Matiyu 23
23
Yeso fijan abu be Farisi ngge be etumo mo edon no ángá
(Marku 12:38-39; Luka 11:43,46; 20:45-46)
1Kǝnggwa Yeso è jan be nobǝ ya è fǝnno ngge be ye è ba ye anga jan, 2“Be etumo mo edon ngge be Farisi bwe anga mochi mo Mosa. 3Enona, ge no kenm nye e yi e seshi jan nye e bwe e gu be mò a be jan nye anga. Tea nye e bwe nye mò a be bwe anga ra, adia be bwe be mò hon abu be tú anga ra. 4Be fa be nobǝ tso etkon e dgwa twafǝ̀ chu tea a be e chu be, be dgyan be be e ti èé be sen-e-bu mo be e kan e jwa be etkon hon ra.
5“Binbin mo be mò a be bwe anga, be bwe be anga evǝa be nobǝ be e di. Be sǝn laya ekeke a be bá be Fwaebam ti du dwa a tswa mo nó kpu tè dwa a chu di mo be. Be fya be eti ebgonbgon kpu sǝnban dwa a tón mo be mokàn mo be, shwangga a zǝn ekpanvǝ. 6Be dgyan be e chu adi be zǝn egǝ̀ngǝ̀n a tswa esǝ ngge a chu bo esese a tswa àtá chuefǝnm mo be. 7Be dgyan be e bi be fwa a tswa afyan jwa ngge be nobǝ be e no e fǝ́ be, ‘be Etumo’ anga.
8“Tea nye e cha nye dwa ende akan e fǝ́ nye ‘Etumo’ ra, adia nye no ngge Etumo akan kpwà ara ngge binbin mo nye, nya be nwenjwa so. 9Nye e fǝ́ nye ende akan, ‘àtà’ a tswa zǝnchaje ena ra, adia nye no ngge Àtà akan, ge no a kpe. 10Nye e cha nye dwa ende akan e fǝ́ nye ‘efanvǝn’ ra adia nye no ngge Efanvǝn akan, ga Kristi hon. 11Ende e dgwa ti ara a engga mo nye ángá, ge e no ende nwene a bwe nye mochi anga. 12Ngge ende e tigǝ̀n chu ye, ba du ye ga ngǝchu a sen, ende e ngǝchu ye a sen, be ti a gǝ̀n ye.
Ebwe chwen a fà a chu be etumo mo edon ngge be Farisi
(Marku 12:40; Luka 11:39-42,44,52; 20:47)
13“Ebwe no a chu mo nye be etumo mo edon ngge be Farisi, a nye be ya e nggade be nobǝ a chu be mò a nye bwe anga. Nye twape be nobǝ tafǝmo mo ekwashim a tswa zǝnotì mo Ehwya. Nye kwashi nye ra, nye gwa nye be ya e tkyan anga be e kwa e shi ángá, be e shi ra. [ 14Ebwe no a chu mo nye be etumo mo edon ngge be Farisi, a nye be ya ayibangǝ̀, nye bwede be gwafǝ́n ngge nye fkwacha be, be mu mo be. Nye tú chu adi ebgo ebgonbgon ebgom evǝa be nobǝ be e di nye. Enona, Ehwya a tswa nye ekan twa a fǝ̀ be nobǝ e dan ángá.]
15“Ebwe no a chu mo nye be etumo mo edon ngge be Farisi, be ya ayibangǝ̀, ya e nggade be nobǝ ngge be mò a nye bwe anga. Nye tku penyi be sǝnsen ngge be sǝn evǝa nye e ben ende a chadwa ngge yishwa efen efenm mo nye. Atan a ge tsǝ́ ara ekǝ̀n ángá, nye bwe ye twanga no nobǝ e twafǝ̀ nye kè fà adi be mofǝ̀ ebwem, ga shi a sen-ehwa ngge nye.
16“Ebwe no a chu mo nye, be ya fǝzǝn ebwibwi ya e tú be nobǝ efwa anga, nye jan, ‘Ano ende akan fan efan a chu Àtá mo Ehwya, ge no ye kenm ge e bwe mò hon ra, tea ano ge fan efan a chu be zinariya mo Àtá mo Ehwya, ge no kenm ge e bwe mò a ge fan efan jan ga bwe ángá.’ 17A nye be hwen, ya fǝzǝn ebwibwi. Nwone e twafǝ̀ ángá a ani, zinariya hon nè, a Àtá mo Ehwya nwone e bwe zinariya hon no echanwenwen ángá? 18Nye jan efwe jan, ‘Ano ende akan e fan efan a chu ten-ebgo, ge no ye kenm ge e bwe mò hon ra. Tea ano ende akan fan efan a chu mò edwe e no a chu mo ten-ebgo ángá, ge no kenm ge e bwe mò a ge fan efan jan ga bwe ángá, chafya mo Ehwya.’ 19A nye be ya fǝzǝn ebwibwi, nwone e twafǝ̀ ángá a ani, mò edwe hon nè, eno e ra ten-ebgo nwone e bwe mò edwe hon no echanwenwen chafya mo Ehwya ángá? 20Enona, ende e fan efan a chu ten-ebgo, fan efan hon anga a chu mo ten-ebgo hon ngge binbin mo be mò e dwa a chu mo nó ángá 21Ngge ende e fan efan a chu Àtá mo Ehwya, fan efan hon anga a chu mo nó ngge ende hon e no anga a tswa mo nó ángá. 22Ende e fan efan anga chu kpe, fan efan hon anga a chu botì mo Ehwya ngge Ehwya e chu anga a chu mo nó ángá.
23“Ebwe no a chu mo nye be etumo mo edon ngge be Farisi. Nye nggade be nobǝ adi be mò a nye bwe anga. Nye no akan a tswa mò gwi mo be mò e fwa be chìchì ra, a tswa wá fke mo nye abu be kori, tswafi, ngge eshinbge. Tea nye dipin be mò e no chìchì twafǝ̀ ángá a tswa edon, abu be kǝ́n ekpènm adi ebi, ashi edim ngge ebwem mo mò a nye jan nya bwe ángá. Ena a be mò e no kenm nye e no e bwe anga ngge nye e di e pin nye be ya nye bwe anga ra gaten. 24A nye be ya fǝzǝn ebwibwi e tú be nobǝ zǝn anga. Nye senvǝ be mò nwofyan abu chin a tswa ejwa, tea nye kan mbgye be mò ekeke abu gwemo a be fǝ́ anga rakumi ángá.
25“Ebwe no a chu mo nye, be etumo mò edon ngge Farisi. A nye ya e nggade be nobǝ adi be mò a nye bwe anga. Nye kpon chá chashin mo be kǝnggwe ngge egu, tea chá tswa mo be mbo ngge be mò a nye fkwacha a zǝn be nobǝ ngge chu nye edgyanfim. 26A bo Farisi ebwibwi fǝzǝn. Ende e nggade be nobǝ adi be mò a o bwe anga. We kwafya e tke ekponm mo kǝnggwe ngge egu chá a tswa, ekǝnggwa, chá je mo nó a no enachacha gaten.
27“Ebwe no a chu mo nye be etumo mo edon ngge be Farisi. A nye ya e nggade be nobǝ adi be mò a nye bwe anga. Adia nye no abu be dì a bè mbwe nè kpwá tén ara be ten, e no esese chá je tea chá tswa, mbo ngge be fǝ́mo mo be ya è fǝ ara ngge egwa egwa mo be mò didi ángá. 28Nye no enò. A zǝn be nobǝ, nya be nobǝ ebitete, tea chá tswa mo nye, nye mbo ngge ayibangǝ̀ ngge mofǝ̀.
29“Ebwe no a chu mo nye be etumo mo edon ngge be Farisi. A nye ya e nggade be nobǝ adi mò a nye bwe anga. Nye mbwe be dì mo be efojan ya a bè gu ángá ngge nye tsànse be dì mo be ya ebitete ya è fǝ ara ángá. 30Nye jan, ‘Ano je è ma no angǝ adi ekpengga mo be ebǝ ata mo je, jà a fǝn je chu ngge be adi egum mo be efojan hon ra.’ 31Adi ejanm enò, nye chadwa tso chu nye efya jan, nya be ebi mo be ya è gu be efojan hon ángá. 32Nye e no ye a ju. Nye e bwe e kǝ̀n be mofǝ̀ a be ebǝ ata mo nye, è tke ángá.
33“A nye mbǝgya mo fkonde. Nya bwe engǝ, nye tse a ga adi kǝ́n nwone a du nye a shi a fǝ a sen-ehwa ángá? 34Enona, ma tson be efojan, be ya enggaton ngge be etumo mo edon a bwa a zǝn nye, nya gu ya ehwyà. Nya ken be ya ehwyà a chu be eswafǝ, ngge nya bu be ya ehwyà akpan àtá chuefǝnm mo nye, nye tse a ba be ya ehwyà a ken eten ngge eten. 35Enona, ekan e no a chu be ya è gu binbin mo be ya ebitete a tswa zǝnchaje ángá, a no chu nye, tke a chu ngǝ mo Abila ti bwa a chu ngǝ mo Zakariya nwen Berikiya, a nyè gu a engga mo Àtá mo Ehwya ngge ten-ebgo ángá. 36M jan nye ebi, binbin mo be mò ena, a bwe a chu be nobǝ mo ekǝn ena.
37“Woo! A nye be ya a Urishelima. A nye be ya a Urishelima. A nye be ya è gu be efojan ngge nyè twa ya a bè tson bwa a zǝn nye ten. Kè embo m̀ tkyan me e te e fǝn nye abu kǝ́n e tefǝn mbǝgya mbwe ata bwaakǝ́n mbwe anga, tea nyè cha nye dwa ra. 38Di, be twagwa eten mo nye nga ara shinmu. 39M jan nye anga, nya di m efwe ra, kpwà tén atan a nya jan, ‘Esese a ende e nyabwa adi ti mo Ehwya Etsodwe ángá.’ ”
Àwon tá yàn lọ́wọ́lọ́wọ́ báyìí:
Matiyu 23: ICH
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2024 Luke Initiative for Scripture Translation
Matiyu 23
23
Yeso fijan abu be Farisi ngge be etumo mo edon no ángá
(Marku 12:38-39; Luka 11:43,46; 20:45-46)
1Kǝnggwa Yeso è jan be nobǝ ya è fǝnno ngge be ye è ba ye anga jan, 2“Be etumo mo edon ngge be Farisi bwe anga mochi mo Mosa. 3Enona, ge no kenm nye e yi e seshi jan nye e bwe e gu be mò a be jan nye anga. Tea nye e bwe nye mò a be bwe anga ra, adia be bwe be mò hon abu be tú anga ra. 4Be fa be nobǝ tso etkon e dgwa twafǝ̀ chu tea a be e chu be, be dgyan be be e ti èé be sen-e-bu mo be e kan e jwa be etkon hon ra.
5“Binbin mo be mò a be bwe anga, be bwe be anga evǝa be nobǝ be e di. Be sǝn laya ekeke a be bá be Fwaebam ti du dwa a tswa mo nó kpu tè dwa a chu di mo be. Be fya be eti ebgonbgon kpu sǝnban dwa a tón mo be mokàn mo be, shwangga a zǝn ekpanvǝ. 6Be dgyan be e chu adi be zǝn egǝ̀ngǝ̀n a tswa esǝ ngge a chu bo esese a tswa àtá chuefǝnm mo be. 7Be dgyan be e bi be fwa a tswa afyan jwa ngge be nobǝ be e no e fǝ́ be, ‘be Etumo’ anga.
8“Tea nye e cha nye dwa ende akan e fǝ́ nye ‘Etumo’ ra, adia nye no ngge Etumo akan kpwà ara ngge binbin mo nye, nya be nwenjwa so. 9Nye e fǝ́ nye ende akan, ‘àtà’ a tswa zǝnchaje ena ra, adia nye no ngge Àtà akan, ge no a kpe. 10Nye e cha nye dwa ende akan e fǝ́ nye ‘efanvǝn’ ra adia nye no ngge Efanvǝn akan, ga Kristi hon. 11Ende e dgwa ti ara a engga mo nye ángá, ge e no ende nwene a bwe nye mochi anga. 12Ngge ende e tigǝ̀n chu ye, ba du ye ga ngǝchu a sen, ende e ngǝchu ye a sen, be ti a gǝ̀n ye.
Ebwe chwen a fà a chu be etumo mo edon ngge be Farisi
(Marku 12:40; Luka 11:39-42,44,52; 20:47)
13“Ebwe no a chu mo nye be etumo mo edon ngge be Farisi, a nye be ya e nggade be nobǝ a chu be mò a nye bwe anga. Nye twape be nobǝ tafǝmo mo ekwashim a tswa zǝnotì mo Ehwya. Nye kwashi nye ra, nye gwa nye be ya e tkyan anga be e kwa e shi ángá, be e shi ra. [ 14Ebwe no a chu mo nye be etumo mo edon ngge be Farisi, a nye be ya ayibangǝ̀, nye bwede be gwafǝ́n ngge nye fkwacha be, be mu mo be. Nye tú chu adi ebgo ebgonbgon ebgom evǝa be nobǝ be e di nye. Enona, Ehwya a tswa nye ekan twa a fǝ̀ be nobǝ e dan ángá.]
15“Ebwe no a chu mo nye be etumo mo edon ngge be Farisi, be ya ayibangǝ̀, ya e nggade be nobǝ ngge be mò a nye bwe anga. Nye tku penyi be sǝnsen ngge be sǝn evǝa nye e ben ende a chadwa ngge yishwa efen efenm mo nye. Atan a ge tsǝ́ ara ekǝ̀n ángá, nye bwe ye twanga no nobǝ e twafǝ̀ nye kè fà adi be mofǝ̀ ebwem, ga shi a sen-ehwa ngge nye.
16“Ebwe no a chu mo nye, be ya fǝzǝn ebwibwi ya e tú be nobǝ efwa anga, nye jan, ‘Ano ende akan fan efan a chu Àtá mo Ehwya, ge no ye kenm ge e bwe mò hon ra, tea ano ge fan efan a chu be zinariya mo Àtá mo Ehwya, ge no kenm ge e bwe mò a ge fan efan jan ga bwe ángá.’ 17A nye be hwen, ya fǝzǝn ebwibwi. Nwone e twafǝ̀ ángá a ani, zinariya hon nè, a Àtá mo Ehwya nwone e bwe zinariya hon no echanwenwen ángá? 18Nye jan efwe jan, ‘Ano ende akan e fan efan a chu ten-ebgo, ge no ye kenm ge e bwe mò hon ra. Tea ano ende akan fan efan a chu mò edwe e no a chu mo ten-ebgo ángá, ge no kenm ge e bwe mò a ge fan efan jan ga bwe ángá, chafya mo Ehwya.’ 19A nye be ya fǝzǝn ebwibwi, nwone e twafǝ̀ ángá a ani, mò edwe hon nè, eno e ra ten-ebgo nwone e bwe mò edwe hon no echanwenwen chafya mo Ehwya ángá? 20Enona, ende e fan efan a chu ten-ebgo, fan efan hon anga a chu mo ten-ebgo hon ngge binbin mo be mò e dwa a chu mo nó ángá 21Ngge ende e fan efan a chu Àtá mo Ehwya, fan efan hon anga a chu mo nó ngge ende hon e no anga a tswa mo nó ángá. 22Ende e fan efan anga chu kpe, fan efan hon anga a chu botì mo Ehwya ngge Ehwya e chu anga a chu mo nó ángá.
23“Ebwe no a chu mo nye be etumo mo edon ngge be Farisi. Nye nggade be nobǝ adi be mò a nye bwe anga. Nye no akan a tswa mò gwi mo be mò e fwa be chìchì ra, a tswa wá fke mo nye abu be kori, tswafi, ngge eshinbge. Tea nye dipin be mò e no chìchì twafǝ̀ ángá a tswa edon, abu be kǝ́n ekpènm adi ebi, ashi edim ngge ebwem mo mò a nye jan nya bwe ángá. Ena a be mò e no kenm nye e no e bwe anga ngge nye e di e pin nye be ya nye bwe anga ra gaten. 24A nye be ya fǝzǝn ebwibwi e tú be nobǝ zǝn anga. Nye senvǝ be mò nwofyan abu chin a tswa ejwa, tea nye kan mbgye be mò ekeke abu gwemo a be fǝ́ anga rakumi ángá.
25“Ebwe no a chu mo nye, be etumo mò edon ngge Farisi. A nye ya e nggade be nobǝ adi be mò a nye bwe anga. Nye kpon chá chashin mo be kǝnggwe ngge egu, tea chá tswa mo be mbo ngge be mò a nye fkwacha a zǝn be nobǝ ngge chu nye edgyanfim. 26A bo Farisi ebwibwi fǝzǝn. Ende e nggade be nobǝ adi be mò a o bwe anga. We kwafya e tke ekponm mo kǝnggwe ngge egu chá a tswa, ekǝnggwa, chá je mo nó a no enachacha gaten.
27“Ebwe no a chu mo nye be etumo mo edon ngge be Farisi. A nye ya e nggade be nobǝ adi be mò a nye bwe anga. Adia nye no abu be dì a bè mbwe nè kpwá tén ara be ten, e no esese chá je tea chá tswa, mbo ngge be fǝ́mo mo be ya è fǝ ara ngge egwa egwa mo be mò didi ángá. 28Nye no enò. A zǝn be nobǝ, nya be nobǝ ebitete, tea chá tswa mo nye, nye mbo ngge ayibangǝ̀ ngge mofǝ̀.
29“Ebwe no a chu mo nye be etumo mo edon ngge be Farisi. A nye ya e nggade be nobǝ adi mò a nye bwe anga. Nye mbwe be dì mo be efojan ya a bè gu ángá ngge nye tsànse be dì mo be ya ebitete ya è fǝ ara ángá. 30Nye jan, ‘Ano je è ma no angǝ adi ekpengga mo be ebǝ ata mo je, jà a fǝn je chu ngge be adi egum mo be efojan hon ra.’ 31Adi ejanm enò, nye chadwa tso chu nye efya jan, nya be ebi mo be ya è gu be efojan hon ángá. 32Nye e no ye a ju. Nye e bwe e kǝ̀n be mofǝ̀ a be ebǝ ata mo nye, è tke ángá.
33“A nye mbǝgya mo fkonde. Nya bwe engǝ, nye tse a ga adi kǝ́n nwone a du nye a shi a fǝ a sen-ehwa ángá? 34Enona, ma tson be efojan, be ya enggaton ngge be etumo mo edon a bwa a zǝn nye, nya gu ya ehwyà. Nya ken be ya ehwyà a chu be eswafǝ, ngge nya bu be ya ehwyà akpan àtá chuefǝnm mo nye, nye tse a ba be ya ehwyà a ken eten ngge eten. 35Enona, ekan e no a chu be ya è gu binbin mo be ya ebitete a tswa zǝnchaje ángá, a no chu nye, tke a chu ngǝ mo Abila ti bwa a chu ngǝ mo Zakariya nwen Berikiya, a nyè gu a engga mo Àtá mo Ehwya ngge ten-ebgo ángá. 36M jan nye ebi, binbin mo be mò ena, a bwe a chu be nobǝ mo ekǝn ena.
37“Woo! A nye be ya a Urishelima. A nye be ya a Urishelima. A nye be ya è gu be efojan ngge nyè twa ya a bè tson bwa a zǝn nye ten. Kè embo m̀ tkyan me e te e fǝn nye abu kǝ́n e tefǝn mbǝgya mbwe ata bwaakǝ́n mbwe anga, tea nyè cha nye dwa ra. 38Di, be twagwa eten mo nye nga ara shinmu. 39M jan nye anga, nya di m efwe ra, kpwà tén atan a nya jan, ‘Esese a ende e nyabwa adi ti mo Ehwya Etsodwe ángá.’ ”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2024 Luke Initiative for Scripture Translation