MATIEE 'BƆGƲ 15
15
Zezwi yɛ nɩkpaa 'papagböö gbʋ gba
1'Ylɩ -bhlʋ, falizɩɛ -yɛ -Lagɔɔ gböö nglipangwa 'sɔ, mʋa-a 'bhönɩ-ɛ -ma Zelwizalɛmö, 'n wa ji-e -bha Zezwi ghlɩ wa 'kɔ ngli 'jɩbhaa yɛ. 2Wa nɛ: “'Manɩɛ yɛ -na 'wʋbhlinɩngwa 'nɩ zʋ bhe -bha nyɩbhlangwaa -li wa -yɛ lie ji 'n wa'a palɩ bhe cɛ 'nɩ?” 3Zezwi nɛ naa: “Abhaa -nɩ 'na-a? -Lagɔɔ gbö ʋ 'paya-a, 'manɩɛ yɛ a sɩ-ɛ -bha a 'yɛ -bha nyɩbhlangwaa -li zʋɔ yɛ 'nɩ? 4-Wʋʋ yɛ n gba-a -sɩbha, -Lagɔ nɛ naa:
Zʋ -bha -na -tɩbha -yɛ -na -da 'sɔ.
Ʋ nɛ 'yɛ naa:
Nɩkpɛ -yɛ ɔ -tɩbha -yɛ ɔ -da 'sɔ bhlɩ,
wa 'lɩbhɔ ɔ 'yɛ tlɩ.
5Abhaa -nɩ-ɛ, sa'a a pa-a nɩkpa ngli naa: Nɩkpɛ -yɛ -bha ɔ -tɩbha -yɛ ɔ -da 'sɔɔ de nʋ naa: -Lu n jiya la-a 'nyɛɛ, -Lagɔɔ 'nyɛnyɛlu -bha nʋ-ɔ, ɔ'ɔ-a 'mö bhɛlɩ ɔ 'yɛ ɔ -tɩbha -yɛ ɔ -da 'sɔ -lu 'ji nʋ. 6-Sɩbha a sa-a -bha -Lagɔwɛlɩ 'n a zʋ-ɔ -bha nyɩbhlangwaa -li. 7'Kwlɩsɔkangwayi, 'dɛdɛ'ɛ -Lagɔɔ 'mögbanɩnyɔ Ezayi gba la-a a gbʋ naa: 8-Lagɔ nɛ:
Nɩkpa -la, gla 'klʋ wa 'ghlimanɩ-ɛ na 'nglɩ,
n'n -ma wa dlɩa zɔmö -wʋ.
9'Loloswɩ'ɩ wa wʋ'ʋ-a bʋbɔ 'le.
Nɩkpaa gbö wa pa-a,
ɩ 'bhïë 'nyize wa pa-a nɩkpa ngli.”
-Ɩ pla-a nɩkpɛ pɩ, -ma dlɩ zɔmö ɩ 'bhönɩ -bha
10Zezwi gba-a -sɩbha falizɩɛ de 'bhë, 'n ɔ ji-a nɩkpaa -zakpa wɔzɩ, ɔ nɛ naa: “A pönɩ 'yukwli a 'yɛ 'jinanɩswɩ'ɩ 'nʋ. 11-Ɩ la'a -ɩ planɩ-ɛ -ma nɩkpɛɛ ngli, mɩ-ɩ 'nɩ plɔɔ pɩ. -Ɩ ghlanɩɔ-a ngli, mɩ-ɩ plɔ-a pɩ.” 12Zezwi gba-a sa'a, 'n ɔ 'wʋbhlinɩngwa jio-a yawʋ nyini, wa nɛ naa: “Wɛlɩ -n gba-a -la falizɩɛ de, -n -ji bhe sɛ naa, pla ɩ plʋa -bha?” 13Ɔ nɛ naa: “-Ʋ na -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'nɩ-a glʋ-ɔ, glu ʋ ji-a sɔɔ. 14A -sʋa cɛ yawʋ, 'lɔkpɔlɔkpɔngwa -bha 'bhë 'n wa -ganɩ-a lɔkpɔlɔkpɔngwa 'yu, -mɩlado'o, 'lɔkpɔlɔkpɔnyɔ -yɛ ɔ lilɔkpɔlɔkpɔnyɔ 'yu -ganɩ, wa 'sɔ -kpɔ 'bhʋkwa 'mö wa ji-a bhlinɩɛ.”
15'N Piɛlɩ ji-a gbʋ -dɩ, ɔ nɛ naa: “Nine -n 'pa-a -la, -slʋnʋya a zɔmö.” 16Zezwi nɛ naa: “Abhaa -nɩ 'yɛ a'a -bhla -sɩka'a 'nagö dlɩ zɔmö -ka? 17A'a sɛ -ji naa -ɩ la'a 'bhuo -ɩ pla-a -ma nɩkpɛɛ ngli, -ma ɔ 'mlɩ ɩ mö -bha, 'bhë 'n ɔ kʋɩ-a 'kwla yawʋ? 18-Ɩ la'a -ɩ ghlanɩ-a nɩkpɛ ngli, -ma ɔ dlɩ zɔmö ɩ 'bhönɩ -bha, mɩ-ɩ plɔ-a pɩ. 19-Ma ɩ 'mö, -ma nɩkpɛɛ dlɩ zɔmö 'jinylɔswɩ'ɩɛ dlɩpapɩɛ 'bhönɩ -bha, 'n ɔ lɩbha-a 'ku, 'n ɔ yɩlɩ-a gbɩ, 'n ɔ'ɔ zʋ-a ɔjɩ 'ji, 'n ɔ ghli-a 'wi, 'n ɔ dɩnɩ-a nɩkpa yuo yawʋ, 'n ɔ nyimanɩ-a ɔ linɩkpa ngli. 20-Ɩ pla-a nɩkpɛ pɩ mɩ-ɛ -la, nɩkpɛ nɩ cɛ palɩ ɔ -yɛ li-e, mɩ-ɩ 'nɩ plɔɔ pɩ.”
Sa nglɔ -ɔ 'nɩ-a 'zwifönglɔ glɩnɩ ka-a Zezwi dlɩ 'wʋ
21Zezwi 'bhö-a -ɩ la'aa gbagbade, ɔ -sɔ-a 'wʋ, 'bhugugwlɩ wa la-a Tilɩ -yɛ Sidɔ 'sɔ, 'n ɔ ji-e -ma ɩ yawʋɔ -gwlɩ -gömö mö. 22Ɔ nyini-e -ma, 'n -maa 'nglɔ -bhlʋ jio-a yawʋ winɩ kwla'a ji, ɔ nɛ naa: “Nyininyɔ, Davidɩɛ 'Gu, yɩlɩ na ngazɩklʋ, na nglugu 'jinylozuzuko -wʋ-a yʋlʋa 'le tenyi.” 23'Nglɔ gba-a sa'a, Zezwi 'nɩɔ-ɔ ngo'o palɩ. Ɔ 'wʋbhlinɩngwa nyinio-a yawʋ, wa nɛ -bha ɔ de naa: “Nyininyɔ, -sa yɩ 'nglɔ ngo -gömö ɔ 'yɛ nimï mö, yie sa ɔ -wʋya-a -la 'bɩ nylanɩ 'le.” 24Zezwi nɛ naa: “Izlayɛlɩɛ ngëyi 'möö nɩkpa panɩ-a -Lagɔ -gömö 'n wa ji-a 'mʋnɔ, wa 'nyize -Lagɔ tia'a-a 'wʋ.” 25'N 'nglɔ ji-e -bha ɔ dlɩ'ɩ -kokomunigbö glu 'pa. Ɔ nɛ naa: “Nyininyɔ, ji'i 'wʋ.” 26Zezwi nɛ naa: “Wa'a -sa 'gwie lili dlɩ'ɩ wa 'kɩ gʋgogwie 'ye 'nyɛ.” 27'Nglɔ nɛ naa: “Nyininyɔ, -na wɛlɩ mɩ-ɩ la -bha 'bhë-ë, gʋgogwiee -lowlengwa -yɛ li 'le -wʋ-ɔ, -ɩ bhli-e -bha dʋdʋ'ʋ 'mɩ ɩ li -bha.” 28Zezwi nɛ naa: “'Wuë! 'Nglɔ, -Lagɔ -n ka-a dlɩ 'wʋ. Ɩ yɛ -ɩ la'a -n 'jɩbha-a, ɩ 'wlenɩ -na de 'wʋ.” Zezwi gba-a -sɩbha, -bha -gaganɩlɩ'ɩ 'n 'nglɔɔ nglugu ji-a 'pʋ.
Zezwi yɛ guzungwa -bebe göpö
29Zezwi 'bhö-ö -bha, 'n ɔ ji-e -ma Galilee gïnyi yawʋ mö. Ɔ -gbla-a -ma -gɔgɔgbʋ -bhlʋ 'klʋ 'n ɔ ji-a sɛ glɩ-ɩ. 30'N nɩkpaa -zakpöö -bebe jio-a yawʋ nyini. Wa -su bhɩgbökangwa, nɩmalɩkangwa, 'lɔkpɔlɔkpɔngwa, bhobhu -yɛ gwi -mɩmɩɛ 'lɩbhangwa 'sɔ. Wa zʋa-a -bha Zezwi dlɩ'ɩ yɛ 'n ɔ jua-a göpö. 31'Mʋa nɩkpaa -zakpö la'a yɩlɩ-a bhobhuo gbʋdɩlɩ, nɩmalɩkangwaa 'pʋpʋlɩ, 'kplakplangwaa namönamölɩ -yɛ 'lɔkpɔlɔkpɔngwaa sɛjɩnɩmanɩlɩ 'sɔ 'wʋ-ɔ, ngli-i mönʋa -bha. Ɩ yɛ 'n wa ji-a Izlayɛlɩɛ -Lagɔɔ 'nglɩ 'ghlimanɩ.
Zezwi yɛ 'sɔdo'o nɩkpaa -bebe lili 'nyɛ
32Zezwi wɔzɩ-a ɔ 'wʋbhlinɩngwa, ɔ nɛ -bha wa de naa: “Nɩkpa -la, ngazɩ'ɩ wa bhï'ï -bha. Wa 'ylɩɛ ta-a la'a na yawʋ, 'bhë wa'a lililu -ka. N'n-n 'jɩbha wa 'yɛ ngɔmʋ 'mlɩ -ka n 'kʋa ngo -gömö -sa, wa 'na 'yuogblʋ bhɛlɩ.” 33Wa nɛ naa: “Samɩ -a ji-a 'mö zʋzʋnʋɔ nɩkpa -bebe -la -a 'kʋa lili 'nyɛ wa 'yɛ lʋ 'nɩ?” 34Zezwi nɛ naa: “'Fʋloku ya a -su-a 'nɩ?” Wa nɛ: “-A -su 'fʋloku -ngbisɔ zibhie -lɛ 'sɔ.” 35Wa gba-a sa'a, 'n ɔ ji-a nɩkpa 'dɩ 'nyɛ naa wa glɩ -bha dʋdʋ'ʋ yɛ. 36Wa glɩ-a yɛ, Zezwi 'libhï-a 'fʋloku la'a -ngbisɔ -yɛ zibhie la'a 'sɔ 'wʋ-ɔ, ɔ bhalɩ-a ɩ yɛ -Lagɔ-ɔ, ɔ -dɩdɩnɩɩ-a 'mö, 'n ɔ jiɩ-a ɔ 'wʋbhlinɩngwa 'ye 'nyɛ, 'n wa jiɩ-a nɩkpa cɛ dlinɩ. 37Nɩkpa 'bhuo li-a, 'n wa ji-a lʋ. 'Fʋlokukïbhï -ɩ tʋ-a 'wʋ, ɔ 'wʋbhlinɩngwa 'libhiɩ-a ɩ yena -köka -ngbisɔ. 38-Wa bhuo-o li-a lili la'a, wa nyini nɩkpaa 'wli -mʋna, 'ngwlɩ -yɛ 'gwie 'sɔ 'nɩ 'zɛlɩɔ-ɔ. 39Zezwi -sa-a nɩkpa ngo -gömö, wa mö-a 'bhë, 'n ɔ ji-e -ma 'gɔlʋ 'mö -gbla, -glɔ wa la-a Magada 'n ɔ ji-e -ma ʋ yawʋɔ -gwlɩ -gömö mö.
Àwon tá yàn lọ́wọ́lọ́wọ́ báyìí:
MATIEE 'BƆGƲ 15: BNT96
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996
MATIEE 'BƆGƲ 15
15
Zezwi yɛ nɩkpaa 'papagböö gbʋ gba
1'Ylɩ -bhlʋ, falizɩɛ -yɛ -Lagɔɔ gböö nglipangwa 'sɔ, mʋa-a 'bhönɩ-ɛ -ma Zelwizalɛmö, 'n wa ji-e -bha Zezwi ghlɩ wa 'kɔ ngli 'jɩbhaa yɛ. 2Wa nɛ: “'Manɩɛ yɛ -na 'wʋbhlinɩngwa 'nɩ zʋ bhe -bha nyɩbhlangwaa -li wa -yɛ lie ji 'n wa'a palɩ bhe cɛ 'nɩ?” 3Zezwi nɛ naa: “Abhaa -nɩ 'na-a? -Lagɔɔ gbö ʋ 'paya-a, 'manɩɛ yɛ a sɩ-ɛ -bha a 'yɛ -bha nyɩbhlangwaa -li zʋɔ yɛ 'nɩ? 4-Wʋʋ yɛ n gba-a -sɩbha, -Lagɔ nɛ naa:
Zʋ -bha -na -tɩbha -yɛ -na -da 'sɔ.
Ʋ nɛ 'yɛ naa:
Nɩkpɛ -yɛ ɔ -tɩbha -yɛ ɔ -da 'sɔ bhlɩ,
wa 'lɩbhɔ ɔ 'yɛ tlɩ.
5Abhaa -nɩ-ɛ, sa'a a pa-a nɩkpa ngli naa: Nɩkpɛ -yɛ -bha ɔ -tɩbha -yɛ ɔ -da 'sɔɔ de nʋ naa: -Lu n jiya la-a 'nyɛɛ, -Lagɔɔ 'nyɛnyɛlu -bha nʋ-ɔ, ɔ'ɔ-a 'mö bhɛlɩ ɔ 'yɛ ɔ -tɩbha -yɛ ɔ -da 'sɔ -lu 'ji nʋ. 6-Sɩbha a sa-a -bha -Lagɔwɛlɩ 'n a zʋ-ɔ -bha nyɩbhlangwaa -li. 7'Kwlɩsɔkangwayi, 'dɛdɛ'ɛ -Lagɔɔ 'mögbanɩnyɔ Ezayi gba la-a a gbʋ naa: 8-Lagɔ nɛ:
Nɩkpa -la, gla 'klʋ wa 'ghlimanɩ-ɛ na 'nglɩ,
n'n -ma wa dlɩa zɔmö -wʋ.
9'Loloswɩ'ɩ wa wʋ'ʋ-a bʋbɔ 'le.
Nɩkpaa gbö wa pa-a,
ɩ 'bhïë 'nyize wa pa-a nɩkpa ngli.”
-Ɩ pla-a nɩkpɛ pɩ, -ma dlɩ zɔmö ɩ 'bhönɩ -bha
10Zezwi gba-a -sɩbha falizɩɛ de 'bhë, 'n ɔ ji-a nɩkpaa -zakpa wɔzɩ, ɔ nɛ naa: “A pönɩ 'yukwli a 'yɛ 'jinanɩswɩ'ɩ 'nʋ. 11-Ɩ la'a -ɩ planɩ-ɛ -ma nɩkpɛɛ ngli, mɩ-ɩ 'nɩ plɔɔ pɩ. -Ɩ ghlanɩɔ-a ngli, mɩ-ɩ plɔ-a pɩ.” 12Zezwi gba-a sa'a, 'n ɔ 'wʋbhlinɩngwa jio-a yawʋ nyini, wa nɛ naa: “Wɛlɩ -n gba-a -la falizɩɛ de, -n -ji bhe sɛ naa, pla ɩ plʋa -bha?” 13Ɔ nɛ naa: “-Ʋ na -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'nɩ-a glʋ-ɔ, glu ʋ ji-a sɔɔ. 14A -sʋa cɛ yawʋ, 'lɔkpɔlɔkpɔngwa -bha 'bhë 'n wa -ganɩ-a lɔkpɔlɔkpɔngwa 'yu, -mɩlado'o, 'lɔkpɔlɔkpɔnyɔ -yɛ ɔ lilɔkpɔlɔkpɔnyɔ 'yu -ganɩ, wa 'sɔ -kpɔ 'bhʋkwa 'mö wa ji-a bhlinɩɛ.”
15'N Piɛlɩ ji-a gbʋ -dɩ, ɔ nɛ naa: “Nine -n 'pa-a -la, -slʋnʋya a zɔmö.” 16Zezwi nɛ naa: “Abhaa -nɩ 'yɛ a'a -bhla -sɩka'a 'nagö dlɩ zɔmö -ka? 17A'a sɛ -ji naa -ɩ la'a 'bhuo -ɩ pla-a -ma nɩkpɛɛ ngli, -ma ɔ 'mlɩ ɩ mö -bha, 'bhë 'n ɔ kʋɩ-a 'kwla yawʋ? 18-Ɩ la'a -ɩ ghlanɩ-a nɩkpɛ ngli, -ma ɔ dlɩ zɔmö ɩ 'bhönɩ -bha, mɩ-ɩ plɔ-a pɩ. 19-Ma ɩ 'mö, -ma nɩkpɛɛ dlɩ zɔmö 'jinylɔswɩ'ɩɛ dlɩpapɩɛ 'bhönɩ -bha, 'n ɔ lɩbha-a 'ku, 'n ɔ yɩlɩ-a gbɩ, 'n ɔ'ɔ zʋ-a ɔjɩ 'ji, 'n ɔ ghli-a 'wi, 'n ɔ dɩnɩ-a nɩkpa yuo yawʋ, 'n ɔ nyimanɩ-a ɔ linɩkpa ngli. 20-Ɩ pla-a nɩkpɛ pɩ mɩ-ɛ -la, nɩkpɛ nɩ cɛ palɩ ɔ -yɛ li-e, mɩ-ɩ 'nɩ plɔɔ pɩ.”
Sa nglɔ -ɔ 'nɩ-a 'zwifönglɔ glɩnɩ ka-a Zezwi dlɩ 'wʋ
21Zezwi 'bhö-a -ɩ la'aa gbagbade, ɔ -sɔ-a 'wʋ, 'bhugugwlɩ wa la-a Tilɩ -yɛ Sidɔ 'sɔ, 'n ɔ ji-e -ma ɩ yawʋɔ -gwlɩ -gömö mö. 22Ɔ nyini-e -ma, 'n -maa 'nglɔ -bhlʋ jio-a yawʋ winɩ kwla'a ji, ɔ nɛ naa: “Nyininyɔ, Davidɩɛ 'Gu, yɩlɩ na ngazɩklʋ, na nglugu 'jinylozuzuko -wʋ-a yʋlʋa 'le tenyi.” 23'Nglɔ gba-a sa'a, Zezwi 'nɩɔ-ɔ ngo'o palɩ. Ɔ 'wʋbhlinɩngwa nyinio-a yawʋ, wa nɛ -bha ɔ de naa: “Nyininyɔ, -sa yɩ 'nglɔ ngo -gömö ɔ 'yɛ nimï mö, yie sa ɔ -wʋya-a -la 'bɩ nylanɩ 'le.” 24Zezwi nɛ naa: “Izlayɛlɩɛ ngëyi 'möö nɩkpa panɩ-a -Lagɔ -gömö 'n wa ji-a 'mʋnɔ, wa 'nyize -Lagɔ tia'a-a 'wʋ.” 25'N 'nglɔ ji-e -bha ɔ dlɩ'ɩ -kokomunigbö glu 'pa. Ɔ nɛ naa: “Nyininyɔ, ji'i 'wʋ.” 26Zezwi nɛ naa: “Wa'a -sa 'gwie lili dlɩ'ɩ wa 'kɩ gʋgogwie 'ye 'nyɛ.” 27'Nglɔ nɛ naa: “Nyininyɔ, -na wɛlɩ mɩ-ɩ la -bha 'bhë-ë, gʋgogwiee -lowlengwa -yɛ li 'le -wʋ-ɔ, -ɩ bhli-e -bha dʋdʋ'ʋ 'mɩ ɩ li -bha.” 28Zezwi nɛ naa: “'Wuë! 'Nglɔ, -Lagɔ -n ka-a dlɩ 'wʋ. Ɩ yɛ -ɩ la'a -n 'jɩbha-a, ɩ 'wlenɩ -na de 'wʋ.” Zezwi gba-a -sɩbha, -bha -gaganɩlɩ'ɩ 'n 'nglɔɔ nglugu ji-a 'pʋ.
Zezwi yɛ guzungwa -bebe göpö
29Zezwi 'bhö-ö -bha, 'n ɔ ji-e -ma Galilee gïnyi yawʋ mö. Ɔ -gbla-a -ma -gɔgɔgbʋ -bhlʋ 'klʋ 'n ɔ ji-a sɛ glɩ-ɩ. 30'N nɩkpaa -zakpöö -bebe jio-a yawʋ nyini. Wa -su bhɩgbökangwa, nɩmalɩkangwa, 'lɔkpɔlɔkpɔngwa, bhobhu -yɛ gwi -mɩmɩɛ 'lɩbhangwa 'sɔ. Wa zʋa-a -bha Zezwi dlɩ'ɩ yɛ 'n ɔ jua-a göpö. 31'Mʋa nɩkpaa -zakpö la'a yɩlɩ-a bhobhuo gbʋdɩlɩ, nɩmalɩkangwaa 'pʋpʋlɩ, 'kplakplangwaa namönamölɩ -yɛ 'lɔkpɔlɔkpɔngwaa sɛjɩnɩmanɩlɩ 'sɔ 'wʋ-ɔ, ngli-i mönʋa -bha. Ɩ yɛ 'n wa ji-a Izlayɛlɩɛ -Lagɔɔ 'nglɩ 'ghlimanɩ.
Zezwi yɛ 'sɔdo'o nɩkpaa -bebe lili 'nyɛ
32Zezwi wɔzɩ-a ɔ 'wʋbhlinɩngwa, ɔ nɛ -bha wa de naa: “Nɩkpa -la, ngazɩ'ɩ wa bhï'ï -bha. Wa 'ylɩɛ ta-a la'a na yawʋ, 'bhë wa'a lililu -ka. N'n-n 'jɩbha wa 'yɛ ngɔmʋ 'mlɩ -ka n 'kʋa ngo -gömö -sa, wa 'na 'yuogblʋ bhɛlɩ.” 33Wa nɛ naa: “Samɩ -a ji-a 'mö zʋzʋnʋɔ nɩkpa -bebe -la -a 'kʋa lili 'nyɛ wa 'yɛ lʋ 'nɩ?” 34Zezwi nɛ naa: “'Fʋloku ya a -su-a 'nɩ?” Wa nɛ: “-A -su 'fʋloku -ngbisɔ zibhie -lɛ 'sɔ.” 35Wa gba-a sa'a, 'n ɔ ji-a nɩkpa 'dɩ 'nyɛ naa wa glɩ -bha dʋdʋ'ʋ yɛ. 36Wa glɩ-a yɛ, Zezwi 'libhï-a 'fʋloku la'a -ngbisɔ -yɛ zibhie la'a 'sɔ 'wʋ-ɔ, ɔ bhalɩ-a ɩ yɛ -Lagɔ-ɔ, ɔ -dɩdɩnɩɩ-a 'mö, 'n ɔ jiɩ-a ɔ 'wʋbhlinɩngwa 'ye 'nyɛ, 'n wa jiɩ-a nɩkpa cɛ dlinɩ. 37Nɩkpa 'bhuo li-a, 'n wa ji-a lʋ. 'Fʋlokukïbhï -ɩ tʋ-a 'wʋ, ɔ 'wʋbhlinɩngwa 'libhiɩ-a ɩ yena -köka -ngbisɔ. 38-Wa bhuo-o li-a lili la'a, wa nyini nɩkpaa 'wli -mʋna, 'ngwlɩ -yɛ 'gwie 'sɔ 'nɩ 'zɛlɩɔ-ɔ. 39Zezwi -sa-a nɩkpa ngo -gömö, wa mö-a 'bhë, 'n ɔ ji-e -ma 'gɔlʋ 'mö -gbla, -glɔ wa la-a Magada 'n ɔ ji-e -ma ʋ yawʋɔ -gwlɩ -gömö mö.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996