ԾՆՈՒՆԴՔ Գլուխ Դ

Գլուխ Դ

1 Եմուտ Ադամ առ Եւայ կին իւր, եւ յղացաւ եւ ծնաւ զԿային. եւ ասէ. Ստացայ մարդ #4։1 Եբր. ՏերամբԱստուծով։ 2Եւ յաւել ծնանել զեղբայր նորա զՀաբէլ. եւ եղեւ Հաբէլ հովիւ խաշանց, եւ Կային գործէր զերկիր։ 3Եւ եղեւ յետ աւուրց եբեր Կային ի պտղոյ երկրի պատարագ #4։3 Եբր. ՏեառնԱստուծոյ։ 4Ած եւ Հաբէլ յանդրանկաց խաշանց իւրոց եւ ի պարարտաց նոցա. եւ հայեցաւ #4։4 Եբր. ՏէրԱստուած ի Հաբէլ եւ ի պատարագս նորա։ 5Եւ ի Կային եւ ի զոհս նորա ոչ նայեցաւ. եւ տրտմեցաւ Կային յոյժ, եւ խոնարհեցան անկան երեսք նորա։ 6Եւ ասէ Տէր #4։6 ՅԵբր. պակասէԱստուած ցԿային. Ընդէ՞ր #4։6 Եբր. բարկացարտրտմեցար, եւ ընդէ՞ր խոնարհեցան անկան երեսք քո։ 7Ո՞չ ապաքէն եթէ #4։7 Եբր. բարւոք գործես, եղիցի ընդունելի, եւ եթէ բարւոք ոչ գործիցես, մեղք (կամ պատարագ մեղաց) կան առ դուրս. եւ առ քեզ լիցի ցանկութիւնուղիղ մատուցանես, եւ ուղիղ ոչ բաժանես՝ մեղար. լուռ լեր, առ քեզ լիցի դարձ՝՝ նորա, եւ դու տիրեսցես նմա։

8Եւ #4։8 Եբր. խօսեցաւ Կային առ Հաբէլ եղբայր իւրասէ Կային ցՀաբէլ եղբայր իւր. Եկ երթիցուք ի դաշտ՝՝. եւ եղեւ իբրեւ չոգան ի դաշտ անդր, յարեաւ Կային ի վերայ Հաբելի եղբօր իւրոյ եւ սպան զնա։ 9Եւ ասէ Տէր #4։9 ՅԵբր. պակասէԱստուած ցԿային. Ո՞ւր է Հաբէլ եղբայր քո։ Եւ նա ասէ. Չգիտեմ. միթէ պահապա՞ն իցեմ եղբօրն իմոյ։ 10Եւ ասէ Աստուած. Զի՞նչ գործեցեր զայդ. գոչումն արեան եղբօր քո բողոքէ առ իս յերկրէ։ 11Եւ արդ անիծեալ լիջիր դու ի վերայ երկրի, որ եբաց զբերան իւր ընդունել զարիւն եղբօր քո ի ձեռաց քոց։ 12Զի գործեսցես զերկիր, եւ ոչ յաւելցէ տալ քեզ զզօրութիւն իւր. երերեալ եւ տատանեալ եղիցես ի վերայ երկրի։ 13Եւ ասէ Կային ցՏէր #4։13 ՅԵբր. պակասէԱստուած. Մեծ է պատիժ իմ քան #4։13 Եբր. զկար իմ կամ զներել թողութեանզթողուլդ զիս՝՝։ 14#4։14 Եբր. Ահա հաներԵթէ հանես՝՝ զիս այսօր յերեսաց երկրէ, եւ յերեսաց քոց թաքեայց. եւ լինիցեմ երերեալ եւ տատանեալ յերկրի, եւ եղիցի ամենայն որ գտանիցէ զիս՝ սպանցէ զիս։ 15Եւ ասէ ցնա Տէր #4։15 ՅԵբր. պակասէԱստուած. Ոչ այդպէս. ամենայն որ սպանանէ զԿային, եւթն վրէժս լուծցէ։ Եւ եդ Տէր #4։15 ՅԵբր. պակասէԱստուած նշան ի Կային՝ չսպանանել զնա ամենայնի որ գտանիցէ զնա։

16Եւ ել Կային յերեսաց #4։16 Եբր. ՏեառնԱստուծոյ, եւ բնակեցաւ յերկրին Նայիդ յանդիման Եդեմայ։ 17Եմուտ Կային առ կին իւր, եւ յղացաւ եւ ծնաւ զԵնովք. եւ շինէր քաղաք, եւ դնէր անուն քաղաքին յանուն որդւոյ իւրոյ Ենովքայ։ 18Եւ եղեւ որդի Ենովքայ Գայերիդադ, եւ Գայերիդադ ծնաւ զՄայիէլ, եւ Մայիէլ ծնաւ զՄաթուսաղա, եւ Մաթուսաղա ծնաւ զՂամէք։ 19Եւ առ իւր Ղամէք երկուս կանայս. անուն միումն Ադդա, եւ անուն երկրորդին Սէլլա։ 20Եւ ծնաւ Ադդա զՅովբէլ. նա է հայր այնոցիկ որ բնակեալ են ի վրանս խաշնարածաց։ 21Եւ անուն եղբօր նորա Յովբաղ. նա է հայր որ եցոյց զերգս եւ զքնարս։ 22Եւ Սէլլա ծնաւ զԹովբէլ, եւ էր ճարտարապետ դարբին՝ պղնձոյ եւ երկաթոյ. եւ քոյր Թովբելայ Նոյեմա։ 23Եւ ասէ Ղամէք ցկանայս իւր ցԱդդա եւ ցՍէլլա. Լուարուք ձայնի իմում, կանայք Ղամեքայ, եւ ունկն դիք բանից իմոց. զի այր սպանի ի վէրս ինձ, եւ երիտասարդ՝ ի հարուածս ինձ։ 24Զի թէ եւթն անգամ վրէժք խնդրիցին ի Կայենէ. ապա եւ ի Ղամեքայ եւթանասնեկին եւթն։

25Եմուտ Ադամ առ Եւայ կին իւր, եւ յղացաւ եւ ծնաւ որդի, եւ անուանեաց զանուն նորա Սէթ. ասէ. Զի յարոյց ինձ Աստուած զաւակ այլ՝ փոխանակ Հաբելի զոր սպանն Կային։ 26Եւ Սեթայ եղեւ որդի, եւ անուանեաց զանուն նորա Ենովս. #4։26 Եբր. յայնժամ սկիզբն եղեւ կոչելոյ յանուն Տեառննա յուսացաւ կոչել զանուն Տեառն Աստուծոյ՝՝։

Àwon tá yàn lọ́wọ́lọ́wọ́ báyìí:

ԾՆՈՒՆԴՔ Գլուխ Դ: ԳՐԲ1895

Ìsàmì-sí

Pín

Daako