Zuwã 9
9
Zezusi hã aibâ ipotozém hawi itob'a te te ipesezé wasu'u
1Tawamhã morĩ ré, ma tô aibâ hã tisã Zezusi hã, iwaptã'ãzém hawi itob'a hã. 2Tawamhã isiré 're inomro mono norĩ hã ma tô ãne siwi sadanha:
— E marĩ wa, ma tob'a na waptãrã. E tiwasédé te te 'manharĩ wa, ma tob'a na waptãrã. E imama norĩ hã timro me tiwasédé te te 'manharĩ zahuré wa, ma i'ra hã tob'a na tãma tipoto zahuré.
3Tawamhã te Zezusi hã asa tãma nharĩ za'ra, ãne:
— Mare di. Tiwasédé te te 'manharĩ wab õ di. Imama norĩ zama, duré tiwasédé hã te te 'manharĩ zahuré wab õ di. Rowẽ na 're morĩ wa za, ma tob'a na podo, iwaihu'u pese na da te waihu'u za'ra da, 'Re ihâimana u'âsi mono hã. 4Ta hã ma tô we ĩzatõ, dapawaptom na te tãma 're romhuri mono da. Rowa'a ré, te za da te 're romhuri za'ra, 're mara mono wa, da te 're romhuri waihu'u za'ra mono dai õ wa za. Tahawa rowẽ ré, wa za wa te tãma 're romhuri za'ra. 5Tawamhã ti'ai ãma 're ĩnhamra mono ré, dama rob'uiwẽ'wa ne, wa hã dama rowẽ nhomri'wa, wa dama 're ĩhâimana.
6-7Tawamhã Zezusi hã ma tô tizadaipro hã time ti'ai u, ti'a te te ãma warutu da, ãhã pari te te duré ãma tomhâ u'ré da oto. Tawamhã tinhiptõmo na ma tô sada a'â. Tawamhã duré oto te te ãma tomhâ u'réi pari wamhã, te tãma tinha, ãne:
— Mo oto aimorĩ pu'u u, asitõmo upsõ da, Siroé na pu'u nhisi u.
Siroé na pu'u nhisi hã dazatõrĩzé, te wasu'u.
Tahawa, te mo, sitõmo upsõ da. Sitõmo upsõi wamhã, tõmo wẽ di oto aibâ hã. Taha pari te wei mo oto apâ. 8Tawamhã da te 'madâ'â za'ra wamhã, te ãne dasima wasu'u za'ra ni, aibâ hã:
— E õ hã rob'uiprazém na te te 're da'awari mono da, 're isãmra mono. — Ãne te dasima wasu'u za'ra ni, isõrõwa 'rata 're idahâimana za'ra mono norĩ hã. Tob'a ré, te te siwi 're i'madâ'â za'ra mono norĩ me, te ãne sima wasu'u za'ra.
9Tawamhã ni'wam norĩ hã te sima wasu'u za'ra, ãne:
— Tô õ hã, aré tob'a na 're isãmra mono.
Ni'wam norĩ hã te duré sima rowasu'u za'ra, ãne:
— Mare di. Ta hãi õ di. Taré itob'a ne, aré 're ihâimana mono, õ hã.
Tawamhã te te sina dawapari wamhã, te oto dama sina wasu'u, tito pese'wa hã, ãne:
— Wa hã ĩtob'a di aré tô.
10Tahawa te sadanharĩ za'ra, ãne:
— E niha ma tô atõmo wẽ, bété.
11Tawamhã te asa tãma siwasu'u za'ra, ãne:
— Aibâ hã ma tô tizadaipro na waza ti'a hã, te te ãma ĩtomhâ u'ré da, Zezusi na isisi hã. Taha pari pu'u u ĩmorĩ da, te ĩma rob'ru, ĩsitõmo upsõ da. Tahawa, wa tô mo. Ĩsitõmo upsõi wamhã, duré oto ĩtõmo wẽ di.
12Tawamhã ma tô sô sadanharĩ za'ra, ãne:
— E mahãta tawamhã, Zezusi hã.
Tawamhã ma te asa ãma tãma wa'rãmi za'ra, ãne:
— Me. Wa hã te waihu'u õ di.
Farizeu norĩ hã aibâ itob'a, Zezusi te te ipe, te te siwi isadanharĩzé wasu'u
13Tawamhã farizeu norĩ u te siwi saprõ, aré tob'a na 're isãmra mono hã. 14Romhuri zahârizém na te itẽme siwi saprõni za'ra, Zezusi hã tizadaipro na ti'a te te iwazarizém na, duré te te ito pesezém na, sabadu na. 15Tawamhã te te itẽme siwi ãwisi za'ra wamhã, te siwi sadanha, farizeu norĩ hã, niha te te ito pesezéb zô. Tawamhã asa te tãma siwasu'u za'ra:
— Tizadaipro na ti'a hã te te iwai'o na, ma tô ĩtõmo u'ré. Taha pari, wa tô ĩsitõmo upsõ. Ãhã na hã wa oto rob'madâ'â wẽ.
16Tawamhã ni'wam norĩ si, te Zezusihi ma nharĩ za'ra, farizeu norĩ hã:
— Õ hã sabadu na te te pese nherẽ, te te 'madâ'â pese õ di, romhuri zahârizém na roti hã. 'Re ihâimana u'âsi mono hã we te te satõrĩ õ di. We te te satõrĩ 'wa'âhã, te aré te te 're 'madâ'â pese, isimiroti hã.
Tawamhã ihâiba amo norĩ hã te rowasu'u za'ra duré:
— 'Re morĩ wasété 'wa'âhã, aré waihu'u pese õ di, marĩ dama i'manharĩ waihu'u'õ hã te te dama 'manharĩ da hã. — Ãne Zezusihi ãma ma tô tasisada 'rãmi za'ra ni. 17Tahawa, te duré siwi sadanha, farizeu norĩ hã:
— Õ hã te te ato pese nherẽ, e niha asimirosa'rada hã ãma hã.
Tawamhã ma tô duré asa tãma nharĩ za'ra:
— Õ hã 'Re ihâimana u'âsi mono zadawa 'mahârâ'wa, te 're mo.
18Tawamhã tõmo wẽ u'âsi, 're morĩ newamhã, te te ito pesezém na ma tô wawã za'ra, dama ipire norĩ hã. Tahawa, ma tô aibâ mama zô tihârâ za'ra, te te ãma sadanharĩ za'ra da. Ina zô zama te tihârâ za'ra. 19-21Tawamhã itẽme simasisi zahuré wamhã, te ãma siwi sadanharĩ za'ra:
— E õ hã ai'ra. Ma tô dama iwasu'u wa'wa, tob'a na iwaptã'ã na. E niha ma ãhã na titõmo wẽ, tob'a nherẽ. Rob'madâ'â wẽ di oto.
Tawamhã imama te asa tãma nharĩ za'ra:
— Ta hã tô wa'ra, te 're mo. Tob'a na ma tô waptãrã. Ãne na wama waihu'u pese di. Niha oto te te irob'madâ'â wẽ na wa te waihu'u õ di. Duré ito pese'wa hã wa te waihu'u õ di. A norĩ wa'wa hã te za ĩ'ra hã asiwi isadanharĩ 'wa, ito pese'wa zô te te aima wasu'u za'ra wa'aba da. Ta hã hâiba prédub di oto. Tahawa te za si'uihâ na taha si aima siwasu'u za'ra wa'wa.
22Ãne ma tô imama hã ina me tãma nharĩ za'ra. E marĩ wa. Dama ipire norĩ mreme pipa te. Ãne ma tô da'ãma sima hã te te 're roti za'ra: “Ni'wam norĩ hã Zezusi, Danho'reptui'wa da, 'Re ihâimana u'âsi mono te te ipisutu na te te saze za'ra wamhã, wa za wa te tiwi 're rosawi za'ra, rowahutuzéb u dame 're sisisi tõ mono da.” Ãne na ma tô te te sima 're roti za'ra. 23Tahawa, te te tãma wasu'u za'ra õ di, ti'ra to pese'wa hã. I'ra si te te siwi sadanharĩ za'ra da, i'ra hã oto prédu wa, te ti'ra si tãma 'ru za'ra.
24Tawamhã farizeu norĩ hã te sô tihârâ za'ra, te te ito pese zô, apâ itẽme sébré za'ra da. Itẽme sébré za'ra wamhã, te tãma nharĩ za'ra, ãne:
— Zezusi hã 're morĩ wasété di. Ãne wama waihu'u pese za'ra di, wa norĩ hã. Ma'ãpé 'Re ihâimana u'âsi mono ãma si aiwata, taha si te te ato pese wa.
25Tawamhã ma tô duré asa tãma nharĩ za'ra, ãne:
— Ãté tô sena 're morĩ wasété di, Zezusi hã. Ãté 're morĩ wẽ di. Wa hã te waihu'u õ di. Ĩtõmo wẽ zép si, wa tô ĩsina waihu'u. Ĩtob'a u'âsi, wa aré 're ĩnhamra. Ãhã na oto ĩtõmo wẽ di.
26Tawamhã asa te te ito pese ma, te duré nharĩ za'ra, ãne:
— E niha ma tô ato pese bété.
27Tahawa, te aibâ hã asa duré tãma nharĩ za'ra, ãne:
— Wa tô aima rowasu'u za'ra wa'wa aré. Tane nherẽ, ãma ĩwapari ze za'ra wa'aba õ di. E marĩ da, wa za bété aima ĩsiwasu'u na sahu za'ra wa'wa. E Zezusi hã saze za'ra wa'aba da bâ, wa za ĩsiwasu'u na aima sahu za'ra wa'wa.
28Tawamhã te te sadawa 'ru za'ra wa, te asa tãma nharĩ za'ra, ãne:
— A hã isazei'wa, te oto 're aimo. Wa norĩ hã Mozésihi zazei'wa, wa 're wanomro. 29'Re ihâimana u'âsi mono, ma tô Mozésihi ma pisutu, isadawa para datẽme 're morĩ da. Ãne wama waihu'u pese za'ra di, wa norĩ hã. Zezusi hã bété e ma hawi we imorĩ. Wa norĩ hã ãne na hã wa te waihu'u za'ra õ di.
30Tawamhã te duré asa tãma nharĩ za'ra, ãne:
— E niha bété, Zezusi te te ĩto pese nherẽ, waihu'u za'ra wa'aba õ di, we isatõrĩ'wa hã. 31Ni'wa hã 're morĩ wasété wamhã, imreme te te 're wapari mono õ di za, te te tãma ãma 're a'uwaimrami mono da, 'Re ihâimana u'âsi mono hã. Ni'wa hã isimiroti te te 're 'madâ'â pese mono wamhã, te za imreme hã te te 're wapari u'âsi, te te tãma ãma 're uwaimrami u'âsi mono da. Ãne wama waihu'u pese za'ra di, wa norĩ hã. 32Ropoto na'rata hawi 're datob'a za'ra mono wa, ni'wa hã te te 're da'ato pese mono õ di. Iwasu'u hã baba di aré. 33Õ hã aibâ hã 'Re ihâimana u'âsi mono hawi wei morĩ õ 'wa'âhã, aré ĩto pese õ di. Duré aré tãma waihu'u õ di, te te ĩtopesezé hã.
34Tawamhã farizeu norĩ, te duré asa tãma nharĩ za'ra, ãne:
— Aiwasété ré, ma tô ana dub're asa'ẽ. Tahawa, ma tô atob'a na aipo. E niha te bété wama irowasu'u za'ra, aiwasété nherẽ. Mo oto aimorĩ. Rowahutuzéb u dame 're azasi mono õ di za oto.
Sõ'awib õ nherẽ, Zezusi hã datob'a na tizazei'õ'wa norĩ ãma te te isimiré'ézé wasu'u
35Tawamhã te te ito pese wi, te te tiwi irosawi za'ra zé hã ma tô wapa, Zezusi hã. Tahawa, te sô rob'madâ, tinhimito pese zô. Te te sãmri wamhã, te tãma tinha, ãne:
— E ti'ai ãma Dasiré Ipodo hã ma tô isaze.
36Tawamhã asa te Zezusihi ma tinha, ãne:
— E 'wa hã Dasiré Ipodo. Ma'ãpé ĩma wasu'u na, te waihu'u da, duré te saze da.
37Tawamhã Zezusi asa te duré tãma tinha, ãne:
— Tahata te tô i'madâ. Ta hã te ãhã na hã aima robzanha.
38Tawamhã ma tô aibâ hã Zezusihi ma tinha, ãne:
— Apito, wa za oto asaze.
Tahawa, hi'rãtitõ ma tô tãma nhamra, Zezusihi ãma wata da.
39Tawamhã Zezusi te dama tinha, ãne oto:
— Ti'ai u, wa we datẽme mo, te da'ãma 're arowairébé mono da. E marĩ da. Tipẽ'ẽ 're, tob'a na 're isiwaihu'u za'ra mono norĩ hã tob'a ãna oto 're nomro mono da, duré tipẽ'ẽ 're, tob'a õ na taré 're isi'madâ'â za'ra mono norĩ hã tob'a u'âsi 're nomro mono da oto.
40Tawamhã farizeu norĩ i'rata isimasa, te tãma nharĩ za'ra, ãne:
— Wa norĩ hã bété. E wapẽ'ẽ 're, watob'a na wa 're wanomro. E wa norĩ hã te iwawasu'u za'ra.
41Tawamhã Zezusi asa te tãma nharĩ za'ra, ãne:
— Aipẽ'ẽ 're, atob'a na 're asiwaihu'u za'ra wa'aba mono 'wa'âhã, te te 're aiwẽ'õ za'ra wa'aba mono õ di aré, 'Re ihâimana u'âsi mono hã. Tawamhã aipẽ'ẽ 're, atob'a õ na 'râwi 're asi'madâ'â za'ra wa'aba mono wa, te za te te 're aiwẽ'õ za'ra wa'wa.
Àwon tá yàn lọ́wọ́lọ́wọ́ báyìí:
Zuwã 9: xavBP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2011, Wycliffe Bible Translators, Inc.All rights reserved.
Zuwã 9
9
Zezusi hã aibâ ipotozém hawi itob'a te te ipesezé wasu'u
1Tawamhã morĩ ré, ma tô aibâ hã tisã Zezusi hã, iwaptã'ãzém hawi itob'a hã. 2Tawamhã isiré 're inomro mono norĩ hã ma tô ãne siwi sadanha:
— E marĩ wa, ma tob'a na waptãrã. E tiwasédé te te 'manharĩ wa, ma tob'a na waptãrã. E imama norĩ hã timro me tiwasédé te te 'manharĩ zahuré wa, ma i'ra hã tob'a na tãma tipoto zahuré.
3Tawamhã te Zezusi hã asa tãma nharĩ za'ra, ãne:
— Mare di. Tiwasédé te te 'manharĩ wab õ di. Imama norĩ zama, duré tiwasédé hã te te 'manharĩ zahuré wab õ di. Rowẽ na 're morĩ wa za, ma tob'a na podo, iwaihu'u pese na da te waihu'u za'ra da, 'Re ihâimana u'âsi mono hã. 4Ta hã ma tô we ĩzatõ, dapawaptom na te tãma 're romhuri mono da. Rowa'a ré, te za da te 're romhuri za'ra, 're mara mono wa, da te 're romhuri waihu'u za'ra mono dai õ wa za. Tahawa rowẽ ré, wa za wa te tãma 're romhuri za'ra. 5Tawamhã ti'ai ãma 're ĩnhamra mono ré, dama rob'uiwẽ'wa ne, wa hã dama rowẽ nhomri'wa, wa dama 're ĩhâimana.
6-7Tawamhã Zezusi hã ma tô tizadaipro hã time ti'ai u, ti'a te te ãma warutu da, ãhã pari te te duré ãma tomhâ u'ré da oto. Tawamhã tinhiptõmo na ma tô sada a'â. Tawamhã duré oto te te ãma tomhâ u'réi pari wamhã, te tãma tinha, ãne:
— Mo oto aimorĩ pu'u u, asitõmo upsõ da, Siroé na pu'u nhisi u.
Siroé na pu'u nhisi hã dazatõrĩzé, te wasu'u.
Tahawa, te mo, sitõmo upsõ da. Sitõmo upsõi wamhã, tõmo wẽ di oto aibâ hã. Taha pari te wei mo oto apâ. 8Tawamhã da te 'madâ'â za'ra wamhã, te ãne dasima wasu'u za'ra ni, aibâ hã:
— E õ hã rob'uiprazém na te te 're da'awari mono da, 're isãmra mono. — Ãne te dasima wasu'u za'ra ni, isõrõwa 'rata 're idahâimana za'ra mono norĩ hã. Tob'a ré, te te siwi 're i'madâ'â za'ra mono norĩ me, te ãne sima wasu'u za'ra.
9Tawamhã ni'wam norĩ hã te sima wasu'u za'ra, ãne:
— Tô õ hã, aré tob'a na 're isãmra mono.
Ni'wam norĩ hã te duré sima rowasu'u za'ra, ãne:
— Mare di. Ta hãi õ di. Taré itob'a ne, aré 're ihâimana mono, õ hã.
Tawamhã te te sina dawapari wamhã, te oto dama sina wasu'u, tito pese'wa hã, ãne:
— Wa hã ĩtob'a di aré tô.
10Tahawa te sadanharĩ za'ra, ãne:
— E niha ma tô atõmo wẽ, bété.
11Tawamhã te asa tãma siwasu'u za'ra, ãne:
— Aibâ hã ma tô tizadaipro na waza ti'a hã, te te ãma ĩtomhâ u'ré da, Zezusi na isisi hã. Taha pari pu'u u ĩmorĩ da, te ĩma rob'ru, ĩsitõmo upsõ da. Tahawa, wa tô mo. Ĩsitõmo upsõi wamhã, duré oto ĩtõmo wẽ di.
12Tawamhã ma tô sô sadanharĩ za'ra, ãne:
— E mahãta tawamhã, Zezusi hã.
Tawamhã ma te asa ãma tãma wa'rãmi za'ra, ãne:
— Me. Wa hã te waihu'u õ di.
Farizeu norĩ hã aibâ itob'a, Zezusi te te ipe, te te siwi isadanharĩzé wasu'u
13Tawamhã farizeu norĩ u te siwi saprõ, aré tob'a na 're isãmra mono hã. 14Romhuri zahârizém na te itẽme siwi saprõni za'ra, Zezusi hã tizadaipro na ti'a te te iwazarizém na, duré te te ito pesezém na, sabadu na. 15Tawamhã te te itẽme siwi ãwisi za'ra wamhã, te siwi sadanha, farizeu norĩ hã, niha te te ito pesezéb zô. Tawamhã asa te tãma siwasu'u za'ra:
— Tizadaipro na ti'a hã te te iwai'o na, ma tô ĩtõmo u'ré. Taha pari, wa tô ĩsitõmo upsõ. Ãhã na hã wa oto rob'madâ'â wẽ.
16Tawamhã ni'wam norĩ si, te Zezusihi ma nharĩ za'ra, farizeu norĩ hã:
— Õ hã sabadu na te te pese nherẽ, te te 'madâ'â pese õ di, romhuri zahârizém na roti hã. 'Re ihâimana u'âsi mono hã we te te satõrĩ õ di. We te te satõrĩ 'wa'âhã, te aré te te 're 'madâ'â pese, isimiroti hã.
Tawamhã ihâiba amo norĩ hã te rowasu'u za'ra duré:
— 'Re morĩ wasété 'wa'âhã, aré waihu'u pese õ di, marĩ dama i'manharĩ waihu'u'õ hã te te dama 'manharĩ da hã. — Ãne Zezusihi ãma ma tô tasisada 'rãmi za'ra ni. 17Tahawa, te duré siwi sadanha, farizeu norĩ hã:
— Õ hã te te ato pese nherẽ, e niha asimirosa'rada hã ãma hã.
Tawamhã ma tô duré asa tãma nharĩ za'ra:
— Õ hã 'Re ihâimana u'âsi mono zadawa 'mahârâ'wa, te 're mo.
18Tawamhã tõmo wẽ u'âsi, 're morĩ newamhã, te te ito pesezém na ma tô wawã za'ra, dama ipire norĩ hã. Tahawa, ma tô aibâ mama zô tihârâ za'ra, te te ãma sadanharĩ za'ra da. Ina zô zama te tihârâ za'ra. 19-21Tawamhã itẽme simasisi zahuré wamhã, te ãma siwi sadanharĩ za'ra:
— E õ hã ai'ra. Ma tô dama iwasu'u wa'wa, tob'a na iwaptã'ã na. E niha ma ãhã na titõmo wẽ, tob'a nherẽ. Rob'madâ'â wẽ di oto.
Tawamhã imama te asa tãma nharĩ za'ra:
— Ta hã tô wa'ra, te 're mo. Tob'a na ma tô waptãrã. Ãne na wama waihu'u pese di. Niha oto te te irob'madâ'â wẽ na wa te waihu'u õ di. Duré ito pese'wa hã wa te waihu'u õ di. A norĩ wa'wa hã te za ĩ'ra hã asiwi isadanharĩ 'wa, ito pese'wa zô te te aima wasu'u za'ra wa'aba da. Ta hã hâiba prédub di oto. Tahawa te za si'uihâ na taha si aima siwasu'u za'ra wa'wa.
22Ãne ma tô imama hã ina me tãma nharĩ za'ra. E marĩ wa. Dama ipire norĩ mreme pipa te. Ãne ma tô da'ãma sima hã te te 're roti za'ra: “Ni'wam norĩ hã Zezusi, Danho'reptui'wa da, 'Re ihâimana u'âsi mono te te ipisutu na te te saze za'ra wamhã, wa za wa te tiwi 're rosawi za'ra, rowahutuzéb u dame 're sisisi tõ mono da.” Ãne na ma tô te te sima 're roti za'ra. 23Tahawa, te te tãma wasu'u za'ra õ di, ti'ra to pese'wa hã. I'ra si te te siwi sadanharĩ za'ra da, i'ra hã oto prédu wa, te ti'ra si tãma 'ru za'ra.
24Tawamhã farizeu norĩ hã te sô tihârâ za'ra, te te ito pese zô, apâ itẽme sébré za'ra da. Itẽme sébré za'ra wamhã, te tãma nharĩ za'ra, ãne:
— Zezusi hã 're morĩ wasété di. Ãne wama waihu'u pese za'ra di, wa norĩ hã. Ma'ãpé 'Re ihâimana u'âsi mono ãma si aiwata, taha si te te ato pese wa.
25Tawamhã ma tô duré asa tãma nharĩ za'ra, ãne:
— Ãté tô sena 're morĩ wasété di, Zezusi hã. Ãté 're morĩ wẽ di. Wa hã te waihu'u õ di. Ĩtõmo wẽ zép si, wa tô ĩsina waihu'u. Ĩtob'a u'âsi, wa aré 're ĩnhamra. Ãhã na oto ĩtõmo wẽ di.
26Tawamhã asa te te ito pese ma, te duré nharĩ za'ra, ãne:
— E niha ma tô ato pese bété.
27Tahawa, te aibâ hã asa duré tãma nharĩ za'ra, ãne:
— Wa tô aima rowasu'u za'ra wa'wa aré. Tane nherẽ, ãma ĩwapari ze za'ra wa'aba õ di. E marĩ da, wa za bété aima ĩsiwasu'u na sahu za'ra wa'wa. E Zezusi hã saze za'ra wa'aba da bâ, wa za ĩsiwasu'u na aima sahu za'ra wa'wa.
28Tawamhã te te sadawa 'ru za'ra wa, te asa tãma nharĩ za'ra, ãne:
— A hã isazei'wa, te oto 're aimo. Wa norĩ hã Mozésihi zazei'wa, wa 're wanomro. 29'Re ihâimana u'âsi mono, ma tô Mozésihi ma pisutu, isadawa para datẽme 're morĩ da. Ãne wama waihu'u pese za'ra di, wa norĩ hã. Zezusi hã bété e ma hawi we imorĩ. Wa norĩ hã ãne na hã wa te waihu'u za'ra õ di.
30Tawamhã te duré asa tãma nharĩ za'ra, ãne:
— E niha bété, Zezusi te te ĩto pese nherẽ, waihu'u za'ra wa'aba õ di, we isatõrĩ'wa hã. 31Ni'wa hã 're morĩ wasété wamhã, imreme te te 're wapari mono õ di za, te te tãma ãma 're a'uwaimrami mono da, 'Re ihâimana u'âsi mono hã. Ni'wa hã isimiroti te te 're 'madâ'â pese mono wamhã, te za imreme hã te te 're wapari u'âsi, te te tãma ãma 're uwaimrami u'âsi mono da. Ãne wama waihu'u pese za'ra di, wa norĩ hã. 32Ropoto na'rata hawi 're datob'a za'ra mono wa, ni'wa hã te te 're da'ato pese mono õ di. Iwasu'u hã baba di aré. 33Õ hã aibâ hã 'Re ihâimana u'âsi mono hawi wei morĩ õ 'wa'âhã, aré ĩto pese õ di. Duré aré tãma waihu'u õ di, te te ĩtopesezé hã.
34Tawamhã farizeu norĩ, te duré asa tãma nharĩ za'ra, ãne:
— Aiwasété ré, ma tô ana dub're asa'ẽ. Tahawa, ma tô atob'a na aipo. E niha te bété wama irowasu'u za'ra, aiwasété nherẽ. Mo oto aimorĩ. Rowahutuzéb u dame 're azasi mono õ di za oto.
Sõ'awib õ nherẽ, Zezusi hã datob'a na tizazei'õ'wa norĩ ãma te te isimiré'ézé wasu'u
35Tawamhã te te ito pese wi, te te tiwi irosawi za'ra zé hã ma tô wapa, Zezusi hã. Tahawa, te sô rob'madâ, tinhimito pese zô. Te te sãmri wamhã, te tãma tinha, ãne:
— E ti'ai ãma Dasiré Ipodo hã ma tô isaze.
36Tawamhã asa te Zezusihi ma tinha, ãne:
— E 'wa hã Dasiré Ipodo. Ma'ãpé ĩma wasu'u na, te waihu'u da, duré te saze da.
37Tawamhã Zezusi asa te duré tãma tinha, ãne:
— Tahata te tô i'madâ. Ta hã te ãhã na hã aima robzanha.
38Tawamhã ma tô aibâ hã Zezusihi ma tinha, ãne:
— Apito, wa za oto asaze.
Tahawa, hi'rãtitõ ma tô tãma nhamra, Zezusihi ãma wata da.
39Tawamhã Zezusi te dama tinha, ãne oto:
— Ti'ai u, wa we datẽme mo, te da'ãma 're arowairébé mono da. E marĩ da. Tipẽ'ẽ 're, tob'a na 're isiwaihu'u za'ra mono norĩ hã tob'a ãna oto 're nomro mono da, duré tipẽ'ẽ 're, tob'a õ na taré 're isi'madâ'â za'ra mono norĩ hã tob'a u'âsi 're nomro mono da oto.
40Tawamhã farizeu norĩ i'rata isimasa, te tãma nharĩ za'ra, ãne:
— Wa norĩ hã bété. E wapẽ'ẽ 're, watob'a na wa 're wanomro. E wa norĩ hã te iwawasu'u za'ra.
41Tawamhã Zezusi asa te tãma nharĩ za'ra, ãne:
— Aipẽ'ẽ 're, atob'a na 're asiwaihu'u za'ra wa'aba mono 'wa'âhã, te te 're aiwẽ'õ za'ra wa'aba mono õ di aré, 'Re ihâimana u'âsi mono hã. Tawamhã aipẽ'ẽ 're, atob'a õ na 'râwi 're asi'madâ'â za'ra wa'aba mono wa, te za te te 're aiwẽ'õ za'ra wa'wa.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2011, Wycliffe Bible Translators, Inc.All rights reserved.