TƏŊMORFANNE 1
1
Ɓǝ joŋ fanne
1Ne cok Masǝŋ mo tǝŋ joŋ sǝŋ ne sǝrri , 2ka sǝr ah zyeɓ vǝr a ba, a tǝkolle. Bii no cok daŋ, so cokfuu no tǝtǝl ahe, Tǝ'yak Masǝŋ a kiŋ tǝ bii ahe. 3Masǝŋ faa ka cokfãi mo joŋ, so cokfãi joŋni. 4Masǝŋ kwo cokfãi ah pǝsãhe, so woŋ kǝsyil cokfãi ne cokfuu. 5Masǝŋ so ɗii cokfãi ah ne comme, ɗii cokfuu ah ne suŋni. So lil joŋni, zah'nan so joŋni, zah'nan vaŋno ah yo.
6Masǝŋ faa ka cok makol mo yea kǝsyil bii ka woŋ kǝsyil ɓǝǝra. Fan ah joŋ ta. 7Masǝŋ joŋ cok makol ka woŋ kǝsyil bii ma sǝŋ ne ma morkǝsǝŋ. 8Masǝŋ ɗii sǝŋ ne masyiibamme. So lil joŋni, zah'nan joŋni, zah'nan gwa ah yo.
9So Masǝŋ faa ka bii ma mor masyiibam sǝŋ mo tai cok vaŋno, ka cok yak mo pǝ̃ǝ ge lalle. Fan ah joŋ ta. 10So ɗii cok yak ne sǝrri, ɗii cok mai bii mo ɓoo ɓo gŋ ne mabii. Masǝŋ ẽe fan ahe, so kwo a pǝsãhe. 11Masǝŋ so faa ka sǝr mo ciŋ fãa ne ban fan ma ceciŋ mai moo leeni, tǝkine kpuu ma lee syẽm ne ban ah camcam. Fan ah joŋ ta. 12So sǝr ciŋ fãa ne ban fan ma ceciŋ mai moo leeni, tǝkine kpuu ma lee syẽm ne ban ah camcam. Masǝŋ ẽe fan ahe, so kwo a pǝsãhe. 13Lil joŋni, zah'nan joŋni, zah'nan sai ah yo.
14Masǝŋ faa ka cokfãi camcam mo joŋ tǝ masyiibam sǝŋ mor ka woŋ kǝsyil com ne suŋni, ka mo yea na fan ma cuu cokki, tǝgba faa: zah'nan tǝkine syii, 15mor ka mo sǝǝra cok ge tǝ sǝrri. Fan ah joŋ ta. 16So nǝǝ cokfãi maluu ah gwa, malii ah mor ka sǝǝ cok ne comme, malaŋ mor ka sǝǝ cok ne suŋni, so joŋ ŋwǝǝmǝŋgai ta. 17So rǝk ra tǝ masyiibam sǝŋ ka mo sǝǝ cok ge tǝ sǝrri, 18mor ka sǝǝ cok ne com ne suŋni, ka woŋ kǝsyil cokfãi ne cokfuu. Masǝŋ ẽe fan ahe, so kwo a pǝsãhe. 19Lil joŋni, zah'nan joŋni, zah'nan nai ah yo.
20Masǝŋ faa ka bii mo syer fan ma ne cee pǝlli, ka juu mo zoora tǝ sǝr ge sǝŋ. 21So Masǝŋ joŋ fan maluu ma pǝ bii, ne fan ma ne cee mai bii mo syer ɓo ne ban ɓǝǝ daŋ, joŋ juu ne ban ah camcam ta. Masǝŋ ẽe fan ahe, so kwo a pǝsãhe. 22Masǝŋ ẽe ra faa: We bemme, we ɓoo ge pelle, ka we baa mabii, ka juu laŋ mo ɓoora tǝ sǝrri. 23Lil joŋni, zah'nan joŋni, zah'nan dappe ah yo.
24Masǝŋ faa ka sǝr mo bem fan ma ne cee ne ban ɓǝǝra, fan ma ne ɓal tǝ nai, fan ma ker tǝ sǝrri, tǝkine nǝǝ ma no tǝ sǝr daŋ ne ban ɓǝǝ camcam. Fan ah joŋ ta. 25Masǝŋ mo joŋ fan marai ne ban ah camcam daŋ, so kwo fan ah pǝsãhe.
26So Masǝŋ faa: Na joŋ dǝfuu na na, ka mo jurra na, ka mo yeara ne swah tǝ syiŋ pǝ bii, tǝ juu ma zoo sǝŋ, tǝ fan ma ne ɓal tǝ nai tǝ sǝrri, tǝkine fan ma ker tǝ sǝr daŋ. 27So joŋ dǝfuu na ko, joŋ ko jur ne suu ahe, joŋ dǝwor ne madǝwinni. 28Masǝŋ ẽe ra, faa nyi ra: We bemme, we ɓoo, ka we baa sǝrri, we kaa swah tǝl ahe, we kaa swah tǝ syiŋ pǝ bii ne juu ma zoo sǝŋ tǝkine fan ma ne cee tǝ sǝr daŋ. 29Masǝŋ faa: Me nyi fan ma ceciŋ ah mai moo leeni, tǝkine kpuu ma lee syẽm ah daŋ ka we re. 30Me nyi fãa pǝ̃ǝ ne lee syẽm kpuu nyi nǝǝ cok tǝkine juu ka mo rera. Fan ah joŋ ta. 31Masǝŋ ẽe fan mai mo joŋko daŋ, so faa a pǝsãh pǝlli. Lil joŋni, zah'nan joŋni, zah'nan yea ah yo.
Àwon tá yàn lọ́wọ́lọ́wọ́ báyìí:
TƏŊMORFANNE 1: MUAR
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Moundang © Alliance Biblique du Tchad, 1996.
TƏŊMORFANNE 1
1
Ɓǝ joŋ fanne
1Ne cok Masǝŋ mo tǝŋ joŋ sǝŋ ne sǝrri , 2ka sǝr ah zyeɓ vǝr a ba, a tǝkolle. Bii no cok daŋ, so cokfuu no tǝtǝl ahe, Tǝ'yak Masǝŋ a kiŋ tǝ bii ahe. 3Masǝŋ faa ka cokfãi mo joŋ, so cokfãi joŋni. 4Masǝŋ kwo cokfãi ah pǝsãhe, so woŋ kǝsyil cokfãi ne cokfuu. 5Masǝŋ so ɗii cokfãi ah ne comme, ɗii cokfuu ah ne suŋni. So lil joŋni, zah'nan so joŋni, zah'nan vaŋno ah yo.
6Masǝŋ faa ka cok makol mo yea kǝsyil bii ka woŋ kǝsyil ɓǝǝra. Fan ah joŋ ta. 7Masǝŋ joŋ cok makol ka woŋ kǝsyil bii ma sǝŋ ne ma morkǝsǝŋ. 8Masǝŋ ɗii sǝŋ ne masyiibamme. So lil joŋni, zah'nan joŋni, zah'nan gwa ah yo.
9So Masǝŋ faa ka bii ma mor masyiibam sǝŋ mo tai cok vaŋno, ka cok yak mo pǝ̃ǝ ge lalle. Fan ah joŋ ta. 10So ɗii cok yak ne sǝrri, ɗii cok mai bii mo ɓoo ɓo gŋ ne mabii. Masǝŋ ẽe fan ahe, so kwo a pǝsãhe. 11Masǝŋ so faa ka sǝr mo ciŋ fãa ne ban fan ma ceciŋ mai moo leeni, tǝkine kpuu ma lee syẽm ne ban ah camcam. Fan ah joŋ ta. 12So sǝr ciŋ fãa ne ban fan ma ceciŋ mai moo leeni, tǝkine kpuu ma lee syẽm ne ban ah camcam. Masǝŋ ẽe fan ahe, so kwo a pǝsãhe. 13Lil joŋni, zah'nan joŋni, zah'nan sai ah yo.
14Masǝŋ faa ka cokfãi camcam mo joŋ tǝ masyiibam sǝŋ mor ka woŋ kǝsyil com ne suŋni, ka mo yea na fan ma cuu cokki, tǝgba faa: zah'nan tǝkine syii, 15mor ka mo sǝǝra cok ge tǝ sǝrri. Fan ah joŋ ta. 16So nǝǝ cokfãi maluu ah gwa, malii ah mor ka sǝǝ cok ne comme, malaŋ mor ka sǝǝ cok ne suŋni, so joŋ ŋwǝǝmǝŋgai ta. 17So rǝk ra tǝ masyiibam sǝŋ ka mo sǝǝ cok ge tǝ sǝrri, 18mor ka sǝǝ cok ne com ne suŋni, ka woŋ kǝsyil cokfãi ne cokfuu. Masǝŋ ẽe fan ahe, so kwo a pǝsãhe. 19Lil joŋni, zah'nan joŋni, zah'nan nai ah yo.
20Masǝŋ faa ka bii mo syer fan ma ne cee pǝlli, ka juu mo zoora tǝ sǝr ge sǝŋ. 21So Masǝŋ joŋ fan maluu ma pǝ bii, ne fan ma ne cee mai bii mo syer ɓo ne ban ɓǝǝ daŋ, joŋ juu ne ban ah camcam ta. Masǝŋ ẽe fan ahe, so kwo a pǝsãhe. 22Masǝŋ ẽe ra faa: We bemme, we ɓoo ge pelle, ka we baa mabii, ka juu laŋ mo ɓoora tǝ sǝrri. 23Lil joŋni, zah'nan joŋni, zah'nan dappe ah yo.
24Masǝŋ faa ka sǝr mo bem fan ma ne cee ne ban ɓǝǝra, fan ma ne ɓal tǝ nai, fan ma ker tǝ sǝrri, tǝkine nǝǝ ma no tǝ sǝr daŋ ne ban ɓǝǝ camcam. Fan ah joŋ ta. 25Masǝŋ mo joŋ fan marai ne ban ah camcam daŋ, so kwo fan ah pǝsãhe.
26So Masǝŋ faa: Na joŋ dǝfuu na na, ka mo jurra na, ka mo yeara ne swah tǝ syiŋ pǝ bii, tǝ juu ma zoo sǝŋ, tǝ fan ma ne ɓal tǝ nai tǝ sǝrri, tǝkine fan ma ker tǝ sǝr daŋ. 27So joŋ dǝfuu na ko, joŋ ko jur ne suu ahe, joŋ dǝwor ne madǝwinni. 28Masǝŋ ẽe ra, faa nyi ra: We bemme, we ɓoo, ka we baa sǝrri, we kaa swah tǝl ahe, we kaa swah tǝ syiŋ pǝ bii ne juu ma zoo sǝŋ tǝkine fan ma ne cee tǝ sǝr daŋ. 29Masǝŋ faa: Me nyi fan ma ceciŋ ah mai moo leeni, tǝkine kpuu ma lee syẽm ah daŋ ka we re. 30Me nyi fãa pǝ̃ǝ ne lee syẽm kpuu nyi nǝǝ cok tǝkine juu ka mo rera. Fan ah joŋ ta. 31Masǝŋ ẽe fan mai mo joŋko daŋ, so faa a pǝsãh pǝlli. Lil joŋni, zah'nan joŋni, zah'nan yea ah yo.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Moundang © Alliance Biblique du Tchad, 1996.