Marcu 16
16
Zezusi apâ ihâiwa'utuzé wasu'u
Mateu 28.1-8; Luca 24.1-12; Zuwã 20.1-10
1Tawamhã bâdâ oto sébré wamhã, tâibâ oto sabadu hã romhuri zahârizé zudeu norĩ te hã. Tawamhã pi'õ norĩ iwa'u zadaze hã, ma tô siwi uipra, te te siwi ãma hâiba u'ré da, Zezusi hã. Pi'õ norĩ nhisi hã Maria Madaréna, duré Salomé, duré Maria, Tiaguhu na hã. 2Tawamhã pi'õ norĩ hã mararé te ai'aba'ré, sa'a zahâpâ ab're u, bâdâ 'rãiwatobro wi, dumigu na. 3Bâdâdi na si'aba'réi ré, ma ãne sima waihu'u za'ra:
— E 'wa hã te za ẽne hã wama sa'ré za'ra, ab're nhitobzé hã.
4Ab're nhitobzé hã ẽne hã tõmo wawẽ uptabi wa, ma ãne sima waihu'u za'ra. Tane nherẽ, sihutu wamhã, ẽne da te isa'ré na ma tô 'madâ'â za'ra. 5Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra. 6Tawamhã ãne te tãma nharĩ za'ra, pi'õ norĩ ma:
— Ĩma aipahi za'ra wa'aba tõ. Zezusi hã Nazaré ãma aré iprédu hã wedepo'o nhonhi'rãmi na, da te dasiwi isasõmri zô robzabu za'ra wa'aba da, te we ai'aba'réi wa'wa. Ãne na, wa tô aiwaihu'u za'ra wa'wa. Ãme hâimana õ di oto. Apâ ma tô hâiwa'udu. Ma'ãpé, inomrozé hã sabu za'ra wa'aba. Robaba di. 7Tahawa, te za oto apâ ai'aba'réi wa'wa, Pedru norĩ ma tãma rowasu'u za'ra wa'aba da, ãne: “Zezusi hã aiwana te za, u, timorĩ 'wa, Galiléa u. Tame te za, u, isõpẽtẽ za'ra wa'wa, aima isiwaihu'u za'ra wa'aba zéb zarina.”
8Tawamhã ma wairé ab're hawi, wara sina sisa'rei mono da. Tãma pẽ'ẽwara za'ra wa, te tirẽrẽ'ẽ za'ra. Pahi te, ni'wai ma, te te rowasu'u za'ra õ di a'â.
Zezusi hã, Maria Madarénahã ma, isihâi'rézé wasu'u
Mateu 28.9-10; Zuwã 20.11-18
9Zezusi hã dumigu na ma tô apâ hâiwa'udu, mararé. Tawamhã imorĩ'rata na ma tô Maria Madarénahã ma, sihâi'ré. Ti'ai baba 're morĩ ré, ma tô taha ma, wa'uburé hã 7 na sãmra. 10Tawamhã Zezusihi siré 're inomro mono norĩ u, te mo Maria Madaréna hã, te te tãma rowasu'u za'ra da. Tãma robzei'õ za'ra di. Pẽ'ẽzé uptabi za'ra wa, te aiwa'õ za'ra. Ãne ré, ma tô itẽme tiwisi za'ra, Maria Madaréna hã. 11Tawamhã Zezusi apâ 're imorĩ na, duré itẽme iwisizém na hã te te tãma rowasu'u za'ra wamhã, te te ãma saze za'ra õ di.
Zezusi hã, maparane tizazei'wa norĩ ma, isihâi'rézé wasu'u
Luca 24.13-35
12Taha pari, ma duré Zezusi hã aimawi tihâiba na sihâi'ré, maparane tizazei'wa norĩ ma. Rom na bâdâdi na neb ré, ma tô itẽme tiwisi zahuré. 13Tawamhã apâ te tineb zahuré, Zezusihi siré 're inomro mono norĩ ma, te te rowasu'u zahuré da. Tane nherẽ, te te tãma rowasu'u za'ra nherẽ, te te ãma saze za'ra õ di duré.
Zezusi hã tisiré norĩ ma, isihâi'rézé wasu'u, 11 na ihâiba norĩ ma
Mateu 28.16-20; Luca 24.36-49; Zuwã 20.19-23; Atu 1.6-8
14Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã. 15Tahawa, te ãne oto tãma nharĩ za'ra:
— Daro mono bâ te za oto 're iropéi wa'aba mo, a'uwẽ mono bâ, ĩwasu'uwẽ na 're dapo're pu'u za'ra wa'aba mono da. 16Tawamhã Danho'reptui'wa na da te dasina 're ĩ'umnhasi za'ra mono wa, â dawabzuri hã da te 're 'manharĩ za'ra mono wamhã, te za te te 're da'anho'reptu, 'Re ihâimana u'âsi mono hã. Da te dasina 're ĩ'umnhasi za'ra mono õ wamhã, 'Re ihâimana u'âsi mono te za te te 're da'awẽ'õ. 17Da te dasina 're ĩ'umnhasi za'ra mono wamhã, wa za te 're da'apawapto, ĩwaihu'u pese zarina, marĩ dama i'manharĩ waihu'u'õ hã te te dama 're ab'manharĩ wẽ mono da, ĩwasu'u na tô sena na da te 're waihu'u za'ra mono da. Ãne te za te te 're dapawaptob za'ra. Ĩnhisi na te za wa'uburé hã te te dama 're sãmra za'ra, ĩzadawa para. Duré 're idasisadaihu'u za'ra mono õ na zama, te za 're mreme zusi. 18Sa'rese ãna, wahi hã te te 're waibui mono nherẽ, duré dapãrĩzé hã te te 're âhuri mono nherẽ, tãma 're rowẽ za'ra mono di za. Duré, tinhib'rata na ihâzé ré norĩ hã te te 're upi za'ra mono wamhã, te za 're séptâ'â za'ra, ihâzé ré norĩ hã.
Zezusi hã hâiwa u imorĩzé wasu'u
Luca 24.50-53; Atu 1.9-11
19Wanhib'apito Zezusi hã te te tãma rowasu'u za'ra pari, ma tô hâiwa u tiwi âri za'ra, 'Re ihâimana u'âsi mono nhimire niwĩ oto 're sãmra mono da, pire uptabi na. 20Tawamhã isiré 're inomro mono norĩ hã isadawa para, ma tô te te ropé daro mono bâ, iwasu'uwẽ na te te 're dapo're pu'u za'ra mono da. Wanhib'apito hã ma tô te te 're pawaptob za'ra, isimi'manharĩ waihu'u pese zarina, marĩ dama i'manharĩ waihu'u'õ hã te te dama 're ab'manharĩ wẽ mono da, isimirowasu'u za'ra na tô sena uptabi, da te 're waihu'u za'ra mono da.
Àwon tá yàn lọ́wọ́lọ́wọ́ báyìí:
Marcu 16: xavBP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2011, Wycliffe Bible Translators, Inc.All rights reserved.
Marcu 16
16
Zezusi apâ ihâiwa'utuzé wasu'u
Mateu 28.1-8; Luca 24.1-12; Zuwã 20.1-10
1Tawamhã bâdâ oto sébré wamhã, tâibâ oto sabadu hã romhuri zahârizé zudeu norĩ te hã. Tawamhã pi'õ norĩ iwa'u zadaze hã, ma tô siwi uipra, te te siwi ãma hâiba u'ré da, Zezusi hã. Pi'õ norĩ nhisi hã Maria Madaréna, duré Salomé, duré Maria, Tiaguhu na hã. 2Tawamhã pi'õ norĩ hã mararé te ai'aba'ré, sa'a zahâpâ ab're u, bâdâ 'rãiwatobro wi, dumigu na. 3Bâdâdi na si'aba'réi ré, ma ãne sima waihu'u za'ra:
— E 'wa hã te za ẽne hã wama sa'ré za'ra, ab're nhitobzé hã.
4Ab're nhitobzé hã ẽne hã tõmo wawẽ uptabi wa, ma ãne sima waihu'u za'ra. Tane nherẽ, sihutu wamhã, ẽne da te isa'ré na ma tô 'madâ'â za'ra. 5Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra. 6Tawamhã ãne te tãma nharĩ za'ra, pi'õ norĩ ma:
— Ĩma aipahi za'ra wa'aba tõ. Zezusi hã Nazaré ãma aré iprédu hã wedepo'o nhonhi'rãmi na, da te dasiwi isasõmri zô robzabu za'ra wa'aba da, te we ai'aba'réi wa'wa. Ãne na, wa tô aiwaihu'u za'ra wa'wa. Ãme hâimana õ di oto. Apâ ma tô hâiwa'udu. Ma'ãpé, inomrozé hã sabu za'ra wa'aba. Robaba di. 7Tahawa, te za oto apâ ai'aba'réi wa'wa, Pedru norĩ ma tãma rowasu'u za'ra wa'aba da, ãne: “Zezusi hã aiwana te za, u, timorĩ 'wa, Galiléa u. Tame te za, u, isõpẽtẽ za'ra wa'wa, aima isiwaihu'u za'ra wa'aba zéb zarina.”
8Tawamhã ma wairé ab're hawi, wara sina sisa'rei mono da. Tãma pẽ'ẽwara za'ra wa, te tirẽrẽ'ẽ za'ra. Pahi te, ni'wai ma, te te rowasu'u za'ra õ di a'â.
Zezusi hã, Maria Madarénahã ma, isihâi'rézé wasu'u
Mateu 28.9-10; Zuwã 20.11-18
9Zezusi hã dumigu na ma tô apâ hâiwa'udu, mararé. Tawamhã imorĩ'rata na ma tô Maria Madarénahã ma, sihâi'ré. Ti'ai baba 're morĩ ré, ma tô taha ma, wa'uburé hã 7 na sãmra. 10Tawamhã Zezusihi siré 're inomro mono norĩ u, te mo Maria Madaréna hã, te te tãma rowasu'u za'ra da. Tãma robzei'õ za'ra di. Pẽ'ẽzé uptabi za'ra wa, te aiwa'õ za'ra. Ãne ré, ma tô itẽme tiwisi za'ra, Maria Madaréna hã. 11Tawamhã Zezusi apâ 're imorĩ na, duré itẽme iwisizém na hã te te tãma rowasu'u za'ra wamhã, te te ãma saze za'ra õ di.
Zezusi hã, maparane tizazei'wa norĩ ma, isihâi'rézé wasu'u
Luca 24.13-35
12Taha pari, ma duré Zezusi hã aimawi tihâiba na sihâi'ré, maparane tizazei'wa norĩ ma. Rom na bâdâdi na neb ré, ma tô itẽme tiwisi zahuré. 13Tawamhã apâ te tineb zahuré, Zezusihi siré 're inomro mono norĩ ma, te te rowasu'u zahuré da. Tane nherẽ, te te tãma rowasu'u za'ra nherẽ, te te ãma saze za'ra õ di duré.
Zezusi hã tisiré norĩ ma, isihâi'rézé wasu'u, 11 na ihâiba norĩ ma
Mateu 28.16-20; Luca 24.36-49; Zuwã 20.19-23; Atu 1.6-8
14Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã. 15Tahawa, te ãne oto tãma nharĩ za'ra:
— Daro mono bâ te za oto 're iropéi wa'aba mo, a'uwẽ mono bâ, ĩwasu'uwẽ na 're dapo're pu'u za'ra wa'aba mono da. 16Tawamhã Danho'reptui'wa na da te dasina 're ĩ'umnhasi za'ra mono wa, â dawabzuri hã da te 're 'manharĩ za'ra mono wamhã, te za te te 're da'anho'reptu, 'Re ihâimana u'âsi mono hã. Da te dasina 're ĩ'umnhasi za'ra mono õ wamhã, 'Re ihâimana u'âsi mono te za te te 're da'awẽ'õ. 17Da te dasina 're ĩ'umnhasi za'ra mono wamhã, wa za te 're da'apawapto, ĩwaihu'u pese zarina, marĩ dama i'manharĩ waihu'u'õ hã te te dama 're ab'manharĩ wẽ mono da, ĩwasu'u na tô sena na da te 're waihu'u za'ra mono da. Ãne te za te te 're dapawaptob za'ra. Ĩnhisi na te za wa'uburé hã te te dama 're sãmra za'ra, ĩzadawa para. Duré 're idasisadaihu'u za'ra mono õ na zama, te za 're mreme zusi. 18Sa'rese ãna, wahi hã te te 're waibui mono nherẽ, duré dapãrĩzé hã te te 're âhuri mono nherẽ, tãma 're rowẽ za'ra mono di za. Duré, tinhib'rata na ihâzé ré norĩ hã te te 're upi za'ra mono wamhã, te za 're séptâ'â za'ra, ihâzé ré norĩ hã.
Zezusi hã hâiwa u imorĩzé wasu'u
Luca 24.50-53; Atu 1.9-11
19Wanhib'apito Zezusi hã te te tãma rowasu'u za'ra pari, ma tô hâiwa u tiwi âri za'ra, 'Re ihâimana u'âsi mono nhimire niwĩ oto 're sãmra mono da, pire uptabi na. 20Tawamhã isiré 're inomro mono norĩ hã isadawa para, ma tô te te ropé daro mono bâ, iwasu'uwẽ na te te 're dapo're pu'u za'ra mono da. Wanhib'apito hã ma tô te te 're pawaptob za'ra, isimi'manharĩ waihu'u pese zarina, marĩ dama i'manharĩ waihu'u'õ hã te te dama 're ab'manharĩ wẽ mono da, isimirowasu'u za'ra na tô sena uptabi, da te 're waihu'u za'ra mono da.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2011, Wycliffe Bible Translators, Inc.All rights reserved.