Bo Bolɛ 17
17
Abram i dunman kacilɛ
1Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun. 2N wa tra wɔ aenguɛ. N ´yo man ɔ osu'n trɛ lele tratra su.»
3Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ: 4«Aenguɛ nga e nin wɔ e ´tra'n, a wa yo nvle-nvle kpanngban be nannan. 5Be su flɛ-man wɔ Abram kun, siɛn'n ɔ dunman yɛlɛ Abraam yɛlɛ kɛ a ´yo nvle-nvle kpanngban be nannan. 6N ´yo man ɔ osu'n ɔ wa trɛ ɔ ´yo trutrɛɛ. Ɔ wa yo nvle-nvle kpanngban. Wɔ anunman wie'm be ´yo famiɛn. 7Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn . 8N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»
9Nyanmiɛn seli Abraam ekun kɛ: «A nin wɔ anunman mun nin wɔ anunmannunman mun amun kwlaa, an `fa aenguɛ nga e nin wɔ e trali'n i mmla'n su. 10Aenguɛ sɔ'n i su mmla'n yɛlɛ amun yasua'm be kwlaa be klɛn wlalɛ. 11Klɛn wlalɛ sɔ'n ti aenguɛ nga e nin amun e ´tra'n i nzɔliɛ. 12Amun osu-osu'n kwlaa nun ba yasua kwlaa ng'ɔ ko di le mɔcuɛ'n man be wlɛ i klɛn. Sɛ ɔ ti awlo ba o, sɛ sran wie yɛ a toli i b'ɔ ti-man wɔ akpasua sufuɛ o, be `wlɛ i klɛn. 13Kanga nga be wuli i wɔ awlo'n nun annzɛ kusu nga a toli i'n, wla be klɛn nan min aenguɛ b'ɔ lɛ-man awieliɛ'n i nzɔliɛ'n ɔ `ka amun wun. 14Sran yasua nga b'a wlɛ-mɛn i klɛn'n, i sɔ sran liɛ'n ɔ nin min nvle'n nun tranlɛ fata-man, afin i sɔ'n ti min aenguɛ'n i su mmla'n i sacilɛ.»
15I sin ɔ seli i ekun kɛ: «Nán flɛ ɔ́ yi kɛ Sarai kun. Ɔ fin ndɛ i dunman'n yɛlɛ Sara. 16M ´mɛn i muae, n ´yo man ɔ wa wu ba yasua kun man wɔ. Yɛ ɔ ´kaci nvle-nvle'm be nannan. Yɛ i anunman wie'm be ´yo nvle sunman be famiɛn.»
17Abraam bubu guali asiɛ wun gblo, ɔ utuli i nyin ase, yɛ ɔ srili-ɔ. Ɔ seli i klun lɔ kɛ: «?Sran yasua kun di afuɛ ya kwlaa'n, ɔ kwla wu ba ekun? ?Yɛ Sara kusu bɔ ɔ'a di afuɛ ablangwlan'n, ɔ kwla wu ba ekun?» 18Yɛ ɔ seli Nyanmiɛn kɛ: «Ismaɛl yɛ ɔ o lɛ-ɔ. Man ɔ tran ɔ nyrun.»
19Yɛ Nyanmiɛn waan: «N se kɛ ɔ́ yi Sara ɔ wa wu ba yasua kun. Sɛ ɔ wu i'n, tɔn i dunman kɛ Izaak. E nin i nin i anunman mun yɛ e ´tra aenguɛ b'ɔ lɛ-man awieliɛ nin-ɔn. 20Ismaɛl liɛ nga a usali'n, n tili. M ´mɛn i muae, m ´mɛn i ba kpanngban, i osu'n ´trɛ lele tratra su, ɔ ´wu wlengbi blu-nin-nnyɔn . I osu'n ´kaci nvle dan kpa. 21Sanngɛ sran nga e nin i e tra aenguɛ'n yɛlɛ Izaak, Sara i wa nga afuɛ ng'ɔ ´ba lɔ bikisa'n, wuun ɔ'a wu i ɔ'a man wɔ'n.»
22Kɛ Nyanmiɛn nin Abraam be wieli ijɔ'n yɛ ɔ jasoli Abraam wun lɛ ɔli-ɔ. 23Kpɛkuun Abraam wlɛli i wa Ismaɛl i klɛn. Kanga ba nga be wuli be lɛ'n be kwlaa, ɔ nin be ng'ɔ toli be'n, ɔ wlali be klɛn wie. I awlo'n nun yasua'm be kwlakwla yɛ ɔ wlali be klɛn cɛn kunngba'n nun kɛ Nyanmiɛn fa kan kleli i'n sa nin-ɔn. 24Kɛ be ´wla Abraam klɛn'n, wuun ɔ'a di afuɛ ablangwlan-nin-ngwlan. 25I wa Ismaɛl kusu, kɛ be ´wlɛ i klɛn'n, wuun ɔ'a di afuɛ blu-nin-nsan. 26Be wlali Abraam nin Ismaɛl be klɛn cɛn kunngba'n nun. 27Ɔ nin i awlo ba mun nin kanga ng'ɔ toli be'n aofuɛ'm be sa nun be kwlakwla yɛ be wlali be klɛn-ɔn.
Àwon tá yàn lọ́wọ́lọ́wọ́ báyìí:
Bo Bolɛ 17: BB98
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Baoulé Bible © Alliance Biblique de Côte d'Ivoire, 1998.
Bo Bolɛ 17
17
Abram i dunman kacilɛ
1Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun. 2N wa tra wɔ aenguɛ. N ´yo man ɔ osu'n trɛ lele tratra su.»
3Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ: 4«Aenguɛ nga e nin wɔ e ´tra'n, a wa yo nvle-nvle kpanngban be nannan. 5Be su flɛ-man wɔ Abram kun, siɛn'n ɔ dunman yɛlɛ Abraam yɛlɛ kɛ a ´yo nvle-nvle kpanngban be nannan. 6N ´yo man ɔ osu'n ɔ wa trɛ ɔ ´yo trutrɛɛ. Ɔ wa yo nvle-nvle kpanngban. Wɔ anunman wie'm be ´yo famiɛn. 7Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn . 8N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»
9Nyanmiɛn seli Abraam ekun kɛ: «A nin wɔ anunman mun nin wɔ anunmannunman mun amun kwlaa, an `fa aenguɛ nga e nin wɔ e trali'n i mmla'n su. 10Aenguɛ sɔ'n i su mmla'n yɛlɛ amun yasua'm be kwlaa be klɛn wlalɛ. 11Klɛn wlalɛ sɔ'n ti aenguɛ nga e nin amun e ´tra'n i nzɔliɛ. 12Amun osu-osu'n kwlaa nun ba yasua kwlaa ng'ɔ ko di le mɔcuɛ'n man be wlɛ i klɛn. Sɛ ɔ ti awlo ba o, sɛ sran wie yɛ a toli i b'ɔ ti-man wɔ akpasua sufuɛ o, be `wlɛ i klɛn. 13Kanga nga be wuli i wɔ awlo'n nun annzɛ kusu nga a toli i'n, wla be klɛn nan min aenguɛ b'ɔ lɛ-man awieliɛ'n i nzɔliɛ'n ɔ `ka amun wun. 14Sran yasua nga b'a wlɛ-mɛn i klɛn'n, i sɔ sran liɛ'n ɔ nin min nvle'n nun tranlɛ fata-man, afin i sɔ'n ti min aenguɛ'n i su mmla'n i sacilɛ.»
15I sin ɔ seli i ekun kɛ: «Nán flɛ ɔ́ yi kɛ Sarai kun. Ɔ fin ndɛ i dunman'n yɛlɛ Sara. 16M ´mɛn i muae, n ´yo man ɔ wa wu ba yasua kun man wɔ. Yɛ ɔ ´kaci nvle-nvle'm be nannan. Yɛ i anunman wie'm be ´yo nvle sunman be famiɛn.»
17Abraam bubu guali asiɛ wun gblo, ɔ utuli i nyin ase, yɛ ɔ srili-ɔ. Ɔ seli i klun lɔ kɛ: «?Sran yasua kun di afuɛ ya kwlaa'n, ɔ kwla wu ba ekun? ?Yɛ Sara kusu bɔ ɔ'a di afuɛ ablangwlan'n, ɔ kwla wu ba ekun?» 18Yɛ ɔ seli Nyanmiɛn kɛ: «Ismaɛl yɛ ɔ o lɛ-ɔ. Man ɔ tran ɔ nyrun.»
19Yɛ Nyanmiɛn waan: «N se kɛ ɔ́ yi Sara ɔ wa wu ba yasua kun. Sɛ ɔ wu i'n, tɔn i dunman kɛ Izaak. E nin i nin i anunman mun yɛ e ´tra aenguɛ b'ɔ lɛ-man awieliɛ nin-ɔn. 20Ismaɛl liɛ nga a usali'n, n tili. M ´mɛn i muae, m ´mɛn i ba kpanngban, i osu'n ´trɛ lele tratra su, ɔ ´wu wlengbi blu-nin-nnyɔn . I osu'n ´kaci nvle dan kpa. 21Sanngɛ sran nga e nin i e tra aenguɛ'n yɛlɛ Izaak, Sara i wa nga afuɛ ng'ɔ ´ba lɔ bikisa'n, wuun ɔ'a wu i ɔ'a man wɔ'n.»
22Kɛ Nyanmiɛn nin Abraam be wieli ijɔ'n yɛ ɔ jasoli Abraam wun lɛ ɔli-ɔ. 23Kpɛkuun Abraam wlɛli i wa Ismaɛl i klɛn. Kanga ba nga be wuli be lɛ'n be kwlaa, ɔ nin be ng'ɔ toli be'n, ɔ wlali be klɛn wie. I awlo'n nun yasua'm be kwlakwla yɛ ɔ wlali be klɛn cɛn kunngba'n nun kɛ Nyanmiɛn fa kan kleli i'n sa nin-ɔn. 24Kɛ be ´wla Abraam klɛn'n, wuun ɔ'a di afuɛ ablangwlan-nin-ngwlan. 25I wa Ismaɛl kusu, kɛ be ´wlɛ i klɛn'n, wuun ɔ'a di afuɛ blu-nin-nsan. 26Be wlali Abraam nin Ismaɛl be klɛn cɛn kunngba'n nun. 27Ɔ nin i awlo ba mun nin kanga ng'ɔ toli be'n aofuɛ'm be sa nun be kwlakwla yɛ be wlali be klɛn-ɔn.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Baoulé Bible © Alliance Biblique de Côte d'Ivoire, 1998.