ရှာန်လုကာ 5
5
အခန်း (၅)
ပထမဆုံးတပယ့်တော်တေ
(ရှာန်မဿဲ ၄:၁၈-၂၂။ ရှာန်မာကု ၁:၁၆-၂၀)
1မာန်းရာတ်ရအာမှါခ့်ခါ ကိုယ်တော်ယေရှုကား ဂင်သနေသရက်အာမ်းနဘေးပိုက်ပေ#5:1 ဂင်နေသရက်အာမ်း - ဂါလိလဲဝဲအာမ်းယောက် အတူတူထှာမှာ။ စပ်ပန်းနင်းမှါခ့်ခါ သမီဆာတာတ်ကား ဘုရားရှာန်ဘင်း နှုတ်ကပါတ်တော်တေဒေ သက်ကူညယ် ကိုယ်တော်ပတ်ပတ်လည်ဘေ စုသဘန်း ထုတ်ကြီးရီမှာ။ 2ကိုယ်တော်ကား ကမ်းပိုက်ပေဆိုက်သပဲဘင်း တာန်းငှါရင်ဘင်းလှေကလိန်းစီးတေ ကတုံန်ရာန်မှာ။ တာန်းငှါရင်ဘင်း သမီဆာတာတ်ကား လှေစောက်ဟက်ဆပ်ပန်း တာန်းငှါရင်ဘင်းပိုက်တေဒေ ဖောနင်းကြီးမှာ။ 3အန်၌မှါခ့်ခါ ကိုယ်တော်ယေရှုကား အန်လှေ ကလိန်းစီးနောင်းဟက် ရှိမုန်ဘင်း လှေစောက်ပေဟယ်ဘန်း ရှိမုန်ဒေလှေဒေ ကမ်းဟက် စစ်ဆာခွာသစိန်းယုတ်တင် အမိန့်အီရာန်မှာ။ စီးမှါခ့်ခါ ကိုယ်တော်ကား လှေစောက်ပေထုံးဘန်း သမီဆတာတ်တေ ဆွောန်သကာဘန်း ဆုံးမသမှာ။
4ဟောသကာ ဆွောန်သကာစီးမှါခ့်ခါ ကိုယ်တော်ကား ရှိမုန်ဒေ “လှေဒေ ဝဲထိန်လားပါ လှော်သဘန်း တာန်းငှါရင်ဒင် နာန်ပိုက်တေချတာန်” ညယ် မိန့်သမှာ။
5ရှိမုန်ရီးဒါး “အိုးဆကြီး၊ အလေကား နာတ်ကမှါတ် နာတ်ကြယ်ကျယ်ရာလုံး ပါန်ပါန်ပန်းပန်းရင်ကြီးရီဒီဒါး တာန်းငှါနူဝါစဲ အလူရီရား။ အန်နိမ်စါန်းငှေါဒီဒါး အိုးဆကြီးငှေါဘင်းအတွာတ် ပြန်သဘန်းပိုက်တေပန်းနူချတာန်ကူ” ညယ် ငှေါမှာ။
6စီးမှါခ့်ခါ အန်တာတ်ကား ပိုက်တေဒေချတာန်မှါခ့်ခါ ပိုက်တေကား ဆိုက်အာန်ကူနိမ် တာန်းငှါကလောင်းတုံန်းရင်ပတ်ကြီးမှာ။ 7အမှာတွာတ် အန်တာတ်ကား တခြားလှေစောက်ပေငှါဘင်း တာန်းငှါရင်ဘင်းအဖွဲ့တေဒေ အန်တာတ်နင်းအွန်ဘုတ်စိန်းဒင် အချတ်ပြသဘန်းကော်ရာန်မှာ။ အန်ဘင်းဆိတ်တာတ် ထုတ်ကြီးရီဘန်း လှေကလိန်းစီးလုံးဘေ တာန်းငှါတေဒေ စါန်းငါန်မှါခ့်ခါ အန်တာတ်လှေတေကား ဝဲနစ်သကူနိမ် ငါရာန်မှာ။
8အန်ဘင်းအဖြစ်ပျက်တေဒေ ကတုံန်မှါခ့်ခါ ရှိမုန်ပေတရုကား#5:8 ရှိမုန်ပေတရု - ရှိမုန်ဒေ ကိုယ်တော်ယေရှုကား ပေတရုငှေါဘင်းနာမယ်ဒေအီရီမှာ။ အန်ဘင်းနာကား ဟေဘရူးတူးယောက် လုံးကရှီညယ်အဓိပ္ပာယ်လူမှာ။ ယော ၁:၄၂ ကိုယ်တော်ယေရှုတာပိုင်းဘေ သထူထောက်သဘန်း “အရှာန်၊ ငါကား အပြစ်လွောန်ဘင်းဆိတ်ဟော်ဝါ ထှာဘင်းအတွာတ် ငါတေ တက်ပဲလာန်ဘဲ” ညယ် လျှောက်တာန်သမှာ။ 9ဟမာန်တွာတ်ငှေါဘန်းတာတ်ငှေါ ဟိန်ယောက် တခြားဘင်းသမီဆာတာတ်ရီးဒါး အန်တာတ်ရင်ပတ်ပင်း တာန်းငှါတေကား လွောန်ဘင်းအတွာတ် အကြီးကျယ်အံ့ဩသနင်းကြီးဆွန်နာန်မှာ။ 10အန်နောင်းဘေ ရှိမုန်ပဟာန်းတေထှာကြီးဘင်း ဇေဗေဒဲဆာကလိန်းဟူးထှာဘင်း ယာကုပ်ယောက် ယောဟန်တာတ်ရီးဒါး အံ့ဩသနင်းကြီးမှာ။ စီးမှါခ့်ခါ ကိုယ်တော်ကား ရှိမုန်ဒေ “အစာတ်ဆာ၊ အရာတ်ဟက်စသဘန်း နာန်ကား တာန်းငှါရင်ကူဘင်းအစား သမီဆတာတ်တေ ငါဟလိန်းဘင်း တပယ့်တေထှာစိန်းကွန်းအတွာတ် စည်းရုံးသကြီးထှာကူ” ညယ် မိန့်တော်မူသမှာ။ 11စီးမှါခ့်ခါ အန်တာတ်ရီးဒါး လှေတေဒေ ကမ်းစောက်ပါ တွန်းဟယ်စီးမှါခ့်ခါ အန်တာတ်ပေငှါဘင်းတေဒေ တက်ပဘဲဘန်း ကိုယ်တော်ဟလိန်းပါ လာန်ငါတ်ပဲကြီးမှာ။
ကမာတုံန်းရောဂါဆယ်ဟော်ဝါတေကယာစိန်းဘင်း
(ရှာန်မဿဲ ၈:၁-၄။ ရှာန်မာကု ၁:၄၀-၄၅)
12ပန်းနူမှါခ့်ခါ ကိုယ်တော်ယေရှုကား မြို့တစ်မြို့ဘေငှါနင်းဘန်း အန်ဘင်းမြို့ဘေ ကမာတုံန်းရောဂါထှာနင်းဘင်း ဟလောဝါဟော်ဝါငှါမှာ။ ဟိန်ကား ကိုယ်တော်ယေရှုတေ ကတုံန်မယောက် မန်းဘေသထူထာက်သဘန်းနာ ဘုတ်ပန်း “ကိုယ်တော်၊ ကိုယ်တော် အလိုတော်ငှါဘန်းကား ငါဘင်းရောဂါ စလယ်ဘန်းကယာကွန်း#5:12 စလယ် - ဂျူးပညတ်ကျမ်းအတိုင်း ကမာတုံန်းရောဂါညယ်ကော်ဘင်း အရေဖျားရောဂါထှာနင်းဘင်းဆိတ်တာတ်တေ အစလယ်ဘင်း သမီဆတာတ်ညယ် သတ်မှတ်သကြီးမှာ။ အန်တာတ်ကား ဘုရားဝိုင်သဘင်း ဗိမာန်တော် အန်နိမ်အချီ ဘာသာရေးအလိုက်အွန်ဘင်းပွဲတော်တေဘေ ဒီလားအလူဝါး။ အန်တာတ်ကား ရောဂါအဘိုဘင်းဆိတ်တာတ်ယောက် လမ်းစာလားဘေ နင်းထှာမှာ။ ကုသအီရန်နာ” ညယ် တောင်းပါန်သမှာ။
13အမှာတွာတ် ကိုယ်တော်ယေရှုကား ဟိန်တဟူးတေ ဆန့်တာန်ဘန်းနာ အန်ဘင်းဆိတ်တေ သဟူးယောက်ထိတာန်ဘန်း “ငါအလိုငှါမှာ၊ စလယ်ဘန်းကယာရာန်” ညယ် မိန့်တော်မူသစီးမှါခ့်ခါ ချတ်ချန်း အန်ဘင်းဆိတ်ရောဂါကား စလယ်ဘန်းကယာလာန်ဘဲမှာ။
14စီးမှါခ့်ခါ ကိုယ်တော်ကား ဟိန်ဒေ “နာန်ရောဂါ စလယ်ဘန်းကယာလာန်ပဲဘင်းဒေ ဟာဟမဲတေစဲ အငှေါဆာ။ အန်နိမ်စါန်းငှေါဒီ ပုရောဟိတ်ပါလာန်ဘန်း နာန်ရောဂါ စလယ်ဘန်းကယာရာန်ဘင်းတေ ဟိန်စစ်ဆေးသစိန်း။ စီးမှါခ့်ခါ နာန်ရောဂါ စလယ်ဘန်းကယာရာန်ဘင်းအတွာတ် မောရှေပညတ်ကျမ်းဘေ ရေးသပဲဘင်းအတိုင်း ပူဇော်သဘင်းတေ အွန်နာန်။ အမှာမားဆာ သမီဆတာတ်ကား နာန်ရောဂါ စလယ်ဘန်းကယာရာန်ဘင်းဒေ မိန်းရှာတ်ခါကြီးကူ” ညယ် မိန့်တော်မူသမှာ။
15အန်နိမ်စါန်းငှေါဒီ ကိုယ်တော်ယေရှုဆတာန်းကား ပိုသောပျံ့သလာန်ဘဲဘန်း သမီဆာကလောင်းတုံန်းရီးဒါး ကိုယ်တော်ဘင်း ဆွောန်သကာ ဟောသကာဘင်းတေဒေ သက်တင်အတွာတ်ယောက်၊ အန်တာတ်ရောဂါတေဒေ ကုသဒင် စုသကြီးရီမှာ။ 16အန်နိမ်စါန်းငှေါဒီ ကိုယ်တော်ကား သမီဆာထုတ်လားစစ်ပင်းအရပ်ပေ ဟော်ဝါဆာ လာန်ဘန်း ဆုစိန်နင်းဟာမှာ။
ကိုယ်တော်ယေရှုကားလေဖြတ်သနင်းဘင်းဟော်ဝါတေကုသအီဘင်း
(ရှာန်မဿဲ ၉:၁-၈။ ရှာန်မာကု ၂:၁-၁၂)
17မာန်းရာတ်ရအာဘေ ကိုယ်တော်ယေရှုကား ဟောသကာ ဆွောန်သကာအီနင်းမှါခ့်ခါ ဂါလိလဲပြေ၊ ယုဒပြေဘေငှါဘင်းထိန်တေယောက် ဂျေရုဆလင်မြို့ဘေငှါဘင်း ဖာရိရှဲတေယောက်#5:17 ဖာရိရှဲ - ဖာရိရှဲတာတ်ကား ဂျူးဘာသာရေး အဖွဲ့တစ်ဖွဲ့ထှာမှာ။ ဂျူးဘာသာယောက်ဆိုင်သဘင်း ပညတ်တော်တေဒေ တိတိကျကျယောက် ဂရုတစိုက် လိုက်နာသဒင်ကား ဖာရိရှဲတာတ်အတွာတ် အကြီးကျယ်အရေးတုံန်းမှာ။ ကျမ်းကျိန်းပေါ့ပင်း အိုးဆကြီးစယ်ယာတာတ်ရီးဒါး အန်ဘင်းပိုက်ပေ ထုံးပန်းနင်းကြီးမှာ။ ဘုရားရှာန်ကား ကိုယ်တော်ဒေ သမီဆတာတ်ပင်းရောဂါတေဒေ ကယာစိန်းဒင်အတွာတ် တန်ခိုးတော်ဒေ အီဘန်းပဲမှာ။ 18သမီဆာစယ်ယာကား လေဖြတ်သနင်းဘင်း သမီဆာဟော်ဝါတေ ဆလုံးစောက်ပေ တာန်သဘန်း ဖဲရီဘန်းနာ ကျေမ်းနောင်းဘေ ဆွာမ်းသဘန်း ကိုယ်တော်ယေရှုမန်းဘေ ပဲရန်ကွန်း အွန်နင်းကြီးမှာ။ 19အန်နိမ်စါန်းငှေါဒီ သမီဆာကလောင်းတုံန်း ငှါဘင်းအတွာတ် အန်တာတ်ကား ဟိန်ဒေကော်ဆာန်ဒင် လမ်းသန်လား အထှာဟာငှါနင်းမှာ။ စီးမှါခ့်ခါ အန်တာတ်ကား ဟိန်ဒေ ကျေမ်းခေါင်မိုးစောက်ပေဟယ်ဘန်း ဆနူးတေခွာသဘန်းနာ သမီဆတာတ်ဘလန်းဘေငှါဘင်း ကိုယ်တော်ယေရှုမန်းဘေ ဆလုံးယောက်အတူတူ စလွောပ်အက်နာန်မှာ။
20အန်တာတ်ယုံကြည်ချက် တုံန်းဘင်းနာဒေ ကတုံန်လူမှါခ့်ခါ ကိုယ်တော်ကား လေဖြတ်သနင်းဘင်းဆိတ်တေ “ပဟာန်း၊ နာန်ဘင်းအမဲဘင်းအပြစ်တေဒေ ငါခွာမ်းလွှတ်သအီပါန်” ညယ် မိန့်တော်မူသမှာ။
21အန်၌မှါခ့်ခါ ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား “ဟာဟမဲကား အန်နိမ် ဘုရားရှာန်ဒေ စော်ကားသဘန်း ငှေါနင်းတေ။ ဘုရားရှာန်ဟက်လွဲသဘန်း ဟာဟမဲစဲ အမဲဘင်းအပြစ်တေဒေ ခွာမ်းလွှတ်သရန်ဘင်းဒေ အအွန်ရန်နား” ညယ် အန်တာတ်အဆေင်နောင်းဘေ တွေးသနင်းကြီးမှာ။
22ကိုယ်တော်ယေရှုကား အန်တာတ် အာနိမ် တွေးသနင်းဘင်းနာတေ မိန်းရှာတ်ခါဘင်းအတွာတ် အန်ဘင်းဆိတ်တာတ်တေ “ဟနိမ်ဟမာန်ငှါး အန်နိမ်တွေးသနင်းထှာတေ။ 23‘နာန်ဘင်း အမဲဘင်းအပြစ်တေ ခွာမ်းလွှတ်သပါန်’ ညယ် ငှေါဝါမ်လားကား စယ်လည်း အန်နိမ်အချီ ‘ရဲဘန်း လမ်းဟာရာန်’ ညယ် ငှေါဝါမ်လားကား ပိုသောစယ်လည်း။ 24အန်နိမ်စါန်းငှေါဒီ သမီဆာဆားတော်ကား#5:24 သမီဆာဆားတော် - သမီဆာဆားတော်ငှေါဘင်းနာကား ကိုယ်တော်ယေရှုကား ကိုယ်ကောက်ကိုယ် တင်စားသဘန်းကော်လားထှာမှာ။ သမီဆာဆားတော်ကား ဘုရားရှာန်ဟက်အခွာမ်းအာဏာလူဘန်း ဘုရားရှာန်ဟက်ဒီဘင်း သမီဆာထှာမှာ။ အဘင်းကမ္ဘာစောက်ပေငှါဘင်း အမဲဘင်းအပြစ်တေဒေ ခွာမ်းလွှတ်သရန်ဘင်း အခွာမ်းအာဏာငှါဘင်းတေ ဟနိမ်မိန်းရှာတ်ခါစိန်းဒင် ငါကာကူ” ညယ် မိန့်သမှာ။ စီးမှါခ့်ခါ ကိုယ်တော်ကား အန်ဘင်း လေဖြတ်သနင်းဆိတ်တေ “နာန်တေငါငှေါကူ၊ ရဲစိတ်၊ နာန်ဆလုံးတေလာဘန်း ကျေမ်းပါလာန်ဟာန်းစိတ်” ညယ် မိန့်တော်မူသမှာ။ 25အာနိမ် မိန့်တာန်မရောက် ချတ်ချန်း အန်ဘင်းဆိတ်ကား သမီဆာတာတ်အားလုံးဘင်းမန်းဘေ စပ်နာန်ဘန်း ဟိန်အေ့ပ်ပင်းဆလုံးတေ လာရာန်ဘန်းနာ ဘုရားရှာန်ဒေ ချီးမွမ်းသဘန်း ကျေမ်းပါဒီဟာန်းပဲမှာ။ 26သမီဆာတေရီဒါး အံ့ဩသဘန်း ဘုရားရှာန်ဒေ ချီးမွမ်းသကြီးမှာ။ အန်တာတ်ကား စါတ်ပန်းနာ “အရာတ်မှါတ် အလေကား အံ့ဩသထာတ်မဲဘင်းနာတေဒေ ကတုံန်လူရီဘန်း” ညယ် ငှေါကြီးမှာ။
ကိုယ်တော်ယေရှုလေဝိတေကော်ဘင်း
(ရှာန်မဿဲ ၉:၉-၁၃။ ရှာန်မာကု ၂:၁၃-၁၇)
27စီးမှါခ့်ခါ ကိုယ်တော်ယေရှုကား အန်ဘင်းဟက် ပူဒီပဲဘန်း လေဝိညယ်ကော်ဘင်း အခွန်ကွန်ဘင်းဆိတ်ဟော်ဝါကား အခွန်ကွန်ဘင်းတဲဘေ ထုံးနင်းဘင်းနာတေ ကတုံန်မှါခ့်ခါ “ငါဟလိန်းဘေဒီရာတ်” ညယ် မိန့်တော်မူသမှာ။ 28အမှာတွာတ် လေဝိရီးဒါး ဟိန်အခွန်ကွန်ဘင်းဘဝတေ တက်ပဘဲဘန်း ကိုယ်တော်ဟလိန်းဘေ ဒီရာတ်ပဲမှာ။
29စီးမှါခ့်ခါ လေဝိကား ဟိန်ကျေမ်းဘေ ကိုယ်တော်အတွာတ် ယုတ်ပင်းအူဘင်းပွဲတုံန်းတေ အွန်အီဘန်း တခြားဘင်း အခွန်ကွန်ဘင်း သမီဆာတေယောက် နန်တေရီဒါး အန်တာတ်ယောက်အတူတူ ယုတ်ကြီးမှာ။ 30စီးမှါခ့်ခါ ဖာရိရှဲတာတ်ယောက် အန်တာတ်နောင်းဟက် ကျမ်းကျိန်းပေါ့ပင်း အိုးဆကြီးတာတ်ကား ကိုယ်တော်ဘင်းတပယ့်တော်တာတ်တေ “ဟနိမ်ကား အခွန်ကွန်ဘင်းဆိတ်တာတ်၊ အပြစ်ဆားတာတ်ယောက် ဟမာန်တွာတ် အတူတူ ယုတ်မောက်နင်းကြီးဒေ” ညယ် ဝေဖန်အပြစ်တာန်သကြီးမှာ။
31ကိုယ်တော်ကား အန်တာတ်တေ ပြန်သဘန်း ငှေါဟာန်းဘင်းနာကား “နင်းမဲဘင်းဆိတ်တာတ်အတွာတ် အုတ်ဆရာကြီးအလိုသဝါး၊ အန်နိမ်စါန်းငှေါဒီ အနင်းမဲဘင်း သမီဆာတာတ်အတွာတ်ကား အုတ်ဆရာကြီးလိုသမှာ။ 32ငါကား ဖြောင့်မတ်သဘင်းဆိတ်တာတ်အတွာတ်၌ဆာ ဒီလားအချီရား။ အန်နိမ်စါန်းငှေါဒီ အပြစ်ဆားတာတ်တေ နောင်တလူစိန်းဒင်အတွာတ် ငါဒီထှာလား” ညယ် မိန့်တော်မူသမှာ။
အယုတ်ညယ်အအူညယ်ဥပုသ်စောင့်သဘင်းနာတေစိန်ယူဘင်း
(ရှာန်မဿဲ ၉:၁၄-၁၇။ ရှာန်မာကု ၂:၁၈-၂၂)
33စီးမှါခ့်ခါ သမီဆာစယ်ယာကား ကိုယ်တော်ယေရှုတေ “ယောဟန်ယောက် ဟိန်တပယ့်တာတ်ကား ဟမာန်ကဆဲ အယုတ်ညယ်အအူညယ် ဥပုတ်စောင့်သဘင်းယောက် ဆုစိန်ဘင်းနာတေဒေ ပန်းနူပန်းနာအွန်ဟာဘန်း ဖာရိရှဲတာတ်ပင်း တပယ့်တေရီးဒါး အန်ဘင်းအတိုင်း အွန်ကြီးမှာ၊ အန်နိမ်စါန်းငှေါဒီ နာန်တပယ့်တာတ်ကား ပန်းနူပန်းနာ ယုတ်ပန်းအူဘန်းနင်းကြီးမှာ” ညယ်ငှေါမှာ။
34စီးမှါခ့်ခါ ကိုယ်တော်ကား “မာန်းဂလာပွဲပါဒီကြီးဘင်း သတိုးသားပဟာန်းတာတ်ကား သတိုးသား ယောက်အတူတူငှါနင်းမှါခ့်ခါ ဟနိမ်ကား အန်တာတ်တေ အယုတ်ကွန်းအအူကွန်း နင်းစိန်းရန်ကြီးလည်း။ အန်နိမ်ညယ် အွန်ကြီးရန်ကလားအချီရား။ 35အန်နိမ်စါန်းငှေါဒီ သတို့သားတေ အန်တာတ်ဟက် ကော်လာန်ဘဲကူဘင်း အချိန်ထုတ်မှါခ့်ခါ အန်တာတ်ကား အယုတ်ညယ်အအူညယ် နင်းကြီးကူ” ညယ် မိန့်သမှာ။
36စီးမှါခ့်ခါ ကိုယ်တော်ယေရှုကား အန်တာတ်တေ ဥပမာပုဒ်အာတေ ငှေါကာမှာ။ စီးမှါခ့်ခါ ကိုယ်တော်ကား “ဟာဟမဲစဲ ဆာန်ဆုန်ကာန်သလားတေ ဖာသဒင် ဆာန်ဆုန်နယားတေ အထဲဆိုတ်အား။ အန်နိမ်အွန်ဘန်းကား ဆာန်ဆုန်နယားကား ဆိုက်အာန်ဘန်းနာ ဖာသပဲဘင်း ဆာန်ဆုန်နယားရီးဒါး ဆာန်ဆုန်ကာန်သလားယောက် လိုက်သကလားအချီရား။ 37ဟာဟမဲစဲ စပျစ်ဝိုင်နယားဒေ ဆလေဘူးကာန်သလားဘေ အစါန်းငှါး။ အန်နိမ်အွန်နာန်ဘန်းကား စပျစ်ဝိုင်နယားကား ဆလေဘူးတေ ဆိုက်စိန်းရန်ဘင်းအတွာတ် စပျစ်ဝိုင်ရီးဒါး ဘာဘန်း ဆလေဘူးရီးဒါး ပြတ်စီးတာန်ကူ။ 38အမှာတွာတ် စပျစ်ဝိုင်နယားဒေ ဆလေဘူးနယားဘေ၌ဆာ စါန်းထှာကူ။ 39စပျစ်ဝိုင် ကာန်သလားဒေ အူစီးဘင်းဆိတ်တိုင်းကား ‘စပျစ်ဝိုင်ကာန်သလားကား ပိုသောမဲမှာ’ ညယ်ငှေါဘန်း စပျစ်ဝိုင်နယားဒေ အူကာတ်ပန်းကလားအချီရား” ညယ် မိန့်တော်မူသမှာ။
Àwon tá yàn lọ́wọ́lọ́wọ́ báyìí:
ရှာန်လုကာ 5: ZKD
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 5
5
အခန်း (၅)
ပထမဆုံးတပယ့်တော်တေ
(ရှာန်မဿဲ ၄:၁၈-၂၂။ ရှာန်မာကု ၁:၁၆-၂၀)
1မာန်းရာတ်ရအာမှါခ့်ခါ ကိုယ်တော်ယေရှုကား ဂင်သနေသရက်အာမ်းနဘေးပိုက်ပေ#5:1 ဂင်နေသရက်အာမ်း - ဂါလိလဲဝဲအာမ်းယောက် အတူတူထှာမှာ။ စပ်ပန်းနင်းမှါခ့်ခါ သမီဆာတာတ်ကား ဘုရားရှာန်ဘင်း နှုတ်ကပါတ်တော်တေဒေ သက်ကူညယ် ကိုယ်တော်ပတ်ပတ်လည်ဘေ စုသဘန်း ထုတ်ကြီးရီမှာ။ 2ကိုယ်တော်ကား ကမ်းပိုက်ပေဆိုက်သပဲဘင်း တာန်းငှါရင်ဘင်းလှေကလိန်းစီးတေ ကတုံန်ရာန်မှာ။ တာန်းငှါရင်ဘင်း သမီဆာတာတ်ကား လှေစောက်ဟက်ဆပ်ပန်း တာန်းငှါရင်ဘင်းပိုက်တေဒေ ဖောနင်းကြီးမှာ။ 3အန်၌မှါခ့်ခါ ကိုယ်တော်ယေရှုကား အန်လှေ ကလိန်းစီးနောင်းဟက် ရှိမုန်ဘင်း လှေစောက်ပေဟယ်ဘန်း ရှိမုန်ဒေလှေဒေ ကမ်းဟက် စစ်ဆာခွာသစိန်းယုတ်တင် အမိန့်အီရာန်မှာ။ စီးမှါခ့်ခါ ကိုယ်တော်ကား လှေစောက်ပေထုံးဘန်း သမီဆတာတ်တေ ဆွောန်သကာဘန်း ဆုံးမသမှာ။
4ဟောသကာ ဆွောန်သကာစီးမှါခ့်ခါ ကိုယ်တော်ကား ရှိမုန်ဒေ “လှေဒေ ဝဲထိန်လားပါ လှော်သဘန်း တာန်းငှါရင်ဒင် နာန်ပိုက်တေချတာန်” ညယ် မိန့်သမှာ။
5ရှိမုန်ရီးဒါး “အိုးဆကြီး၊ အလေကား နာတ်ကမှါတ် နာတ်ကြယ်ကျယ်ရာလုံး ပါန်ပါန်ပန်းပန်းရင်ကြီးရီဒီဒါး တာန်းငှါနူဝါစဲ အလူရီရား။ အန်နိမ်စါန်းငှေါဒီဒါး အိုးဆကြီးငှေါဘင်းအတွာတ် ပြန်သဘန်းပိုက်တေပန်းနူချတာန်ကူ” ညယ် ငှေါမှာ။
6စီးမှါခ့်ခါ အန်တာတ်ကား ပိုက်တေဒေချတာန်မှါခ့်ခါ ပိုက်တေကား ဆိုက်အာန်ကူနိမ် တာန်းငှါကလောင်းတုံန်းရင်ပတ်ကြီးမှာ။ 7အမှာတွာတ် အန်တာတ်ကား တခြားလှေစောက်ပေငှါဘင်း တာန်းငှါရင်ဘင်းအဖွဲ့တေဒေ အန်တာတ်နင်းအွန်ဘုတ်စိန်းဒင် အချတ်ပြသဘန်းကော်ရာန်မှာ။ အန်ဘင်းဆိတ်တာတ် ထုတ်ကြီးရီဘန်း လှေကလိန်းစီးလုံးဘေ တာန်းငှါတေဒေ စါန်းငါန်မှါခ့်ခါ အန်တာတ်လှေတေကား ဝဲနစ်သကူနိမ် ငါရာန်မှာ။
8အန်ဘင်းအဖြစ်ပျက်တေဒေ ကတုံန်မှါခ့်ခါ ရှိမုန်ပေတရုကား#5:8 ရှိမုန်ပေတရု - ရှိမုန်ဒေ ကိုယ်တော်ယေရှုကား ပေတရုငှေါဘင်းနာမယ်ဒေအီရီမှာ။ အန်ဘင်းနာကား ဟေဘရူးတူးယောက် လုံးကရှီညယ်အဓိပ္ပာယ်လူမှာ။ ယော ၁:၄၂ ကိုယ်တော်ယေရှုတာပိုင်းဘေ သထူထောက်သဘန်း “အရှာန်၊ ငါကား အပြစ်လွောန်ဘင်းဆိတ်ဟော်ဝါ ထှာဘင်းအတွာတ် ငါတေ တက်ပဲလာန်ဘဲ” ညယ် လျှောက်တာန်သမှာ။ 9ဟမာန်တွာတ်ငှေါဘန်းတာတ်ငှေါ ဟိန်ယောက် တခြားဘင်းသမီဆာတာတ်ရီးဒါး အန်တာတ်ရင်ပတ်ပင်း တာန်းငှါတေကား လွောန်ဘင်းအတွာတ် အကြီးကျယ်အံ့ဩသနင်းကြီးဆွန်နာန်မှာ။ 10အန်နောင်းဘေ ရှိမုန်ပဟာန်းတေထှာကြီးဘင်း ဇေဗေဒဲဆာကလိန်းဟူးထှာဘင်း ယာကုပ်ယောက် ယောဟန်တာတ်ရီးဒါး အံ့ဩသနင်းကြီးမှာ။ စီးမှါခ့်ခါ ကိုယ်တော်ကား ရှိမုန်ဒေ “အစာတ်ဆာ၊ အရာတ်ဟက်စသဘန်း နာန်ကား တာန်းငှါရင်ကူဘင်းအစား သမီဆတာတ်တေ ငါဟလိန်းဘင်း တပယ့်တေထှာစိန်းကွန်းအတွာတ် စည်းရုံးသကြီးထှာကူ” ညယ် မိန့်တော်မူသမှာ။ 11စီးမှါခ့်ခါ အန်တာတ်ရီးဒါး လှေတေဒေ ကမ်းစောက်ပါ တွန်းဟယ်စီးမှါခ့်ခါ အန်တာတ်ပေငှါဘင်းတေဒေ တက်ပဘဲဘန်း ကိုယ်တော်ဟလိန်းပါ လာန်ငါတ်ပဲကြီးမှာ။
ကမာတုံန်းရောဂါဆယ်ဟော်ဝါတေကယာစိန်းဘင်း
(ရှာန်မဿဲ ၈:၁-၄။ ရှာန်မာကု ၁:၄၀-၄၅)
12ပန်းနူမှါခ့်ခါ ကိုယ်တော်ယေရှုကား မြို့တစ်မြို့ဘေငှါနင်းဘန်း အန်ဘင်းမြို့ဘေ ကမာတုံန်းရောဂါထှာနင်းဘင်း ဟလောဝါဟော်ဝါငှါမှာ။ ဟိန်ကား ကိုယ်တော်ယေရှုတေ ကတုံန်မယောက် မန်းဘေသထူထာက်သဘန်းနာ ဘုတ်ပန်း “ကိုယ်တော်၊ ကိုယ်တော် အလိုတော်ငှါဘန်းကား ငါဘင်းရောဂါ စလယ်ဘန်းကယာကွန်း#5:12 စလယ် - ဂျူးပညတ်ကျမ်းအတိုင်း ကမာတုံန်းရောဂါညယ်ကော်ဘင်း အရေဖျားရောဂါထှာနင်းဘင်းဆိတ်တာတ်တေ အစလယ်ဘင်း သမီဆတာတ်ညယ် သတ်မှတ်သကြီးမှာ။ အန်တာတ်ကား ဘုရားဝိုင်သဘင်း ဗိမာန်တော် အန်နိမ်အချီ ဘာသာရေးအလိုက်အွန်ဘင်းပွဲတော်တေဘေ ဒီလားအလူဝါး။ အန်တာတ်ကား ရောဂါအဘိုဘင်းဆိတ်တာတ်ယောက် လမ်းစာလားဘေ နင်းထှာမှာ။ ကုသအီရန်နာ” ညယ် တောင်းပါန်သမှာ။
13အမှာတွာတ် ကိုယ်တော်ယေရှုကား ဟိန်တဟူးတေ ဆန့်တာန်ဘန်းနာ အန်ဘင်းဆိတ်တေ သဟူးယောက်ထိတာန်ဘန်း “ငါအလိုငှါမှာ၊ စလယ်ဘန်းကယာရာန်” ညယ် မိန့်တော်မူသစီးမှါခ့်ခါ ချတ်ချန်း အန်ဘင်းဆိတ်ရောဂါကား စလယ်ဘန်းကယာလာန်ဘဲမှာ။
14စီးမှါခ့်ခါ ကိုယ်တော်ကား ဟိန်ဒေ “နာန်ရောဂါ စလယ်ဘန်းကယာလာန်ပဲဘင်းဒေ ဟာဟမဲတေစဲ အငှေါဆာ။ အန်နိမ်စါန်းငှေါဒီ ပုရောဟိတ်ပါလာန်ဘန်း နာန်ရောဂါ စလယ်ဘန်းကယာရာန်ဘင်းတေ ဟိန်စစ်ဆေးသစိန်း။ စီးမှါခ့်ခါ နာန်ရောဂါ စလယ်ဘန်းကယာရာန်ဘင်းအတွာတ် မောရှေပညတ်ကျမ်းဘေ ရေးသပဲဘင်းအတိုင်း ပူဇော်သဘင်းတေ အွန်နာန်။ အမှာမားဆာ သမီဆတာတ်ကား နာန်ရောဂါ စလယ်ဘန်းကယာရာန်ဘင်းဒေ မိန်းရှာတ်ခါကြီးကူ” ညယ် မိန့်တော်မူသမှာ။
15အန်နိမ်စါန်းငှေါဒီ ကိုယ်တော်ယေရှုဆတာန်းကား ပိုသောပျံ့သလာန်ဘဲဘန်း သမီဆာကလောင်းတုံန်းရီးဒါး ကိုယ်တော်ဘင်း ဆွောန်သကာ ဟောသကာဘင်းတေဒေ သက်တင်အတွာတ်ယောက်၊ အန်တာတ်ရောဂါတေဒေ ကုသဒင် စုသကြီးရီမှာ။ 16အန်နိမ်စါန်းငှေါဒီ ကိုယ်တော်ကား သမီဆာထုတ်လားစစ်ပင်းအရပ်ပေ ဟော်ဝါဆာ လာန်ဘန်း ဆုစိန်နင်းဟာမှာ။
ကိုယ်တော်ယေရှုကားလေဖြတ်သနင်းဘင်းဟော်ဝါတေကုသအီဘင်း
(ရှာန်မဿဲ ၉:၁-၈။ ရှာန်မာကု ၂:၁-၁၂)
17မာန်းရာတ်ရအာဘေ ကိုယ်တော်ယေရှုကား ဟောသကာ ဆွောန်သကာအီနင်းမှါခ့်ခါ ဂါလိလဲပြေ၊ ယုဒပြေဘေငှါဘင်းထိန်တေယောက် ဂျေရုဆလင်မြို့ဘေငှါဘင်း ဖာရိရှဲတေယောက်#5:17 ဖာရိရှဲ - ဖာရိရှဲတာတ်ကား ဂျူးဘာသာရေး အဖွဲ့တစ်ဖွဲ့ထှာမှာ။ ဂျူးဘာသာယောက်ဆိုင်သဘင်း ပညတ်တော်တေဒေ တိတိကျကျယောက် ဂရုတစိုက် လိုက်နာသဒင်ကား ဖာရိရှဲတာတ်အတွာတ် အကြီးကျယ်အရေးတုံန်းမှာ။ ကျမ်းကျိန်းပေါ့ပင်း အိုးဆကြီးစယ်ယာတာတ်ရီးဒါး အန်ဘင်းပိုက်ပေ ထုံးပန်းနင်းကြီးမှာ။ ဘုရားရှာန်ကား ကိုယ်တော်ဒေ သမီဆတာတ်ပင်းရောဂါတေဒေ ကယာစိန်းဒင်အတွာတ် တန်ခိုးတော်ဒေ အီဘန်းပဲမှာ။ 18သမီဆာစယ်ယာကား လေဖြတ်သနင်းဘင်း သမီဆာဟော်ဝါတေ ဆလုံးစောက်ပေ တာန်သဘန်း ဖဲရီဘန်းနာ ကျေမ်းနောင်းဘေ ဆွာမ်းသဘန်း ကိုယ်တော်ယေရှုမန်းဘေ ပဲရန်ကွန်း အွန်နင်းကြီးမှာ။ 19အန်နိမ်စါန်းငှေါဒီ သမီဆာကလောင်းတုံန်း ငှါဘင်းအတွာတ် အန်တာတ်ကား ဟိန်ဒေကော်ဆာန်ဒင် လမ်းသန်လား အထှာဟာငှါနင်းမှာ။ စီးမှါခ့်ခါ အန်တာတ်ကား ဟိန်ဒေ ကျေမ်းခေါင်မိုးစောက်ပေဟယ်ဘန်း ဆနူးတေခွာသဘန်းနာ သမီဆတာတ်ဘလန်းဘေငှါဘင်း ကိုယ်တော်ယေရှုမန်းဘေ ဆလုံးယောက်အတူတူ စလွောပ်အက်နာန်မှာ။
20အန်တာတ်ယုံကြည်ချက် တုံန်းဘင်းနာဒေ ကတုံန်လူမှါခ့်ခါ ကိုယ်တော်ကား လေဖြတ်သနင်းဘင်းဆိတ်တေ “ပဟာန်း၊ နာန်ဘင်းအမဲဘင်းအပြစ်တေဒေ ငါခွာမ်းလွှတ်သအီပါန်” ညယ် မိန့်တော်မူသမှာ။
21အန်၌မှါခ့်ခါ ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား “ဟာဟမဲကား အန်နိမ် ဘုရားရှာန်ဒေ စော်ကားသဘန်း ငှေါနင်းတေ။ ဘုရားရှာန်ဟက်လွဲသဘန်း ဟာဟမဲစဲ အမဲဘင်းအပြစ်တေဒေ ခွာမ်းလွှတ်သရန်ဘင်းဒေ အအွန်ရန်နား” ညယ် အန်တာတ်အဆေင်နောင်းဘေ တွေးသနင်းကြီးမှာ။
22ကိုယ်တော်ယေရှုကား အန်တာတ် အာနိမ် တွေးသနင်းဘင်းနာတေ မိန်းရှာတ်ခါဘင်းအတွာတ် အန်ဘင်းဆိတ်တာတ်တေ “ဟနိမ်ဟမာန်ငှါး အန်နိမ်တွေးသနင်းထှာတေ။ 23‘နာန်ဘင်း အမဲဘင်းအပြစ်တေ ခွာမ်းလွှတ်သပါန်’ ညယ် ငှေါဝါမ်လားကား စယ်လည်း အန်နိမ်အချီ ‘ရဲဘန်း လမ်းဟာရာန်’ ညယ် ငှေါဝါမ်လားကား ပိုသောစယ်လည်း။ 24အန်နိမ်စါန်းငှေါဒီ သမီဆာဆားတော်ကား#5:24 သမီဆာဆားတော် - သမီဆာဆားတော်ငှေါဘင်းနာကား ကိုယ်တော်ယေရှုကား ကိုယ်ကောက်ကိုယ် တင်စားသဘန်းကော်လားထှာမှာ။ သမီဆာဆားတော်ကား ဘုရားရှာန်ဟက်အခွာမ်းအာဏာလူဘန်း ဘုရားရှာန်ဟက်ဒီဘင်း သမီဆာထှာမှာ။ အဘင်းကမ္ဘာစောက်ပေငှါဘင်း အမဲဘင်းအပြစ်တေဒေ ခွာမ်းလွှတ်သရန်ဘင်း အခွာမ်းအာဏာငှါဘင်းတေ ဟနိမ်မိန်းရှာတ်ခါစိန်းဒင် ငါကာကူ” ညယ် မိန့်သမှာ။ စီးမှါခ့်ခါ ကိုယ်တော်ကား အန်ဘင်း လေဖြတ်သနင်းဆိတ်တေ “နာန်တေငါငှေါကူ၊ ရဲစိတ်၊ နာန်ဆလုံးတေလာဘန်း ကျေမ်းပါလာန်ဟာန်းစိတ်” ညယ် မိန့်တော်မူသမှာ။ 25အာနိမ် မိန့်တာန်မရောက် ချတ်ချန်း အန်ဘင်းဆိတ်ကား သမီဆာတာတ်အားလုံးဘင်းမန်းဘေ စပ်နာန်ဘန်း ဟိန်အေ့ပ်ပင်းဆလုံးတေ လာရာန်ဘန်းနာ ဘုရားရှာန်ဒေ ချီးမွမ်းသဘန်း ကျေမ်းပါဒီဟာန်းပဲမှာ။ 26သမီဆာတေရီဒါး အံ့ဩသဘန်း ဘုရားရှာန်ဒေ ချီးမွမ်းသကြီးမှာ။ အန်တာတ်ကား စါတ်ပန်းနာ “အရာတ်မှါတ် အလေကား အံ့ဩသထာတ်မဲဘင်းနာတေဒေ ကတုံန်လူရီဘန်း” ညယ် ငှေါကြီးမှာ။
ကိုယ်တော်ယေရှုလေဝိတေကော်ဘင်း
(ရှာန်မဿဲ ၉:၉-၁၃။ ရှာန်မာကု ၂:၁၃-၁၇)
27စီးမှါခ့်ခါ ကိုယ်တော်ယေရှုကား အန်ဘင်းဟက် ပူဒီပဲဘန်း လေဝိညယ်ကော်ဘင်း အခွန်ကွန်ဘင်းဆိတ်ဟော်ဝါကား အခွန်ကွန်ဘင်းတဲဘေ ထုံးနင်းဘင်းနာတေ ကတုံန်မှါခ့်ခါ “ငါဟလိန်းဘေဒီရာတ်” ညယ် မိန့်တော်မူသမှာ။ 28အမှာတွာတ် လေဝိရီးဒါး ဟိန်အခွန်ကွန်ဘင်းဘဝတေ တက်ပဘဲဘန်း ကိုယ်တော်ဟလိန်းဘေ ဒီရာတ်ပဲမှာ။
29စီးမှါခ့်ခါ လေဝိကား ဟိန်ကျေမ်းဘေ ကိုယ်တော်အတွာတ် ယုတ်ပင်းအူဘင်းပွဲတုံန်းတေ အွန်အီဘန်း တခြားဘင်း အခွန်ကွန်ဘင်း သမီဆာတေယောက် နန်တေရီဒါး အန်တာတ်ယောက်အတူတူ ယုတ်ကြီးမှာ။ 30စီးမှါခ့်ခါ ဖာရိရှဲတာတ်ယောက် အန်တာတ်နောင်းဟက် ကျမ်းကျိန်းပေါ့ပင်း အိုးဆကြီးတာတ်ကား ကိုယ်တော်ဘင်းတပယ့်တော်တာတ်တေ “ဟနိမ်ကား အခွန်ကွန်ဘင်းဆိတ်တာတ်၊ အပြစ်ဆားတာတ်ယောက် ဟမာန်တွာတ် အတူတူ ယုတ်မောက်နင်းကြီးဒေ” ညယ် ဝေဖန်အပြစ်တာန်သကြီးမှာ။
31ကိုယ်တော်ကား အန်တာတ်တေ ပြန်သဘန်း ငှေါဟာန်းဘင်းနာကား “နင်းမဲဘင်းဆိတ်တာတ်အတွာတ် အုတ်ဆရာကြီးအလိုသဝါး၊ အန်နိမ်စါန်းငှေါဒီ အနင်းမဲဘင်း သမီဆာတာတ်အတွာတ်ကား အုတ်ဆရာကြီးလိုသမှာ။ 32ငါကား ဖြောင့်မတ်သဘင်းဆိတ်တာတ်အတွာတ်၌ဆာ ဒီလားအချီရား။ အန်နိမ်စါန်းငှေါဒီ အပြစ်ဆားတာတ်တေ နောင်တလူစိန်းဒင်အတွာတ် ငါဒီထှာလား” ညယ် မိန့်တော်မူသမှာ။
အယုတ်ညယ်အအူညယ်ဥပုသ်စောင့်သဘင်းနာတေစိန်ယူဘင်း
(ရှာန်မဿဲ ၉:၁၄-၁၇။ ရှာန်မာကု ၂:၁၈-၂၂)
33စီးမှါခ့်ခါ သမီဆာစယ်ယာကား ကိုယ်တော်ယေရှုတေ “ယောဟန်ယောက် ဟိန်တပယ့်တာတ်ကား ဟမာန်ကဆဲ အယုတ်ညယ်အအူညယ် ဥပုတ်စောင့်သဘင်းယောက် ဆုစိန်ဘင်းနာတေဒေ ပန်းနူပန်းနာအွန်ဟာဘန်း ဖာရိရှဲတာတ်ပင်း တပယ့်တေရီးဒါး အန်ဘင်းအတိုင်း အွန်ကြီးမှာ၊ အန်နိမ်စါန်းငှေါဒီ နာန်တပယ့်တာတ်ကား ပန်းနူပန်းနာ ယုတ်ပန်းအူဘန်းနင်းကြီးမှာ” ညယ်ငှေါမှာ။
34စီးမှါခ့်ခါ ကိုယ်တော်ကား “မာန်းဂလာပွဲပါဒီကြီးဘင်း သတိုးသားပဟာန်းတာတ်ကား သတိုးသား ယောက်အတူတူငှါနင်းမှါခ့်ခါ ဟနိမ်ကား အန်တာတ်တေ အယုတ်ကွန်းအအူကွန်း နင်းစိန်းရန်ကြီးလည်း။ အန်နိမ်ညယ် အွန်ကြီးရန်ကလားအချီရား။ 35အန်နိမ်စါန်းငှေါဒီ သတို့သားတေ အန်တာတ်ဟက် ကော်လာန်ဘဲကူဘင်း အချိန်ထုတ်မှါခ့်ခါ အန်တာတ်ကား အယုတ်ညယ်အအူညယ် နင်းကြီးကူ” ညယ် မိန့်သမှာ။
36စီးမှါခ့်ခါ ကိုယ်တော်ယေရှုကား အန်တာတ်တေ ဥပမာပုဒ်အာတေ ငှေါကာမှာ။ စီးမှါခ့်ခါ ကိုယ်တော်ကား “ဟာဟမဲစဲ ဆာန်ဆုန်ကာန်သလားတေ ဖာသဒင် ဆာန်ဆုန်နယားတေ အထဲဆိုတ်အား။ အန်နိမ်အွန်ဘန်းကား ဆာန်ဆုန်နယားကား ဆိုက်အာန်ဘန်းနာ ဖာသပဲဘင်း ဆာန်ဆုန်နယားရီးဒါး ဆာန်ဆုန်ကာန်သလားယောက် လိုက်သကလားအချီရား။ 37ဟာဟမဲစဲ စပျစ်ဝိုင်နယားဒေ ဆလေဘူးကာန်သလားဘေ အစါန်းငှါး။ အန်နိမ်အွန်နာန်ဘန်းကား စပျစ်ဝိုင်နယားကား ဆလေဘူးတေ ဆိုက်စိန်းရန်ဘင်းအတွာတ် စပျစ်ဝိုင်ရီးဒါး ဘာဘန်း ဆလေဘူးရီးဒါး ပြတ်စီးတာန်ကူ။ 38အမှာတွာတ် စပျစ်ဝိုင်နယားဒေ ဆလေဘူးနယားဘေ၌ဆာ စါန်းထှာကူ။ 39စပျစ်ဝိုင် ကာန်သလားဒေ အူစီးဘင်းဆိတ်တိုင်းကား ‘စပျစ်ဝိုင်ကာန်သလားကား ပိုသောမဲမှာ’ ညယ်ငှေါဘန်း စပျစ်ဝိုင်နယားဒေ အူကာတ်ပန်းကလားအချီရား” ညယ် မိန့်တော်မူသမှာ။
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Kadu Bible by Beyond Translation is licensed under Creative Commons Attribution-ShareAlike 4.0 License.