Jøøn Luubö Mo Cäänö Kaper Wëël Jøøn
Luubö Mo Cäänö Kaper Wëël Jøøn
Wëël Jøøn cäänö kaper gïïa tïïc Jecu ki pwöc moe, kaamar wëël Mathiew, ki wëël Maak, ki wëël Luk. 'Ba acaara mar wëël Jøøn bäre nyootha Jecu ni ena O Jwøk ni ena aciel ki Jwøk. Kanya ö Jøønni na täge ki man göör wëëlö man, Jecu acwøle ni Dwør Jwøk, ni kööe, ni «Dwørøgøøni atïmö na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.» (1:14)
Jøøn gïïa tïïc Jecu ki pwöc moe agööre kiper nee jø wø kwaan wëëllögø nee jïëcge ni Jecu beeye na Krictø, na näk O Jwøk, ni ŋääthge gø, nee ge jïtge ki kwøw ki nyeŋŋe (20:30-31). Jøøn gïïa tïïc Jecu ki pwöc moe ŋääe kiper mana näk mo ena bääŋ Jecu, ni Jecu mëër ki gø.
Jøøn gïïa ö Jecu na päär ree ki ge agööre, ni luup møøk dëët gïïaka beege ii; Jecu aköö, ni «Aana møk kwøw» (6:35); ni kööe, ni «Aana tac piny» (8:12); ni kööe, ni «Beeye aani wø tïŋ jiy maal ki yi thøø, ni näga kwøw» (11:25); ni kööe, ni «Beeye aani na jöö, ni näga adïëri, ni näga kwøw» (14:6). 'Ba luupögø bëët cäänö kaper gïï wø tïïc Jecu kiper jiy mo wø jïëy ki eni ni ŋääthge gø.
'Ba Jøøn thuwø luup gïïa rëëm ec moa tïïc Jecu na nyuuthe agööre. Gïïögø atïïc Jecu ni eni kønya jiy, 'ba atïïe thuwø nee ŋäc bääge ki jø møøk ki man näk mo beeye eni na Krictø na näk O Jwøk, nee jïëcge ki eni ni ŋääthge gø.
Jøøn bäŋ gïn mo ee göörö kiper lwaar mana lwaarø ki Jecu ki kanya bëët Jecu ni poot na nyilaal. 'Ba ena göödö ki luup mo thööth kiper gïïa tägö yïth aŋuun nïne moa beet Jecu bäät piny; ni beeye kanya ö Jecu na pwöny bääge ki pwöc mo perge leth; ki kanya maai ni ŋøl thøø bääte, ni nääi bäät jaadha no odëëdö; ki kanya tïŋi maal ki yi thøø na nyooth ree jï bääge.
Luubö mana no onøøyø yi wëël Jøøn ki kwöre mo thööth beeye «Jïëy». Luummögø jïtö ki kwöre ma dïpa yi wëël Jøøn.
Luup moa no ogöörö yi wëël Jøøn beege ii:
Tielø 1:1-18 Luum Dwør Jwøk mana bëëdö dï jiy na dhaanhø
Tielø 1:19-34 Luum Jøøn na näk dïlööy na nyuudhi
Tielø 1:35-51 Kanya ö Jecu na cwøl bääge moa dïkwøŋ
Tiel 2:1—10:42 Luup gïïa tïïc Jecu ki pwöc moe moa tïïe yi Galili, ki yi Cameria, ki Jerucalem
Tiel 11:1—12:11 Kanya ö Jecu na tïŋ Ladhara maal ki yi thøø yi Bethani
Tiel 12:12-19 Kanya ö lwaaki na pwøcge Jecu kanya døny yi Jerucalem
Tiel 12:20-19:42 Luup gïïa tïïc Jecu, ki pwöc moe, ki gïïa tägö dëëre yi Jerucalem
Tiel 12:20-50 Pwöc mana caan Jecu jï jø Gïrïïk ki jø Juuth
Tiel 13:1—16:33 Pwöc mana caan Jecu jï bääge ni thøø mare kare cään
Tiel 17:1-26 Lam mana läm Jecu ki gø ni thøø mare kare cään
Tiel 18:1—19:16 Kanya ö nyïïmän mo Jecu na makge Jecu, ni tïïcge gïï mo leth dëëre, ni ŋølge thøø bääte
Tiel 19:17-42 Kanya thøw Jecu bäät jaadha no odëëdö
Tiel 20:1—21:25 Kanya tïŋ Jecu maal ki yi thøø, ni nyooth ree jï bääge, ni pwöny geni ø
Àwon tá yàn lọ́wọ́lọ́wọ́ báyìí:
Jøøn Luubö Mo Cäänö Kaper Wëël Jøøn: AnyuB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© The Bible Society of Ethiopia
Jøøn Luubö Mo Cäänö Kaper Wëël Jøøn
Luubö Mo Cäänö Kaper Wëël Jøøn
Wëël Jøøn cäänö kaper gïïa tïïc Jecu ki pwöc moe, kaamar wëël Mathiew, ki wëël Maak, ki wëël Luk. 'Ba acaara mar wëël Jøøn bäre nyootha Jecu ni ena O Jwøk ni ena aciel ki Jwøk. Kanya ö Jøønni na täge ki man göör wëëlö man, Jecu acwøle ni Dwør Jwøk, ni kööe, ni «Dwørøgøøni atïmö na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.» (1:14)
Jøøn gïïa tïïc Jecu ki pwöc moe agööre kiper nee jø wø kwaan wëëllögø nee jïëcge ni Jecu beeye na Krictø, na näk O Jwøk, ni ŋääthge gø, nee ge jïtge ki kwøw ki nyeŋŋe (20:30-31). Jøøn gïïa tïïc Jecu ki pwöc moe ŋääe kiper mana näk mo ena bääŋ Jecu, ni Jecu mëër ki gø.
Jøøn gïïa ö Jecu na päär ree ki ge agööre, ni luup møøk dëët gïïaka beege ii; Jecu aköö, ni «Aana møk kwøw» (6:35); ni kööe, ni «Aana tac piny» (8:12); ni kööe, ni «Beeye aani wø tïŋ jiy maal ki yi thøø, ni näga kwøw» (11:25); ni kööe, ni «Beeye aani na jöö, ni näga adïëri, ni näga kwøw» (14:6). 'Ba luupögø bëët cäänö kaper gïï wø tïïc Jecu kiper jiy mo wø jïëy ki eni ni ŋääthge gø.
'Ba Jøøn thuwø luup gïïa rëëm ec moa tïïc Jecu na nyuuthe agööre. Gïïögø atïïc Jecu ni eni kønya jiy, 'ba atïïe thuwø nee ŋäc bääge ki jø møøk ki man näk mo beeye eni na Krictø na näk O Jwøk, nee jïëcge ki eni ni ŋääthge gø.
Jøøn bäŋ gïn mo ee göörö kiper lwaar mana lwaarø ki Jecu ki kanya bëët Jecu ni poot na nyilaal. 'Ba ena göödö ki luup mo thööth kiper gïïa tägö yïth aŋuun nïne moa beet Jecu bäät piny; ni beeye kanya ö Jecu na pwöny bääge ki pwöc mo perge leth; ki kanya maai ni ŋøl thøø bääte, ni nääi bäät jaadha no odëëdö; ki kanya tïŋi maal ki yi thøø na nyooth ree jï bääge.
Luubö mana no onøøyø yi wëël Jøøn ki kwöre mo thööth beeye «Jïëy». Luummögø jïtö ki kwöre ma dïpa yi wëël Jøøn.
Luup moa no ogöörö yi wëël Jøøn beege ii:
Tielø 1:1-18 Luum Dwør Jwøk mana bëëdö dï jiy na dhaanhø
Tielø 1:19-34 Luum Jøøn na näk dïlööy na nyuudhi
Tielø 1:35-51 Kanya ö Jecu na cwøl bääge moa dïkwøŋ
Tiel 2:1—10:42 Luup gïïa tïïc Jecu ki pwöc moe moa tïïe yi Galili, ki yi Cameria, ki Jerucalem
Tiel 11:1—12:11 Kanya ö Jecu na tïŋ Ladhara maal ki yi thøø yi Bethani
Tiel 12:12-19 Kanya ö lwaaki na pwøcge Jecu kanya døny yi Jerucalem
Tiel 12:20-19:42 Luup gïïa tïïc Jecu, ki pwöc moe, ki gïïa tägö dëëre yi Jerucalem
Tiel 12:20-50 Pwöc mana caan Jecu jï jø Gïrïïk ki jø Juuth
Tiel 13:1—16:33 Pwöc mana caan Jecu jï bääge ni thøø mare kare cään
Tiel 17:1-26 Lam mana läm Jecu ki gø ni thøø mare kare cään
Tiel 18:1—19:16 Kanya ö nyïïmän mo Jecu na makge Jecu, ni tïïcge gïï mo leth dëëre, ni ŋølge thøø bääte
Tiel 19:17-42 Kanya thøw Jecu bäät jaadha no odëëdö
Tiel 20:1—21:25 Kanya tïŋ Jecu maal ki yi thøø, ni nyooth ree jï bääge, ni pwöny geni ø
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© The Bible Society of Ethiopia