Génesis 6
6
I jontolil wiñicob x'ixicob
1Che' bʌ tsa' cajiyob ti p'ojlel wiñicob x'ixicob ti pañimil, tsi' yila pañimil xch'oc bʌ i yalobilob. 2Che' bʌ tsi' q'ueleyob i yalobilob Dios#6.2 I yalobilob Dios: Mach wen lac cujilic majquiyob jiñi i yalobilob Dios, lamital mi yʌlob cha'añ jiñʌch ángelob tsa' bʌ tiliyob ti panchan (Job 1.6; 2.1; 38.7; Sal 29.1; 89.7); yam bʌ mi yʌlob cha'añ jiñʌch i p'olbalob Set woli bʌ i ñopob Dios, tsa' ñujpuñiyob yic'ot i p'olbal Caín. Jiñi woli bʌ i yʌq'ueñonla lac cʌn ili texto jiñʌch che' bajche' woli ti p'ojlel majlel jiñi mulil ti pañimil yic'ot i jontolilob jiñi wiñicob x'ixicob (1 P 3.20; Jd 6), jiñʌch tsa' bʌ i yʌq'ue i ch'ijiyemlel i pusic'al Dios (v. 6). jiñi xch'oc bʌ i yalobilob wiñicob che' wen i t'ojolob jax, tsi' pʌyʌyob ti yijñam che' bajche' jaytiquil tsi' mulayob. 3Jiñi cha'añ lac Yum tsi' yʌlʌ: “Mach ti pejtelelic ora mi caj cuchbeñob i jontolil wiñicob x'ixicob, come wiñicob jach yujil bʌ chʌmel, cojach wʌcc'al (120) ja'b mi caj i yajñelob ti pañimil.”
4Añ wen chaño' bʌ wiñicob x'ixicob ti jim bʌ ora yic'ot ja'el che' bʌ tsi' pi'leyob i bʌ i yalobilob Dios yic'ot jiñi xch'oc bʌ i yalobilob wiñicob, tsa' tili i yalobilob; jiñobʌch ch'ejl bʌ wiñicob año' bʌ ti wajali, tsa' bʌ wen q'uejliyob ti ñuc.#Nm 13.33
5Lac Yum tsi' q'uele ca'bʌlix i jontolil wiñicob x'ixicob ti pañimil, tsi' q'uele jontol jax ti pejtelel ora pejtelel chuqui añob ti' pusic'al yic'ot pejtelel chuqui mi ña'tañob. 6Tsi' mele i pusic'al lac Yum Dios cha'añ tsi' mele wiñicob x'ixicob ti pañimil, c'ux tsi' yu'bi ti' pusic'al.#6.6 Tsi' mele i pusic'al… c'ux tsi' yu'bi ti' pusic'al: (1 Sm 15.1, 35; Jer 18.7-10). Ili texto mi' cha'len t'añ yilal che' bajche' Dios añ i c'unlel i pusic'al lajal bʌ che' bajche' mi yu'bin wiñicob x'ixicob ti pañimil, che' bajche' mi' cha' mel i pusic'al, mi yu'bin i ch'ijiyemlel, mi yu'bin i tijicñʌyel, mi' cha'len mich'ajel, pero lac cujil cha'añ Dios mach lajalic che' bajche' wiñicob x'ixicob ti pañimil mu' bʌ i taj i mul. 7Lac Yum tsi' yʌlʌ: “Mi caj c jisan ti pañimil jiñi wiñicob x'ixicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot xwejlel mut tac, lolom jach tsa' c meleyob.”
8Pero lac Yum tsi' q'uele ti uts'at jiñi Noé, tsi' pʌsbe i yutslel i pusic'al.#Mt 24.37; Lc 17.26; 1 P 3.20
Noé tsi' mele barco
9Jiñobʌch i p'olbal Noé.
Toj jiñi Noé, uts'at ti' wut wiñicob x'ixicob; tsi' chʌn cha'le xʌmbal Noé ti' bijlel Dios.#2 P 2.5 10Tsi' yila pañimil uxtiquil ch'itoñ bʌ i yalobilob Noé, jiñobʌch: Sem, Cam yic'ot Jafet.
11Jiñi año' bʌ ti pañimil tsi' socoyob i bʌ ti jontolil ti' wut Dios, tsa' p'ojli ca'bʌl jontolil ti pañimil. 12Dios tsi' q'uele jontolob jax pejtelel wiñicob x'ixicob, come tsi' socoyob i bʌ ti' ca'bʌl jontolil ti pañimil. 13Jiñi cha'añ Dios tsi' su'be Noé: “Mi caj c jisan pejtelel wiñicob x'ixicob, come ca'bʌl tsa' p'ojliyob i jontolil ti pejtelel pañimil; jiñi cha'añ mi caj c jisañob yic'ot pañimil. 14Mele barco ti gofer te', ma' mel tsalʌl tac ti' mal, ma' pʌc' yic'ot i yetsel te' ti' mal yic'ot ti' pat. 15Mele che' bajche' iliyi: Jo'lujump'ejl i wucc'al (135) metro i ñajtlel, ojlil i yuxp'ejl i cha'c'al (22.5) metro i xujc, ojlil i chʌnlujump'ejl (13.5) metro i chañlel. 16Mele ventana ojlil metro i chañlel ti' joytʌlel barco, melben i puertajlel barco ya' ti ti'; uxlajm yom ma' c'ʌc letsel. 17Mi caj c choc tilel but'ja' cha'añ mic jisan pejtelel i bʌl pañimil am bʌ i cuxtʌlel, mi' caj ti chʌmel pejtelel cuxul tac bʌ ti pañimil, 18pero jatet mi caj cʌq'ueñet xuc'ul bʌ c t'añ,#6.18 Xuc'ul bʌ c t'añ: Ilayi mi lac taj jiñi ñaxan bʌ xuc'ul bʌ i t'añ tsa' bʌ i mele Dios yic'ot i tejclum yic'ot pejtelel jiñi año' bʌ ti pañimil (Gn 9.9-17). mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob. 19Mi caj a pʌy ochel ti barco pejtelel cuxul tac bʌ ti cha'cha'cojt, juncojt i tat yic'ot juncojt i ña' cha'añ cuxul mi' yajñelob a wic'ot. 20Mi caj a wotsan ti' ñujp ti' ñujp te'lemut, yic'ot bʌte'el, yic'ot jʌlʌcña bʌ mi' majlel ti lum ti' chajp ti' chajp. Ti' ñujp ti' ñujp mi caj a wotsan cha'añ cuxul mi yajñelob. 21Tempan i buc'bal ti' chajp ti' chajp, otsan ja'el i bʌl a ñʌc' cha'añ mi la' c'ux.”
22Che'ʌch tsi' mele Noé; tsi' mele pejtelel che' bajche' tsi' yʌlʌ Dios.#Heb 11.7
Xuc'ul bʌ i t'añ Dios
| Ti' tojlel Noé | Gn 6.18; 9.9-17 |
| Ti' tojlel Abraham, Isaac yic'ot Jacob | Gn 15.18-19; 17.1-14, 21; Ex 2.24; 6.2-5; 2 R 13.23; Gl 3.17 |
| Ti' tojlel Finees | Nm 25.12-13 |
| Ti' tojlel David | 2 Cr 13.5; 21.7 |
| Ti' tojlel israelob | Ex 19.1-8; 24.1-8; 34.10-28; Dt 4.23-24; 7.1-11; 1 Cr 16.12-18; Hch 3.25; Rm 9.4; 2 Cor 3.14; Gl 3.17; Ef 2.12; Heb 9.1, 18, 20 |
| Jiñi tsijib xuc'ul bʌ t'añ | Jer 31.31-34; Mt 26.28; Mc 14.24; Lc 22.20; 1 Cor 11.25; 2 Cor 3.6; Heb 7.22; 8.6-13; 9.15; 10.16, 29; 12.24; 13.20 |
Àwon tá yàn lọ́wọ́lọ́wọ́ báyìí:
Génesis 6: NTCH
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process
Génesis 6
6
I jontolil wiñicob x'ixicob
1Che' bʌ tsa' cajiyob ti p'ojlel wiñicob x'ixicob ti pañimil, tsi' yila pañimil xch'oc bʌ i yalobilob. 2Che' bʌ tsi' q'ueleyob i yalobilob Dios#6.2 I yalobilob Dios: Mach wen lac cujilic majquiyob jiñi i yalobilob Dios, lamital mi yʌlob cha'añ jiñʌch ángelob tsa' bʌ tiliyob ti panchan (Job 1.6; 2.1; 38.7; Sal 29.1; 89.7); yam bʌ mi yʌlob cha'añ jiñʌch i p'olbalob Set woli bʌ i ñopob Dios, tsa' ñujpuñiyob yic'ot i p'olbal Caín. Jiñi woli bʌ i yʌq'ueñonla lac cʌn ili texto jiñʌch che' bajche' woli ti p'ojlel majlel jiñi mulil ti pañimil yic'ot i jontolilob jiñi wiñicob x'ixicob (1 P 3.20; Jd 6), jiñʌch tsa' bʌ i yʌq'ue i ch'ijiyemlel i pusic'al Dios (v. 6). jiñi xch'oc bʌ i yalobilob wiñicob che' wen i t'ojolob jax, tsi' pʌyʌyob ti yijñam che' bajche' jaytiquil tsi' mulayob. 3Jiñi cha'añ lac Yum tsi' yʌlʌ: “Mach ti pejtelelic ora mi caj cuchbeñob i jontolil wiñicob x'ixicob, come wiñicob jach yujil bʌ chʌmel, cojach wʌcc'al (120) ja'b mi caj i yajñelob ti pañimil.”
4Añ wen chaño' bʌ wiñicob x'ixicob ti jim bʌ ora yic'ot ja'el che' bʌ tsi' pi'leyob i bʌ i yalobilob Dios yic'ot jiñi xch'oc bʌ i yalobilob wiñicob, tsa' tili i yalobilob; jiñobʌch ch'ejl bʌ wiñicob año' bʌ ti wajali, tsa' bʌ wen q'uejliyob ti ñuc.#Nm 13.33
5Lac Yum tsi' q'uele ca'bʌlix i jontolil wiñicob x'ixicob ti pañimil, tsi' q'uele jontol jax ti pejtelel ora pejtelel chuqui añob ti' pusic'al yic'ot pejtelel chuqui mi ña'tañob. 6Tsi' mele i pusic'al lac Yum Dios cha'añ tsi' mele wiñicob x'ixicob ti pañimil, c'ux tsi' yu'bi ti' pusic'al.#6.6 Tsi' mele i pusic'al… c'ux tsi' yu'bi ti' pusic'al: (1 Sm 15.1, 35; Jer 18.7-10). Ili texto mi' cha'len t'añ yilal che' bajche' Dios añ i c'unlel i pusic'al lajal bʌ che' bajche' mi yu'bin wiñicob x'ixicob ti pañimil, che' bajche' mi' cha' mel i pusic'al, mi yu'bin i ch'ijiyemlel, mi yu'bin i tijicñʌyel, mi' cha'len mich'ajel, pero lac cujil cha'añ Dios mach lajalic che' bajche' wiñicob x'ixicob ti pañimil mu' bʌ i taj i mul. 7Lac Yum tsi' yʌlʌ: “Mi caj c jisan ti pañimil jiñi wiñicob x'ixicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot xwejlel mut tac, lolom jach tsa' c meleyob.”
8Pero lac Yum tsi' q'uele ti uts'at jiñi Noé, tsi' pʌsbe i yutslel i pusic'al.#Mt 24.37; Lc 17.26; 1 P 3.20
Noé tsi' mele barco
9Jiñobʌch i p'olbal Noé.
Toj jiñi Noé, uts'at ti' wut wiñicob x'ixicob; tsi' chʌn cha'le xʌmbal Noé ti' bijlel Dios.#2 P 2.5 10Tsi' yila pañimil uxtiquil ch'itoñ bʌ i yalobilob Noé, jiñobʌch: Sem, Cam yic'ot Jafet.
11Jiñi año' bʌ ti pañimil tsi' socoyob i bʌ ti jontolil ti' wut Dios, tsa' p'ojli ca'bʌl jontolil ti pañimil. 12Dios tsi' q'uele jontolob jax pejtelel wiñicob x'ixicob, come tsi' socoyob i bʌ ti' ca'bʌl jontolil ti pañimil. 13Jiñi cha'añ Dios tsi' su'be Noé: “Mi caj c jisan pejtelel wiñicob x'ixicob, come ca'bʌl tsa' p'ojliyob i jontolil ti pejtelel pañimil; jiñi cha'añ mi caj c jisañob yic'ot pañimil. 14Mele barco ti gofer te', ma' mel tsalʌl tac ti' mal, ma' pʌc' yic'ot i yetsel te' ti' mal yic'ot ti' pat. 15Mele che' bajche' iliyi: Jo'lujump'ejl i wucc'al (135) metro i ñajtlel, ojlil i yuxp'ejl i cha'c'al (22.5) metro i xujc, ojlil i chʌnlujump'ejl (13.5) metro i chañlel. 16Mele ventana ojlil metro i chañlel ti' joytʌlel barco, melben i puertajlel barco ya' ti ti'; uxlajm yom ma' c'ʌc letsel. 17Mi caj c choc tilel but'ja' cha'añ mic jisan pejtelel i bʌl pañimil am bʌ i cuxtʌlel, mi' caj ti chʌmel pejtelel cuxul tac bʌ ti pañimil, 18pero jatet mi caj cʌq'ueñet xuc'ul bʌ c t'añ,#6.18 Xuc'ul bʌ c t'añ: Ilayi mi lac taj jiñi ñaxan bʌ xuc'ul bʌ i t'añ tsa' bʌ i mele Dios yic'ot i tejclum yic'ot pejtelel jiñi año' bʌ ti pañimil (Gn 9.9-17). mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob. 19Mi caj a pʌy ochel ti barco pejtelel cuxul tac bʌ ti cha'cha'cojt, juncojt i tat yic'ot juncojt i ña' cha'añ cuxul mi' yajñelob a wic'ot. 20Mi caj a wotsan ti' ñujp ti' ñujp te'lemut, yic'ot bʌte'el, yic'ot jʌlʌcña bʌ mi' majlel ti lum ti' chajp ti' chajp. Ti' ñujp ti' ñujp mi caj a wotsan cha'añ cuxul mi yajñelob. 21Tempan i buc'bal ti' chajp ti' chajp, otsan ja'el i bʌl a ñʌc' cha'añ mi la' c'ux.”
22Che'ʌch tsi' mele Noé; tsi' mele pejtelel che' bajche' tsi' yʌlʌ Dios.#Heb 11.7
Xuc'ul bʌ i t'añ Dios
| Ti' tojlel Noé | Gn 6.18; 9.9-17 |
| Ti' tojlel Abraham, Isaac yic'ot Jacob | Gn 15.18-19; 17.1-14, 21; Ex 2.24; 6.2-5; 2 R 13.23; Gl 3.17 |
| Ti' tojlel Finees | Nm 25.12-13 |
| Ti' tojlel David | 2 Cr 13.5; 21.7 |
| Ti' tojlel israelob | Ex 19.1-8; 24.1-8; 34.10-28; Dt 4.23-24; 7.1-11; 1 Cr 16.12-18; Hch 3.25; Rm 9.4; 2 Cor 3.14; Gl 3.17; Ef 2.12; Heb 9.1, 18, 20 |
| Jiñi tsijib xuc'ul bʌ t'añ | Jer 31.31-34; Mt 26.28; Mc 14.24; Lc 22.20; 1 Cor 11.25; 2 Cor 3.6; Heb 7.22; 8.6-13; 9.15; 10.16, 29; 12.24; 13.20 |
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process