Эге дөс 3
3
Баштайгы бачыт биле кеземче
1 # Мф. 10:16Дээрги-Бурган-Чаяакчының бүдүрүп чаяап кааны дириг амытаннарының аразындан эң-не кажары чылан болган. Ол херээжен кижиден айтырган: «Сесерликте кандыг-даа ыяштан чимистерни чиирин Бурган силерге хоруп каан дээр, ол ылап-ла шын бе?»
2«Бис кандыг-даа ыяштан чимистерни чип болур бис – деп, херээжен кижи харыылаан. – 3# Э. д. 2:17Чүгле сесерликтиң ортузунда турар ыяштың чимизин чип болбас дээрзин Бурган биске чугаалаан. Аңаа дээп безин болбас, оон башка өлүр бис».
4«Чок, өлбес силер – деп, чылан чугаалаан. – 5Бир эвес ол ыяштан чимистерни чиптер болзуңарза, бурганнар дег, эки-бакты угааптар, карааңар ажык апаарыңарны Бурган билгеш, хоруп турар-дыр». 6# Рим. 5:12; 1 Кор. 15:21-22; 1 Тим. 2:14Ол ыяштың чимистери чиксенчиг, аянныг, кижини угаанныг кылыптар кылдыр херээжен кижи көрүп кааш, бир чимис үзе тыртып алгаш, чипкен. Ашаанга база чимисти ап бээрге, ол база чип алган. 7Оларның иелдирзиниң карактары ажыттынып, боттарының эвегенин көрүп кааннар. Ынчан бел кежиин чажыра баглап аар чүвени бүрүлерден кылып алганнар.
8Кежээки сериин өйде сесерликте Дээрги-Бурган-Чаяакчының кылаштап турарын дыңнап кааш, кижи кадайы-биле ыяштар аразынга чашты берген.
9«Кайда сен?» – деп, Дээрги-Бурган-Чаяакчы кижини кыйгырган.
10«Сээң үнүңнү дыңнап кааш, эвегенимден эпчоксунгаш, чашты бердим» – деп, ол харыылаан.
11«Чанагаш сен деп сеңээ кым ынча дидир? – деп, Бурган айтырган. – Мээң хоруп турганым ыяштан чимис ап чиппээн сен бе?»
12«Меңээ эккеп бергениң херээжен кижи ол ыяштан чимисти ап бээрге, чиптим» – деп, кижи харыылаан.
13«Чүнү канчап алганың ол?» – деп, Дээрги-Бурган-Чаяакчы херээжен кижиден айтырган.
«Чылан мени мегелепти, ынчангаш чидим» – дээн.
14Ынчан Дээрги-Бурган-Чаяакчы чыланга мынча дээн:
«Ол үүлгеткениң чүүл дээш
бүгү азырал болгаш черлик
дириг амытаннардан артык каргаттырар сен!
Бүгү назыныңда иштиң-биле сояр сен,
довурак-доозун-биле чемненир сен.
15 # Рим. 16:20Херээжен кижи биле сени
дайзыннар кылып каар мен,
сээң биле ооң ажы-төлү
бот-боттарынга дайзыннар болурлар:
ооң оглу сээң бажыңны буза шавар,
а сен ооң таваңгайын шагар сен».
16 # Эф. 5:21; Кол. 3:18Дээрги-Бурган-Чаяакчы херээжен кижиге мынча дээн:
«Сээң иштиг-сааттыг үеңни
аажок хилинчектиг кылып каар мен,
ажы-төлүңнү хилинчектенип божуур сен.
Ашааңны аажок күзеп,
аңаа хандыкшыыр сен#3:16 Азы: «Ашааңны аайыңга киириксээр сен».,
ынчалза-даа ол сени чагырар».
17Дээрги-Бурган-Чаяакчы эр кижиге мынча дээн:
«Херээжен кижиниң сөзүн тооп дыңнааш,
мээң чиирин хоруп турганым
чимисти чиген сен.
Сээң хайың-биле чер каргаттырар!
Бүгү назыныңда чилчииң үзүлдүр
ажылдап чорууруң черден
аъш-чем, кат-чимис тып чип чурттаар сен.
18Чер сеңээ тенниг чадаң ыяштар
өстүрүп бээр,
а сен ховунуң сигени-биле
чемненир сен.
19 # Эккл. 3:10, 20Ынчангаш дериң төп чорааш,
чем тып чиир сен.
Сөөлүнде барып
бодуңнуң-на келген чериңче
эглип чоруй баар сен;
довурак-доозундан тывылган сен,
довурак-доозунче
катап-ла шилчий бээр сен».
20Кижи (Адам) кадайынга Ева#3:20 «Ева» деп ат «амы-тын, амыдырал» дээн уткалыг. деп атты берген, чүге дээрге ол бүгү-ле кижилерниң иези болган. 21Дээрги-Бурган-Чаяакчы Адамга болгаш ооң кадайынга хөмден кылган хептер кедирип каан. 22# Э. д. 2:9; Ажыд. 2:7; 22:2Оон Дээрги-Бурган-Чаяакчы мынча дээн: «Кижи эки-бакты угаап билир Бистиң бирээвис ышкаш апарды#3:22 Эге дөс 1:26-же немелде тайылбырны көр.. Чиирге, өлүм чок апаар Амыдыралдың ыяжының чимизин моон соңгаар кижи үзүп чивес болзун». 23Ынчангаш Дээрги-Бурган-Чаяакчы кижини бодунуң-на үнген черин болбаазырадып чурттазын дээш, Эдемниң сесерлиинден үндүр ойладыпкан. 24Адамны үндүр ойладыпкаш, Бурган Эдемниң сесерлииниң чөөн талазынга херувимнерни#3:24 Херувимнер – чалгынныг, күштүг, дээр уктуг амытаннар; Бурганның бараан болукчулары. Тайылбырлыг словарьже көр. база бүгү талазынче долганып турар чалбыыш-оттуг хылышты тургузуп каан. Олар Амыдыралдың ыяжынче баар орукту камгалап-карактап турган.
Àwon tá yàn lọ́wọ́lọ́wọ́ báyìí:
Эге дөс 3: Ы.Б.2025
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2025