MATIEE 'BƆGƲ 27
27
Wa yɛ Zezwi -gwlɩnyininyɔ Pilatɩ dlɩ'ɩ kwa
1Zlɩ zɩ-a, ɛ -papa 'n -Lagɔbʋbɔngwaa 'bhitɩbhangwa 'bhuo -yɛ 'zwiföaa nɩkpazɔgblʋɩ 'sɔ ji-a 'wlu 'titanɩ, 'n wa ji-a wɛlɩ debhlʋ zʋ wa 'yɛ Zezwi 'lɩbhaa yɛ. 2'N wa jio-a gwa, -gwlɩnyininyɔ 'kadɔ wa la-a Pilatɩ, 'n wa jio-o -ma ɔ dlɩ'ɩ kwa, ɔ 'kɔ -zijle tunʋɔ yɛ.
Zwida yɛ ɔjɩ biza
3Zwida -ɔ 'pa la-a Zezwi -ma ɔ tʋngwa cɛ'ɛ 'pɛlʋ 'nʋ-a naa 'lɩbha-a wa ji-a Zezwi-e, 'n ɔ ji-a ligba, mëni -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ 'nyɔ la-a, 'n ɔ jie-e -ma nimï kwa. 4Ɔ nyini-e -ma, ɔ nɛ -bha wa de naa: “'Jinyloli 'kadɩ n nʋ -bha. Nɩkpɛ-ɛ 'nɩ-a -lu nʋ 'mɔ n 'nyɛya-a 'ye a 'kɔ 'lɩbhaa yɛ.” Wa nɛ: “-Aa gbʋ 'nɩ-a 'mö -nɩ -ɩ -la 'mö -wʋ, -na 'bhë -bhlʋ ɩ yɩlɩ-a 'wʋ.” 5Wa gba-a sa'a, 'n Zwida ji-e -ma -Lagɔbudu 'kadʋ 'mö mëni vitinɩ. Ɔ 'wlʋ-a 'pɩ 'n ɔ ji-a ɔjɩ biza kwla'a mö. 6-Lagɔbʋbɔngwaa 'bhitɩbhangwa 'libhï-a mëni la'a 'wʋ, wa nɛ naa: “Mëni la'a nɩkpɛdluo mëni -bha, -aa -lɛ bhɛlɩ -a 'kɛ -ma -Lagɔbudu 'kadʋ 'möö mënie -lokwli 'mö sɛ zʋ.” 7Wa 'nʋnʋnʋ-a 'mö 'n wa ji-a 'mɛ mëni la'a -lakëmanyɔɔ 'lagblɛ 'mö pɩa, lagangwa -yɛ -ma wa 'bhɛyɩ tlɩnɩ, wa 'kʋa -ma zʋɔ yɛ. 8Wʋ yɛ wa 'pa-a 'mɛ 'lagblɛ “dluo 'lagblɛ,” ɛ ka -bhla 'mɩ 'nglɩ -zɩnɩ'ɩ.
9Ɩ 'plɩ-ɛ -sɩbha, -ɩ -Lagɔɔ 'mögbanɩnyɔ Zelemi gba la-a mɩ-ɩ 'wlenɩ-a 'wʋ, sa'a ɔ gba la-a naa:
“'Wlie kugbïta -ɩɩ zʋzʋgbʋ
Izlayɛlɩɛ ngëyi 'möö nɩkpa nglu la-a,
'n wa jiɩ-a ɔ yɛ zʋ-ɔ,
10'mɩ wa 'libhï-a 'wʋ,
sa -Lagɔ nyɛ'ɛ la-a 'dɩ,
'n wa jiɩ-e -sɩbha -lakëmanyɔɔ 'lagblɛ 'mö pɩa.”
Pilatɩ yɛ Zezwi ngli 'jɩbha
11Wa kwa-a Zezwi -ma -gwlɩnyininyɔ 'kadɔ Pilatɩ dlɩ'ɩ, 'n Pilatɩ jio-a ngli 'jɩbha, ɔ nɛ naa: “'Zwiföaa dʋdʋnyininyɔ -n glɩnɩ-a?” Zezwi nɛ: “'Mɩ -na 'bhë gba-a -la.” 12-Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ, 'kïbhï wa 'pɔ-a -gömö, ɔ 'nɩɩ-ɩ -gömö -sa. 13Ɩ yɛ 'n Pilatɩ jio-a ngli 'jɩbha naa: “-Ɩ 'bhuo wa -wʋmö-ö -la -gömö 'pa 'le -n 'nɩ -nganɩ 'nɩ-ɩ?” 14-Gwlɩnyininyɔ 'jɩbhɔ-a ngli-e, Zezwi 'nɩɔ-ɔ ngo'o palɩ. Ɩ yɛ ngli-i mönɔ -bha.
'Zwiföa nɛ wa kʋnʋ Zezwi su 'klʋ
15Sa 'ylʋba bhɩa-a, gïyikwlaa 'möwlʋpɩpɩ -yɛ bhɩa, -dienyɔ -ɔ 'zwiföa pa-a 'nglɩ, 'mɔ Pilatɩ 'sibha la-a yɛ. 16'Ma 'ylʋba la'a 'mö, 'jinyloli 'kadɩɛ nʋnyɔ -bhlʋ wa la-a Balabasɩ-ɛ la -ma -die 'mö. 17'N Pilatɩ ji-a nɩkpa -wa su la-a -bha ngli 'jɩbha. Ɔ nɛ: “-Bha Balabasɩ -yɛ Zezwi -ɔ wa la-a Puanyɔ 'sɔɔ gla'a, -mɔ a 'jɩbha-a naa n 'sibha yɛ 'nɩ?” 18-Wʋʋ yɛ ɔ gba-a -sɩbha, ɔ -ji la sɛ naa dlɩyawʋnyunoswɩ'ɩ wa zʋ-a Zezwie yɛ -bha.
19Pilatɩ-ɛ Zezwi -zijle -tunʋ 'le, 'n ɔ 'nglɔ jio-a wɛlɩ 'wʋ 'pa naa: “Nɩkpɛ -la 'nɩ -luo bhle'e -ji, -sa ɔ wɛlɩ cɛ 'mö. -Wʋʋ yɛ-a, ɔ yɛ 'jinylɔjɩla n ghla-a -zɩnɩ'ɩɛ dʋdʋ.”
20'N -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ ji-a nɩkpa la'a wɛlɩ ngli 'pa naa: Wa nʋ Pilatɩ 'sibha Balabasɩ yɛ, ɔ 'lɩbha Zezwi. 21'N Pilatɩ ji-a 'sɔ do'o ngli 'jɩbha. Ɔ nɛ: “-Bha wa 'sɔɔ gla'a -mɔ a 'jɩbha-a naa n 'sibha yɛ 'nɩ?” Wa 'bhuo nɛ: “Balabasɩ -bha.” 22Ɔ nɛ -bha wa de naa: “A nʋ-a n 'sibha Balabasɩ yɛ-ɛ, Zezwi -mɔ wa la-a la'a Puanyɔ -ɔ -Lagɔ -sa-a -bha, sa n jio 'mö-a 'mö köbhaköbhanɩɛ 'nɩ? ” Wa 'bhuo 'kpö-a 'mö, wa nɛ: “Kʋnʋɔ -bha su 'klʋ.” 23Pilatɩ nɛ: “'Jinylolie -mɩ ɔ nʋ-a 'nɩ?” Ɔ 'jɩbhʋa-a sa'a ngli, 'mɩɛ 'bhë wa kpö-a 'mö tenyi. Wa nɛ: “Kʋnʋɔ -bha su 'klʋ.” 24Pilatɩ yɩlɩ-ɛ -bha 'wʋ naa -ɩ ɔ -wʋ-a gba 'le wa 'nɩɩ 'dɩ la 'le -wʋ ghayɩ wa 'bhuo bhlinɩ-a, ɔ 'libhï-a 'nyu 'wʋ, -bha nɩkpa 'bhuoo 'ji 'klʋ, n ɔ ji-a cɛ palɩ. Ɔ nɛ naa: “Nɩkpɛ -laa tlɩtlɩgbʋ nɩ'ɩ na-a cɛ'ɛ -wʋ, a 'bhïë wɛlɩ -bha.” 25Ɔ gba-a sa'a, wa 'bhuo nɛ: “-A -yɛ -aa 'gwie 'sɔ ɔ tlɩtlɩgbʋ -mɛya -gömö.” 26'N Pilatɩ ji-a Balabasɩ sɛ 'sibha. Ɔ 'nyɛ-a 'slʋja 'dɩ, wa 'sɛlɩ-a Zezwi 'bhë, 'n ɔ jua-a 'ye 'nyɛ wa 'kɔ su 'klʋ kʋnʋɔ yɛ.
'Slʋja yɛ Zezwi 'zwɩ zia
27'Slʋja la'a 'libhï-a Zezwi 'wʋ, 'n wa -nyɔɔ ji-e -bha 'ligbënyɩdɩ nyini. Wa wɔzɩ-a wa lislʋja 'bhuo, 'n wa jio-a 'wʋ binɩ. 28Wa -sɔ-a ɔ -banɩ 'mö, -banazala 'kada -a dʋdʋnyiningwa pa-a 'mö, 'n wa jio-a -sɩbhaa -la 'mö 'pa. 29Sɛmöwiee -glipë wa lɩbha-a, 'n wa jio-a 'wlu 'mö -sulua. 'N wa ji-e -ma ɔ linɩkpɛsɔ -kɔta 'mö 'gakokwa fa. Sa wa'a la'a -bhazʋswɩ'ɩ -bha dʋdʋnyininyɔ dlɩ'ɩ -kokomunigbö glu 'pa, 'n wa pɩ-ɛ -sɩbha -bha ɔ dlɩ'ɩ glu. 'N wa bhalɩɔ-a glapalɩswɩ'ɩ, 'n wa nʋ-a: “'Zwiföaa dʋdʋnyininyɔ, -ayo, -na nyɔmʋ zumanɩ.” 30Wa -kɔɔ -dlɛ -gömö ngwla-a, 'n wa sɔ-a 'gakokwa cɛ'ɛ 'n wa 'sɛnɩɔ-a 'wliyawʋ. 31Wa palɩɔ-ɔ -sɩbha gla 'bhë, wa -sɔɔ-a -banazala 'kada la'a 'mö, 'n wa jio-a ɔjɩɛ -banɩ 'mö 'pa 'sɔ, 'n wa -nyɔɔ ji-a mö, wa 'kɔ su 'klʋ kʋnʋɔ yɛ.
Wa yɛ Zezwi su 'klʋ kʋnʋ
32Wa -yɛ Zezwi-e mö 'le, 'n wa -yɛ nɩkpɛ -bhlʋ ji-a gbënɩ. Ɔ nglɩ -yɛ-a Simo, -glɔ wa la-a Silɛnɩ, -maa nɩkpɛ la -bha. 'Mɔ 'slʋja köbha-a -glaswɩ'ɩ naa ɔ -su Zezwie 'klʋkʋnʋsu. 33Wa mö-a, 'n wa ji-e -bha de -bhlʋ nyini, -bha wa la-a Gɔlʋgota. 'Mɩ 'nglɩɛ zɔmö -yɛ-a 'wlukɔfʋ. 34'N wa ji-a Zezwi nʋ -ʋ ka-a kalɩkalɩngakpɩ 'mö 'nyɛ ɔ 'kʋ 'nɩmaa yɛ. Ɔ 'jɩʋ-a ngli-e, ɔ'ɔ-ɔ ʋ 'nɩmanɩmagbʋ nglu. 35Wa 'libhïɔ-a 'wʋ, wa kʋnʋɔ-a su 'klʋ 'bhë, 'n wa ji-a ɔ -banɩ -nɩgbɩ 'wʋ 'pa. 36Wa 'pa-a -nɩgbɩ 'bhë, 'n wa ji-a sɛ glɩ-ɩ wa 'kɔ ngo -kʋɔ yɛ.
37-Bha su wa kʋnʋɔ-a 'klʋɔ ghayɩde, -bha ɔ 'wliyawʋ, 'köbhë -bhlʋ -a -slʋnʋ-a nɩkpa ɔ 'lɩbhalɩbhagbʋɔ zɔmö, sa'a wa 'cɛlɩa-a sa'a -bha supɩa 'klʋ naa: “Nɩkpɛ la'a mɔ-ɔ -yɛ-a Zezwi, 'zwiföaa dʋdʋnyininyɔ -bha.” 38La wa kʋnʋ-a Zezwi su 'klʋ, 'kulɩbhangwa 'sɔ wa kʋnʋ 'yɛ-a -nɩ swi 'klʋ 'gamö, -bhlʋ tʋnʋ -ma ɔ linɩkpɛsɔ pɩa 'bɩ, -mʋmɔ tʋnʋ -ma ɔ kɔpɛsɔ pɩa 'bɩ.
39La Zezwi 'kʋnʋɔ-a su 'klʋ, nɩkpa -wa 'plɩnɩ-ɛ -bha, wa -kɔɔ yɩlɩ-ɛ, ngu wa kplisinɩɔ -bha, 'n wa biti-a 'wlukpli. 40'N wa nʋ-ɔ -bha ɔ de naa: “-Nmö nʋ la-a -n ji -Lagɔbudu 'kadʋ wla, 'ylɩ ta 'mö -n 'yɛ -bha ʋ 'bhle 'wʋ -mʋmʋ 'nɩgbanɩ-ɛ, -nmö 'nɩ bhe -la -wʋ. -N -yɛ 'dɛdɛ'ɛ -Lagɔɔ 'Gu glɩnɩ-ɛ, -sa yɩ -najɩ yʋlɔyʋlʋɛ 'mö, 'bhö-ö -bha su 'klʋ -n 'yɛ sɛ 'sibhë.” 41-Sɩbha -Lagɔbʋbɔngwaa 'bhitɩbhangwa-a, -Lagɔɔ gböö nglipangwa -yɛ 'zwiföaa nɩkpazɔgblʋɩ 'sɔ -wʋɔ 'yɛ la-a -nɩ gla palɩ 'le 'gamö. Wa nɛ: 42“Ɔ yɛ -mʋmʋa pua 'bhë, ɔ'ɔ ɔjɩɛ puapue bhɛlɩ. Mɔ-ɔ glɩnɩ-ɛ 'mö-a Izlayɛlɩɛ dʋdʋnyininyɔ 'nɩɩ, ɔ 'bhö-a 'mö -bha su 'klʋ ɔ 'yɛ sɛ 'sibhë, -a -kɔɔ yɩlɩ 'bhë -a 'kɔ dlɩ 'wʋ -ka. 43-Lagɔ ɔ ka-a dlɩ 'wʋ, -a yɩlɩ -bha 'wʋ, -Lagɔ -kɔɔ 'dɛdɛ'ɛ 'jɩbha ʋ -kɔɔ -bha -saa jie yɛ. -Wʋʋ yɛ-a, sa'a ɔ gba-a naa: -Lagɔɔ 'Gu ɔ glɩnɩ -bha.” 44'Kulɩbhangwa la'a 'sɔ wa kʋnʋ la-a -bha ɔ yawʋ swi 'klʋ, -sɩbha wa sɔ 'yɛ-a -nɩ.
Zezwie nyɔmʋ yɛ -ma bhɩa
45'Ylʋ glɩ jije 'wʋ, 'n 'misikpoko ji-a dʋdʋkpata 'bhuo -gömö köbha, a -sa -bha 'glie ta. 46-Dudoglie ta nyini-a, 'n Zezwi ji-a 'mö 'kpö, ɔ nɛ: “Eli, Eli, lama sabatani.” Ɩ zɔmö -yɛ-a naa: “-Atʋ -Lagɔ, -Atʋ -Lagɔ, 'manɩɛ yɛ -n tɩ'ɩ-ɛ -bha 'nɩ?” 47Zezwi 'kpö-a 'mö, nɩkpa -wa -wʋ la-a -bha, wa gla'aa -mʋmʋa nɛ naa: “A pönɩ 'yukwli, ɔ-ɔ Eli wɔzɩ 'le.” 48Wa gla'aa nɩkpɛ -bhlʋ 'libhï-a sɛcɛ 'wʋ 'n ɔ ji-a 'fuko -ma zɛzɛnʋ 'mö 'ngwa kwla'a mö. Ɔ -nyaa ji-a, ɔ gla-a -bha 'gakokwa 'ji 'n ɔ jia-a Zezwi ngo'o zʋ, ɔ 'ka 'mö ngʋngɔnʋ ɔ 'yɛ 'nɩmaa yɛ. 49-Mʋabha nɛ: “'Nɩgbö, 'n Eli -kɔɔ -bha su 'klʋ -sa kwla'a jie jie yɛ -a 'kɩ yɩlɩ.” 50'Sɔdo'o Zezwi 'kpö-a 'mö tenyi, 'n ɔ ji-a nyɔmʋ sɛ zʋ.
51-Ma -Lagɔbudu 'kadʋ 'mlɩɛ lokwi -ɛ dlinʋ-a 'kïbhï 'sɔ 'mö, 'n ɛ ji-a 'pɩ 'sɔ 'mö wʋlɔ, tɛnɩ -ma ghayɩ -n 'yɛ zɔmö nyini. Dʋdʋkpata tɛlɩ-a, 'n 'kpöa ji-a 'mö wʋlɔ. 52'N lesikpï ji-a ngo walɩ, 'n -Lagɔnɩkpa -wa tlɩ la-aa -bɛ ji-a glu 'wlʋ. 53Wa 'wlʋ-ɔ -ma lesikpï 'mö, Zezwi yɛ glu 'wlʋ 'bhë 'n wa ji-e -ma Zelwizalɛmöö 'gbë 'mö pla, 'n wa ji-a wajɩ nɩkpaa -bɛ 'ji tuluanɩ. 54'Slʋja -wa -wʋ la-a Zezwi ngo -kʋ 'le -yɛ wa 'bhitɩbha 'sɔ yɩlɩ-a dʋdʋkpataa tɛlɩtɛlɩɛ -yɛ -ɩ bhuo-o 'plɩ-a 'sɔ-ɔ, -kakö-ö köbhʋa -bha. Wa nɛ: “'Wuë! Nɩkpɛ -la, 'dɛdɛ'ɛ ɔ glɩnɩ la-a -Lagɔɔ Gu.” 55'Ngwlɩɛ -bɛ -wa -ganɩ la-a Zezwi wa 'kɔ 'wʋ pie yɛ, 'n wa -nyɔɔ 'sɔ ji-e -ma Galilee dʋdʋ -gömö 'bhö-ö, wa 'nɩgbö -ma 'yu, 'n wa -wʋ la-a jɩla 'le. 56-Ma ngwlɩ la'aa gla'a, Magödalaa 'gbë 'möö 'ylugu Mali-e, Zakö -yɛ Zozɛfö 'sɔɔ -da Mali-e, Zebedee 'gwiee -da 'gamö, 'n wa -wʋ la-a -ma.
Wa yɛ Zezwie -gazɛ zʋ
57Zlɩ -ɛɛ 'mö Zezwi tlɩ-aa -dudo'o, 'n -glɔ wa la-a Alimatee 'möö wʋlʋwʋlʋnyɔ -bhlʋ wa la-a Zozɛfö ji-a ji. 'Mɔ nɩkpɛ la'a, Zezwie 'wʋbhlinɩnyɔ la 'yɛ-a -nɩ. 58Ɔ ghlɩ-ɛ -ma Pilatɩ, 'n ɔ jio-a Zezwie -gazɛ 'jɩbhanɩ. 'N Pilatɩ ji-a nɩkpa 'dɩ 'nyɛ naa wa 'nyɔ 'ye. 59Zozɛfö 'libhï-a Zezwie -gazɛ 'wʋ, 'n ɔ jiɛ-a lokwipʋpʋɛ yawʋ 'pa. 60Ɔ 'bhëë lesikpa -a 'wluo-a 'lili'i -ma 'kpɩ 'mö, 'n ɔ jie-e -ma a 'mö zʋ. Ɔ 'sunʋ-ɔ -bha a ngo'o kpiyi 'kadɛ 'wʋ 'bhë, 'n ɔ ji-a mö. 61-Ma Magödalaa Mali -yɛ Mali -mɔbha 'sɔ glɩ -bha, 'n Zozɛfö ji-e -sɩbha Zezwie -gazɛ zʋ.
Wa yɛ Zezwie lesikpa -kʋ
62Zlɩ zɩ-a, -gwlɛnɩzlɩ -bha. 'N -Lagɔbʋbɔngwaa 'bhitɩbhangwa -yɛ falizɩɛ 'sɔ ji-e -ma Pilatɩ ghlɩ. 63Wa nɛ: “Nyininyɔ, -aa dlɩ yɛ -bha -ɩ yuonyɔ -la gba la-aa de bhlinɩ 'bhë. La ɔ -bhlɩ la-a, sa'a ɔ gba la-a naa: N -yɛ tlɩ, 'ylɩ taa zlɩ n ji-a glu 'wlʋɔ. 64Ɩ yɛ 'nyɛ nɩkpa 'dɩ wa 'yɛ 'ylɩ ta 'mö ɔ lesikpa ngo -kʋnʋ ɔ 'wʋbhlinɩngwa ji-e ɔ -gazɛ 'wi ghli 'bhë, wa ji-e -gwlɩ 'dɩ 'nyɛ naa ɔ yɛ glu 'wlʋ 'bhë. 'Mʋ yuo -lulu -mʋ -la, mʋ-ʋ ji-a taka -lu 'wʋ zie.” 65Wa gba-a -sɩbha, 'n Pilatɩ jua-a 'slʋja 'ye 'nyɛ, ɔ nɛ -bha wa de naa: “A -nyʋa mö, sa a 'bhï 'jɩbha-a a 'yɛ -sɩbha lesikpa ngo -kʋ.” 66Wa mö-a, wa nyʋnanɩ-a lesikpa ngo'o kpiyi gëgëgë 'bhë-ë, 'n wa ji-a 'slʋja 'dɩ 'nyɛ naa wa -kʋa 'jinanɩswɩ'ɩ.
Àwon tá yàn lọ́wọ́lọ́wọ́ báyìí:
MATIEE 'BƆGƲ 27: BNT96
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996
MATIEE 'BƆGƲ 27
27
Wa yɛ Zezwi -gwlɩnyininyɔ Pilatɩ dlɩ'ɩ kwa
1Zlɩ zɩ-a, ɛ -papa 'n -Lagɔbʋbɔngwaa 'bhitɩbhangwa 'bhuo -yɛ 'zwiföaa nɩkpazɔgblʋɩ 'sɔ ji-a 'wlu 'titanɩ, 'n wa ji-a wɛlɩ debhlʋ zʋ wa 'yɛ Zezwi 'lɩbhaa yɛ. 2'N wa jio-a gwa, -gwlɩnyininyɔ 'kadɔ wa la-a Pilatɩ, 'n wa jio-o -ma ɔ dlɩ'ɩ kwa, ɔ 'kɔ -zijle tunʋɔ yɛ.
Zwida yɛ ɔjɩ biza
3Zwida -ɔ 'pa la-a Zezwi -ma ɔ tʋngwa cɛ'ɛ 'pɛlʋ 'nʋ-a naa 'lɩbha-a wa ji-a Zezwi-e, 'n ɔ ji-a ligba, mëni -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ 'nyɔ la-a, 'n ɔ jie-e -ma nimï kwa. 4Ɔ nyini-e -ma, ɔ nɛ -bha wa de naa: “'Jinyloli 'kadɩ n nʋ -bha. Nɩkpɛ-ɛ 'nɩ-a -lu nʋ 'mɔ n 'nyɛya-a 'ye a 'kɔ 'lɩbhaa yɛ.” Wa nɛ: “-Aa gbʋ 'nɩ-a 'mö -nɩ -ɩ -la 'mö -wʋ, -na 'bhë -bhlʋ ɩ yɩlɩ-a 'wʋ.” 5Wa gba-a sa'a, 'n Zwida ji-e -ma -Lagɔbudu 'kadʋ 'mö mëni vitinɩ. Ɔ 'wlʋ-a 'pɩ 'n ɔ ji-a ɔjɩ biza kwla'a mö. 6-Lagɔbʋbɔngwaa 'bhitɩbhangwa 'libhï-a mëni la'a 'wʋ, wa nɛ naa: “Mëni la'a nɩkpɛdluo mëni -bha, -aa -lɛ bhɛlɩ -a 'kɛ -ma -Lagɔbudu 'kadʋ 'möö mënie -lokwli 'mö sɛ zʋ.” 7Wa 'nʋnʋnʋ-a 'mö 'n wa ji-a 'mɛ mëni la'a -lakëmanyɔɔ 'lagblɛ 'mö pɩa, lagangwa -yɛ -ma wa 'bhɛyɩ tlɩnɩ, wa 'kʋa -ma zʋɔ yɛ. 8Wʋ yɛ wa 'pa-a 'mɛ 'lagblɛ “dluo 'lagblɛ,” ɛ ka -bhla 'mɩ 'nglɩ -zɩnɩ'ɩ.
9Ɩ 'plɩ-ɛ -sɩbha, -ɩ -Lagɔɔ 'mögbanɩnyɔ Zelemi gba la-a mɩ-ɩ 'wlenɩ-a 'wʋ, sa'a ɔ gba la-a naa:
“'Wlie kugbïta -ɩɩ zʋzʋgbʋ
Izlayɛlɩɛ ngëyi 'möö nɩkpa nglu la-a,
'n wa jiɩ-a ɔ yɛ zʋ-ɔ,
10'mɩ wa 'libhï-a 'wʋ,
sa -Lagɔ nyɛ'ɛ la-a 'dɩ,
'n wa jiɩ-e -sɩbha -lakëmanyɔɔ 'lagblɛ 'mö pɩa.”
Pilatɩ yɛ Zezwi ngli 'jɩbha
11Wa kwa-a Zezwi -ma -gwlɩnyininyɔ 'kadɔ Pilatɩ dlɩ'ɩ, 'n Pilatɩ jio-a ngli 'jɩbha, ɔ nɛ naa: “'Zwiföaa dʋdʋnyininyɔ -n glɩnɩ-a?” Zezwi nɛ: “'Mɩ -na 'bhë gba-a -la.” 12-Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ, 'kïbhï wa 'pɔ-a -gömö, ɔ 'nɩɩ-ɩ -gömö -sa. 13Ɩ yɛ 'n Pilatɩ jio-a ngli 'jɩbha naa: “-Ɩ 'bhuo wa -wʋmö-ö -la -gömö 'pa 'le -n 'nɩ -nganɩ 'nɩ-ɩ?” 14-Gwlɩnyininyɔ 'jɩbhɔ-a ngli-e, Zezwi 'nɩɔ-ɔ ngo'o palɩ. Ɩ yɛ ngli-i mönɔ -bha.
'Zwiföa nɛ wa kʋnʋ Zezwi su 'klʋ
15Sa 'ylʋba bhɩa-a, gïyikwlaa 'möwlʋpɩpɩ -yɛ bhɩa, -dienyɔ -ɔ 'zwiföa pa-a 'nglɩ, 'mɔ Pilatɩ 'sibha la-a yɛ. 16'Ma 'ylʋba la'a 'mö, 'jinyloli 'kadɩɛ nʋnyɔ -bhlʋ wa la-a Balabasɩ-ɛ la -ma -die 'mö. 17'N Pilatɩ ji-a nɩkpa -wa su la-a -bha ngli 'jɩbha. Ɔ nɛ: “-Bha Balabasɩ -yɛ Zezwi -ɔ wa la-a Puanyɔ 'sɔɔ gla'a, -mɔ a 'jɩbha-a naa n 'sibha yɛ 'nɩ?” 18-Wʋʋ yɛ ɔ gba-a -sɩbha, ɔ -ji la sɛ naa dlɩyawʋnyunoswɩ'ɩ wa zʋ-a Zezwie yɛ -bha.
19Pilatɩ-ɛ Zezwi -zijle -tunʋ 'le, 'n ɔ 'nglɔ jio-a wɛlɩ 'wʋ 'pa naa: “Nɩkpɛ -la 'nɩ -luo bhle'e -ji, -sa ɔ wɛlɩ cɛ 'mö. -Wʋʋ yɛ-a, ɔ yɛ 'jinylɔjɩla n ghla-a -zɩnɩ'ɩɛ dʋdʋ.”
20'N -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ ji-a nɩkpa la'a wɛlɩ ngli 'pa naa: Wa nʋ Pilatɩ 'sibha Balabasɩ yɛ, ɔ 'lɩbha Zezwi. 21'N Pilatɩ ji-a 'sɔ do'o ngli 'jɩbha. Ɔ nɛ: “-Bha wa 'sɔɔ gla'a -mɔ a 'jɩbha-a naa n 'sibha yɛ 'nɩ?” Wa 'bhuo nɛ: “Balabasɩ -bha.” 22Ɔ nɛ -bha wa de naa: “A nʋ-a n 'sibha Balabasɩ yɛ-ɛ, Zezwi -mɔ wa la-a la'a Puanyɔ -ɔ -Lagɔ -sa-a -bha, sa n jio 'mö-a 'mö köbhaköbhanɩɛ 'nɩ? ” Wa 'bhuo 'kpö-a 'mö, wa nɛ: “Kʋnʋɔ -bha su 'klʋ.” 23Pilatɩ nɛ: “'Jinylolie -mɩ ɔ nʋ-a 'nɩ?” Ɔ 'jɩbhʋa-a sa'a ngli, 'mɩɛ 'bhë wa kpö-a 'mö tenyi. Wa nɛ: “Kʋnʋɔ -bha su 'klʋ.” 24Pilatɩ yɩlɩ-ɛ -bha 'wʋ naa -ɩ ɔ -wʋ-a gba 'le wa 'nɩɩ 'dɩ la 'le -wʋ ghayɩ wa 'bhuo bhlinɩ-a, ɔ 'libhï-a 'nyu 'wʋ, -bha nɩkpa 'bhuoo 'ji 'klʋ, n ɔ ji-a cɛ palɩ. Ɔ nɛ naa: “Nɩkpɛ -laa tlɩtlɩgbʋ nɩ'ɩ na-a cɛ'ɛ -wʋ, a 'bhïë wɛlɩ -bha.” 25Ɔ gba-a sa'a, wa 'bhuo nɛ: “-A -yɛ -aa 'gwie 'sɔ ɔ tlɩtlɩgbʋ -mɛya -gömö.” 26'N Pilatɩ ji-a Balabasɩ sɛ 'sibha. Ɔ 'nyɛ-a 'slʋja 'dɩ, wa 'sɛlɩ-a Zezwi 'bhë, 'n ɔ jua-a 'ye 'nyɛ wa 'kɔ su 'klʋ kʋnʋɔ yɛ.
'Slʋja yɛ Zezwi 'zwɩ zia
27'Slʋja la'a 'libhï-a Zezwi 'wʋ, 'n wa -nyɔɔ ji-e -bha 'ligbënyɩdɩ nyini. Wa wɔzɩ-a wa lislʋja 'bhuo, 'n wa jio-a 'wʋ binɩ. 28Wa -sɔ-a ɔ -banɩ 'mö, -banazala 'kada -a dʋdʋnyiningwa pa-a 'mö, 'n wa jio-a -sɩbhaa -la 'mö 'pa. 29Sɛmöwiee -glipë wa lɩbha-a, 'n wa jio-a 'wlu 'mö -sulua. 'N wa ji-e -ma ɔ linɩkpɛsɔ -kɔta 'mö 'gakokwa fa. Sa wa'a la'a -bhazʋswɩ'ɩ -bha dʋdʋnyininyɔ dlɩ'ɩ -kokomunigbö glu 'pa, 'n wa pɩ-ɛ -sɩbha -bha ɔ dlɩ'ɩ glu. 'N wa bhalɩɔ-a glapalɩswɩ'ɩ, 'n wa nʋ-a: “'Zwiföaa dʋdʋnyininyɔ, -ayo, -na nyɔmʋ zumanɩ.” 30Wa -kɔɔ -dlɛ -gömö ngwla-a, 'n wa sɔ-a 'gakokwa cɛ'ɛ 'n wa 'sɛnɩɔ-a 'wliyawʋ. 31Wa palɩɔ-ɔ -sɩbha gla 'bhë, wa -sɔɔ-a -banazala 'kada la'a 'mö, 'n wa jio-a ɔjɩɛ -banɩ 'mö 'pa 'sɔ, 'n wa -nyɔɔ ji-a mö, wa 'kɔ su 'klʋ kʋnʋɔ yɛ.
Wa yɛ Zezwi su 'klʋ kʋnʋ
32Wa -yɛ Zezwi-e mö 'le, 'n wa -yɛ nɩkpɛ -bhlʋ ji-a gbënɩ. Ɔ nglɩ -yɛ-a Simo, -glɔ wa la-a Silɛnɩ, -maa nɩkpɛ la -bha. 'Mɔ 'slʋja köbha-a -glaswɩ'ɩ naa ɔ -su Zezwie 'klʋkʋnʋsu. 33Wa mö-a, 'n wa ji-e -bha de -bhlʋ nyini, -bha wa la-a Gɔlʋgota. 'Mɩ 'nglɩɛ zɔmö -yɛ-a 'wlukɔfʋ. 34'N wa ji-a Zezwi nʋ -ʋ ka-a kalɩkalɩngakpɩ 'mö 'nyɛ ɔ 'kʋ 'nɩmaa yɛ. Ɔ 'jɩʋ-a ngli-e, ɔ'ɔ-ɔ ʋ 'nɩmanɩmagbʋ nglu. 35Wa 'libhïɔ-a 'wʋ, wa kʋnʋɔ-a su 'klʋ 'bhë, 'n wa ji-a ɔ -banɩ -nɩgbɩ 'wʋ 'pa. 36Wa 'pa-a -nɩgbɩ 'bhë, 'n wa ji-a sɛ glɩ-ɩ wa 'kɔ ngo -kʋɔ yɛ.
37-Bha su wa kʋnʋɔ-a 'klʋɔ ghayɩde, -bha ɔ 'wliyawʋ, 'köbhë -bhlʋ -a -slʋnʋ-a nɩkpa ɔ 'lɩbhalɩbhagbʋɔ zɔmö, sa'a wa 'cɛlɩa-a sa'a -bha supɩa 'klʋ naa: “Nɩkpɛ la'a mɔ-ɔ -yɛ-a Zezwi, 'zwiföaa dʋdʋnyininyɔ -bha.” 38La wa kʋnʋ-a Zezwi su 'klʋ, 'kulɩbhangwa 'sɔ wa kʋnʋ 'yɛ-a -nɩ swi 'klʋ 'gamö, -bhlʋ tʋnʋ -ma ɔ linɩkpɛsɔ pɩa 'bɩ, -mʋmɔ tʋnʋ -ma ɔ kɔpɛsɔ pɩa 'bɩ.
39La Zezwi 'kʋnʋɔ-a su 'klʋ, nɩkpa -wa 'plɩnɩ-ɛ -bha, wa -kɔɔ yɩlɩ-ɛ, ngu wa kplisinɩɔ -bha, 'n wa biti-a 'wlukpli. 40'N wa nʋ-ɔ -bha ɔ de naa: “-Nmö nʋ la-a -n ji -Lagɔbudu 'kadʋ wla, 'ylɩ ta 'mö -n 'yɛ -bha ʋ 'bhle 'wʋ -mʋmʋ 'nɩgbanɩ-ɛ, -nmö 'nɩ bhe -la -wʋ. -N -yɛ 'dɛdɛ'ɛ -Lagɔɔ 'Gu glɩnɩ-ɛ, -sa yɩ -najɩ yʋlɔyʋlʋɛ 'mö, 'bhö-ö -bha su 'klʋ -n 'yɛ sɛ 'sibhë.” 41-Sɩbha -Lagɔbʋbɔngwaa 'bhitɩbhangwa-a, -Lagɔɔ gböö nglipangwa -yɛ 'zwiföaa nɩkpazɔgblʋɩ 'sɔ -wʋɔ 'yɛ la-a -nɩ gla palɩ 'le 'gamö. Wa nɛ: 42“Ɔ yɛ -mʋmʋa pua 'bhë, ɔ'ɔ ɔjɩɛ puapue bhɛlɩ. Mɔ-ɔ glɩnɩ-ɛ 'mö-a Izlayɛlɩɛ dʋdʋnyininyɔ 'nɩɩ, ɔ 'bhö-a 'mö -bha su 'klʋ ɔ 'yɛ sɛ 'sibhë, -a -kɔɔ yɩlɩ 'bhë -a 'kɔ dlɩ 'wʋ -ka. 43-Lagɔ ɔ ka-a dlɩ 'wʋ, -a yɩlɩ -bha 'wʋ, -Lagɔ -kɔɔ 'dɛdɛ'ɛ 'jɩbha ʋ -kɔɔ -bha -saa jie yɛ. -Wʋʋ yɛ-a, sa'a ɔ gba-a naa: -Lagɔɔ 'Gu ɔ glɩnɩ -bha.” 44'Kulɩbhangwa la'a 'sɔ wa kʋnʋ la-a -bha ɔ yawʋ swi 'klʋ, -sɩbha wa sɔ 'yɛ-a -nɩ.
Zezwie nyɔmʋ yɛ -ma bhɩa
45'Ylʋ glɩ jije 'wʋ, 'n 'misikpoko ji-a dʋdʋkpata 'bhuo -gömö köbha, a -sa -bha 'glie ta. 46-Dudoglie ta nyini-a, 'n Zezwi ji-a 'mö 'kpö, ɔ nɛ: “Eli, Eli, lama sabatani.” Ɩ zɔmö -yɛ-a naa: “-Atʋ -Lagɔ, -Atʋ -Lagɔ, 'manɩɛ yɛ -n tɩ'ɩ-ɛ -bha 'nɩ?” 47Zezwi 'kpö-a 'mö, nɩkpa -wa -wʋ la-a -bha, wa gla'aa -mʋmʋa nɛ naa: “A pönɩ 'yukwli, ɔ-ɔ Eli wɔzɩ 'le.” 48Wa gla'aa nɩkpɛ -bhlʋ 'libhï-a sɛcɛ 'wʋ 'n ɔ ji-a 'fuko -ma zɛzɛnʋ 'mö 'ngwa kwla'a mö. Ɔ -nyaa ji-a, ɔ gla-a -bha 'gakokwa 'ji 'n ɔ jia-a Zezwi ngo'o zʋ, ɔ 'ka 'mö ngʋngɔnʋ ɔ 'yɛ 'nɩmaa yɛ. 49-Mʋabha nɛ: “'Nɩgbö, 'n Eli -kɔɔ -bha su 'klʋ -sa kwla'a jie jie yɛ -a 'kɩ yɩlɩ.” 50'Sɔdo'o Zezwi 'kpö-a 'mö tenyi, 'n ɔ ji-a nyɔmʋ sɛ zʋ.
51-Ma -Lagɔbudu 'kadʋ 'mlɩɛ lokwi -ɛ dlinʋ-a 'kïbhï 'sɔ 'mö, 'n ɛ ji-a 'pɩ 'sɔ 'mö wʋlɔ, tɛnɩ -ma ghayɩ -n 'yɛ zɔmö nyini. Dʋdʋkpata tɛlɩ-a, 'n 'kpöa ji-a 'mö wʋlɔ. 52'N lesikpï ji-a ngo walɩ, 'n -Lagɔnɩkpa -wa tlɩ la-aa -bɛ ji-a glu 'wlʋ. 53Wa 'wlʋ-ɔ -ma lesikpï 'mö, Zezwi yɛ glu 'wlʋ 'bhë 'n wa ji-e -ma Zelwizalɛmöö 'gbë 'mö pla, 'n wa ji-a wajɩ nɩkpaa -bɛ 'ji tuluanɩ. 54'Slʋja -wa -wʋ la-a Zezwi ngo -kʋ 'le -yɛ wa 'bhitɩbha 'sɔ yɩlɩ-a dʋdʋkpataa tɛlɩtɛlɩɛ -yɛ -ɩ bhuo-o 'plɩ-a 'sɔ-ɔ, -kakö-ö köbhʋa -bha. Wa nɛ: “'Wuë! Nɩkpɛ -la, 'dɛdɛ'ɛ ɔ glɩnɩ la-a -Lagɔɔ Gu.” 55'Ngwlɩɛ -bɛ -wa -ganɩ la-a Zezwi wa 'kɔ 'wʋ pie yɛ, 'n wa -nyɔɔ 'sɔ ji-e -ma Galilee dʋdʋ -gömö 'bhö-ö, wa 'nɩgbö -ma 'yu, 'n wa -wʋ la-a jɩla 'le. 56-Ma ngwlɩ la'aa gla'a, Magödalaa 'gbë 'möö 'ylugu Mali-e, Zakö -yɛ Zozɛfö 'sɔɔ -da Mali-e, Zebedee 'gwiee -da 'gamö, 'n wa -wʋ la-a -ma.
Wa yɛ Zezwie -gazɛ zʋ
57Zlɩ -ɛɛ 'mö Zezwi tlɩ-aa -dudo'o, 'n -glɔ wa la-a Alimatee 'möö wʋlʋwʋlʋnyɔ -bhlʋ wa la-a Zozɛfö ji-a ji. 'Mɔ nɩkpɛ la'a, Zezwie 'wʋbhlinɩnyɔ la 'yɛ-a -nɩ. 58Ɔ ghlɩ-ɛ -ma Pilatɩ, 'n ɔ jio-a Zezwie -gazɛ 'jɩbhanɩ. 'N Pilatɩ ji-a nɩkpa 'dɩ 'nyɛ naa wa 'nyɔ 'ye. 59Zozɛfö 'libhï-a Zezwie -gazɛ 'wʋ, 'n ɔ jiɛ-a lokwipʋpʋɛ yawʋ 'pa. 60Ɔ 'bhëë lesikpa -a 'wluo-a 'lili'i -ma 'kpɩ 'mö, 'n ɔ jie-e -ma a 'mö zʋ. Ɔ 'sunʋ-ɔ -bha a ngo'o kpiyi 'kadɛ 'wʋ 'bhë, 'n ɔ ji-a mö. 61-Ma Magödalaa Mali -yɛ Mali -mɔbha 'sɔ glɩ -bha, 'n Zozɛfö ji-e -sɩbha Zezwie -gazɛ zʋ.
Wa yɛ Zezwie lesikpa -kʋ
62Zlɩ zɩ-a, -gwlɛnɩzlɩ -bha. 'N -Lagɔbʋbɔngwaa 'bhitɩbhangwa -yɛ falizɩɛ 'sɔ ji-e -ma Pilatɩ ghlɩ. 63Wa nɛ: “Nyininyɔ, -aa dlɩ yɛ -bha -ɩ yuonyɔ -la gba la-aa de bhlinɩ 'bhë. La ɔ -bhlɩ la-a, sa'a ɔ gba la-a naa: N -yɛ tlɩ, 'ylɩ taa zlɩ n ji-a glu 'wlʋɔ. 64Ɩ yɛ 'nyɛ nɩkpa 'dɩ wa 'yɛ 'ylɩ ta 'mö ɔ lesikpa ngo -kʋnʋ ɔ 'wʋbhlinɩngwa ji-e ɔ -gazɛ 'wi ghli 'bhë, wa ji-e -gwlɩ 'dɩ 'nyɛ naa ɔ yɛ glu 'wlʋ 'bhë. 'Mʋ yuo -lulu -mʋ -la, mʋ-ʋ ji-a taka -lu 'wʋ zie.” 65Wa gba-a -sɩbha, 'n Pilatɩ jua-a 'slʋja 'ye 'nyɛ, ɔ nɛ -bha wa de naa: “A -nyʋa mö, sa a 'bhï 'jɩbha-a a 'yɛ -sɩbha lesikpa ngo -kʋ.” 66Wa mö-a, wa nyʋnanɩ-a lesikpa ngo'o kpiyi gëgëgë 'bhë-ë, 'n wa ji-a 'slʋja 'dɩ 'nyɛ naa wa -kʋa 'jinanɩswɩ'ɩ.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bete New Testament © Bible Society of Côte d'Ivoire 1996