Matyo 1

Əla pə Yeso

(Luk 3.23-38)

1Lɛ̌ ndzaŋ pətǎ pə́ pətǎ pə́ Yeso Klisto pə́ nə ńchwáakə nə́, a nə ḿbə́ lə́ mɔ́ Debilə, a pə́ nə́ ají mɔ́ Ablaam lə.

2Ablaamə a nə ḿbə́ lə́ tǎpə Azigə, Azigə a pə́ tǎpə Jekɔb, Jekɔbə a pə́ tǎpə Juda pópə pəlim píə. 3Juda a nə ḿbə́ lə́ tǎpə Pelez pó Zela páʼ mǎ əghoobə́ a nə ḿbə́ nə́ Tamal, Pelez a nə ḿbə́ lə́ tǎpə Ezlon, Ezlon a pə́ tǎpə Lam. 4Lamə a pə́ tǎpə Aminadab, Aminadabə a pə́ tǎpə Nashon, Nashon a pə́ tǎpə Salmon, 5Salmon a pə́ tǎpə Boaz, páʼ mǎ əyǐə a nə ḿbə́ nə́ Laʼab, Boaz a nə ḿbə́ lə́ tǎpə Obedə (páʼ mǎ əyǐə a nə ḿbə́ nə́ Ludə) Obed a nə ḿbə́ lə́ tǎpə Jese, 6Jese a nə ḿbə́ lə́ tǎpə Əfo Debilə. Debilə a pə́ tǎpə Solomunə (páʼ mǎ əyǐə a nə ḿbə́ nə́ ngwě Ulya) 7Solomunə a nə ḿbə́ lə́ tǎpə Leoboam, Leoboam a pə́ tǎpə Abija, Abija a pə́ tǎpə Asa, 8Asa a pə́ tǎpə Jeoshafalə, Jeoshafalə a pə́ tǎpə Jolam, Jolamə a pə́ tǎpə Uzzya, 9Uzzya a pə́ tǎpə Jotan, Jotanə a pə́ tǎpə Aaz, Aazə a pə́ tǎpə Ezekiel, 10Ezekiel a pə́ tǎpə Manase, Manase a pə́ tǎpə Amon, Amon a pə́ tǎpə Josya, 11Josya a tíʼ ḿbə́ ají tǎpə Jekonya pópə pəlim píə, əghâ pə́ nə ńdɔg nə́ ághɔ́b ńgɛnə̂ á Babilɔnə ándó əpǒʼntsoolə.

12Əghâ pó nə ńgɛn nə́ ńchîə á Babilɔnə ándó əpǒʼntso lə́, Jekonya a pə́ tǎpə Shealtiel, Shealtiel a pə́ tǎpə Zelubbabel, 13Zelubbabel a pə́ ají tǎpə Abiud, Abiudə a pə́ tǎpə Elyakim, Elyakimə a pə́ ají tǎpə Azol, 14Azolə a pə́ tǎpə Zadok, Zadokə a pə́ ají tǎpə Akim, Akimə a pə́ ají tǎpə Eliud, 15Eliudə a pə́ ají tǎpə Eleazal, Eleazalə a pə́ ají tǎpə Mattan, Mattanə a pə́ ají tǎpə Jekɔb, 16Jekɔbə a pə́ ají tǎpə Josɛf páʼ a nə ḿbə́ nə́ ndú Mɛɛlə mǎpə Yeso páʼ pə́ fóŋ nə́ nə́ Klisto lə̂.

17Lə́ələ́ pə́ ńgə́ lə́ nə ḿbə́ əla ntsɔb nəkwa ńchúʼə atû Ablaam ńtsó ńkoʼ nə́ Debilə ńkə́ ḿbɨ ḿbə́ ntsɔb nəkwa á mə́ fɛ́d nə atû Debid tə́ tsó koʼ nə́ ndɛd pə́ nə ńdɔg nə́ ághóobə́ ándó əpǒʼntso ńgɛnə̂ á Babilɔn lə̂, ńtíʼ ńkə́ ḿbɨ ḿbə́ ntsɔb nəkwa ə́fɛ́d əghâ pə́ nə ńdɔg nə́ ághóobə́ ándó əpǒʼntso lə́ tə́ ńkoʼ nə́ ndɛd pə́ nə ḿbî nə́ Klisto lə̂.

Ndzaŋ pə́ nə Mbî nə́ Yeso Klisto

(Luk 2.1-7)

18Lɛ̌ ndzaŋə ándó pə́ nə ńdǎ nə́ ḿbɔŋə̂ pîə Yeso Klisto. Mǎ əyǐ Mɛɛlə a nə ḿbə́ lə́ ngwě Jɔsɛfə a nə ńtə́g nə́. Lə́ ndɛlə́ a nə ńchî nə́ á mə́ zɔ́ʼ nə́ ə́ nə ńtə́ ńkoʼə̂ lə́ Mɛɛlə a jɨ́ ńgə́ yə́ chî nə́ móonə Ajwǐəsê. 19Ḿbə́ ńté ńgə́ Jɔsɛf, ndú əyǐə a nə ḿbə́ lə́ ŋwu ńtɨ́ ndə̌ŋdəŋə́ á mbi Əsê, ńkě kə́ ńkɔŋə̂ á mə́ néŋ nə́ əsə́ənə atû yə́ á əshîsaŋ pô, ńtíʼ ńkwaŋə̂ atû yí ńgə́ yə́ yǐ shamkə̂ ndzɔʼə́ yi wɨ́ tsɔʼə a ndzəmə ndzəmə. 20Ndzaŋə akwaŋ zəənə́ á nə ńchî nə́ a ntɨ́ yí lə́, Ntseŋndɛ̂ Mmaʼmbîə a yǐəə á mbi yə́ a ndzəəmə, ə́sóŋ ńgə́ “Jɔsɛf mɔ́ Debid, kɔ gho pɔ́gə á mə́ lɔg nə́ Mɛɛlə kwə̂ nə́ yə́ a ngyaʼə́ gho ándó ngwě əgho, ńté ńgə́ mɔ́ páʼ a chî nə́ nəpəm yí lə́, a lǒo lə́ á mbô Ajwǐəsê. 21A yǐ pîə a mɔ́ mbyâŋnə, gho chwǐ əlɛ́n əyí nə́ Yeso ńté ńgə́ a yǐ chwádkə pɨ píə á mə́m təpɔŋ əghoobə́.”

22Anu zəənə́ atsəmə á nə ńdaŋ lə́ á mə́ ghɛd nə́ ńgə́ anu Mmaʼmbîə a nə sóŋ nə́ ńdaŋə̂ á mbô məntú mí, a lɔgə̂ aliʼə́. 23“Mɔ̂ məngyě páʼə a kě nə́ anuə ŋwu mbyâŋnə kə̈ jîə pô, a yǐ chî nə́ móonə, ə́ pîə a pə́ yi mbyâŋnə, pə́ fóŋə yi nə́ Emanuel,” páʼ əlɛ́n yi wɨ́ ə́ sóŋ nə́ lə́ ńgə́ “Əsê chî pɛ̌npo.”

24Ndzaŋ Jɔsɛfə a nə ńjimnə̂ nə́ lə́, ə́faʼ chigə ndzaŋ páʼ Ntseŋndɛ̂ Mmaʼmbîə a pěʼ nə́ sóŋə á mbô yí lə̂, ńtíʼ ńdɔgə̂ Mɛɛlə ńkwə̂ á ngyaʼə́ yə́ ándó ngwě əyǐə. 25Lə́ pó yí pə́ ńdáʼ ńkě nə́ anuə ndzɔʼə́ yətsə́ chî pô tə́ a láʼ mbîə mɔ́ mbyâŋnə, a fɛ̂ əlɛ́n yí ńgə́ Yeso.

Àwon tá yàn lọ́wọ́lọ́wọ́ báyìí:

Matyo 1: azo

Ìsàmì-sí

Pín

Daako