NƲNƲLI 23
23
1Pɔlʋ yɩlɩ-a -zijle -gömö, ɔ nɛ naa: “-Dagwieyi, tɛnɩ la n tɛnɩ-a -n 'yɛ -zɩnɩ'ɩ 'wʋ nyini-e, -bha -Lagɔɔ 'ji 'klʋ na namönamöbhʋ 'mö ʋ slɛnɩ -bha.” 2Ɔ gba-a -sɩbha, 'n -Lagɔbʋbɔnyɔ 'kadɔ Ananiasɩ ji-a -wa glɩ la-a -bha ɔ yawʋ 'dɩ 'nyɛ naa, wa 'pa -bha ɔ ngo -gömö. 3Pɔlʋ nɛ -bha ɔ de naa: “'Kwlɩsɔkanyɔ, -Lagɔ -jimö-a 'lɩbhaa, -nmö glɩ-ɛ -bha -n ka'a -Lagɔɔ gbö nya -zijle tunʋ, -na 'bhë -nmö sa-a -bha -Lagɔɔ gbö, 'n -n nʋ-a wa 'pa na dee?” 4-Wa glɩ la-a -bha ɔ yawʋ, wa nɛ -bha ɔ de: “-Lagɔbʋbɔnyɔ 'kadɔ -ɔ -Lagɔ -sa-a -bha, mɔ -n -wʋ-ɔ -la sa 'le!” 5Pɔlʋ nɛ naa: “-Dagwieyi, n'n la sɛ -ji naa -Lagɔbʋbɔnyɔ 'kadɔ -bha, -wʋʋ yɛ-a, sa'a ɩ 'cɛlɩɔ-a naa: -Lagɔ nɛ: -N 'na-a gba -na -glolowlie de 'jinylɔwɛlɩ -nɩ.”
6-Wa glɩ-ɛ -bha -zijle'e, Pɔlʋ -ji sɛ naa wa -mʋmʋa glɩnɩ sadwisɩɛ, 'n -mʋmʋa glɩnɩ-a falizɩɛɛ yɛ 'n ɔ ji-a 'mö 'kpö, ɔ nɛ: “-Dagwieyi, falizɩɛyi n glɩnɩ -bha, falizɩɛ 'gu n glɩnɩ 'yɛ -bha. 'Kudungwaa gluwlʋwɛlɩ n 'tɛnɩ-a dlɩɛ yɛ wa wʋ'ʋ-ɔ la'a -zijle tunʋ 'le.” 7Ɔ gba-a sa'a, kpɛnɩkpɛnɩɛ 'wlʋ-ɔ -ma falizɩɛ -yɛ sadwisɩɛ 'sɔɔ gla'a. 'N -zijle ji-a 'mö donʋ. 8-Wʋʋ yɛ-a, sadwisɩɛ nɛ 'kudungwaa gluwlʋwlʋɛ 'nɩ -bhlɩ, -Lagɔzuzuku -yɛ zuzuku 'sɔ 'nɩ 'yɛ -bhlɩ, falizɩɛ -nɩ do'o wa nɛ ɩ 'bhuo -bhlɩ. 9'N jɔ ji-a zumanɩ, -Lagɔɔ gböö nglipangwa gla'aa nɩkpa -wa glɩnɩ-a falizɩɛ, wa 'jaja -sɔ-a 'wʋ, wa'a -lɛ nglu, wa nɛ: “-Aa -nɩ -ma nɩkpɛ -la 'mö 'jinylɔköbhë 'wʋ jɩnɩ. -N -de zuzuko gba la ɔ de oo, -Lagɔzuzuko 'yɛ la oo, -mɔ -ji-e -sɩbha 'nɩ?” 10Jlagba-a tʋ-ʋ la-a 'wʋ. 'N 'slʋjaa 'bhitɩbha ji-a Pɔlʋɔ yɛ nganɩmanɩ sa wa 'na 'kɔ 'mö -dɩdɩnɩɛ yɛ. 'N ɔ ji-a 'slʋja tia, wa 'kɔ ye mö, wa 'kɔ -ma 'mögunʋbudu'u 'pa. 11Zlɩ -mɛbha zɩ-a, ɛ dʋdʋ 'n Nyininyɔ ji-a Pɔlʋ 'wʋ ghlanɩ. Ɔ nɛ -bha ɔ de: “Kamanɩ 'mö, sa -n -sanɩ-ɛ ma'a Zelwizalɛmö na 'dɩ, -sɩbha -n jiɩ-e -ma Ghlɔmö -sanɩɛ.”
'Zwiföa yɛ Pɔlʋɔ 'dɩ zʋ
12Zlɩ bhɩa-a 'mö, 'n 'zwiföa ji-a Pɔlʋɔ 'dɩ zʋ, 'n wa ji-a wajɩ gwie zʋ naa, wa nɩɔ -lɛ 'lɩbha 'bhë wa 'na li, wa 'na 'nɩma. 13-Wa zʋ-ɔ -sɩbha 'mɩ dɩ la'a, wa nɩkpaa -gwlɩ 'sɔ 'bhë 'n wa ka-a -gömö. 14Wa -sɔ-a 'wʋ, 'n wa ji-e -ma -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ ghlɩ. Wa nɛ -bha wa de naa: “Wɛlɩ -a tɩnɩ-ɛ -bha 'n -a ji-a -aajɩ gwie zʋ naa, -a nɩ -lɛ Pɔlʋ 'lɩbha 'bhë -a 'na li. 15Abhaa -nɩ-ɛ, a -yɛ -zijlitungwa 'sɔ ghlɩ -ma 'slʋjaa 'bhitɩbha, a 'yɛ ɔ de gba naa ɔ laya Pɔlʋ, ɛ 'yɛ -bhlee ɔ wɛlɩ a ji la 'sɩkösɩkö yawʋ yɩlɩɛ swɩ. -Aa -nɩ de -a pö -aajɩ 'wʋ, ɔ 'na 'kaya ghlɩ 'n -a 'kɔ-a 'yuogblʋ'ʋ 'lɩbhanɩ.”
16Pɔlʋɔ -dagungluguo 'gu 'nʋɩ-a, 'n ɔ jio-o -ma 'mögunʋbudu'u ghlɩ, 'n ɔ jio-a 'dɩ -sanɩ. 17Pɔlʋ wɔzɩ-a 'slʋjeyi 'kadɔ -bhlʋ, ɔ nɛ -bha ɔ de: “Kwa nyɩgbɔtagu la'a -ma a 'bhitɩbhaa -ma, ɔ ka wɛlɩköbhë -bhlʋ ɔ 'kɔ -sanɩ.” 18Nɩkpɛ la'a 'libhï-a nyɩgbɔtagu 'wʋ, ɔ -nyɔɔ mö-ö -ma 'slʋjaa 'bhitɩbha dlɩ'ɩ-ɛ, ɔ nɛ: “-Dienyɔ Pɔlʋ -wɔzɩ'ɩ-a 'n ɔ ji'i-a yawʋ bhia naa, n -lamö nyɩgbɔtagu la'a, ɔ ka wɛlɩköbhë -bhlʋ ɔ -kamöa -sanɩ.” 19'Slʋjaa 'bhitɩbha köbhanɩ-a nyɩgbɔtagu la'a sɔ, ɔ -nyɔɔ 'sɔ do-a yawʋ, 'n ɔ jio-a ngli 'jɩbha naa: “'Dɩɛ -mɩ -n ji'i-a -sanɩɛ 'nɩ?” 20Ɔ nɛ: “'Zwiföa-a 'nʋnʋnʋ-a 'mö wa -kamö zɩgbadlɩ'ɩ Pɔlʋ 'jɩbhanɩ wa 'kɔ -ma -zijlitungwa dlɩ'ɩ kwa, wa nɛ ɔ wɛlɩ wa ji-a 'sɩkösɩkö yawʋ yɩlɩɛ. 21-Nn nglui 'wʋ -nɩ, -wʋʋ yɛ-a, wa gla'aa nɩkpaa gwlɩ 'sɔ 'bhë 'n wa ka-a -gömö, mʋa-a zʋ-a ɔ 'dɩ wa 'kɔ 'yuogblʋ -kʋɔ yɛ, 'n wa ji-a wajɩ gwie zʋ naa wa nɩɔ -lɛ 'lɩbha 'bhë, wa 'na li wa 'na 'nɩma. Wa pö wajɩ 'wʋ, -na -bhlʋ 'tɩ -nmö wa -wʋ-ɔ 'mö-a -kʋ 'le wa -kamö ngli 'nʋ.” 22'Slʋjaa 'bhitɩbha 'nyɛ-a nyɩgbɔtagu 'dɩ naa, -ɩ ɔ -sanɩɔ-ɔ la'a ɔ 'na-a -sanɩɩ nɩkpɛjalɔ -nɩ 'bhë, 'n ɔ jio-a ngo -gömö -sa 'n ɔ ji-a mö.
Wa yɛ Pɔlʋ -ma Sezale kwa
23Ɔ wɔzɩ-a ɔ 'slʋja 'kadɩ gla'aa nɩkpa 'sɔ, 'n ɔ jua-a 'dɩ 'nyɛ naa: “A -sa -bha 'slʋjaa gwlɩ kugbïa, -sʋkʋɩsungwaa gwlɩ ta kugbïa, 'bhë 'lipangwaa gwlɩ kugbïa, -dudoglie -ngbïmʋna -yɛ nyini-e, a 'yɛ -ma Sezale mö. 24A -sa 'yɛ -bha Pɔlʋɔ yɛ -sʋkʋɩ -mɩmɩ wa 'kɔ 'jinanɩswɩ'ɩ -su, wa 'kɔ -ma -gwlɩnyininyɔ Felisɩɛ 'bhɛyɩ kwa.” 25'N ɔ ji-a 'bɔgʋ 'cɛlɩ, ʋ 'möö wɛlɩ-ɛ la'a. Ɔ nɛ: 26“-Abhitɩbha 'kadɔ Felisɩ n -bhalɩmö. -Amö Klodɩ Liziasɩ, -amö-ö -pamö-a 'bɔgʋ la'a 'wʋ. 27Nɩkpɛ n -pamö-ö -la 'yuo, 'zwiföa-a köbhɔ la -bha. Wa nɛ wa 'kɔ 'lɩbha ɔ 'yɛ tlɩ. N 'nʋ-a naa Ghlomeyi -bha, 'n n -yɛ na 'slʋja 'sɔ jio-o -bha -sa. 28N 'jɩbha n 'yɛ wɛlɩ wa -wʋɔ-a 'wʋ kwa 'le 'mö 'nʋɔ yɛ, 'n n jio-o -ma wa -zijlitungwa dlɩ'ɩ kwa. 29N yɩlɩɩ-a 'mö, wa -nɩ 'bhïë gbö -gömöö wɛlɩ wa -wʋɔ-a 'wʋ kwa 'le, köbhë -maa 'bhëë yɛ ɔ 'yɛ tlɩ, wa 'kɔ 'yɛ 'gɔgwɩ palɩ n 'nɩa-a yɩlɩ. 30'Nʋ n 'nʋ -bha naa wa-a 'mɔ nɩkpɛɛ yɩlɩ pɛ 'le wa 'kɔ 'lɩbhaa yɛ n -lamöɔ -bha. N yɛ 'yɛ ɔ gbʋɔ 'wʋkwangwa dlɩ 'mö slɛmanɩ 'bhë naa wa 'klɔ -ma -na dlɩ'ɩ. -A 'yɛ 'wʋ gbënɩ.”
31Sa 'slʋjaa 'bhitɩbha 'nyʋa la-a 'dɩ, 'n wa ji-e -sɩbha nʋ. Dʋdʋ, wa 'libhï-a Pɔlʋ 'wʋ, -glɔ wa la-a Atipatlisɩ, 'n wa jio-o -ma kwa. 32Zlɩ zɩ-a, 'slʋja -wa -su-a -sʋkʋɩ, wa-a Pɔlʋ 'yuo kwa 'le 'n -mʋabha ji-a 'wlu 'mö 'bhɩla, 'n wa ji-e -ma 'mögunʋbudu'u nimï ji. 33Wa nyini-e -ma Sezale, 'n wa ji-a -gwlɩnyininyɔ 'bɔgʋ 'ye 'nyɛ, 'n wa jio 'yɛ-a Pɔlʋ 'ji tuluanɩ. 34-Gwlɩnyininyɔ zɛlɩ-a 'bɔgʋ 'mö, 'n ɔ ji-a ngli 'jɩbha naa, -glɔ -mʋʋ -gömöö nɩkpɛ Pɔlʋ glɩnɩ-a 'nɩ? Wa -sanɩɔ-a 'dɩ naa Silisie nɩkpɛ -bha-a, 35ɔ nɛ -bha ɔ de: “-Na gbʋɔ 'wʋkwangwa 'na ji 'bhë n -kamö-a ngli 'jɩbha.” 'N ɔ ji-a nɩkpa 'dɩ 'nyɛ naa wa zʋ Pɔlʋ -ma dʋdʋnyininyɔ Elodɩɛ 'ligbë'ë yɛ.
Àwon tá yàn lọ́wọ́lọ́wọ́ báyìí:
NƲNƲLI 23: BNT96
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996
NƲNƲLI 23
23
1Pɔlʋ yɩlɩ-a -zijle -gömö, ɔ nɛ naa: “-Dagwieyi, tɛnɩ la n tɛnɩ-a -n 'yɛ -zɩnɩ'ɩ 'wʋ nyini-e, -bha -Lagɔɔ 'ji 'klʋ na namönamöbhʋ 'mö ʋ slɛnɩ -bha.” 2Ɔ gba-a -sɩbha, 'n -Lagɔbʋbɔnyɔ 'kadɔ Ananiasɩ ji-a -wa glɩ la-a -bha ɔ yawʋ 'dɩ 'nyɛ naa, wa 'pa -bha ɔ ngo -gömö. 3Pɔlʋ nɛ -bha ɔ de naa: “'Kwlɩsɔkanyɔ, -Lagɔ -jimö-a 'lɩbhaa, -nmö glɩ-ɛ -bha -n ka'a -Lagɔɔ gbö nya -zijle tunʋ, -na 'bhë -nmö sa-a -bha -Lagɔɔ gbö, 'n -n nʋ-a wa 'pa na dee?” 4-Wa glɩ la-a -bha ɔ yawʋ, wa nɛ -bha ɔ de: “-Lagɔbʋbɔnyɔ 'kadɔ -ɔ -Lagɔ -sa-a -bha, mɔ -n -wʋ-ɔ -la sa 'le!” 5Pɔlʋ nɛ naa: “-Dagwieyi, n'n la sɛ -ji naa -Lagɔbʋbɔnyɔ 'kadɔ -bha, -wʋʋ yɛ-a, sa'a ɩ 'cɛlɩɔ-a naa: -Lagɔ nɛ: -N 'na-a gba -na -glolowlie de 'jinylɔwɛlɩ -nɩ.”
6-Wa glɩ-ɛ -bha -zijle'e, Pɔlʋ -ji sɛ naa wa -mʋmʋa glɩnɩ sadwisɩɛ, 'n -mʋmʋa glɩnɩ-a falizɩɛɛ yɛ 'n ɔ ji-a 'mö 'kpö, ɔ nɛ: “-Dagwieyi, falizɩɛyi n glɩnɩ -bha, falizɩɛ 'gu n glɩnɩ 'yɛ -bha. 'Kudungwaa gluwlʋwɛlɩ n 'tɛnɩ-a dlɩɛ yɛ wa wʋ'ʋ-ɔ la'a -zijle tunʋ 'le.” 7Ɔ gba-a sa'a, kpɛnɩkpɛnɩɛ 'wlʋ-ɔ -ma falizɩɛ -yɛ sadwisɩɛ 'sɔɔ gla'a. 'N -zijle ji-a 'mö donʋ. 8-Wʋʋ yɛ-a, sadwisɩɛ nɛ 'kudungwaa gluwlʋwlʋɛ 'nɩ -bhlɩ, -Lagɔzuzuku -yɛ zuzuku 'sɔ 'nɩ 'yɛ -bhlɩ, falizɩɛ -nɩ do'o wa nɛ ɩ 'bhuo -bhlɩ. 9'N jɔ ji-a zumanɩ, -Lagɔɔ gböö nglipangwa gla'aa nɩkpa -wa glɩnɩ-a falizɩɛ, wa 'jaja -sɔ-a 'wʋ, wa'a -lɛ nglu, wa nɛ: “-Aa -nɩ -ma nɩkpɛ -la 'mö 'jinylɔköbhë 'wʋ jɩnɩ. -N -de zuzuko gba la ɔ de oo, -Lagɔzuzuko 'yɛ la oo, -mɔ -ji-e -sɩbha 'nɩ?” 10Jlagba-a tʋ-ʋ la-a 'wʋ. 'N 'slʋjaa 'bhitɩbha ji-a Pɔlʋɔ yɛ nganɩmanɩ sa wa 'na 'kɔ 'mö -dɩdɩnɩɛ yɛ. 'N ɔ ji-a 'slʋja tia, wa 'kɔ ye mö, wa 'kɔ -ma 'mögunʋbudu'u 'pa. 11Zlɩ -mɛbha zɩ-a, ɛ dʋdʋ 'n Nyininyɔ ji-a Pɔlʋ 'wʋ ghlanɩ. Ɔ nɛ -bha ɔ de: “Kamanɩ 'mö, sa -n -sanɩ-ɛ ma'a Zelwizalɛmö na 'dɩ, -sɩbha -n jiɩ-e -ma Ghlɔmö -sanɩɛ.”
'Zwiföa yɛ Pɔlʋɔ 'dɩ zʋ
12Zlɩ bhɩa-a 'mö, 'n 'zwiföa ji-a Pɔlʋɔ 'dɩ zʋ, 'n wa ji-a wajɩ gwie zʋ naa, wa nɩɔ -lɛ 'lɩbha 'bhë wa 'na li, wa 'na 'nɩma. 13-Wa zʋ-ɔ -sɩbha 'mɩ dɩ la'a, wa nɩkpaa -gwlɩ 'sɔ 'bhë 'n wa ka-a -gömö. 14Wa -sɔ-a 'wʋ, 'n wa ji-e -ma -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ ghlɩ. Wa nɛ -bha wa de naa: “Wɛlɩ -a tɩnɩ-ɛ -bha 'n -a ji-a -aajɩ gwie zʋ naa, -a nɩ -lɛ Pɔlʋ 'lɩbha 'bhë -a 'na li. 15Abhaa -nɩ-ɛ, a -yɛ -zijlitungwa 'sɔ ghlɩ -ma 'slʋjaa 'bhitɩbha, a 'yɛ ɔ de gba naa ɔ laya Pɔlʋ, ɛ 'yɛ -bhlee ɔ wɛlɩ a ji la 'sɩkösɩkö yawʋ yɩlɩɛ swɩ. -Aa -nɩ de -a pö -aajɩ 'wʋ, ɔ 'na 'kaya ghlɩ 'n -a 'kɔ-a 'yuogblʋ'ʋ 'lɩbhanɩ.”
16Pɔlʋɔ -dagungluguo 'gu 'nʋɩ-a, 'n ɔ jio-o -ma 'mögunʋbudu'u ghlɩ, 'n ɔ jio-a 'dɩ -sanɩ. 17Pɔlʋ wɔzɩ-a 'slʋjeyi 'kadɔ -bhlʋ, ɔ nɛ -bha ɔ de: “Kwa nyɩgbɔtagu la'a -ma a 'bhitɩbhaa -ma, ɔ ka wɛlɩköbhë -bhlʋ ɔ 'kɔ -sanɩ.” 18Nɩkpɛ la'a 'libhï-a nyɩgbɔtagu 'wʋ, ɔ -nyɔɔ mö-ö -ma 'slʋjaa 'bhitɩbha dlɩ'ɩ-ɛ, ɔ nɛ: “-Dienyɔ Pɔlʋ -wɔzɩ'ɩ-a 'n ɔ ji'i-a yawʋ bhia naa, n -lamö nyɩgbɔtagu la'a, ɔ ka wɛlɩköbhë -bhlʋ ɔ -kamöa -sanɩ.” 19'Slʋjaa 'bhitɩbha köbhanɩ-a nyɩgbɔtagu la'a sɔ, ɔ -nyɔɔ 'sɔ do-a yawʋ, 'n ɔ jio-a ngli 'jɩbha naa: “'Dɩɛ -mɩ -n ji'i-a -sanɩɛ 'nɩ?” 20Ɔ nɛ: “'Zwiföa-a 'nʋnʋnʋ-a 'mö wa -kamö zɩgbadlɩ'ɩ Pɔlʋ 'jɩbhanɩ wa 'kɔ -ma -zijlitungwa dlɩ'ɩ kwa, wa nɛ ɔ wɛlɩ wa ji-a 'sɩkösɩkö yawʋ yɩlɩɛ. 21-Nn nglui 'wʋ -nɩ, -wʋʋ yɛ-a, wa gla'aa nɩkpaa gwlɩ 'sɔ 'bhë 'n wa ka-a -gömö, mʋa-a zʋ-a ɔ 'dɩ wa 'kɔ 'yuogblʋ -kʋɔ yɛ, 'n wa ji-a wajɩ gwie zʋ naa wa nɩɔ -lɛ 'lɩbha 'bhë, wa 'na li wa 'na 'nɩma. Wa pö wajɩ 'wʋ, -na -bhlʋ 'tɩ -nmö wa -wʋ-ɔ 'mö-a -kʋ 'le wa -kamö ngli 'nʋ.” 22'Slʋjaa 'bhitɩbha 'nyɛ-a nyɩgbɔtagu 'dɩ naa, -ɩ ɔ -sanɩɔ-ɔ la'a ɔ 'na-a -sanɩɩ nɩkpɛjalɔ -nɩ 'bhë, 'n ɔ jio-a ngo -gömö -sa 'n ɔ ji-a mö.
Wa yɛ Pɔlʋ -ma Sezale kwa
23Ɔ wɔzɩ-a ɔ 'slʋja 'kadɩ gla'aa nɩkpa 'sɔ, 'n ɔ jua-a 'dɩ 'nyɛ naa: “A -sa -bha 'slʋjaa gwlɩ kugbïa, -sʋkʋɩsungwaa gwlɩ ta kugbïa, 'bhë 'lipangwaa gwlɩ kugbïa, -dudoglie -ngbïmʋna -yɛ nyini-e, a 'yɛ -ma Sezale mö. 24A -sa 'yɛ -bha Pɔlʋɔ yɛ -sʋkʋɩ -mɩmɩ wa 'kɔ 'jinanɩswɩ'ɩ -su, wa 'kɔ -ma -gwlɩnyininyɔ Felisɩɛ 'bhɛyɩ kwa.” 25'N ɔ ji-a 'bɔgʋ 'cɛlɩ, ʋ 'möö wɛlɩ-ɛ la'a. Ɔ nɛ: 26“-Abhitɩbha 'kadɔ Felisɩ n -bhalɩmö. -Amö Klodɩ Liziasɩ, -amö-ö -pamö-a 'bɔgʋ la'a 'wʋ. 27Nɩkpɛ n -pamö-ö -la 'yuo, 'zwiföa-a köbhɔ la -bha. Wa nɛ wa 'kɔ 'lɩbha ɔ 'yɛ tlɩ. N 'nʋ-a naa Ghlomeyi -bha, 'n n -yɛ na 'slʋja 'sɔ jio-o -bha -sa. 28N 'jɩbha n 'yɛ wɛlɩ wa -wʋɔ-a 'wʋ kwa 'le 'mö 'nʋɔ yɛ, 'n n jio-o -ma wa -zijlitungwa dlɩ'ɩ kwa. 29N yɩlɩɩ-a 'mö, wa -nɩ 'bhïë gbö -gömöö wɛlɩ wa -wʋɔ-a 'wʋ kwa 'le, köbhë -maa 'bhëë yɛ ɔ 'yɛ tlɩ, wa 'kɔ 'yɛ 'gɔgwɩ palɩ n 'nɩa-a yɩlɩ. 30'Nʋ n 'nʋ -bha naa wa-a 'mɔ nɩkpɛɛ yɩlɩ pɛ 'le wa 'kɔ 'lɩbhaa yɛ n -lamöɔ -bha. N yɛ 'yɛ ɔ gbʋɔ 'wʋkwangwa dlɩ 'mö slɛmanɩ 'bhë naa wa 'klɔ -ma -na dlɩ'ɩ. -A 'yɛ 'wʋ gbënɩ.”
31Sa 'slʋjaa 'bhitɩbha 'nyʋa la-a 'dɩ, 'n wa ji-e -sɩbha nʋ. Dʋdʋ, wa 'libhï-a Pɔlʋ 'wʋ, -glɔ wa la-a Atipatlisɩ, 'n wa jio-o -ma kwa. 32Zlɩ zɩ-a, 'slʋja -wa -su-a -sʋkʋɩ, wa-a Pɔlʋ 'yuo kwa 'le 'n -mʋabha ji-a 'wlu 'mö 'bhɩla, 'n wa ji-e -ma 'mögunʋbudu'u nimï ji. 33Wa nyini-e -ma Sezale, 'n wa ji-a -gwlɩnyininyɔ 'bɔgʋ 'ye 'nyɛ, 'n wa jio 'yɛ-a Pɔlʋ 'ji tuluanɩ. 34-Gwlɩnyininyɔ zɛlɩ-a 'bɔgʋ 'mö, 'n ɔ ji-a ngli 'jɩbha naa, -glɔ -mʋʋ -gömöö nɩkpɛ Pɔlʋ glɩnɩ-a 'nɩ? Wa -sanɩɔ-a 'dɩ naa Silisie nɩkpɛ -bha-a, 35ɔ nɛ -bha ɔ de: “-Na gbʋɔ 'wʋkwangwa 'na ji 'bhë n -kamö-a ngli 'jɩbha.” 'N ɔ ji-a nɩkpa 'dɩ 'nyɛ naa wa zʋ Pɔlʋ -ma dʋdʋnyininyɔ Elodɩɛ 'ligbë'ë yɛ.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996