मत्ती 7
7
औरजहन दोष लगैना सम्बन्धी
लूका ६:३७-३८,४१-४२
1येशू कह्टीगैल, “औरजहन दोष जिन लगाओ, त टुँहन फे दोष नैलगाजाई। 2काकरकि टुह्र जसहेँक औरजहन दोषी ठह्रैबो, ओसहेँक टुह्र फे दोषी ठह्राजैबो। जौन नापले औरजहन नप्बो, उह नाप टुँहन फे लागू हुई।#मर्क ४:२४
3“आनक आँखिमक किर्किट देखुइया आपन आँखिमक ठेङ्ग्रा काजे नैदेख्टो? 4आपन आँखिमक ठेङ्ग्रा नैदेखुइया, आपन भैयह ‘खै-खै, मै टुँहार आँखिमक किर्किट झिँकदिउँ’ कैक कसिक कहसेक्ठो? 5टुह्र कपटी मनै, पैल्ह आपन आँखिमक ठेङ्ग्रा झिँको, तब आपन भैयक आँखिमक किर्किट झिँकबेर छर्लङ्ग देख्बो।
6“पवित्र चिज कुक्कुरिन जिन देओ, यदि देबो कलसे उल्ट टुँहन खप्कहीँ, ओ हिरामोती सुरिन्हक आघ जिन फाँको, यदि फँक्बो कलसे ग्वारले डाब्क काच्याकुची पारदेहीँ।
मङ्ना, खोज्ना, ओ ढकढकैना
लूका ११:९-१३
7“मङ्टीरहो त पैबो, खोज्टीरहो त भेटैबो, ढकढकैटीरहो त टुन्हक लाग ड्वार उभकजाई। 8काकरकि मङ्गुइयन पैठ, खोजुइयन भेटैठ, ओ ढकढकुइयन्हक लाग ड्वार उभकजैठा।
9“टुह्रमध्येम कौन मनैया हुई, ज्याकर छावा रोटी मङ्लसे पत्थ्रा दे? 10या मच्छी मङ्लसे सँप्वा दे? 11टुह्र दुष्ट होक फे आपन छाई-छावन असल चिज देह जन्ठो कलसे, स्वर्गम रना टुन्हक बाबा झन् उहाँसे मङ्गुइयन कत्रा धेर असल चिज देह्हीँ। 12और मनै टुँहन जसिन व्यवहार करल चहठो, टुह्र फे औरजहन ओस्तहँ व्यवहार करो। व्यवस्था ओ अगमवक्तन्हक शिक्षा यिह जो हो।”#लूक ६:३१
साँक्कीर ओ चाक्कीर ड्वार
लूका १३:२४
13साँक्कीर ड्वारीओर्से भित्तर पैँठो, काकरकि विनाशम पुगैना ड्वार चाक्कीर ओ सजिलो रठा, ओ ओसिन ड्वारीओर्से पैँठुइयन धेर रठ। 14काकरकि जीवनम पुगैना ड्वार साँक्कीर रठा ओ डगर अप्ठ्यारो रठा, असिन डगर भेटुइयन डान्चे केल रठ।
मनै व्यवहारले चिन्मिल्ठ
लूका ६:४३-४४
15झूटा अगमवक्तनसे होसियार रहो। हुँक्र भेँरीन्हक भेष लेक अइठ, तर भित्तरजुन डरलग्टिक ब्वाँसाअस रठ। 16टुह्र हुँकन्हक फराइल फारले हुँकन चिह्न्बो। का काँटक ब्वाँटिम अङ्गूर या सिउँह्रीक ब्वाँटिम अञ्जीर फर्ठा? 17असल रूख्वम असल फारा फर्ठा, खराब रूख्वम खराब फारा फर्ठा। 18असल रूख्वा खराब फारा फराइ नैस्याकट, ना त खराब रूख्वा असल फारा फराइसेक्ठा। 19असल फारा नैफरैना हरेक रूख्वा काट्क आगीम फाँक्जउइया बा।#मत्ती ३:१०; लूक ३:९ 20असिक टुह्र हुँकन्हक फराइल फारले झूटा अगमवक्तन चिह्न्बो।#मत्ती १२:३३
21“महीह ‘प्रभु, प्रभु’ कहुइया सबजन स्वर्गक राज्यम पैँठ नैपउइयाहुइट। स्वर्गम रना म्वार परमेश्वर बाबक इच्छा अनुसार काम करुइयन केल पैँठ पउइयाबाट। 22उ दिन धेर जन महीह कहहीँ, ‘प्रभु, प्रभु का हम्र अप्नक नाउँम अगमवाणी नैबोल्ली? का अप्नक नाउँ लेक भूतन नैनिकर्ली? का अप्नक नाउँम अचम्म-अचम्मक काम नैकर्ली?’ 23उ ब्याला मै हुँकन कहम, ‘ऐ दुष्ट काम करुइयन, मै टुँहन चिह्न्ल नैहुइटुँ। यिहाँसे जाओ!’”#भज ६:८
दुइ किसिमक घर
24“जे म्वार वचन सुन्क पालन कर्ठा, ऊ एकठो बुद्धिमान मनैयाअस हो। ऊ पत्थ्रक बल्गर जग डार्क घर बनाइल। 25तब हुरी चलल्, झरी करल, बाहार आइल ओ उ घरह धक्का लगाइल, तर पत्थ्रक बल्गर जग रलकओर्से उ घर नैढलल्। 26म्वार वचन सुन्क फे पालन नैकरुइया एकठो मूर्ख मनैयाअस हो। ऊ बालुरम घर बनाइल। 27तब हुरी चलल्, झरी करल, बाहार आइल ओ उ घरह धक्का लगाइल, तब उ घर ढल्क भट्याङभुटुङ होगैल्।”
28येशू आपन चेलन असिक शिक्षा देहट् सुन्क भीडक मनै छक्क पर्ल।#मर्क १:२२; लूक ४:३२ 29काकरकि उहाँ शास्त्रीन्हकअस नाहीँ, तर पूरा अधिकारसे सिखाइट्।
Àwon tá yàn lọ́wọ́lọ́wọ́ báyìí:
मत्ती 7: thl
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Wycliffe Bible Translators, Inc. All rights reserved.
मत्ती 7
7
औरजहन दोष लगैना सम्बन्धी
लूका ६:३७-३८,४१-४२
1येशू कह्टीगैल, “औरजहन दोष जिन लगाओ, त टुँहन फे दोष नैलगाजाई। 2काकरकि टुह्र जसहेँक औरजहन दोषी ठह्रैबो, ओसहेँक टुह्र फे दोषी ठह्राजैबो। जौन नापले औरजहन नप्बो, उह नाप टुँहन फे लागू हुई।#मर्क ४:२४
3“आनक आँखिमक किर्किट देखुइया आपन आँखिमक ठेङ्ग्रा काजे नैदेख्टो? 4आपन आँखिमक ठेङ्ग्रा नैदेखुइया, आपन भैयह ‘खै-खै, मै टुँहार आँखिमक किर्किट झिँकदिउँ’ कैक कसिक कहसेक्ठो? 5टुह्र कपटी मनै, पैल्ह आपन आँखिमक ठेङ्ग्रा झिँको, तब आपन भैयक आँखिमक किर्किट झिँकबेर छर्लङ्ग देख्बो।
6“पवित्र चिज कुक्कुरिन जिन देओ, यदि देबो कलसे उल्ट टुँहन खप्कहीँ, ओ हिरामोती सुरिन्हक आघ जिन फाँको, यदि फँक्बो कलसे ग्वारले डाब्क काच्याकुची पारदेहीँ।
मङ्ना, खोज्ना, ओ ढकढकैना
लूका ११:९-१३
7“मङ्टीरहो त पैबो, खोज्टीरहो त भेटैबो, ढकढकैटीरहो त टुन्हक लाग ड्वार उभकजाई। 8काकरकि मङ्गुइयन पैठ, खोजुइयन भेटैठ, ओ ढकढकुइयन्हक लाग ड्वार उभकजैठा।
9“टुह्रमध्येम कौन मनैया हुई, ज्याकर छावा रोटी मङ्लसे पत्थ्रा दे? 10या मच्छी मङ्लसे सँप्वा दे? 11टुह्र दुष्ट होक फे आपन छाई-छावन असल चिज देह जन्ठो कलसे, स्वर्गम रना टुन्हक बाबा झन् उहाँसे मङ्गुइयन कत्रा धेर असल चिज देह्हीँ। 12और मनै टुँहन जसिन व्यवहार करल चहठो, टुह्र फे औरजहन ओस्तहँ व्यवहार करो। व्यवस्था ओ अगमवक्तन्हक शिक्षा यिह जो हो।”#लूक ६:३१
साँक्कीर ओ चाक्कीर ड्वार
लूका १३:२४
13साँक्कीर ड्वारीओर्से भित्तर पैँठो, काकरकि विनाशम पुगैना ड्वार चाक्कीर ओ सजिलो रठा, ओ ओसिन ड्वारीओर्से पैँठुइयन धेर रठ। 14काकरकि जीवनम पुगैना ड्वार साँक्कीर रठा ओ डगर अप्ठ्यारो रठा, असिन डगर भेटुइयन डान्चे केल रठ।
मनै व्यवहारले चिन्मिल्ठ
लूका ६:४३-४४
15झूटा अगमवक्तनसे होसियार रहो। हुँक्र भेँरीन्हक भेष लेक अइठ, तर भित्तरजुन डरलग्टिक ब्वाँसाअस रठ। 16टुह्र हुँकन्हक फराइल फारले हुँकन चिह्न्बो। का काँटक ब्वाँटिम अङ्गूर या सिउँह्रीक ब्वाँटिम अञ्जीर फर्ठा? 17असल रूख्वम असल फारा फर्ठा, खराब रूख्वम खराब फारा फर्ठा। 18असल रूख्वा खराब फारा फराइ नैस्याकट, ना त खराब रूख्वा असल फारा फराइसेक्ठा। 19असल फारा नैफरैना हरेक रूख्वा काट्क आगीम फाँक्जउइया बा।#मत्ती ३:१०; लूक ३:९ 20असिक टुह्र हुँकन्हक फराइल फारले झूटा अगमवक्तन चिह्न्बो।#मत्ती १२:३३
21“महीह ‘प्रभु, प्रभु’ कहुइया सबजन स्वर्गक राज्यम पैँठ नैपउइयाहुइट। स्वर्गम रना म्वार परमेश्वर बाबक इच्छा अनुसार काम करुइयन केल पैँठ पउइयाबाट। 22उ दिन धेर जन महीह कहहीँ, ‘प्रभु, प्रभु का हम्र अप्नक नाउँम अगमवाणी नैबोल्ली? का अप्नक नाउँ लेक भूतन नैनिकर्ली? का अप्नक नाउँम अचम्म-अचम्मक काम नैकर्ली?’ 23उ ब्याला मै हुँकन कहम, ‘ऐ दुष्ट काम करुइयन, मै टुँहन चिह्न्ल नैहुइटुँ। यिहाँसे जाओ!’”#भज ६:८
दुइ किसिमक घर
24“जे म्वार वचन सुन्क पालन कर्ठा, ऊ एकठो बुद्धिमान मनैयाअस हो। ऊ पत्थ्रक बल्गर जग डार्क घर बनाइल। 25तब हुरी चलल्, झरी करल, बाहार आइल ओ उ घरह धक्का लगाइल, तर पत्थ्रक बल्गर जग रलकओर्से उ घर नैढलल्। 26म्वार वचन सुन्क फे पालन नैकरुइया एकठो मूर्ख मनैयाअस हो। ऊ बालुरम घर बनाइल। 27तब हुरी चलल्, झरी करल, बाहार आइल ओ उ घरह धक्का लगाइल, तब उ घर ढल्क भट्याङभुटुङ होगैल्।”
28येशू आपन चेलन असिक शिक्षा देहट् सुन्क भीडक मनै छक्क पर्ल।#मर्क १:२२; लूक ४:३२ 29काकरकि उहाँ शास्त्रीन्हकअस नाहीँ, तर पूरा अधिकारसे सिखाइट्।
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Wycliffe Bible Translators, Inc. All rights reserved.