ILOOWALI 27
27
Tei Isihaka lobalakati olei Yako
1Todulahee tuwau, tou̒ tei Isihaka mapanggola wau pitoo̒ olo, tiliangio mai tei Esau, walai̒o tamohuhula, lapatao̒ loloi̒ya mao̒ olio, “Walau̒uu̒!”
“Joo, Paapa,” tametao̒ lei Esau.
2Ualei Isihaka, “Otaawamu deu̒ wau̒ mapanggola wau tanu diilalo mohiheo tumumulo. 3Oditolio hamaalo mai buutio̒ wau pana-panaamu, ponao̒lo pongalupai binatangi tuwau tohuta datahu u luasi daa̒. 4Potubu mai u motabo debo odelo u otohilaau̒, tulusi delowa mai ode olau̒. Lapatao̒ tamelou̒ mao̒, mawohiu̒ mai balakatiu̒ to olemu tou̒ diipo wau̒ mate.”
5Bibiisalawa lei Isihaka wolei Esau boito ilodungohe li Ribka. Yi tou̒ tei Esau lomonggato mola mongalupo, 6malo loi̒ya ti Ribka odelei Yako, “Boheli ilodungoheu̒ mao̒ tiyamamu loloi̒ya odelei Esau odie, 7‘Pongalupai binatangi tuwau wau potubu mai u motabo olau̒. Lapatao̒ tamelou̒ mao̒ uito, mawohiu̒ mai balakatiu̒ to olemu totalu lo Eeya, tou̒ diipo wau̒ mate.’ 8Naa, walau̒uu̒,” uali Ribka poli, “Podungoheo̒ wau pohutua mao̒ wolo ulai̒yau̒ mai botie. 9Ponao̒lo mota ode tambati lo himbaanto, wau tulaotilo mai batade duluo u hiliingohe, alihu tubuwou̒ mao̒ mowali ua̒alo u otohilaa liyamamu. 10Lapatao̒ delowalo mota ode olio alihu tamelolio, wau lapatao̒ uito tio mamongohi mai balakatilio to olemu tou̒ diipo tio mate.”
11Bo tei Yako loloi̒ya mao̒ ode liilolio, “Maama, diila bo wawae̒e Esau u lambutalo hiambola wawao̒ lowatia diila? 12Diila bolo otoontala li paapa wawao̒ lowatia wau maa otaawalio mao̒ deu̒ watia mohimbulo olio; de tio madiilalo mongohi mai balakati, bo tumbao̒ mamolaa̒nati olaatia.”
13Tiilolio lolametao̒, “Diila mao̒ polawalo, Naa, huliyalo mao̒ wau̒ tamomanta totoonulalo laa̒natilio. Pohutuwalo mao̒ wolo u mailoi̒yau̒, ponao̒lo mota hamawa mai babaa-tadeyaalo boito.” 14Yi malonao̒lo tei Yako mota lohama mai babaa-tadeyaalo boito wau lodelo mao̒ ode liilolio, tulusi ti Ribka helotubu ua̒alo u otohilaa lei Isihaka. 15Lapatao̒ ti Ribka malohama mai pakeyangi lei Esau u gaaga daa̒, u tilahulio tobele, tulusi pilopo pakelio mao̒ tolei Yako. 16Tio lopo molobani mao̒ olo walito walao̒ batade to polotodu wau buloi̒o lei Yako udiila olambuto boito. 17Lapatao̒ yiludulio mao̒ odelei Yako utilubu umotabo boito wolo loti u mapilo hutulio mao̒.
18Lapatao̒ uito malonao̒ mota tei Yako ode liyamolio wau loloi̒ya mao̒, “Paapa!”
“Ooo̒,” tametao̒ lei Isihaka, “Tatoonu yio̒, tei Esau meaalo tei Yako?”
19Tametao̒ lei Yako, “tei Esau, walai̒ paapa tamohuhula; tahuli li paapa mapilohutu mai lowatia. Huloo̒lo wau polamelolo tapu umaa ilalupai lowatia botie, alihu ti paapa mowali mobalakati mai olaatia.”
20Ualei Isihaka, “lolamemeta daa̒ lotapumu mai, Naa.”
Tametao̒ lei Yako, “kalana Eeya Allahu Taa̒ala Taa hetuboo li paapa malo tulungi mai olaatia.”
21Lapatao̒ ualei Isihaka odelei Yako, “Dulo pohimbidei alihu wau̒ moo̒ tontalao̒ olemu. Otutu yio̒ tei Esau?” 22Tei Yako malo himbideo̒ oliyamolio, wau tiyamolio boito lolontalao̒ olio wau loloi̒ya mao̒, “Sualamu debo odelo suala lei Yako, bo polotodumu debo odelo polotodu lei Esau.” 23Tei Isihaka diila moo̒onuhe olei Yako sababu polotodio olambuto debo odelo polotodio lei Esau. Bo tou̒ tei Yako mamo balakati olio, 24tio donggo pee̒entapo helohintu, “Otutu yio̒ tei Esau?”
“Otutu,” tametao̒ lei Yako.
25Lapatao̒ malo loi̒ya tei Isihaka, “Wohiyalo mai olau̒ tapu boito. Lapatao̒ mao̒ mawohiu̒ mai balakatiu̒ to olemu.” Tei Yako malongohi mao̒ tapu boito to liyamolio wau olo ngoi̒di angguru u yilumolo. 26Lapatao̒ uali yamolio to olio, “Dulo lebe pohimbidei, Naa, wau dila mai wau̒.” 27Tou̒ tei Yako malo himbeo̒ u modilo olio, iloboowa lei Isihaka pakeyangi lei Esau, tulusi bilalakatialio mao̒ tio. Ualei Isihaka, “Boola mopiohe lo walau̒uu̒ debo odelo boolo huta datahu wau luasi umaa bilalakatia lo Eeya. 28Hinta Allahu Taa̒ala mongohi mai olemu wambulo monto hulungo, wau mohutu mai hahaa-labolumu molomiodu! Hinta Tio mongohi mai olemu pale wau angguru dadaata daa̒! 29Hinta babaa-ngusawalo mowali watomu, wau susuu-kuwaalo bangusa taa̒luku to olemu. Hinta yio̒ motolo kawasa mao̒ ngoa̒amila mongo ilaatamu, wau wali mai li maamamu mosujudu totalumu. Hinta laa̒-laa̒natilo ngoa̒amila taa u molaa̒nati olemu wau bala-balakatilo ngoa̒amila taa u mobalakati olemu.”
Tei Esau lomolohone balakati lonto olei Isihaka
30Lolamemeto lapatio mao̒ tei Isihaka longohi mao̒ balakatilio wau tei Yako lonao̒, tei Esau hulangio, malo hualingai lonto longalupo. 31Tio olo lotubu mao̒ ua̒alo u motabo lapatao̒ dilelolio ode liyamolio, ualio mao̒, “Huloo̒lo, Paapa, wau polamelolo tapu u madilelo mai lowatia odeli paapa, alihu ti paapa moo̒ balakati mai olaatia.”
32“Tatoonu yio̒?” ualei Isihaka,
“Tei Esau walai̒ paapa tamohuhula,” tametio mao̒.
33Tei Isihaka mahulu-huluhelio ngangaawaa̒lo mao̒, wau malohintu tio, “Wonu odito, tatoonu tamaa longalupai binatangi wau lodelo mai ode olau̒ engonti? Mai̒lo tamelau̒ tou̒ yio̒ diipo leidungga mai. Lapatao̒ mailohiu̒ mao̒ balakatiu̒ u pulitio to olio, wau botia balakati boito malowali hakuulio ohiheo-hiheolo mao̒.”
34Tou̒ tei Esau loo̒ dungoheo̒ uito, tio maa hilumoyongo hungga-hunggalaa̒ wolo odito suukalilio, lapatao̒ ualio mao̒, “Balakatiyalo mai olo watia Paapa!”
35Tei Isihaka loloi̒ya mao̒, “Tawali-yaliimu malonao̒ mai odia wau malo himbulo olau̒. Tio malohama balakati u otutuulio mao̒ mawohiu̒ mai olemu.”
36Ualei Esau, “uti-utieelo u oluolio tio helo himbulo olaatia. Tuhetaa olo tanggulio tei Yako. Tio malohama haku lowatia odelo walao̒ tamohuhula, wau botia tio luli lohama poli balakati lowatia. Wolo ti Paapa diila obalakati wewo ode laatia?”
37Tei Isihaka lolametao̒, “Wau̒ malo powali olio ti tuanimu, wau ngoa̒amila mongo ilaatio pilopo waliu̒ mao̒ watolio. Wau̒ malongohi mao̒ olio pale wau angguru. Botia madiduu̒ mao̒ wolo-wolo u mowali pohutuwou̒ mai olemu, Naa!”
38Tei Esau diila lohuto lohuheli lomolohone odeli paapalio, “Wolo ti paapa bo obalakati tuwau wambao̒? Balakatiyalo mai watia olo, paapa!” Tulusi tio mahilu moyonga poli.
39Lapatao̒ tei Isihaka loloi̒ya mao̒ olio,
“Madiduu̒ wambulo monto hulungo olemu,
madiduu̒ halabolu u molomiodu olemu.
40Yio̒ matumumulo monto wamilumu,
bo debo mowali wato lo tawali-yaliimu,
bo wonu yio̒ momintaa̒ tingolo,
yio̒ mamo lopato monto kawasaalio.”
41Yi tei Esau malo lonuo̒ olei Yako kalana ti paapalio malongohi mao̒ balakatilio ode tawali-yaliilio boito. Ualo pikilangilio, “Diilalo mohiheo mola ti paapalio mate wau mopalutao̒ ito motilimi, tei Yako mapatee laatia mate-mateelo mao̒!”
Tei Isihaka lopoa̒hu olei Yako lonao̒ mola odelei Laban
42Tou̒ ti Ribka loo̒ dungoheo̒ pasali lolanjana lei Esau boito, tio malei̒ tiangai olei Yako wau loloi̒ya mao̒, “Dungohi mao̒ tikakamu tei Esau omakusudu moniyati wau momate olemu mate-mateelo mao̒. 43Ntali pohutuwalo wolo uiloi̒yau̒ mai botie. Hua̒ ponao̒lo odeli kakau̒ tei Laban mola to Haran, 44wau potibiluloo̒lo pee̒-pee̒enta wolio dengolo wakutu mola hiheolio, tilinggula oyiyingo likakamu moole, 45wau tio molipatao̒ wolo u mapilo hutumu to olio. Lapatao̒ wau̒ mamo poa̒hu mola tau modelo olemu muli mohualingai. Wau̒ diila mohuto oolia lo walau̒uu̒ duduulota todulahee u tutuuwauwa.”
46Yi malo loi̒ya ti Ribka odelei Isihaka, “Wau̒ madiilalo mohuto oo̒onto mongodile lei Esau monto suku lo bangusa deli boito. Wonu tei Yako olo monika wolo tadulahu lo Het, lebe mopioheo̒ wau̒ mateelo wambao̒.”
Àwon tá yàn lọ́wọ́lọ́wọ́ báyìí:
ILOOWALI 27: LAIGOR
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
ILOOWALI 27
27
Tei Isihaka lobalakati olei Yako
1Todulahee tuwau, tou̒ tei Isihaka mapanggola wau pitoo̒ olo, tiliangio mai tei Esau, walai̒o tamohuhula, lapatao̒ loloi̒ya mao̒ olio, “Walau̒uu̒!”
“Joo, Paapa,” tametao̒ lei Esau.
2Ualei Isihaka, “Otaawamu deu̒ wau̒ mapanggola wau tanu diilalo mohiheo tumumulo. 3Oditolio hamaalo mai buutio̒ wau pana-panaamu, ponao̒lo pongalupai binatangi tuwau tohuta datahu u luasi daa̒. 4Potubu mai u motabo debo odelo u otohilaau̒, tulusi delowa mai ode olau̒. Lapatao̒ tamelou̒ mao̒, mawohiu̒ mai balakatiu̒ to olemu tou̒ diipo wau̒ mate.”
5Bibiisalawa lei Isihaka wolei Esau boito ilodungohe li Ribka. Yi tou̒ tei Esau lomonggato mola mongalupo, 6malo loi̒ya ti Ribka odelei Yako, “Boheli ilodungoheu̒ mao̒ tiyamamu loloi̒ya odelei Esau odie, 7‘Pongalupai binatangi tuwau wau potubu mai u motabo olau̒. Lapatao̒ tamelou̒ mao̒ uito, mawohiu̒ mai balakatiu̒ to olemu totalu lo Eeya, tou̒ diipo wau̒ mate.’ 8Naa, walau̒uu̒,” uali Ribka poli, “Podungoheo̒ wau pohutua mao̒ wolo ulai̒yau̒ mai botie. 9Ponao̒lo mota ode tambati lo himbaanto, wau tulaotilo mai batade duluo u hiliingohe, alihu tubuwou̒ mao̒ mowali ua̒alo u otohilaa liyamamu. 10Lapatao̒ delowalo mota ode olio alihu tamelolio, wau lapatao̒ uito tio mamongohi mai balakatilio to olemu tou̒ diipo tio mate.”
11Bo tei Yako loloi̒ya mao̒ ode liilolio, “Maama, diila bo wawae̒e Esau u lambutalo hiambola wawao̒ lowatia diila? 12Diila bolo otoontala li paapa wawao̒ lowatia wau maa otaawalio mao̒ deu̒ watia mohimbulo olio; de tio madiilalo mongohi mai balakati, bo tumbao̒ mamolaa̒nati olaatia.”
13Tiilolio lolametao̒, “Diila mao̒ polawalo, Naa, huliyalo mao̒ wau̒ tamomanta totoonulalo laa̒natilio. Pohutuwalo mao̒ wolo u mailoi̒yau̒, ponao̒lo mota hamawa mai babaa-tadeyaalo boito.” 14Yi malonao̒lo tei Yako mota lohama mai babaa-tadeyaalo boito wau lodelo mao̒ ode liilolio, tulusi ti Ribka helotubu ua̒alo u otohilaa lei Isihaka. 15Lapatao̒ ti Ribka malohama mai pakeyangi lei Esau u gaaga daa̒, u tilahulio tobele, tulusi pilopo pakelio mao̒ tolei Yako. 16Tio lopo molobani mao̒ olo walito walao̒ batade to polotodu wau buloi̒o lei Yako udiila olambuto boito. 17Lapatao̒ yiludulio mao̒ odelei Yako utilubu umotabo boito wolo loti u mapilo hutulio mao̒.
18Lapatao̒ uito malonao̒ mota tei Yako ode liyamolio wau loloi̒ya mao̒, “Paapa!”
“Ooo̒,” tametao̒ lei Isihaka, “Tatoonu yio̒, tei Esau meaalo tei Yako?”
19Tametao̒ lei Yako, “tei Esau, walai̒ paapa tamohuhula; tahuli li paapa mapilohutu mai lowatia. Huloo̒lo wau polamelolo tapu umaa ilalupai lowatia botie, alihu ti paapa mowali mobalakati mai olaatia.”
20Ualei Isihaka, “lolamemeta daa̒ lotapumu mai, Naa.”
Tametao̒ lei Yako, “kalana Eeya Allahu Taa̒ala Taa hetuboo li paapa malo tulungi mai olaatia.”
21Lapatao̒ ualei Isihaka odelei Yako, “Dulo pohimbidei alihu wau̒ moo̒ tontalao̒ olemu. Otutu yio̒ tei Esau?” 22Tei Yako malo himbideo̒ oliyamolio, wau tiyamolio boito lolontalao̒ olio wau loloi̒ya mao̒, “Sualamu debo odelo suala lei Yako, bo polotodumu debo odelo polotodu lei Esau.” 23Tei Isihaka diila moo̒onuhe olei Yako sababu polotodio olambuto debo odelo polotodio lei Esau. Bo tou̒ tei Yako mamo balakati olio, 24tio donggo pee̒entapo helohintu, “Otutu yio̒ tei Esau?”
“Otutu,” tametao̒ lei Yako.
25Lapatao̒ malo loi̒ya tei Isihaka, “Wohiyalo mai olau̒ tapu boito. Lapatao̒ mao̒ mawohiu̒ mai balakatiu̒ to olemu.” Tei Yako malongohi mao̒ tapu boito to liyamolio wau olo ngoi̒di angguru u yilumolo. 26Lapatao̒ uali yamolio to olio, “Dulo lebe pohimbidei, Naa, wau dila mai wau̒.” 27Tou̒ tei Yako malo himbeo̒ u modilo olio, iloboowa lei Isihaka pakeyangi lei Esau, tulusi bilalakatialio mao̒ tio. Ualei Isihaka, “Boola mopiohe lo walau̒uu̒ debo odelo boolo huta datahu wau luasi umaa bilalakatia lo Eeya. 28Hinta Allahu Taa̒ala mongohi mai olemu wambulo monto hulungo, wau mohutu mai hahaa-labolumu molomiodu! Hinta Tio mongohi mai olemu pale wau angguru dadaata daa̒! 29Hinta babaa-ngusawalo mowali watomu, wau susuu-kuwaalo bangusa taa̒luku to olemu. Hinta yio̒ motolo kawasa mao̒ ngoa̒amila mongo ilaatamu, wau wali mai li maamamu mosujudu totalumu. Hinta laa̒-laa̒natilo ngoa̒amila taa u molaa̒nati olemu wau bala-balakatilo ngoa̒amila taa u mobalakati olemu.”
Tei Esau lomolohone balakati lonto olei Isihaka
30Lolamemeto lapatio mao̒ tei Isihaka longohi mao̒ balakatilio wau tei Yako lonao̒, tei Esau hulangio, malo hualingai lonto longalupo. 31Tio olo lotubu mao̒ ua̒alo u motabo lapatao̒ dilelolio ode liyamolio, ualio mao̒, “Huloo̒lo, Paapa, wau polamelolo tapu u madilelo mai lowatia odeli paapa, alihu ti paapa moo̒ balakati mai olaatia.”
32“Tatoonu yio̒?” ualei Isihaka,
“Tei Esau walai̒ paapa tamohuhula,” tametio mao̒.
33Tei Isihaka mahulu-huluhelio ngangaawaa̒lo mao̒, wau malohintu tio, “Wonu odito, tatoonu tamaa longalupai binatangi wau lodelo mai ode olau̒ engonti? Mai̒lo tamelau̒ tou̒ yio̒ diipo leidungga mai. Lapatao̒ mailohiu̒ mao̒ balakatiu̒ u pulitio to olio, wau botia balakati boito malowali hakuulio ohiheo-hiheolo mao̒.”
34Tou̒ tei Esau loo̒ dungoheo̒ uito, tio maa hilumoyongo hungga-hunggalaa̒ wolo odito suukalilio, lapatao̒ ualio mao̒, “Balakatiyalo mai olo watia Paapa!”
35Tei Isihaka loloi̒ya mao̒, “Tawali-yaliimu malonao̒ mai odia wau malo himbulo olau̒. Tio malohama balakati u otutuulio mao̒ mawohiu̒ mai olemu.”
36Ualei Esau, “uti-utieelo u oluolio tio helo himbulo olaatia. Tuhetaa olo tanggulio tei Yako. Tio malohama haku lowatia odelo walao̒ tamohuhula, wau botia tio luli lohama poli balakati lowatia. Wolo ti Paapa diila obalakati wewo ode laatia?”
37Tei Isihaka lolametao̒, “Wau̒ malo powali olio ti tuanimu, wau ngoa̒amila mongo ilaatio pilopo waliu̒ mao̒ watolio. Wau̒ malongohi mao̒ olio pale wau angguru. Botia madiduu̒ mao̒ wolo-wolo u mowali pohutuwou̒ mai olemu, Naa!”
38Tei Esau diila lohuto lohuheli lomolohone odeli paapalio, “Wolo ti paapa bo obalakati tuwau wambao̒? Balakatiyalo mai watia olo, paapa!” Tulusi tio mahilu moyonga poli.
39Lapatao̒ tei Isihaka loloi̒ya mao̒ olio,
“Madiduu̒ wambulo monto hulungo olemu,
madiduu̒ halabolu u molomiodu olemu.
40Yio̒ matumumulo monto wamilumu,
bo debo mowali wato lo tawali-yaliimu,
bo wonu yio̒ momintaa̒ tingolo,
yio̒ mamo lopato monto kawasaalio.”
41Yi tei Esau malo lonuo̒ olei Yako kalana ti paapalio malongohi mao̒ balakatilio ode tawali-yaliilio boito. Ualo pikilangilio, “Diilalo mohiheo mola ti paapalio mate wau mopalutao̒ ito motilimi, tei Yako mapatee laatia mate-mateelo mao̒!”
Tei Isihaka lopoa̒hu olei Yako lonao̒ mola odelei Laban
42Tou̒ ti Ribka loo̒ dungoheo̒ pasali lolanjana lei Esau boito, tio malei̒ tiangai olei Yako wau loloi̒ya mao̒, “Dungohi mao̒ tikakamu tei Esau omakusudu moniyati wau momate olemu mate-mateelo mao̒. 43Ntali pohutuwalo wolo uiloi̒yau̒ mai botie. Hua̒ ponao̒lo odeli kakau̒ tei Laban mola to Haran, 44wau potibiluloo̒lo pee̒-pee̒enta wolio dengolo wakutu mola hiheolio, tilinggula oyiyingo likakamu moole, 45wau tio molipatao̒ wolo u mapilo hutumu to olio. Lapatao̒ wau̒ mamo poa̒hu mola tau modelo olemu muli mohualingai. Wau̒ diila mohuto oolia lo walau̒uu̒ duduulota todulahee u tutuuwauwa.”
46Yi malo loi̒ya ti Ribka odelei Isihaka, “Wau̒ madiilalo mohuto oo̒onto mongodile lei Esau monto suku lo bangusa deli boito. Wonu tei Yako olo monika wolo tadulahu lo Het, lebe mopioheo̒ wau̒ mateelo wambao̒.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀