ԾՆՈՒՆԴՔ Գլուխ Թ

Գլուխ Թ

1Եւ օրհնեաց Աստուած զՆոյ եւ զորդիս նորա, եւ ասէ ցնոսա. Աճեցէք եւ բազմացարուք եւ լցէք զերկիր #9։1 ՅԵբր. պակասէեւ տիրեցէք դմա՝՝։

2Եւ ահ եւ երկեւղ ձեր եղիցի ի վերայ ամենայն գազանաց երկրի, եւ ի վերայ ամենայն թռչնոց երկնից, եւ ի վերայ ամենայն զեռնոց երկրի, եւ ի վերայ ամենայն ձկանց ծովու, զորս ընդ ձեռամբ ձերով ետու։ 3Եւ ամենայն զեռուն որ է կենդանի՝ ձեզ լիցի ի կերակուր. իբրեւ զբանջար խոտոյ ետու ձեզ զամենայն։ 4Բայց զմիս արեամբ շնչոյ մի՛ ուտիցէք։ 5Քանզի եւ զձեր արիւն շնչոյ խնդրեցից. ի ձեռաց ամենայն գազանաց խնդրեցից զնա եւ ի ձեռաց մարդոյ. ի ձեռաց առն զշունչ եղբօր իւրոյ խնդրեցից։ 6Որ հեղու զարիւն մարդոյ, փոխանակ արեան նորա հեղցի արիւն նորա. զի ի պատկեր Աստուծոյ #9։6 Եբր. արարարարի ես՝՝ զմարդն։ 7Այլ դուք աճեցէք եւ բազմացարուք եւ լցէք զերկիր, եւ բազմացարուք ի վերայ դորա։ 8Եւ խօսեցաւ #9։8 ՅԵբր. պակասէՏէր Աստուած ընդ Նոյի եւ ընդ որդիս նորա որ ընդ նմա էին եւ ասէ. 9Եւ ահաւասիկ ես հաստատեմ զուխտ իմ ընդ ձեզ, եւ ընդ զաւակի ձերում յետ ձեր։ 10Եւ ընդ ամենայն շնչոյ կենդանւոյ որ ընդ ձեզ են, ի թռչնոց եւ յանասնոց եւ յամենայն գազանաց երկրի որ ընդ ձեզ, եւ յամենեցունց որ ելին ի տապանէ անտի, եւ յամենայն անասնոց երկրի։ 11Եւ հաստատեցից զուխտ իմ ընդ ձեզ. եւ ոչ եւս մեռանիցի ամենայն մարմին ի ջրհեղեղէ, եւ ոչ եւս եղիցի ջրհեղեղ ջուրց ապականել զամենայն երկիր։ 12Եւ ասէ #9։12 ՅԵբր. պակասէՏէր Աստուած #9։12 ՅԵբր. պակասէցՆոյ. Այս է նշան ուխտին զոր ես տաց ընդ իս եւ ընդ ձեզ, եւ ի մէջ ամենայն շնչոյ կենդանւոյ որ է ընդ ձեզ, յազգս յաւիտենից։ 13Զաղեղն իմ եդից յամպս, եւ եղիցի ի նշանակ յաւիտենական ուխտին ընդ իս եւ ընդ ամենայն երկիր։ 14Եւ եղիցի ի գումարել ինձ զամպս ի վերայ երկրի, երեւեսցի աղեղն իմ յամպս։ 15Եւ յիշեցից զուխտ իմ որ ընդ իս եւ ընդ ձեզ, եւ ի մէջ ամենայն շնչոյ կենդանւոյ յամենայն մարմին. եւ ոչ եւս եղիցի ջրհեղեղ ի սատակել զամենայն մարմին։ 16Եւ եղիցի աղեղն իմ յամպս, եւ տեսից՝ յիշել զուխտն յաւիտենական ի մէջ իմ եւ ի մէջ ամենայն շնչոյ կենդանւոյ յամենայն մարմնի որ է ի վերայ երկրի։ 17Եւ ասէ Աստուած ցՆոյ. Այս է նշան ուխտին զոր #9։17 Եբր. հաստատեցիուխտեցի ես ընդ իս եւ #9։17 ՅԵբր. պակասէընդ ձեզ, եւ՝՝ ի մէջ ամենայն մարմնոյ որ է ի վերայ երկրի։

18Եւ էին որդիք Նոյի որ ելին ի տապանէ անտի, Սէմ, Քամ, Յաբեթ. Քամ էր հայր Քանանու։ 19Երեք սոքա էին որդիք Նոյի, եւ ի սոցանէ սփռեցան ընդ ամենայն երկիր։

20Եւ սկսաւ Նոյ, այր հողագործ, #9։20 ՅԵբր. պակասէզերկիր գործել՝՝. եւ տնկեաց այգի։ 21Եւ արբ ի գինւոյն եւ արբեցաւ, եւ մերկացաւ #9։21 Եբր. ի խորանիի տան իւրում։ 22Եւ ետես Քամ, հայր Քանանու, զմերկութիւն հօր իւրոյ եւ ել պատմեաց երկուց եղբարց իւրոց արտաքոյ։ 23Եւ առեալ Սեմայ եւ Յաբեթի հանդերձ, եդին ի վերայ թիկանց երկոկոցուն, եւ գնացին յետս յետս եւ ծածկեցին զմերկութիւն հօրն իւրեանց. եւ զերեսս իւրեանց յետս ընդդէմ ունէին, եւ զմերկութիւն հօրն իւրեանց ոչ տեսին։ 24Եւ սթափեցաւ Նոյ ի գինւոյ անտի իւրմէ, եւ գիտաց զինչ արար ընդ նա որդին իւր կրտսեր, եւ ասէ. 25Անիծեալ Քանան, #9։25 Եբր. եղիցի ծառայ ծառայիցմանուկ, եւ եղիցի ծառայ՝՝ եղբարց իւրոց։ 26Եւ ասէ. օրհնեալ Տէր #9։26 ՅԵբր. պակասէԱստուած, Աստուած Սեմայ, եւ եղիցի Քանան ծառայ #9։26 Կամ նոցանորա։ 27Ընդարձակեսցէ Աստուած Յաբեթի, եւ բնակեսցէ #9։27 Եբր. ի խորանսի տան Սեմայ, եւ եղիցի Քանան ծառայ #9։27 Կամ նորանոցա։

28Եւ եկեաց Նոյ յետ ջրհեղեղին ամս երեք հարեւր եւ յիսուն։ 29Եւ եղեն ամենայն աւուրք Նոյի ամք ինն հարեւր եւ յիսուն, եւ մեռաւ։

Àwon tá yàn lọ́wọ́lọ́wọ́ báyìí:

ԾՆՈՒՆԴՔ Գլուխ Թ: ԳՐԲ1895

Ìsàmì-sí

Pín

Daako