Yohanna 2
2
Jesu shikhir khi a'm put am'anab
1Kih byittseh ni bhi mwopp kihh m'ee bhal'dyik Kaana w'u dhighin yill Galili. Nhikhin khi Jesu gyet nhighin; 2yakhal mwopp lop bhal'dyik ni Jesu kihh zheppkamm keeniy mwopp zag. 3Kaarooh am'anab mhi bhal'dyik ni kyes, bhi nhikhin khi Jesu satt nyi le, “Mwopp kihh am'anab dyi maah.”
4Jesu lapp nyi le, “Hai n'aah, a mihyeh daam'pee yi kihh orr nyi? Baah pee m'aan khi wull mou.” 5Nhikhin khinyi satt mhi shap soh ni mwopp le, “Bii w'u satt wunn weett bhi w'u sh'in.”
6M'ee n'an kihn'jii pangg mwopp gyet kihh dyarrang nhighin kuss kihh pee ni; kihn'jii w'u Zhepp Yahuda mwopp kihh l'e a'm tu'angg shigbis p'ee soyill Naan diy. Kooh meehrangg dhighin mwopp kihh mak lapp delleng a'm kaa laar vel kooh laar kunn se.
7Jesu satt mhi shapp soh ni mwopp le, “Wu gam kihn'jii ni mwopp weett kihh a'm.” Bhi mwopp gam kihn'jii nyi mwopp weett bwellekk.
8Bhi satt mwopp le, “Wu yak pakk dhak wu dum kihh nyi Gu-kihkyeen khi mhi shap soh bhal'dyik ni,” bhi mwopp sh'in kaa satt mwopp seh.
9Kaarooh Gu-kihkyeen mhi shap soh bhal'dyik ni cham am'dhongg w'u Jesu shikhir kihh nyi am'anab seh, baah man pee w'u put diy mou, a mhi shap soh w'u dyinn mwopp shwan a'm ni kyekk a mwopp man. Pee'mhinyi bhi Gu-kihkyeen khi mhi shap soh ni peet mis'mwar ni m'ee koghob. 10Kaarooh mwopp duam dyarrang bhi satt mis'mwar ni le, “Mwoohzeh kihh ji a kihh am'anab wu'shi-shangg sh'ee, bwoonrooh gurum mwopp shwaa mak runn, dhangg mwopp ji kihh wu'buu dhakk. Dheeh wu'gha ghi yet am'anab wu'shi-shangg dheeh, seeh a mwasseh dhangg ghi dhekhem ji kihh nyi dhak ser'seh!”
11A mihhse a wu'shee dhighin v'ur bii'aapwoo w'u gyet Jesu mwan sh'in. Shin bii'aapwoo mhize ni a Kaana w'u dhighin yill Galili; a kihhsheh bhi le tihh gurum mwopp naah tihghindhess keeniy, bhi zheppkamm khinyi mwopp pihhzeenn nyi.
Jesu shen mhi'glong lhipwat LuhNaan
12Bwoon mihhseh bhi Jesu sam dum Kafarnahum kihshag kihh Nhikhin, kihh em'nhikhin mwopp, kihh zheppkamm keeniy mwopp zag, mwopp mwopp pann yemm nhighin. 13Kaarooh Kwughur Mettkaah khi Zhepp Yahuda ji wull kuss, bhi Jesu k'aa dum Urshalima. 14Kaarooh dhel dhighin kihfur LuhNaan nyi, bhi kad gurum mwopp kaah seett kihh nihngg, kihh tihm, kihh duu'duu mwopp zag, kihhsheh kihh pakk gurum w'u mwoop kihh kwangg pwoo tebul kaah pring shaghal. 15Bhi tep gw'am sh'i tengg shen mwopp kwett lhipwat kihfur LuhNaan ni; kihhsheh kihh tihm, kihh nihngg ni mwopp weett. Yakhal brep shaghal khi mhi-pringshaghal ni mwopp chiit seh; yak tebul khimwopp kabhan kaah'zoo. 16Yakhal satt mhi'glong duu'duu ni mwopp le, “Wu chakk mihhse wu pwat kihh nyi! Wu shikhir kihh luh khi Daa dheeh wunn a luhtukk o'h!”
17Bhi zheppkamm khinyi mwopp kakkder rooh nyi a rih-ran dhighin Ran'Wubhangg le, “Phitukhup na kihh sowus p'ee wall w'u a'n kihh nyi p'ee luh keegha.”#KKN 69:9 18Zhepp Yahuda mwopp nang phi nyi le, “A m'ee bii'aapwoo wu'ranggyeh w'u gha p'ee katt nyi munn tihh kamm diy le gha kihh pee mhi sh'in bii w'u ghi sh'in se ayeh?”
19Jesu lapp mwopp satt le, “Wu shirrip LuhNaan mhize bhi a'n p'ee shikhir yakhal kihh nyi dhighin t'eer kunn.”
20Zhepp Yahuda ni mwopp lapp nyi mwopp satt le, “Dy'ik khi LuhNaan mhize m'ang byitt laar feerr kihh peemeh, bhi ghi mak shikhir dyik nyi dhighin t'eer kunn kyekk a'ng?” 21Dhangg LuhNaan w'u Jesu phi satt nyi a shoopshin. 22Pee'mhinyi bhi bwoonrooh yakhal kih peemuutt bhi zheppkamm khinyi mwopp kakkder rooh deh satt bii mihhse runn, bhi mwopp pihhzeenn pwoo khi Naan, yakhal mwopp pihhzeenn pwoo w'u Jesu deh satt mwopp zag.
23Kaarooh Jesu Urshalima sh'i Kwughur Mettkaah bhi gurum dhess mwopp naah v'ur bii'aapwoo w'u mwan sh'in, bhi mwopp pihhzeenn dhighin shumm nyi. 24Weett kihhsheh baah Jesu dh'om yet shin mwopp mou, p'ee man zhepp gurum mwopp kwett, 25baah seeh m'ee gurum satt pwoo nyi kaah zhepp gurum mou, p'ee man bii w'u dhighin zhepp gurum kwett.
Àwon tá yàn lọ́wọ́lọ́wọ́ báyìí:
Yohanna 2: Chakfem
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2022 Luke Initiative for Scripture Translation
Yohanna 2
2
Jesu shikhir khi a'm put am'anab
1Kih byittseh ni bhi mwopp kihh m'ee bhal'dyik Kaana w'u dhighin yill Galili. Nhikhin khi Jesu gyet nhighin; 2yakhal mwopp lop bhal'dyik ni Jesu kihh zheppkamm keeniy mwopp zag. 3Kaarooh am'anab mhi bhal'dyik ni kyes, bhi nhikhin khi Jesu satt nyi le, “Mwopp kihh am'anab dyi maah.”
4Jesu lapp nyi le, “Hai n'aah, a mihyeh daam'pee yi kihh orr nyi? Baah pee m'aan khi wull mou.” 5Nhikhin khinyi satt mhi shap soh ni mwopp le, “Bii w'u satt wunn weett bhi w'u sh'in.”
6M'ee n'an kihn'jii pangg mwopp gyet kihh dyarrang nhighin kuss kihh pee ni; kihn'jii w'u Zhepp Yahuda mwopp kihh l'e a'm tu'angg shigbis p'ee soyill Naan diy. Kooh meehrangg dhighin mwopp kihh mak lapp delleng a'm kaa laar vel kooh laar kunn se.
7Jesu satt mhi shapp soh ni mwopp le, “Wu gam kihn'jii ni mwopp weett kihh a'm.” Bhi mwopp gam kihn'jii nyi mwopp weett bwellekk.
8Bhi satt mwopp le, “Wu yak pakk dhak wu dum kihh nyi Gu-kihkyeen khi mhi shap soh bhal'dyik ni,” bhi mwopp sh'in kaa satt mwopp seh.
9Kaarooh Gu-kihkyeen mhi shap soh bhal'dyik ni cham am'dhongg w'u Jesu shikhir kihh nyi am'anab seh, baah man pee w'u put diy mou, a mhi shap soh w'u dyinn mwopp shwan a'm ni kyekk a mwopp man. Pee'mhinyi bhi Gu-kihkyeen khi mhi shap soh ni peet mis'mwar ni m'ee koghob. 10Kaarooh mwopp duam dyarrang bhi satt mis'mwar ni le, “Mwoohzeh kihh ji a kihh am'anab wu'shi-shangg sh'ee, bwoonrooh gurum mwopp shwaa mak runn, dhangg mwopp ji kihh wu'buu dhakk. Dheeh wu'gha ghi yet am'anab wu'shi-shangg dheeh, seeh a mwasseh dhangg ghi dhekhem ji kihh nyi dhak ser'seh!”
11A mihhse a wu'shee dhighin v'ur bii'aapwoo w'u gyet Jesu mwan sh'in. Shin bii'aapwoo mhize ni a Kaana w'u dhighin yill Galili; a kihhsheh bhi le tihh gurum mwopp naah tihghindhess keeniy, bhi zheppkamm khinyi mwopp pihhzeenn nyi.
Jesu shen mhi'glong lhipwat LuhNaan
12Bwoon mihhseh bhi Jesu sam dum Kafarnahum kihshag kihh Nhikhin, kihh em'nhikhin mwopp, kihh zheppkamm keeniy mwopp zag, mwopp mwopp pann yemm nhighin. 13Kaarooh Kwughur Mettkaah khi Zhepp Yahuda ji wull kuss, bhi Jesu k'aa dum Urshalima. 14Kaarooh dhel dhighin kihfur LuhNaan nyi, bhi kad gurum mwopp kaah seett kihh nihngg, kihh tihm, kihh duu'duu mwopp zag, kihhsheh kihh pakk gurum w'u mwoop kihh kwangg pwoo tebul kaah pring shaghal. 15Bhi tep gw'am sh'i tengg shen mwopp kwett lhipwat kihfur LuhNaan ni; kihhsheh kihh tihm, kihh nihngg ni mwopp weett. Yakhal brep shaghal khi mhi-pringshaghal ni mwopp chiit seh; yak tebul khimwopp kabhan kaah'zoo. 16Yakhal satt mhi'glong duu'duu ni mwopp le, “Wu chakk mihhse wu pwat kihh nyi! Wu shikhir kihh luh khi Daa dheeh wunn a luhtukk o'h!”
17Bhi zheppkamm khinyi mwopp kakkder rooh nyi a rih-ran dhighin Ran'Wubhangg le, “Phitukhup na kihh sowus p'ee wall w'u a'n kihh nyi p'ee luh keegha.”#KKN 69:9 18Zhepp Yahuda mwopp nang phi nyi le, “A m'ee bii'aapwoo wu'ranggyeh w'u gha p'ee katt nyi munn tihh kamm diy le gha kihh pee mhi sh'in bii w'u ghi sh'in se ayeh?”
19Jesu lapp mwopp satt le, “Wu shirrip LuhNaan mhize bhi a'n p'ee shikhir yakhal kihh nyi dhighin t'eer kunn.”
20Zhepp Yahuda ni mwopp lapp nyi mwopp satt le, “Dy'ik khi LuhNaan mhize m'ang byitt laar feerr kihh peemeh, bhi ghi mak shikhir dyik nyi dhighin t'eer kunn kyekk a'ng?” 21Dhangg LuhNaan w'u Jesu phi satt nyi a shoopshin. 22Pee'mhinyi bhi bwoonrooh yakhal kih peemuutt bhi zheppkamm khinyi mwopp kakkder rooh deh satt bii mihhse runn, bhi mwopp pihhzeenn pwoo khi Naan, yakhal mwopp pihhzeenn pwoo w'u Jesu deh satt mwopp zag.
23Kaarooh Jesu Urshalima sh'i Kwughur Mettkaah bhi gurum dhess mwopp naah v'ur bii'aapwoo w'u mwan sh'in, bhi mwopp pihhzeenn dhighin shumm nyi. 24Weett kihhsheh baah Jesu dh'om yet shin mwopp mou, p'ee man zhepp gurum mwopp kwett, 25baah seeh m'ee gurum satt pwoo nyi kaah zhepp gurum mou, p'ee man bii w'u dhighin zhepp gurum kwett.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2022 Luke Initiative for Scripture Translation