मत्ती 3
3
यहून्ना बतिस्मो देबाळो
(मरकुस 1:1–8; लूका 3:1–18; यहून्ना 1:19–28)
1जद ईसु नासरत नगरी म हो, बा दिना म यहूदिआ नगरी का उजाड़ म पाणी को बतिस्मो देबाळो यहून्ना आयो। 2#मत्त 4:17; मर 1:15अर आ खेर परचार कर्यो क, “थे थारा पापऊँ तौबा करो! क्युं क ईस्बर नगरी को राज#3:2 ईस्बर नगरी को राज परमेसर को राज सांकड़ै ह।” 3ओ बोई मिनख ह जिकै बारां म यसाया परमेसर की खेबाळो खयो ह:
“उजाड़ म एक हलकारो हेलो मारै ह, परबु ताँई गेलो बणाओ,
अर बिको गेलो सिदो-सपाट करो।”
4यहून्ना ऊँट क बाळाऊँ बणेड़ा गाबा पेरतो हो अर कमर प चमड़ा को पट्टो बांद्या करतो हो। बो टिड्या अर जंगली सहद खाया करतो हो। 5यहूदिआ दिसावर, यरदन नदि क आस-पास की झघा का अर यरूसलेम नगरी का घणकराक मिनख बिकी सुणबा बिकन गया। 6बे आपका पापनै मानर यरदन नदि म यहून्नाऊँ पाणी को बतिस्मो लिओ। 7#मत्त 12:34; 23:33जद बो देख्यो क बोळासारा फरिसी अर सदुकी पाणी को बतिस्मो लेबा ताँई बिकन आर्या हीं, जणा बो बाऊँ बोल्यो, “अरै सपोलो, परमेसर की सजाऊँ थे बच सको हो इ बात क बारां म थानै कूण बता दिओ? 8थारा करमाऊँ ओ बेरो पड़णो चाए क थे थारा हियानै पाप का गेलाऊँ फेर लिआ हो। 9#यह 8:33अर थे थारा हिया म अंय्यां मना सोचो क म्हारो बाप अब्राहम ह इ ताँई परमेसर म्हानै कोनी दंडसी; क्युं क म थारूँ बोलुँ हूँ क परमेसर आ भाठाऊँ बी अब्राहम ताँई टाबर पैदा कर सकै ह। 10#मत्त 7:19इब कुहाड़ो दरख्त की जड़्या प रखेड़ो ह, इ ताँई जखो दरख्त चोखो फळ कोनी देवै, बिनै का'टर आग म बाळ दिओ ज्यासी। 11म तो थानै पाणी को बतिस्मो द्युँ हूँ, जिऊँ ओ बेरोपाट सकै क थे थारा पापऊँ तौबा कर लिआ हो। पण जखो मेरै पाछै आबाळो ह बो मेरूँ बोळो म्हान ह; म तो बिकाळा जूता का सळू खोलबा जोगोई कोनी। बो थानै आग अर पबितर आत्मा को बतिस्मो देसी। 12बिको छाजळो बिकै हात म ह अर बो ग्युंआ मऊँ डूण्डळी साप करसी, ग्युंनै ओबरी म भेळा करसी पण डूण्डळ्यानै आग म बाळसी। अर बा आग बुत्तबा की कोनी।”
ईसु को बतिस्मो
(मरकुस 1:9–11; लूका 3:21,22)
13बि टेम ईसु गलिलऊँ यरदन किनारै यहून्नाऊँ पाणी को बतिस्मो लेबा आयो। 14पण यहून्ना अंय्यां बोलर बिनै रोकबा लाग्यो, “मनै तो थारै हातऊँ पबितर आत्मा को बतिस्मो लेबा की जुर्त ह अर थे मेरै कनै आया हो!” 15ईसु बिनै अंय्यां ओडायो, “इब तो अंय्यांई होबा दे, क्युं क जखी परमेसर चावै ह बोई आपानै करनो ह।” जणा बो बिकी बात मान लिनी। 16अर ईसु पाणी को बतिस्मो लेर जंय्यांई पाणी मऊँ बारनै आयो अकास खुलग्यो, अर ईसु परमेसर की पबितर आत्मानै कबूतर क रूप म आपकै उपर उतरता देख्यो। 17#मत्त 12:18; 17:5; मर 1:11; लूक 9:35जणा अकासऊँ हेलो आयो, “ओ मेरो लाडलो बेटो ह, जिऊँ म बोळो राजी हूँ।”
Àwon tá yàn lọ́wọ́lọ́wọ́ báyìí:
मत्ती 3: एस डब्लु वी
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
(c) 2010-2017, New Life Computer Institute. All rights reserved