Chukusakị 3
3
Tomoniḅọ Ḅe Ḅịpịpokika Mị
1Mịọkụ Tamụnọ Nyanaḅọ Ḅe tẹmẹ nama mamgba ḅieḅụ, oruwu ḅe epele nemitẹịnmẹ. Oruwu ḅe nwọse eremeniḅọ ma gbelamẹ, “Tamụnọ Ḅe ọ̀ kọkọma ómine ḅẹ na ozu mị ḅie sime chịnmgbọlụma gbọrịye sọnị ọ́ fịma-ẹ?”
2Eremeniḅọ ma nwọ pẹkẹrẹmẹ, “Ozu mị ḅie sime chịnmgbọlụ mamgba wa ineda fịḅịa,” 3“ọkụma ogboku sime chịnmgbọlụ mị sakịsikima. Tamụnọ Ḅe nwọse wa ḅẹmẹ na anị chịn mị ḅụ pakaḅo chịnmgbọlụ mị wa fịma, wa pịkị ḅara seni anị lamama; wa ọkọ mịẹmẹ ḅẹḅẹ wa fịḅịa.”
4Oruwu ḅe nwọ pẹkẹrẹmẹ, “Anị mị karakarayekẹ; ọ́ fịẹkẹ. 5Tamụnọ Ḅe gose anị mị ḅẹye, ò nemimẹ na ómine anị fị ọkụma ó ḅo ori, Tamụnọ Ḅe simeọkụ simeḅịa, ọ́ pịkịna iḅiye na siye na nemiḅịa.”
6Eremeniḅọ ma chịn mị iḅiḅara á nwọ ọrịmẹ, pịkịna anịa mgbọlụma fị gbẹịn ọkụ nwọ ọrịmẹ, á pịkịna koromamẹ na nemi nyana mị opuma iḅiye-ẹ. Anịḅụ á chịnmgbọlụma ḅie tọn-aye kaịn se fịmẹ. Á pịkị arịa ḅụaye seni dewu ḅe pịrị seni ori sọnị anị fịmẹ. 7Ini àrị fịso kirikiri, ini iniaḅụ kaịnḅo mẹ; ini pịkịna ḅo nemimẹ na ini papaḅụsinmẹ, anịḅụ ini figi ịnyanya kaịn se gbin gboloma se iniaḅụma gbẹịnmẹ.
8Anị sasoḅiri ini Tamụnọ Nyanaḅọ Ḅe ḅụ ọwụ naamẹ ori ozu mị ḅie nwẹngịarịsịkị, seni ini iniaḅụ ḅọịmẹ ejema ḅie. 9Ọkụma Tamụnọ Nyanaḅọ Ḅe tomoniḅọ ḅe chịn oloku se nwọḅẹmẹ, “Ndeju ị́ omi?”
10Ọ̀ nwọ pẹkẹrẹmẹ, “Àrị ị́ ḅụ ọwụ naamẹ ozu mị ḅie; ị̀ ḅalafamẹ anị à gose ị́ ḅụ ị̀ ḅụḅọịye-ẹ, anịatịḅị à papaḅụsinmẹ.”
11“Tụḅọ ḍuko ị́ pịrị na ị́ papaḅụsinmẹ?” Tamụnọ Ḅe nwọse ò gbelamẹ. “Àrị ị́ ḅẹ na fịma-ẹ nwọḅẹ chịnmgbọlụ mị ị́ fịsa?”
12Tomoniḅọ ḅe nwọ pẹkẹrẹmẹ, “Ị́ seni ị̀rị̀ na mịanga koroma eremeniḅọ ma chịnmgbọlụ mị se ị̀ pịrịmẹ se à fịmẹ.”
13Tamụnọ Nyanaḅọ Ḅe eremeniḅọ ma gbelamẹ, “Cheye gose ị́ mịn mị mịẹ?”
Á nwọ pẹkẹrẹmẹ, “Oruwu ḅe ị̀ telima seni àrị anị fịmẹ.”
Tamụnọ Ḅe Oria Ḅẹrẹpẹlẹ Ḅịpị
14Anịḅụ Tamụnọ Nyanaḅọ Ḅe nwọse oruwu ḅe ḅẹmẹ, “Ị́ fomuḅaradaḅịa mịn mị gose, namama ḅie mgba ị́rị́ ngẹrị ngẹrị anị mị worinime mị daḅịaye-ẹ: Mịọkụ sakị, ị́ ḅụlọ se kiri ḅụ ikiriḅịa, pịkịna ị́ya ḍumo ene mamgba ḅie fọn ị́ nwọ fịfịḅịa. 15Àrị ị́ mịẹḅịa ị́rị́ na eremeniḅọ ma na, ọ́ taraka se jịnḅọ jịnḅọ wẹrịmaḅịa; á furo ḅie pakaḅoḅịa awọma na ị́yaye ma na taraka ḅụ sime gbasoḅịa. Á furo ḅie pakaḅoḅịa awọma, ị́ tịḅị nangaḅịa, anịsịkị ị́rị́ árịa awọma ḅụọ tongu gbọḅịa.”
16Se ọ̀ nwọ seni eremeniḅọ ma ḅẹmẹ, “À mịẹḅịa fura ḅụ ị́ ḅaka ḅụfụka nyanaḅịa, ị́ya yi sịkị ị́ pịkị ḅakama ḅụakụ nyanaḅịa. Anịẹḅẹsọ, ị́ kuḅie ị́ deḅe ḅụ chịẹ-chịẹ-chịẹ ḅịa, ị́ pịkị ò chuku ḅie simegbaso ḅịa.”
17Ọ̀ pịkịna nwọse owuḅọ ḅe ḅẹmẹ, “Ị́ tama ḅịpị poki se àrị ị́ ḅẹmẹ na fịma-ẹ nwọḅẹ chịnmgbọlụ mị fịye gose. Ị́ mịn mị mịẹye gose worinime sime se kiri mị pịrịmẹ. Ị́ya ḍumo ene mamgba ḅie ị́ kụrọma fịrịnwẹngị pịkị imo sara sịkị, anị anị fịaye pakụmaḅo ị́ pịrịḅịaye-ẹ. 18Osuein na ịga na anịa ḅie pakaḅịa, anịsịkị ngẹrị paka chịn ḅụ pakaḅoye anị ị́ fịḅịaye-ẹ. 19Ị́ ḅakama fịrịnwẹngị imo saraḅịa, mịẹse kiri mị yepakụmaḅoḅịa ọkụ, anị ọkọ paka ị́ pịrịḅịa ọkịmun ị́ pịkịma ḅo ini seni ị́ tẹmẹ aḅaịn mị nwọ damamun sịkị laḅịa. Anịatịḅị aḅaịn ini nwọse ị́ tẹmẹmẹ, ị́ pịkịna ḅo aḅaịn sọḅịa.”
20Adam ḅe nwọse tarọ ma chịnmẹ Ivi, anịatịḅị árị tomoni goyegoye mamgba ḅe nyengiḅọ-ẹ. 21Se Tamụnọ Nyanaḅọ Ḅe, nama oju apụra nwọseni ḅụchụaye gbin Adam ḅe na tarọ ma na pịrịmẹ, pịkịna ini ḅirimamẹ.
Adam Ḅe Na Ivi Ma Na Ozu Mị Ḅie Ini Ini Depakụmamẹ
22Se Tamụnọ Nyanaḅọ Ḅe nwọḅẹmẹ, “Mịọkụ tomoniḅọ ḅe ò ḅo wa simeọkụ simesam, ọ̀ pịkịna iḅiye na siye na nemi nyanasam. Wa ḅereni ọ̀ pịrị ẹkẹ ò ḍumo pịrị chịnmgbọlụ mị kaịn fị seni ḍumo gbaso.” 23Anịẹrẹchị Tamụnọ Nyanaḅọ Ḅe ò depakụmamẹ Idẹn Ozu mị ḅie, se mịẹmẹ ò seni ọ̀ tẹmẹ aḅaịn mị kiri mị ḅie ọ̀ sakị yeḍipimẹ. 24Anịsịkị ozu mị ḅụ ịrụapakapaka nyọ daọrụ ḅụ ori enjẹlapụ seni koromamẹ, pịkịna kọrịarị okola-agiji na, anị pekelepekelema ḅọrọ nyọnyọ damẹ. Mịn mị anị seni ḍumo pịrị chịn mị kpekimaḅọ goyegoye desinḅịaye gose.
Àwon tá yàn lọ́wọ́lọ́wọ́ báyìí:
Chukusakị 3: OBTP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible Society of Nigeria
Chukusakị 3
3
Tomoniḅọ Ḅe Ḅịpịpokika Mị
1Mịọkụ Tamụnọ Nyanaḅọ Ḅe tẹmẹ nama mamgba ḅieḅụ, oruwu ḅe epele nemitẹịnmẹ. Oruwu ḅe nwọse eremeniḅọ ma gbelamẹ, “Tamụnọ Ḅe ọ̀ kọkọma ómine ḅẹ na ozu mị ḅie sime chịnmgbọlụma gbọrịye sọnị ọ́ fịma-ẹ?”
2Eremeniḅọ ma nwọ pẹkẹrẹmẹ, “Ozu mị ḅie sime chịnmgbọlụ mamgba wa ineda fịḅịa,” 3“ọkụma ogboku sime chịnmgbọlụ mị sakịsikima. Tamụnọ Ḅe nwọse wa ḅẹmẹ na anị chịn mị ḅụ pakaḅo chịnmgbọlụ mị wa fịma, wa pịkị ḅara seni anị lamama; wa ọkọ mịẹmẹ ḅẹḅẹ wa fịḅịa.”
4Oruwu ḅe nwọ pẹkẹrẹmẹ, “Anị mị karakarayekẹ; ọ́ fịẹkẹ. 5Tamụnọ Ḅe gose anị mị ḅẹye, ò nemimẹ na ómine anị fị ọkụma ó ḅo ori, Tamụnọ Ḅe simeọkụ simeḅịa, ọ́ pịkịna iḅiye na siye na nemiḅịa.”
6Eremeniḅọ ma chịn mị iḅiḅara á nwọ ọrịmẹ, pịkịna anịa mgbọlụma fị gbẹịn ọkụ nwọ ọrịmẹ, á pịkịna koromamẹ na nemi nyana mị opuma iḅiye-ẹ. Anịḅụ á chịnmgbọlụma ḅie tọn-aye kaịn se fịmẹ. Á pịkị arịa ḅụaye seni dewu ḅe pịrị seni ori sọnị anị fịmẹ. 7Ini àrị fịso kirikiri, ini iniaḅụ kaịnḅo mẹ; ini pịkịna ḅo nemimẹ na ini papaḅụsinmẹ, anịḅụ ini figi ịnyanya kaịn se gbin gboloma se iniaḅụma gbẹịnmẹ.
8Anị sasoḅiri ini Tamụnọ Nyanaḅọ Ḅe ḅụ ọwụ naamẹ ori ozu mị ḅie nwẹngịarịsịkị, seni ini iniaḅụ ḅọịmẹ ejema ḅie. 9Ọkụma Tamụnọ Nyanaḅọ Ḅe tomoniḅọ ḅe chịn oloku se nwọḅẹmẹ, “Ndeju ị́ omi?”
10Ọ̀ nwọ pẹkẹrẹmẹ, “Àrị ị́ ḅụ ọwụ naamẹ ozu mị ḅie; ị̀ ḅalafamẹ anị à gose ị́ ḅụ ị̀ ḅụḅọịye-ẹ, anịatịḅị à papaḅụsinmẹ.”
11“Tụḅọ ḍuko ị́ pịrị na ị́ papaḅụsinmẹ?” Tamụnọ Ḅe nwọse ò gbelamẹ. “Àrị ị́ ḅẹ na fịma-ẹ nwọḅẹ chịnmgbọlụ mị ị́ fịsa?”
12Tomoniḅọ ḅe nwọ pẹkẹrẹmẹ, “Ị́ seni ị̀rị̀ na mịanga koroma eremeniḅọ ma chịnmgbọlụ mị se ị̀ pịrịmẹ se à fịmẹ.”
13Tamụnọ Nyanaḅọ Ḅe eremeniḅọ ma gbelamẹ, “Cheye gose ị́ mịn mị mịẹ?”
Á nwọ pẹkẹrẹmẹ, “Oruwu ḅe ị̀ telima seni àrị anị fịmẹ.”
Tamụnọ Ḅe Oria Ḅẹrẹpẹlẹ Ḅịpị
14Anịḅụ Tamụnọ Nyanaḅọ Ḅe nwọse oruwu ḅe ḅẹmẹ, “Ị́ fomuḅaradaḅịa mịn mị gose, namama ḅie mgba ị́rị́ ngẹrị ngẹrị anị mị worinime mị daḅịaye-ẹ: Mịọkụ sakị, ị́ ḅụlọ se kiri ḅụ ikiriḅịa, pịkịna ị́ya ḍumo ene mamgba ḅie fọn ị́ nwọ fịfịḅịa. 15Àrị ị́ mịẹḅịa ị́rị́ na eremeniḅọ ma na, ọ́ taraka se jịnḅọ jịnḅọ wẹrịmaḅịa; á furo ḅie pakaḅoḅịa awọma na ị́yaye ma na taraka ḅụ sime gbasoḅịa. Á furo ḅie pakaḅoḅịa awọma, ị́ tịḅị nangaḅịa, anịsịkị ị́rị́ árịa awọma ḅụọ tongu gbọḅịa.”
16Se ọ̀ nwọ seni eremeniḅọ ma ḅẹmẹ, “À mịẹḅịa fura ḅụ ị́ ḅaka ḅụfụka nyanaḅịa, ị́ya yi sịkị ị́ pịkị ḅakama ḅụakụ nyanaḅịa. Anịẹḅẹsọ, ị́ kuḅie ị́ deḅe ḅụ chịẹ-chịẹ-chịẹ ḅịa, ị́ pịkị ò chuku ḅie simegbaso ḅịa.”
17Ọ̀ pịkịna nwọse owuḅọ ḅe ḅẹmẹ, “Ị́ tama ḅịpị poki se àrị ị́ ḅẹmẹ na fịma-ẹ nwọḅẹ chịnmgbọlụ mị fịye gose. Ị́ mịn mị mịẹye gose worinime sime se kiri mị pịrịmẹ. Ị́ya ḍumo ene mamgba ḅie ị́ kụrọma fịrịnwẹngị pịkị imo sara sịkị, anị anị fịaye pakụmaḅo ị́ pịrịḅịaye-ẹ. 18Osuein na ịga na anịa ḅie pakaḅịa, anịsịkị ngẹrị paka chịn ḅụ pakaḅoye anị ị́ fịḅịaye-ẹ. 19Ị́ ḅakama fịrịnwẹngị imo saraḅịa, mịẹse kiri mị yepakụmaḅoḅịa ọkụ, anị ọkọ paka ị́ pịrịḅịa ọkịmun ị́ pịkịma ḅo ini seni ị́ tẹmẹ aḅaịn mị nwọ damamun sịkị laḅịa. Anịatịḅị aḅaịn ini nwọse ị́ tẹmẹmẹ, ị́ pịkịna ḅo aḅaịn sọḅịa.”
20Adam ḅe nwọse tarọ ma chịnmẹ Ivi, anịatịḅị árị tomoni goyegoye mamgba ḅe nyengiḅọ-ẹ. 21Se Tamụnọ Nyanaḅọ Ḅe, nama oju apụra nwọseni ḅụchụaye gbin Adam ḅe na tarọ ma na pịrịmẹ, pịkịna ini ḅirimamẹ.
Adam Ḅe Na Ivi Ma Na Ozu Mị Ḅie Ini Ini Depakụmamẹ
22Se Tamụnọ Nyanaḅọ Ḅe nwọḅẹmẹ, “Mịọkụ tomoniḅọ ḅe ò ḅo wa simeọkụ simesam, ọ̀ pịkịna iḅiye na siye na nemi nyanasam. Wa ḅereni ọ̀ pịrị ẹkẹ ò ḍumo pịrị chịnmgbọlụ mị kaịn fị seni ḍumo gbaso.” 23Anịẹrẹchị Tamụnọ Nyanaḅọ Ḅe ò depakụmamẹ Idẹn Ozu mị ḅie, se mịẹmẹ ò seni ọ̀ tẹmẹ aḅaịn mị kiri mị ḅie ọ̀ sakị yeḍipimẹ. 24Anịsịkị ozu mị ḅụ ịrụapakapaka nyọ daọrụ ḅụ ori enjẹlapụ seni koromamẹ, pịkịna kọrịarị okola-agiji na, anị pekelepekelema ḅọrọ nyọnyọ damẹ. Mịn mị anị seni ḍumo pịrị chịn mị kpekimaḅọ goyegoye desinḅịaye gose.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible Society of Nigeria