤ ᐃᔅᐱᒥᒡ ᐊᔅᒋᒡ᙮ ᐊᑯ ᒂ ᓱᐅᓂᔅᒐᔨᑦ ᓄᐛ ᑭᔭ ᒂ ᐱᑎᑲᐊᑦ ᐊᓐᑕ ᐅᐤᑎᒡ᙮ 10ᓂᔄᐅᑕᒡ ᑕᑐᐤ ᒋᓯᑲᐛ ᒋ ᐊᓯᓄᐛᐸᑎᒻ, ᒥᓐ ᒂ ᐃᑎᓴᐛᑦ ᐛᐱᓯᐤ ᐱᔭᓯᓴ᙮ 11ᐛᑕᑯᓯᔨᒡ ᒋ ᒋᐛᐱᔪᐛ ᐛᐱᓯᐤ ᐱᔭᓯᓴ, ᐊ ᑕᐧᑯᑕᑎᒥᔨᒋ ᓯᐸᑯᓂᐱᔪᐤ ᒥᔅᑎᑯᒡ ᐛᑎᓂᒥᔨᒋ᙮ ᓄᐛ ᒋᔅᒐᔨᑎᒻ ᐊᒍᐱᔨᒡ ᓂᐱᔪᐤ᙮ 12ᓂᔄᐅᑕᒡ ᑕᑐᐤ ᒋᓯᑲᐛ ᒥᓐ ᒋ ᐊᓯᓄᐛᐸᑎᒻ ᑭᔭ ᒋ ᐃᑎᓴᐛᐤ ᐛᐱᓯᐤ ᐱᔭᓯᓴ᙮ ᒥᒄ ᑲᐤ ᓇᒪ ᐅᒋ ᐸᐱᔪᐛ᙮

13ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᒄ ᒋ ᐃᑕᑐᐳᓇᓱᐤ ᓄᐛ, ᑭᔭ ᓂᔅᑎᒻ ᒋᓯᑯᔪᐤ ᐊᓂᔭ ᑯᑎᒃ ᐱᐳᓂᔪᐤ, ᑲ ᐊᒍᐱᔨᒡ ᓂᐱᔪᐤ᙮ ᓄᐛ ᒋ ᔪᑕᓇᐤ ᔅᑐᐧᑭᓇ ᐅᐤᑎᒡ ᒐᒋ ᐃᑕᐱᑦ ᑭᔭ ᒋ ᐛᐸᑎᒻ ᒐᑲᑦ ᐱᔭᐧᑯᔅᑭᒥᑲᔨᒡ᙮

Genesis 6.9-22; 7.24; 8.14-19 (Proper-4 Year A)

14ᐊᓂᔭ ᓂᓱ ᐱᓯᒺ, ᓂᓱᔪᐤ ᐊᓱ ᓂᔄᐅᑕᒡ ᒋᓯᑯᔪᐤ, ᓄᑎᒻ ᒋ ᐸᒂᔪᐤ ᐊᔅᒋᔪᐤ᙮

15ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ, 16“ᒋᔾ, ᑭᔭ ᒋᐅ, ᑭᔭ ᒋᑯᓯᒡ ᑭᔭ ᒋᓇᐊᑭᓂᔎᒥᒡ ᐎᐎᒄ ᐊᓐᑕ ᐅᐤᑎᒡ᙮ 17ᐎᐎᑕᐃᐧᑯᒡ ᐱᔭᓱᐅᒡ, ᐊᐛᓯᓯᒡ ᑭᔭ ᒥᓐᑐᓯᒡ, ᐊᑯ ᒐᒋ ᐅᑦ ᐊᐛᓯᒥᒡ ᑭᔭ ᒐᒋ ᒥᒐᑎᒡ ᐅᑕ ᒥᓯᐛ ᐊᔅᒋᒡ᙮”

18ᐊᑯ ᓄᐛ ᐛᔪᐎᑦ ᐅᐤᑎᒡ ᐊ ᐎᒐᐅᑯᑦ ᐅᑯᓴ ᑭᔭ ᐎᐛ ᑭᔭ ᐅᓇᐊᑭᓂᔎᒪ᙮ 19ᒥᓯᐛ ᐊᐛᓯᓯᒡ, ᒥᓯᐛ ᐱᔭᓱᐅᒡ ᑭᔭ ᒥᓯᐛ ᒥᓐᑐᓯᒡ, ᒋ ᐎᐎᐅᒡ ᐅᐤᑎᒡ ᑭᔭ ᒋ ᔅᑐᑕᐅᒡ ᐊᑎ ᐱᐸᐃᑯᑕᐅᓯᒡ᙮

ᓄᐛ ᐅᒥᑐᔅᑕᐊᒪᒐᐅᓇ

20ᒋ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ᓂᐸᐊᑦ ᐊᓐᑕ ᐱᔅᒐ ᐊ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ᓂᑐᑎᒪᑦ᙮ 21ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

22ᒐ ᐃᔅᐱᔅ ᑎᒂᒡ ᐊᔅᒋᔾ,

ᓇᒪ ᓂᑕ ᒋᑭ ᐃᔎᐱᔪᐛ ᐊ ᒥᔪᔅᑭᒥᒡ ᑭᔭ ᐊ ᒪᒧᓴᒋᓂᑭᓄᐅᒡ ᑲ ᓂᑕᐅᒋᒡ ᒥᒋᒻ,

ᐊ ᑕᐧᑲᒡ ᑭᔭ ᐊ ᒋᓯᑕᒡ,

ᐊ ᐱᐳᒡ ᑭᔭ ᐊ ᓂᐱᒡ,

ᐊ ᒋᓯᑲᒡ ᑭᔭ ᐊ ᑎᐱᔅᑲᒡ᙮”

Àwon tá yàn lọ́wọ́lọ́wọ́ báyìí:

ᒐᓂᓯᔅ 8: ᓇᔅᑲᐱ

Ìsàmì-sí

Pín

Daako

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Mọ̀ Sí Nípa ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ