MATIEE 'BƆGƲ 22
22
Nɩkpa wa wɔzɩ-a nglʋkwazlɩ lili yɛɛ 'nine
1-Mɩ la'a plɩ-a 'bhë, 'n Zezwi ji-a nɩkpa -wa -wʋɔ la-a 'yukwli pönɩ 'lee de 'nini 'pa 'sɔ. Ɔ nɛ naa: 2“-Lagɔɔ nyininyinipɩɛ wɛlɩ, sa dʋdʋnyininyɔɔ 'gu 'nɩ-ɛ la'a 'nglɔ kwa, ɔ 'yɛ lili pi, ɔ 'yɛ nɩkpa wɔzɩ wa 'kɔ 'wʋ 'bhli-e, -sɩbha ɩ -wʋ -bha. 3Nɩkpa ɔ wɔzɩ la-a lili yɛ ɔ tua-a ɔ nyɩgbajʋlʋɩ 'wʋ-ɔ, wa nɛ wa 'na-a ji. 4-Bha -gömö, 'n ɔ jua-a ɔ nyɩgbajʋlʋɩ -mʋmʋa 'wʋ tia. Ɔ nɛ -bha wa de naa: A -yɛ mö a -sanʋa 'dɩ naa, n yɛ na bhilia -yɛ na 'kpökanɩma 'sɔ 'lɩbha 'bhë, lilie pipie yɛ 'ji 'bhɩɔ 'bhë, wa ji -a 'yɛ 'bhli. 5Nyɩgbajʋlʋɩ la'a mö-a, wa -sanʋa-a -sɩbha 'dɩ, ɩ 'nʋa-a dlɩ 'mö wlɔnʋ. Wa -sɔ-a 'wʋ, wa plaplagbɩ 'wʋ wa mö -bha. -Mʋmɔ mö ɔ 'lagblɛ'ɛ, -mʋmɔ mö 'pɛlʋ -paa. 6-Mʋabha gblo-a nyɩgbajʋlʋɩ 'wʋ, wa zua-a 'zwɩ 'bhë, 'n wa jua-a 'lɩbha.
7Dʋdʋnyininyɔ la'a 'nʋɩ-a, yʋlʋ ɩ sɩbhɔ-ɔ -bha, 'n ɔ ji-a ɔ 'slʋja tia, wa 'yɛ 'kulɩbhangwa la'a 'lɩbha, 'bhë wa 'yɛ wa 'gbë sia. 8'N ɔ ji-e 'mö-a ɔ nyɩgbajʋlʋɩɛ de gba naa: Na 'guo nglʋkwalilie pipie yɛ 'ji 'bhɩɔ 'bhë, nɩkpa n wɔzɩ la-a wa'a ɩ lilie 'wʋ -ngwa. 9Ɩ yɛ a mö -ma 'yuogbɔtɩ'ɩ, nɩkpa 'bhuo a ji-e -ma ghlɩɛ, a wɔzʋa wa 'yɛ li kwla'a ji. 10'N 'mʋa nyɩgbajʋlʋɩ la'a ji-e -ma 'yuogblʋɩ 'bhuo 'wʋ mö, 'n wa ji-a nɩkpa 'bhuo wa ghlɩ-ɛ -ma 'wlu 'titanɩ, nɩkpa -zoku -yɛ nɩkpaa -nɩkpa 'sɔ, wa -nyʋa ji-a, 'n -budu ji-a ye.
11Dʋdʋnyininyɔ la'a pla-a -ma linɩbhɛyɩ ɔ 'yɛ nɩkpa -wa ji-a li kwla'a -gömö yɩlɩɛ yɛ, 'n ɔ 'ji ji-a nɩkpɛ -ɔ 'nɩ-a 'pɩpɩɛ 'wʋjibanɩ 'mö -ka 'wʋ bhlinɩ. 12Dʋdʋnyininyɔ nɛ -bha nɩkpɛ la'aa de naa: -Abhiyi, sa -n plaplanɩ-ɛ ma'a -budu'u 'mö 'n -nn-a 'pɩpɩɛ 'wʋjibanɩ 'mö -ka 'nɩ? Ɔ gba-a -sɩbha, nɩkpɛ la'a 'nɩ-ɛ gbʋ -dɩ. 13Ɩ yɛ 'n dʋdʋnyininyɔ ji-a ɔ nyɩgbajʋlʋɩ 'dɩ 'nyɛ naa: A köbha nɩkpɛ -la, a gwa ɔ swɩ -yɛ ɔ bhɩ 'sɔ a 'kɔ 'pɩ 'pa. -Ma 'misikpoko 'mö, ma glaa 'mölilie -yɛ wiwie 'sɔ -wʋ-a, a 'kɔ -ma 'pa. 14Wʋ yɛ n gba-a naa: -Wa wa wɔzɩ-a, -zu wa zu-a 'bhë-ë, -wa wa -sa 'mö-ö -bha wa'a -zu.”
Zezwi nɛ wa 'pɛnɩ lepoo mëni
15Zezwi 'nyʋa-a sa'a 'dɩ-ɛ, falizɩɛ -sɔ-a 'wʋ, sa wa 'yɛ-a 'mö zʋzʋnʋ, wa 'kɔ ɔjɩɛ nglie wɛlɩ nya gbʋ köbhanɩ, 'n wa ji-a ɩ yɩlɩ plaa mö. 16Wa 'bhö-a yɩlɩ 'mö, 'n wa jio-a wa 'wʋbhlinɩngwa gla'aa nɩkpa ja -yɛ Elodɩɛ -zakpa 'möö nɩkpa 'sɔ 'wʋ tia. Wa nyini-e -ma, wa nɛ -bha Zezwie de naa: “-Abhitɩbha, -a -ji sɛ naa vaa -n gba-a nɩkpaa de, 'n -na nglipalɩ slɛmanɩ-a nɩkpa dlɩ 'mö. Sa -Lagɔ 'jɩbha-a nɩkpa 'yɛ namö mɩ -n pʋa-a ngli, -nn -gu nɩkpaa 'ji, -wʋʋ yɛ-a, -nn gbëzɩ nɩkpa 'mö. 17Lagangwa -wa -nyiniya-a la'a wa dʋdʋnyininyɔ 'kadɔ Sezalɩ nɛ naa, -a 'pɛnɩ lepoo mëni, -n -kaya 'ma köbhë la'a -gömö dlɩ 'mö slɛmanɩɛ yɛ -a ji -bha. 'Mɛ lepoo mëni la'a -a 'pɛnɩɛ 'nɩɩ, -aa 'pɛnɩɛ -nɩ? Sa -Lagɔwɛlɩ gba-a 'ma köbhë la'aa de 'nɩ? -Slɛmanɩya dlɩ 'mö.” 18Zezwi jɩblɩnɩ-a wa -dabhlie zɔmö-ö, ɔ nɛ -bha wa de: “'Kwlɩsɔkangwayi, 'manɩɛ yɛ a -jɩla'a-a 'mö 'nɩ? 19A -tuluanɩ'ɩ 'lepoo 'pɛnɩmëni 'ji,” ɔ gba-a -sɩbha 'n wa jio-a gbɔkwa 'ji tuluanɩ. 20'N Zezwi jua-a ngli 'jɩbha naa: “La'a gbɔkwa la'a -gömö, -mɔɔ 'wlukple -yɛ -mɔɔ 'nglɩ sɔ-ɔ glɩ-ɛ la'a 'nɩ?” 21Wa nɛ: “Dʋdʋnyininyɔ 'kadɔ Sezalɩɛ -li -bha.” Zezwi nɛ -bha wa de: “Mɩ -bha. Ɩ yɛ, -ɩ -yɛ-a dʋdʋnyininyɔ 'kadɔ Sezalɩɛ -li-e, a 'nyɔ 'ye, -ɩ -yɛ-a -Lagɔɔ -li-e, a 'nyɩ 'yɛ -Lagɔ 'ye.” 22Ɔ gba-a sa'a, wa 'bhuo ngli-i mönʋa -bha. Wa tɩɔ-ɔ -bha 'n wa ji-a mö.
Zezwi yɛ 'kudungwaa gluwlʋgbʋ gba
23Nɩkpaa -zakpa -möma -wʋ la-a -bha, 'ma wa la-a sadwisɩɛ. Sa'a wa pa-a nɩkpa ngli naa: Nɩkpɛ -yɛ tlɩ, ɔ 'na 'ylɩ -bhlʋ glu 'wlʋ. 'Mɛ zlɩ la'a -bhlʋɔ 'mö wa gla'aa -mʋmʋa ghlɩ-ɛ -bha Zezwi-e, 'n wa jio-a ngli 'jɩbha. 24Wa nɛ naa: “-Abhitɩbha, Moyizɩ nɛ:
Nɩkpɛ -yɛ -dagu -ka,
'mɔ -dagu la'a -yɛ 'nglɔ kwa,
ɔ -nyɔɔ 'sɔ nɩ 'gu ghlɩ 'bhë ɔ -yɛ tlɩ-ɛ,
'mɔ nɩkpɛ 'libhï ɔ -daguo 'kuzlenglɔ 'wʋ,
ɔ -nyɔɔ 'sɔ 'yɛ ɔ 'nglɩ 'mö 'gwie gwalɩ,
ɔ -dagu -ɔ tlɩ-a 'yɛ ngëyi -ka.
25-Dagwienyɩbhɛlɩgwie -ngbisɔ 'n wa -wʋ la-a -bha. 'Yizi kwa-a 'nglɔ, ɔ -nyɔɔ 'sɔ 'nɩ-ɛ 'gu ghlɩ, ɔ tlɩ-a 'n 'nglɔ ji-a ɔ -dagu yawʋ tʋ-ʋ. 26-Sɩbha 'sɔ -lɔɔ -li 'plɩ -bha, ta -lɔ 'gamö, 'n wa -ngbisɔ -kpɔ ji-a go bhɩa. 27Wa 'bhuo tlɩ-a 'bhë, 'n 'nglɔ ji 'yɛ-a -nɩ tlɩ. 28'Kudungwaa gluwlʋzlɩ -yɛ nyini-e, wa 'bhuo kɔ la'a 'nglɔ 'mö nyini 'bhë-ë, -mɔɔ 'nglɔ ɔ ji-e 'mö-ö -bha wa gla'a glɩnɩɛ -kli 'nɩ?”
29Wa gba-a sa'a, Zezwi nɛ naa: “Ajɩ a -wʋ-a dlʋa 'le, -wʋʋ yɛ-a, a'a -Lagɔbɔgʋ 'möö wɛlɩ 'mö -nganɩ yaa, sa -Lagɔ 'tɛ-ɛ 'mö a 'nɩ 'yɛ -ji. 30-Zlɩ 'kudungwa ji-a glu 'wlʋɔ, nglʋkwakʋ 'na-a 'mö -bhlɩ. Sa -Lagɔzuzuku -wʋ-ɔ -ma -Lagɔtapɛ'ɛ, -sɩbha nɩkpa ji-a -wʋɔ. 31-Ɩ -yɛ-a 'kudungwaa gluwlʋwɛlɩ-ɛ, -ɩ -Lagɔ gba-a a de a 'nɩɩ-ɩ zɛlɩ 'nɩ-ɩ? 32-Lagɔ nʋ-a:
-Amö-ö -yɛ-a Ablaamö,
Izakö -yɛ Zakɔpö 'sɔɔ -Lagɔ-ɔ,
ɩ zɔmö-ö naa, Ablamö, Izakö -yɛ Zakɔpö 'sɔ -bhlɩ. -Wʋʋ yɛ-a, -Lagɔ 'nɩ-ɛ 'kudungwaa -Lagɔ, -bhlɩbhlɩngwaa -Lagɔ -bha.” 33Zezwi gba-a -sɩbha, nɩkpa -wa -wʋɔ la-a 'yukwli pönɩ 'le ngli ɔ nglipalɩ mönʋa -bha.
-Lagɔɔ gba 'kada
34 Falizɩɛ 'nʋ-ɔ naa sadwisɩɛ 'jɩbha-a Zezwi ngli -ɩ ɔ gba-a wa ngo ɩ -gba 'wʋ-ɔ, wa 'titanɩ-a 'wlu 'n wa jio-o -ma ghlɩ. 35Wa gla'aa nɩkpɛ -bhlʋ -ɔ glɩnɩ la 'yɛ-a -Lagɔɔ gböö nglipanyɔ, ɔ 'yɛ Zezwi 'mö jɩlaa yɛ, 'n ɔ jio-a ngli 'jɩbha naa: 36“-Abhitɩbha, -ma -Lagɔɔ gbö 'bhuo gla'a, gba -ma zi bhe -mɩbha 'bhuo 'wʋ 'nɩ?” 37Zezwi nɛ:
“'Jɩbha -na Nyininyɔ -Lagɔ,
ʋ -kamö dlɩ yɛ,
'jɩbhʋ -ma -na dlɩpapɩɛ 'bhuo 'mö.
38-Lagɔɔ taka -gba -a -yɛ-a 'kada -a zi-a -mɩbha 'bhuo 'wʋ ma-a -la. 39-Ma ɩ gla'a, 'sɔ -la -a ka-a -mabhaa swɩ dlɩ yɛ ma -yɛ-a:
Sa -n 'jɩbha-a -najɩ,
'jɩbha -sɩbha -na linɩkpɛ.
40Gbö la'a 'sɔ, mɩ-ɩ -yɛ-a -Lagɔɔ gbö -mɩbha 'bhuo -yɛ -Lagɔɔ 'mögbanɩngwa 'bhuoo nglipawɛlɩɛ go.”
Zezwi yɛ Puanyɔ -ɔ -Lagɔ -sa-a -bhaa gbʋ gba
41 Falizɩɛ 'titanɩɔ -bhla -bha Zezwi yawʋ 'wlu, 'n ɔ jua-a ngli 'jɩbha. Ɔ nɛ naa: 42“A de, Puanyɔ -ɔ -Lagɔ -sa-a -bha, -mɔɔ gu bhe 'nɩ?” Wa nɛ: “Davidɩɛ gu -bha.” 43Zezwi nɛ: “Ɩ -yɛ -sɩbha 'mö -wʋ-ɔ, 'manɩɛ yɛ -Lagɔɔ Zuzu gbanɩ-a 'ylɩ -bhlʋ Davidɩ 'mö, Puanyɔ -ɔ -Lagɔ -sa-a -bha -ɔ ji-a jie 'n ɔ jio 'mö-a ɔ Nyininyɔ la 'nɩ? 44Sa'a Davidɩ gba-a naa:
-Aa Nyininyɔ -Lagɔ mʋ-ʋ 'nyɛ-a na Nyininyɔ 'dɩ naa:
Glɩ la'a na linɩkpɛsɔ pɩa 'bɩ yɛ,
n -kamö -na tʋngwa 'ye 'nyɛ,
-n 'kʋa kpli -gömö zʋ.
45Davidɩɛ 'bhë -wʋ la'a -bhla Puanyɔ -ɔ -Lagɔ -sa-a -bha ɔ Nyininyɔ la 'le 'bhë-ë, samɩ ɔ ji-e 'mö-a ɔ 'gu 'mö glɩglɩnɩ-ɛ 'nɩ?” 46Zezwi gba-a sa'a, wa 'bhuo wɛlɩ -mɩ wa 'yɛ-a -gömö -sa wa 'nɩɩ-ɩ ghlɩ. Tɛnɩ-a 'mö -bha, -bɛ 'nɩ nglu la-a 'mö ɔ 'kɔ wɛlɩköbhë -möma -gömö ngli 'jɩbha 'sɔ.
Àwon tá yàn lọ́wọ́lọ́wọ́ báyìí:
MATIEE 'BƆGƲ 22: BNT96
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996
MATIEE 'BƆGƲ 22
22
Nɩkpa wa wɔzɩ-a nglʋkwazlɩ lili yɛɛ 'nine
1-Mɩ la'a plɩ-a 'bhë, 'n Zezwi ji-a nɩkpa -wa -wʋɔ la-a 'yukwli pönɩ 'lee de 'nini 'pa 'sɔ. Ɔ nɛ naa: 2“-Lagɔɔ nyininyinipɩɛ wɛlɩ, sa dʋdʋnyininyɔɔ 'gu 'nɩ-ɛ la'a 'nglɔ kwa, ɔ 'yɛ lili pi, ɔ 'yɛ nɩkpa wɔzɩ wa 'kɔ 'wʋ 'bhli-e, -sɩbha ɩ -wʋ -bha. 3Nɩkpa ɔ wɔzɩ la-a lili yɛ ɔ tua-a ɔ nyɩgbajʋlʋɩ 'wʋ-ɔ, wa nɛ wa 'na-a ji. 4-Bha -gömö, 'n ɔ jua-a ɔ nyɩgbajʋlʋɩ -mʋmʋa 'wʋ tia. Ɔ nɛ -bha wa de naa: A -yɛ mö a -sanʋa 'dɩ naa, n yɛ na bhilia -yɛ na 'kpökanɩma 'sɔ 'lɩbha 'bhë, lilie pipie yɛ 'ji 'bhɩɔ 'bhë, wa ji -a 'yɛ 'bhli. 5Nyɩgbajʋlʋɩ la'a mö-a, wa -sanʋa-a -sɩbha 'dɩ, ɩ 'nʋa-a dlɩ 'mö wlɔnʋ. Wa -sɔ-a 'wʋ, wa plaplagbɩ 'wʋ wa mö -bha. -Mʋmɔ mö ɔ 'lagblɛ'ɛ, -mʋmɔ mö 'pɛlʋ -paa. 6-Mʋabha gblo-a nyɩgbajʋlʋɩ 'wʋ, wa zua-a 'zwɩ 'bhë, 'n wa jua-a 'lɩbha.
7Dʋdʋnyininyɔ la'a 'nʋɩ-a, yʋlʋ ɩ sɩbhɔ-ɔ -bha, 'n ɔ ji-a ɔ 'slʋja tia, wa 'yɛ 'kulɩbhangwa la'a 'lɩbha, 'bhë wa 'yɛ wa 'gbë sia. 8'N ɔ ji-e 'mö-a ɔ nyɩgbajʋlʋɩɛ de gba naa: Na 'guo nglʋkwalilie pipie yɛ 'ji 'bhɩɔ 'bhë, nɩkpa n wɔzɩ la-a wa'a ɩ lilie 'wʋ -ngwa. 9Ɩ yɛ a mö -ma 'yuogbɔtɩ'ɩ, nɩkpa 'bhuo a ji-e -ma ghlɩɛ, a wɔzʋa wa 'yɛ li kwla'a ji. 10'N 'mʋa nyɩgbajʋlʋɩ la'a ji-e -ma 'yuogblʋɩ 'bhuo 'wʋ mö, 'n wa ji-a nɩkpa 'bhuo wa ghlɩ-ɛ -ma 'wlu 'titanɩ, nɩkpa -zoku -yɛ nɩkpaa -nɩkpa 'sɔ, wa -nyʋa ji-a, 'n -budu ji-a ye.
11Dʋdʋnyininyɔ la'a pla-a -ma linɩbhɛyɩ ɔ 'yɛ nɩkpa -wa ji-a li kwla'a -gömö yɩlɩɛ yɛ, 'n ɔ 'ji ji-a nɩkpɛ -ɔ 'nɩ-a 'pɩpɩɛ 'wʋjibanɩ 'mö -ka 'wʋ bhlinɩ. 12Dʋdʋnyininyɔ nɛ -bha nɩkpɛ la'aa de naa: -Abhiyi, sa -n plaplanɩ-ɛ ma'a -budu'u 'mö 'n -nn-a 'pɩpɩɛ 'wʋjibanɩ 'mö -ka 'nɩ? Ɔ gba-a -sɩbha, nɩkpɛ la'a 'nɩ-ɛ gbʋ -dɩ. 13Ɩ yɛ 'n dʋdʋnyininyɔ ji-a ɔ nyɩgbajʋlʋɩ 'dɩ 'nyɛ naa: A köbha nɩkpɛ -la, a gwa ɔ swɩ -yɛ ɔ bhɩ 'sɔ a 'kɔ 'pɩ 'pa. -Ma 'misikpoko 'mö, ma glaa 'mölilie -yɛ wiwie 'sɔ -wʋ-a, a 'kɔ -ma 'pa. 14Wʋ yɛ n gba-a naa: -Wa wa wɔzɩ-a, -zu wa zu-a 'bhë-ë, -wa wa -sa 'mö-ö -bha wa'a -zu.”
Zezwi nɛ wa 'pɛnɩ lepoo mëni
15Zezwi 'nyʋa-a sa'a 'dɩ-ɛ, falizɩɛ -sɔ-a 'wʋ, sa wa 'yɛ-a 'mö zʋzʋnʋ, wa 'kɔ ɔjɩɛ nglie wɛlɩ nya gbʋ köbhanɩ, 'n wa ji-a ɩ yɩlɩ plaa mö. 16Wa 'bhö-a yɩlɩ 'mö, 'n wa jio-a wa 'wʋbhlinɩngwa gla'aa nɩkpa ja -yɛ Elodɩɛ -zakpa 'möö nɩkpa 'sɔ 'wʋ tia. Wa nyini-e -ma, wa nɛ -bha Zezwie de naa: “-Abhitɩbha, -a -ji sɛ naa vaa -n gba-a nɩkpaa de, 'n -na nglipalɩ slɛmanɩ-a nɩkpa dlɩ 'mö. Sa -Lagɔ 'jɩbha-a nɩkpa 'yɛ namö mɩ -n pʋa-a ngli, -nn -gu nɩkpaa 'ji, -wʋʋ yɛ-a, -nn gbëzɩ nɩkpa 'mö. 17Lagangwa -wa -nyiniya-a la'a wa dʋdʋnyininyɔ 'kadɔ Sezalɩ nɛ naa, -a 'pɛnɩ lepoo mëni, -n -kaya 'ma köbhë la'a -gömö dlɩ 'mö slɛmanɩɛ yɛ -a ji -bha. 'Mɛ lepoo mëni la'a -a 'pɛnɩɛ 'nɩɩ, -aa 'pɛnɩɛ -nɩ? Sa -Lagɔwɛlɩ gba-a 'ma köbhë la'aa de 'nɩ? -Slɛmanɩya dlɩ 'mö.” 18Zezwi jɩblɩnɩ-a wa -dabhlie zɔmö-ö, ɔ nɛ -bha wa de: “'Kwlɩsɔkangwayi, 'manɩɛ yɛ a -jɩla'a-a 'mö 'nɩ? 19A -tuluanɩ'ɩ 'lepoo 'pɛnɩmëni 'ji,” ɔ gba-a -sɩbha 'n wa jio-a gbɔkwa 'ji tuluanɩ. 20'N Zezwi jua-a ngli 'jɩbha naa: “La'a gbɔkwa la'a -gömö, -mɔɔ 'wlukple -yɛ -mɔɔ 'nglɩ sɔ-ɔ glɩ-ɛ la'a 'nɩ?” 21Wa nɛ: “Dʋdʋnyininyɔ 'kadɔ Sezalɩɛ -li -bha.” Zezwi nɛ -bha wa de: “Mɩ -bha. Ɩ yɛ, -ɩ -yɛ-a dʋdʋnyininyɔ 'kadɔ Sezalɩɛ -li-e, a 'nyɔ 'ye, -ɩ -yɛ-a -Lagɔɔ -li-e, a 'nyɩ 'yɛ -Lagɔ 'ye.” 22Ɔ gba-a sa'a, wa 'bhuo ngli-i mönʋa -bha. Wa tɩɔ-ɔ -bha 'n wa ji-a mö.
Zezwi yɛ 'kudungwaa gluwlʋgbʋ gba
23Nɩkpaa -zakpa -möma -wʋ la-a -bha, 'ma wa la-a sadwisɩɛ. Sa'a wa pa-a nɩkpa ngli naa: Nɩkpɛ -yɛ tlɩ, ɔ 'na 'ylɩ -bhlʋ glu 'wlʋ. 'Mɛ zlɩ la'a -bhlʋɔ 'mö wa gla'aa -mʋmʋa ghlɩ-ɛ -bha Zezwi-e, 'n wa jio-a ngli 'jɩbha. 24Wa nɛ naa: “-Abhitɩbha, Moyizɩ nɛ:
Nɩkpɛ -yɛ -dagu -ka,
'mɔ -dagu la'a -yɛ 'nglɔ kwa,
ɔ -nyɔɔ 'sɔ nɩ 'gu ghlɩ 'bhë ɔ -yɛ tlɩ-ɛ,
'mɔ nɩkpɛ 'libhï ɔ -daguo 'kuzlenglɔ 'wʋ,
ɔ -nyɔɔ 'sɔ 'yɛ ɔ 'nglɩ 'mö 'gwie gwalɩ,
ɔ -dagu -ɔ tlɩ-a 'yɛ ngëyi -ka.
25-Dagwienyɩbhɛlɩgwie -ngbisɔ 'n wa -wʋ la-a -bha. 'Yizi kwa-a 'nglɔ, ɔ -nyɔɔ 'sɔ 'nɩ-ɛ 'gu ghlɩ, ɔ tlɩ-a 'n 'nglɔ ji-a ɔ -dagu yawʋ tʋ-ʋ. 26-Sɩbha 'sɔ -lɔɔ -li 'plɩ -bha, ta -lɔ 'gamö, 'n wa -ngbisɔ -kpɔ ji-a go bhɩa. 27Wa 'bhuo tlɩ-a 'bhë, 'n 'nglɔ ji 'yɛ-a -nɩ tlɩ. 28'Kudungwaa gluwlʋzlɩ -yɛ nyini-e, wa 'bhuo kɔ la'a 'nglɔ 'mö nyini 'bhë-ë, -mɔɔ 'nglɔ ɔ ji-e 'mö-ö -bha wa gla'a glɩnɩɛ -kli 'nɩ?”
29Wa gba-a sa'a, Zezwi nɛ naa: “Ajɩ a -wʋ-a dlʋa 'le, -wʋʋ yɛ-a, a'a -Lagɔbɔgʋ 'möö wɛlɩ 'mö -nganɩ yaa, sa -Lagɔ 'tɛ-ɛ 'mö a 'nɩ 'yɛ -ji. 30-Zlɩ 'kudungwa ji-a glu 'wlʋɔ, nglʋkwakʋ 'na-a 'mö -bhlɩ. Sa -Lagɔzuzuku -wʋ-ɔ -ma -Lagɔtapɛ'ɛ, -sɩbha nɩkpa ji-a -wʋɔ. 31-Ɩ -yɛ-a 'kudungwaa gluwlʋwɛlɩ-ɛ, -ɩ -Lagɔ gba-a a de a 'nɩɩ-ɩ zɛlɩ 'nɩ-ɩ? 32-Lagɔ nʋ-a:
-Amö-ö -yɛ-a Ablaamö,
Izakö -yɛ Zakɔpö 'sɔɔ -Lagɔ-ɔ,
ɩ zɔmö-ö naa, Ablamö, Izakö -yɛ Zakɔpö 'sɔ -bhlɩ. -Wʋʋ yɛ-a, -Lagɔ 'nɩ-ɛ 'kudungwaa -Lagɔ, -bhlɩbhlɩngwaa -Lagɔ -bha.” 33Zezwi gba-a -sɩbha, nɩkpa -wa -wʋɔ la-a 'yukwli pönɩ 'le ngli ɔ nglipalɩ mönʋa -bha.
-Lagɔɔ gba 'kada
34 Falizɩɛ 'nʋ-ɔ naa sadwisɩɛ 'jɩbha-a Zezwi ngli -ɩ ɔ gba-a wa ngo ɩ -gba 'wʋ-ɔ, wa 'titanɩ-a 'wlu 'n wa jio-o -ma ghlɩ. 35Wa gla'aa nɩkpɛ -bhlʋ -ɔ glɩnɩ la 'yɛ-a -Lagɔɔ gböö nglipanyɔ, ɔ 'yɛ Zezwi 'mö jɩlaa yɛ, 'n ɔ jio-a ngli 'jɩbha naa: 36“-Abhitɩbha, -ma -Lagɔɔ gbö 'bhuo gla'a, gba -ma zi bhe -mɩbha 'bhuo 'wʋ 'nɩ?” 37Zezwi nɛ:
“'Jɩbha -na Nyininyɔ -Lagɔ,
ʋ -kamö dlɩ yɛ,
'jɩbhʋ -ma -na dlɩpapɩɛ 'bhuo 'mö.
38-Lagɔɔ taka -gba -a -yɛ-a 'kada -a zi-a -mɩbha 'bhuo 'wʋ ma-a -la. 39-Ma ɩ gla'a, 'sɔ -la -a ka-a -mabhaa swɩ dlɩ yɛ ma -yɛ-a:
Sa -n 'jɩbha-a -najɩ,
'jɩbha -sɩbha -na linɩkpɛ.
40Gbö la'a 'sɔ, mɩ-ɩ -yɛ-a -Lagɔɔ gbö -mɩbha 'bhuo -yɛ -Lagɔɔ 'mögbanɩngwa 'bhuoo nglipawɛlɩɛ go.”
Zezwi yɛ Puanyɔ -ɔ -Lagɔ -sa-a -bhaa gbʋ gba
41 Falizɩɛ 'titanɩɔ -bhla -bha Zezwi yawʋ 'wlu, 'n ɔ jua-a ngli 'jɩbha. Ɔ nɛ naa: 42“A de, Puanyɔ -ɔ -Lagɔ -sa-a -bha, -mɔɔ gu bhe 'nɩ?” Wa nɛ: “Davidɩɛ gu -bha.” 43Zezwi nɛ: “Ɩ -yɛ -sɩbha 'mö -wʋ-ɔ, 'manɩɛ yɛ -Lagɔɔ Zuzu gbanɩ-a 'ylɩ -bhlʋ Davidɩ 'mö, Puanyɔ -ɔ -Lagɔ -sa-a -bha -ɔ ji-a jie 'n ɔ jio 'mö-a ɔ Nyininyɔ la 'nɩ? 44Sa'a Davidɩ gba-a naa:
-Aa Nyininyɔ -Lagɔ mʋ-ʋ 'nyɛ-a na Nyininyɔ 'dɩ naa:
Glɩ la'a na linɩkpɛsɔ pɩa 'bɩ yɛ,
n -kamö -na tʋngwa 'ye 'nyɛ,
-n 'kʋa kpli -gömö zʋ.
45Davidɩɛ 'bhë -wʋ la'a -bhla Puanyɔ -ɔ -Lagɔ -sa-a -bha ɔ Nyininyɔ la 'le 'bhë-ë, samɩ ɔ ji-e 'mö-a ɔ 'gu 'mö glɩglɩnɩ-ɛ 'nɩ?” 46Zezwi gba-a sa'a, wa 'bhuo wɛlɩ -mɩ wa 'yɛ-a -gömö -sa wa 'nɩɩ-ɩ ghlɩ. Tɛnɩ-a 'mö -bha, -bɛ 'nɩ nglu la-a 'mö ɔ 'kɔ wɛlɩköbhë -möma -gömö ngli 'jɩbha 'sɔ.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996