Zuwã 3
3
Zezusi, Nicodemosihi ma, te te inharĩzé wasu'u
1Aibâ hã te 're hâimana farizeu, Nicodemosi na isisi hã. Ta hã roti'wa, wasiré zudeu. Farizeu na, wa tô wa te 're sisi za'ra, wahi'rata norĩ nhimiroti, farizeu norĩ siré te te 're 'madâ'â pese mono wa. 2Ta hã ma tô Zezusihi u wi, bara na. Itẽme wisi wamhã, te ãne tãma tinha:
— Rowahutu'wa, wa tô wasiwi aiwaihu'u ni, 'Re ihâimana u'âsi mono we watẽme te te i'asatõrĩ na, wama 're rowasu'u mono da. Ni'wa ãne hã te te 'manharĩ waihu'u õ di marĩ isa'rese'õ hã, 'Re ihâimana u'âsi mono, isiré hâimana õ nherẽ. Taha zadawa para, ma tô marĩ hã dama i'manharĩ waihu'u'õ hã dama 're i'ab'manharĩ wẽ u'âsi mo, da te ãma aiwaihu'u za'ra da, we te te i'asatõrĩ na.
3Tahawa, te Zezusi hã asa tãma tinha, ãne:
— Tô sena, wa za aima waihu'u. Dapẽ'ẽ 're, 're dapoto téb za'ra mono õ wamhã, 'Re ihâimana u'âsi mono nhib'a'uwẽ 're danomro mono õ di za.
4Tawamhã Nicodemosi te asa tãma tinha, ãne:
— E niha te za aibâ hã si'ihi nherẽ, tipoto té. E niha te za tina dub're apâ ãzé, duré apâ poto téb da hã.
5-6Tawamhã Zezusi te duré asa tãma tinha, ãne:
— Tô sena, wa aima waihu'u za'ra wa'wa. Ai'uté hã dama 're poto za'ra mono wamhã, 'Re ihâimana u'âsi mono nhib'a'uwẽ, 're nomro siromo mono õ di za. Tipẽ'ẽzani hã te te dama 're anhomri mono wapsi, te za 're dapoto téb za'ra, dapẽ'ẽ 're. Tawapsi te za oto isib'a'uwẽ si 're danomro. 'Re ihâimana u'âsi mono hã 're idanomro wasété mono hawi te te 're da'a'upsõi mono wa, duré Tipẽ'ẽzani hã te te dama 're anhomri mono wapsi, te za oto dapẽ'ẽ 're, 're dapoto téb za'ra. Tawapsi te za oto duré isib'a'uwẽ 're danomro. Dapẽ'ẽ 're, 're dapoto téb za'ra mono õ wamhã, 'Re ihâimana u'âsi mono nhib'a'uwẽ, 're danomro mono õ di za. 7'Re idapoto téb za'ra mono na te aima inharĩzé ma hã a'rãmi tõ. 8Rowa'u hã te te 're rowapõrĩ mono wamhã, te te sima iwẽzéb uwaibaba te za te te 're rowapõrĩ. Taha wamhã, ipupu'u si wa za wa te 're wapari za'ra. Nima hawi ipupu'u na'rada hã wama waihu'u za'ra õ di. Duré nimomo 're wa'u'u 'rãsutu za'ra mono da hã, wama waihu'u pese za'ra õ di. Tane duré dama waihu'u pese õ di, dapẽ'ẽ 're, 're idapoto téb za'ra mono zé hã. Dama waihu'u pese õ nherẽ, te za 'Re ihâimana u'âsi mono hã te te dama 're anhomri, Tipẽ'ẽzani hã dapẽ'ẽ 're, 're idapoto téb za'ra mono zém na, da te dasina 're waihu'u za'ra mono da.
9Tawamhã Nicodemosi te duré asa tãma tinha, ãne:
— E niha te za Tipẽ'ẽzani hã te te dama 're anhomri, dapẽ'ẽ 're, 're dapoto téb za'ra mono da hã.
10Ãhã wa, te duré Zezusi hã asa tãma tinha, ãne:
— A hã Izaraéu nhihudu norĩ ma, rowahutu'wa. E niha tane nherẽ, ĩnhimirowasu'u hã aima pibui prã ti. E niha waihu'u õ di bété. 11Tô sena, wa aima waihu'u za'ra wa'wa. Wama marĩ hã wama waihu'u pese wa, duré wa te 're 'madâ'â mono wa, wa ãne wa te dama 're wasu'u. Tane nherẽ, wa te aima 're rowasu'u za'ra wa'aba mono nherẽ, ãma 're wazaze za'ra wa'aba mono õ di. 12Ti'ai ãma romhâimanazé hã, wa tô aima wasu'u za'ra wa'wa. Tane nherẽ, te aima wasu'u za'ra wa'aba nherẽ, ãma ĩzaze za'ra wa'aba õ di. E niha te za tawamhã hâiwa ãma da te 're iwaihu'u za'ra mono zéb da hã te aima wasu'u za'ra wa'aba wamhã, ãma ĩzaze za'ra wa'wa. Ãté ãma ĩzaze za'ra wa'aba õ di za. 13Ni'wa hã hâiwa u sébré õ di, apâ wei morĩ da, hâiwa ãma romhâimanazé hã te te dama 're wasu'u mono da. Ti'ai ãma Dasiré Ipodo hã siwaprosi, te we hâiwa hawi mo, te te dama 're rowasu'u mono da hã.
14-15— Duréihã Mozési hã ma tô a'ubuni wi wahi ne 'manharĩ hã sasõ, ẽtẽ topsada brõzi 'manharĩ hã, wedewaré na sa'o da. Ta hã wahi te te ihâzub za'ra hã te te 'madâ'â za'ra wamhã, ma tô tizéptâ'â za'ra. Dâ'â za'ra õ di. Tane te za duré Dasiré Ipodo hã dasiwi sasõmri ni, wedepo'o nhonhi'rãmi na sa'o da. Tawamhã te za dazada dârâ. E marĩ da. Danho'reptui'wa na da te dasina 're i'umnhasi za'ra mono wa, 're dadâ'â za'ra mono ãna, 're dasi'ubumroi u'âsi mono da, hâiwa ãma, 'Re ihâimana u'âsi mono 'rata. 16'Re ihâimana u'âsi mono ma, tãma dazawi pese uptabi wa, ma tô ti'ra hã misi nherẽ, we tisõ, dazada dâ'â da. Tawamhã i'ra, da te dasina 're umnhasi za'ra mono wamhã, dadâ'â ãna te za hâiwa ãma i'rata 're dasi'ubumroi u'âsi. Ropipa ãma isiti 're dasi'ubumroi mono õ di za. 17'Re ihâimana u'âsi mono ma tô ti'ra hã we satõ ti'ai u, te te 're da'anho'reptui mono da. Te te 're da'ahâ za'ra mono da, we te te satõrĩ õ di.
18-19— Ni'wam norĩ hã i'ra te te sina 're umnhasi za'ra mono wamhã, e 'Re ihâimana u'âsi mono hã te za te te tãma 're nharĩ za'ra, ãne: “Aiwẽ'õ za'ra wa'aba wa, wa za te 're aihâ za'ra wa'wa.” Ãne na hã te te tãma 're anharĩ mono õ di za. Tizazei'õ'wa norĩ ma si te za ãne na te te tãma 're anharĩ, i'ra te te sina 're umnhasi za'ra mono õ wa. Duré tiwasédé te te sima 're sawi pese za'ra mono wa, te za ãne na te te tãma 're anharĩ. 'Re imorĩ wẽ uptabi hã ti'ai u ma tô wei mo, rowa'a iwẽ hã. Ta hã wẽ nherẽ, da te dasiwi 're sawi pese za'ra mono õ di. Dapo're'õ u'âsi 're danomro mono wa, te robra si da te dasima 're sawi pese za'ra. 20Ni'wam norĩ hã 're nomro wasété u'âsi mono wamhã, te za 're imorĩ wẽ uptabi hã te te 're 'ruiwapari za'ra, rowa'a iwẽ hã. Tawamhã itẽme 're nomro mono õ di za, isimirosa'rata wasété na te te 're awaihu'u mono wa, 're siséb za'ra mono õ'umnhasite. 21'Re inomro wẽ mono norĩ si te za itẽme 're nomro, rowa'a u. E marĩ da. 'Re ihâimana u'âsi mono nhimiroti si te te 're i'madâ'â pese mono na, te te 're awaihu'u mono da.
Zezusi norĩ wasu'u, Zuwã Batistaha wasu'u me
22Tawamhã Zezusi hã te mo, Zudéa na danhipti'a nho'õmo nhisi u. Isiré 're inomro mono norĩ zama te duré isiré ai'aba'ré. Sihutu wamhã, tame te a'â tihâimana za'ra. Tame te Zezusi â dawabzuri hã a'â dama ab'manha. 23-24Zuwã Batista hã te duré te te dama 're ab'manharĩ â dawabzuri hã, wanhiti. Sarĩ na 'ri nhisi 'rata â hã, te isa'ẽne hã 're hâimana. Tahawa, te tame a'â nhamra, Eno na â nhisi 'rata, Zuwã Batista hã. Tawamhã te nasi itẽme dasito, â dawabzuri hã te te dama ab'manharĩ da. Zahadu Zuwã hã danhib'apito te te 'rui õ di, da te dasiwi sẽrẽ da, dazazéb 're. Tahawa, te zahadu te te dama 're ab'manharĩ.
25Nima norĩ Zuwãhã siré 're inomro mono norĩ hã ma tô siwi sada'â zudeu hã, dahâiba wẽ da, idasihâiba upsõ na hã. 26Tahawa, ma Zuwã Batistaha tẽme aimasa, isiré 're inomro mono norĩ hã. Ãne te tãma wasu'u za'ra:
— Rowahutu'wa, Zodã zara niwĩ aihâimana ré, ma tô Zezusi hã we atẽme wi. Wisi wi, ma tô dama iwasu'u, 'Re ihâimana u'âsi mono te te ipisutu na Danho'reptui'wa da. E niha te bété õ hã te te duré dama 're ab'manharĩ, â dawabzuri hã. Zezusihi u si te oto aihĩni 're danomro.
27-28Tawamhã Zuwã asa te tãma nharĩ za'ra, ãne:
— 'Re ihâimana u'âsi mono si te za te te dama 're apisutu romhuri hã, da te tãma 're romhuri za'ra mono da. Wa tô aré aima ĩsiwasu'u za'ra wa'wa, ãne: “Ta hã ma tô datẽme ĩzatõ iwana, Danho'reptui'wa te dama 're wasu'u mono da. Wa hã, Cristu õ di. Danho'reptui'wa da, te te ĩpisutu õ di.” Ãne na hã aima ĩsiwasu'u za'ra wa'aba zém na hã ma tô aré ĩwapari za'ra wa'wa. 29Dasina 're damro za'ra mono wamhã, aibâ hã oto mro wa, isiwadi hã tãma toi uptabi di. Aibâ hã imro hã tito na siwasu'u wamhã, toi uptabi di, isiwadi hã. Tane duré wa hã, ĩtoi uptabi di. E marĩ wa. Da'ahâ na oto 're danomro mono wa, Zezusihi u. 30Taha wasu'u hã, wasu'u za'ẽtẽ uptabi di za oto, dama. Wa hã oto ĩwasu'u surure di za. Tane nherẽ, ĩma rowẽ uptabi di.
Hâiwa hawi we imorĩ si, uburé dama ipire uptabi wasu'u
31Hâiwa hawi we imorĩ hã, uburé dama pire uptabi di. Wa norĩ hã ti'ai ãma a'uwẽ wa, marĩ hã ti'ai ãma, wa te 're i'madâ'â za'ra mono si, wa wa te dama 're wasu'u za'ra. Hâiwa hawi we imorĩ si, uburé dama pire uptabi di. 32Hâiwa ãma uburé te te 're i'ab'madâ'â mono na, duré te te 're i'awapari mono na, te za sena na te te dama 're wasu'u. Tahawa, te te dama ãma 're arowasu'u mono wamhã, mreme pire uptabi di. Tane nherẽ, aihĩni imreme hã da te 're saze za'ra mono õ di. 33Da te 're saze za'ra mono wamhã, ãne te za da te dasima 're wasu'u za'ra: “Tô sena, ma tô ti'ra na te te dama 're wasu'u, 'Re ihâimana u'âsi mono hã.” Ãne te za isazei'wa norĩ hã te te sima 're rowasu'u za'ra. 34Ti'ra we te te satõrĩ wamhã, ma tô Tipẽ'ẽzani hã tãma tisõ, iré 're morĩ u'âsi da. Tahawa, te Timama nhimiroti si te te dama 're wasu'u. 35Ti'ra te te 're sawi pese uptabi, 'Re ihâimana u'âsi mono hã. Tawamhã ma tô pisutu, uburé dama pire uptabi da. Duré uburé marĩ ma pire da, ma tô ti'ra hã pisutu, hâiwa ãma ti'ai ãma zama. 36I'ra hã Danho'reptui'wa na da te dasina 're umnhasi za'ra mono wamhã, dama 're rowẽ za'ra mono di za. 'Re dadâ'â za'ra mono ãna, te za 're dasi'ubumroi u'âsi i'rata, hâiwa ãma. Imreme, da te 're wapari za'ra mono õ wamhã, dama 're rowẽ za'ra mono õ di za. 'Re ihâimana u'âsi mono nhimihâzé hã te za da te dasina 're waihu'u u'âsi za'ra, i'ra mreme hã da te 're wapari za'ra mono õ wa.
Àwon tá yàn lọ́wọ́lọ́wọ́ báyìí:
Zuwã 3: xavBP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2011, Wycliffe Bible Translators, Inc.All rights reserved.
Zuwã 3
3
Zezusi, Nicodemosihi ma, te te inharĩzé wasu'u
1Aibâ hã te 're hâimana farizeu, Nicodemosi na isisi hã. Ta hã roti'wa, wasiré zudeu. Farizeu na, wa tô wa te 're sisi za'ra, wahi'rata norĩ nhimiroti, farizeu norĩ siré te te 're 'madâ'â pese mono wa. 2Ta hã ma tô Zezusihi u wi, bara na. Itẽme wisi wamhã, te ãne tãma tinha:
— Rowahutu'wa, wa tô wasiwi aiwaihu'u ni, 'Re ihâimana u'âsi mono we watẽme te te i'asatõrĩ na, wama 're rowasu'u mono da. Ni'wa ãne hã te te 'manharĩ waihu'u õ di marĩ isa'rese'õ hã, 'Re ihâimana u'âsi mono, isiré hâimana õ nherẽ. Taha zadawa para, ma tô marĩ hã dama i'manharĩ waihu'u'õ hã dama 're i'ab'manharĩ wẽ u'âsi mo, da te ãma aiwaihu'u za'ra da, we te te i'asatõrĩ na.
3Tahawa, te Zezusi hã asa tãma tinha, ãne:
— Tô sena, wa za aima waihu'u. Dapẽ'ẽ 're, 're dapoto téb za'ra mono õ wamhã, 'Re ihâimana u'âsi mono nhib'a'uwẽ 're danomro mono õ di za.
4Tawamhã Nicodemosi te asa tãma tinha, ãne:
— E niha te za aibâ hã si'ihi nherẽ, tipoto té. E niha te za tina dub're apâ ãzé, duré apâ poto téb da hã.
5-6Tawamhã Zezusi te duré asa tãma tinha, ãne:
— Tô sena, wa aima waihu'u za'ra wa'wa. Ai'uté hã dama 're poto za'ra mono wamhã, 'Re ihâimana u'âsi mono nhib'a'uwẽ, 're nomro siromo mono õ di za. Tipẽ'ẽzani hã te te dama 're anhomri mono wapsi, te za 're dapoto téb za'ra, dapẽ'ẽ 're. Tawapsi te za oto isib'a'uwẽ si 're danomro. 'Re ihâimana u'âsi mono hã 're idanomro wasété mono hawi te te 're da'a'upsõi mono wa, duré Tipẽ'ẽzani hã te te dama 're anhomri mono wapsi, te za oto dapẽ'ẽ 're, 're dapoto téb za'ra. Tawapsi te za oto duré isib'a'uwẽ 're danomro. Dapẽ'ẽ 're, 're dapoto téb za'ra mono õ wamhã, 'Re ihâimana u'âsi mono nhib'a'uwẽ, 're danomro mono õ di za. 7'Re idapoto téb za'ra mono na te aima inharĩzé ma hã a'rãmi tõ. 8Rowa'u hã te te 're rowapõrĩ mono wamhã, te te sima iwẽzéb uwaibaba te za te te 're rowapõrĩ. Taha wamhã, ipupu'u si wa za wa te 're wapari za'ra. Nima hawi ipupu'u na'rada hã wama waihu'u za'ra õ di. Duré nimomo 're wa'u'u 'rãsutu za'ra mono da hã, wama waihu'u pese za'ra õ di. Tane duré dama waihu'u pese õ di, dapẽ'ẽ 're, 're idapoto téb za'ra mono zé hã. Dama waihu'u pese õ nherẽ, te za 'Re ihâimana u'âsi mono hã te te dama 're anhomri, Tipẽ'ẽzani hã dapẽ'ẽ 're, 're idapoto téb za'ra mono zém na, da te dasina 're waihu'u za'ra mono da.
9Tawamhã Nicodemosi te duré asa tãma tinha, ãne:
— E niha te za Tipẽ'ẽzani hã te te dama 're anhomri, dapẽ'ẽ 're, 're dapoto téb za'ra mono da hã.
10Ãhã wa, te duré Zezusi hã asa tãma tinha, ãne:
— A hã Izaraéu nhihudu norĩ ma, rowahutu'wa. E niha tane nherẽ, ĩnhimirowasu'u hã aima pibui prã ti. E niha waihu'u õ di bété. 11Tô sena, wa aima waihu'u za'ra wa'wa. Wama marĩ hã wama waihu'u pese wa, duré wa te 're 'madâ'â mono wa, wa ãne wa te dama 're wasu'u. Tane nherẽ, wa te aima 're rowasu'u za'ra wa'aba mono nherẽ, ãma 're wazaze za'ra wa'aba mono õ di. 12Ti'ai ãma romhâimanazé hã, wa tô aima wasu'u za'ra wa'wa. Tane nherẽ, te aima wasu'u za'ra wa'aba nherẽ, ãma ĩzaze za'ra wa'aba õ di. E niha te za tawamhã hâiwa ãma da te 're iwaihu'u za'ra mono zéb da hã te aima wasu'u za'ra wa'aba wamhã, ãma ĩzaze za'ra wa'wa. Ãté ãma ĩzaze za'ra wa'aba õ di za. 13Ni'wa hã hâiwa u sébré õ di, apâ wei morĩ da, hâiwa ãma romhâimanazé hã te te dama 're wasu'u mono da. Ti'ai ãma Dasiré Ipodo hã siwaprosi, te we hâiwa hawi mo, te te dama 're rowasu'u mono da hã.
14-15— Duréihã Mozési hã ma tô a'ubuni wi wahi ne 'manharĩ hã sasõ, ẽtẽ topsada brõzi 'manharĩ hã, wedewaré na sa'o da. Ta hã wahi te te ihâzub za'ra hã te te 'madâ'â za'ra wamhã, ma tô tizéptâ'â za'ra. Dâ'â za'ra õ di. Tane te za duré Dasiré Ipodo hã dasiwi sasõmri ni, wedepo'o nhonhi'rãmi na sa'o da. Tawamhã te za dazada dârâ. E marĩ da. Danho'reptui'wa na da te dasina 're i'umnhasi za'ra mono wa, 're dadâ'â za'ra mono ãna, 're dasi'ubumroi u'âsi mono da, hâiwa ãma, 'Re ihâimana u'âsi mono 'rata. 16'Re ihâimana u'âsi mono ma, tãma dazawi pese uptabi wa, ma tô ti'ra hã misi nherẽ, we tisõ, dazada dâ'â da. Tawamhã i'ra, da te dasina 're umnhasi za'ra mono wamhã, dadâ'â ãna te za hâiwa ãma i'rata 're dasi'ubumroi u'âsi. Ropipa ãma isiti 're dasi'ubumroi mono õ di za. 17'Re ihâimana u'âsi mono ma tô ti'ra hã we satõ ti'ai u, te te 're da'anho'reptui mono da. Te te 're da'ahâ za'ra mono da, we te te satõrĩ õ di.
18-19— Ni'wam norĩ hã i'ra te te sina 're umnhasi za'ra mono wamhã, e 'Re ihâimana u'âsi mono hã te za te te tãma 're nharĩ za'ra, ãne: “Aiwẽ'õ za'ra wa'aba wa, wa za te 're aihâ za'ra wa'wa.” Ãne na hã te te tãma 're anharĩ mono õ di za. Tizazei'õ'wa norĩ ma si te za ãne na te te tãma 're anharĩ, i'ra te te sina 're umnhasi za'ra mono õ wa. Duré tiwasédé te te sima 're sawi pese za'ra mono wa, te za ãne na te te tãma 're anharĩ. 'Re imorĩ wẽ uptabi hã ti'ai u ma tô wei mo, rowa'a iwẽ hã. Ta hã wẽ nherẽ, da te dasiwi 're sawi pese za'ra mono õ di. Dapo're'õ u'âsi 're danomro mono wa, te robra si da te dasima 're sawi pese za'ra. 20Ni'wam norĩ hã 're nomro wasété u'âsi mono wamhã, te za 're imorĩ wẽ uptabi hã te te 're 'ruiwapari za'ra, rowa'a iwẽ hã. Tawamhã itẽme 're nomro mono õ di za, isimirosa'rata wasété na te te 're awaihu'u mono wa, 're siséb za'ra mono õ'umnhasite. 21'Re inomro wẽ mono norĩ si te za itẽme 're nomro, rowa'a u. E marĩ da. 'Re ihâimana u'âsi mono nhimiroti si te te 're i'madâ'â pese mono na, te te 're awaihu'u mono da.
Zezusi norĩ wasu'u, Zuwã Batistaha wasu'u me
22Tawamhã Zezusi hã te mo, Zudéa na danhipti'a nho'õmo nhisi u. Isiré 're inomro mono norĩ zama te duré isiré ai'aba'ré. Sihutu wamhã, tame te a'â tihâimana za'ra. Tame te Zezusi â dawabzuri hã a'â dama ab'manha. 23-24Zuwã Batista hã te duré te te dama 're ab'manharĩ â dawabzuri hã, wanhiti. Sarĩ na 'ri nhisi 'rata â hã, te isa'ẽne hã 're hâimana. Tahawa, te tame a'â nhamra, Eno na â nhisi 'rata, Zuwã Batista hã. Tawamhã te nasi itẽme dasito, â dawabzuri hã te te dama ab'manharĩ da. Zahadu Zuwã hã danhib'apito te te 'rui õ di, da te dasiwi sẽrẽ da, dazazéb 're. Tahawa, te zahadu te te dama 're ab'manharĩ.
25Nima norĩ Zuwãhã siré 're inomro mono norĩ hã ma tô siwi sada'â zudeu hã, dahâiba wẽ da, idasihâiba upsõ na hã. 26Tahawa, ma Zuwã Batistaha tẽme aimasa, isiré 're inomro mono norĩ hã. Ãne te tãma wasu'u za'ra:
— Rowahutu'wa, Zodã zara niwĩ aihâimana ré, ma tô Zezusi hã we atẽme wi. Wisi wi, ma tô dama iwasu'u, 'Re ihâimana u'âsi mono te te ipisutu na Danho'reptui'wa da. E niha te bété õ hã te te duré dama 're ab'manharĩ, â dawabzuri hã. Zezusihi u si te oto aihĩni 're danomro.
27-28Tawamhã Zuwã asa te tãma nharĩ za'ra, ãne:
— 'Re ihâimana u'âsi mono si te za te te dama 're apisutu romhuri hã, da te tãma 're romhuri za'ra mono da. Wa tô aré aima ĩsiwasu'u za'ra wa'wa, ãne: “Ta hã ma tô datẽme ĩzatõ iwana, Danho'reptui'wa te dama 're wasu'u mono da. Wa hã, Cristu õ di. Danho'reptui'wa da, te te ĩpisutu õ di.” Ãne na hã aima ĩsiwasu'u za'ra wa'aba zém na hã ma tô aré ĩwapari za'ra wa'wa. 29Dasina 're damro za'ra mono wamhã, aibâ hã oto mro wa, isiwadi hã tãma toi uptabi di. Aibâ hã imro hã tito na siwasu'u wamhã, toi uptabi di, isiwadi hã. Tane duré wa hã, ĩtoi uptabi di. E marĩ wa. Da'ahâ na oto 're danomro mono wa, Zezusihi u. 30Taha wasu'u hã, wasu'u za'ẽtẽ uptabi di za oto, dama. Wa hã oto ĩwasu'u surure di za. Tane nherẽ, ĩma rowẽ uptabi di.
Hâiwa hawi we imorĩ si, uburé dama ipire uptabi wasu'u
31Hâiwa hawi we imorĩ hã, uburé dama pire uptabi di. Wa norĩ hã ti'ai ãma a'uwẽ wa, marĩ hã ti'ai ãma, wa te 're i'madâ'â za'ra mono si, wa wa te dama 're wasu'u za'ra. Hâiwa hawi we imorĩ si, uburé dama pire uptabi di. 32Hâiwa ãma uburé te te 're i'ab'madâ'â mono na, duré te te 're i'awapari mono na, te za sena na te te dama 're wasu'u. Tahawa, te te dama ãma 're arowasu'u mono wamhã, mreme pire uptabi di. Tane nherẽ, aihĩni imreme hã da te 're saze za'ra mono õ di. 33Da te 're saze za'ra mono wamhã, ãne te za da te dasima 're wasu'u za'ra: “Tô sena, ma tô ti'ra na te te dama 're wasu'u, 'Re ihâimana u'âsi mono hã.” Ãne te za isazei'wa norĩ hã te te sima 're rowasu'u za'ra. 34Ti'ra we te te satõrĩ wamhã, ma tô Tipẽ'ẽzani hã tãma tisõ, iré 're morĩ u'âsi da. Tahawa, te Timama nhimiroti si te te dama 're wasu'u. 35Ti'ra te te 're sawi pese uptabi, 'Re ihâimana u'âsi mono hã. Tawamhã ma tô pisutu, uburé dama pire uptabi da. Duré uburé marĩ ma pire da, ma tô ti'ra hã pisutu, hâiwa ãma ti'ai ãma zama. 36I'ra hã Danho'reptui'wa na da te dasina 're umnhasi za'ra mono wamhã, dama 're rowẽ za'ra mono di za. 'Re dadâ'â za'ra mono ãna, te za 're dasi'ubumroi u'âsi i'rata, hâiwa ãma. Imreme, da te 're wapari za'ra mono õ wamhã, dama 're rowẽ za'ra mono õ di za. 'Re ihâimana u'âsi mono nhimihâzé hã te za da te dasina 're waihu'u u'âsi za'ra, i'ra mreme hã da te 're wapari za'ra mono õ wa.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2011, Wycliffe Bible Translators, Inc.All rights reserved.