यहुन्ना हेंद-पेचाण
हेंद-पेचाण
यहुन्ना को लिक्यो तको हव हमच्यार यहुन्ना को लिक्या तका हव हमच्यार में ईसू ने परमेसर का अमर बचन का रूप बताया ग्या हे। जणा मनक रूप “धारण करन आपणाँ वसमें डेरो नाक्यो।” अणी किताब में या बात पाकी हे के, यो हव हमच्यार ईं वाते लिक्यो ग्यो हे के, ईंने भणबावाळा विस्वास करे के, ईसूइस मुगती देबावाळा अन परमेसर का बेटा हे। अन वीं ईसू में विस्वास करबाऊँ जीवन पा सके हे। सरुवात में ईसू ने परमेसर का अमर बचन का रूप बताया ग्या हे। ईंका केड़े हव हमच्यार का पेला भाग में हात अचम्बा का कामाँ का हेन्याण का बारा में बखाण किदो ग्यो हे। वणाऊँ यो परगट वेवे हे के, ईसू मुगतीदाता अन परमेसर का बेटा हे। दूजाँ भाग में उपदेस हे। वाँका में यो हमजायो ग्यो हे के, अचम्बा का कामाँ को अरत कई हे। अणी भाग में यो भी बतायो ग्यो हे के, कस्यान मनकाँ ईसू पे विस्वास किदो न वींका गेले चालबावाळा बण्या, जद्याँ के दूजाँ मनकाँ वाँको विरोद किदो अन विस्वास करबाऊँ नटग्या। पाट 13 ऊँ 17 में ईसू ने पकड़बा वाळी रात को, ईसू वाँका चेला हाते गाटो वेवार, अन हूळी पे चड़ाया जाबा के पेल्याँ हाँजकी टेम में चेला ने त्यार करणा अन वाँने हिम्मत देबावाळा वसना को बखाण हे। आकरी पाटा में ईसू ने पकड़यो जाणो अन मुकदमो, वींने हूळी पे चड़ायो जाणो, गाड़्यो जाणो, पाछो जी उटणो अन पाछो जी उट्या केड़े चेला ने हामे परगट वेणो अणाका बारा में बखाण हे। यहुन्नो मसी का अमर जीवन का दान पे जोर देवे हे। यो एक अस्यो दान हे ज्यो अबाणू सरू वेवे हे अन वाँने मले हे ज्यो ईसू का गेला, हाँच अन जीवन का रूप में गरण करे हे। आत्मा की बाताँ ने बताबा का वाते वणा रोज की जीवन की चिजाँ का हेन्याण ने काम लिदो हे, यहुन्ना की एक खास बात हे, जस्यान पाणी, रोटी, उजितो, गवाळ्यो अन वींका गारा, अन डाळ्याँ अन वींका फळ।
रूप-रेखा
भुमिका 1:1–18
यहुन्ना बतिस्मो देबावाळो अन ईसू का पेला चेला 1:19–51
ईसू की सेवा 2:1—12:50
यरूसलेम में आकरी का थोड़ाक दन 13:1—19:42
परबू को पाछो जीवणो अन वींको दिकई देणो 20:1–31
उपसंहार अन गलील में पाछो दिकई देणो 21:1–25
Àwon tá yàn lọ́wọ́lọ́wọ́ báyìí:
यहुन्ना हेंद-पेचाण: एम टी आर
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
(c) 2010-2017, New Life Computer Institute. All rights reserved