MATIUS 26
26
Peseket ke lematai Yesus
(Un te neng Markus 14.1-2; Lukas 22.1-2; Yaya 11.45-53)
1Uʹo lepa Yesus pekatuk dulu neng mung puyan dina, sulo dau ue neng diaʹ bayaʹ katuk ke: 2“Ikem lepa tisen dua tau laʹa kena Bunut Paska. Anak Sio ini dulu ke mencai apan nte lematai ia neng kayu tecek.”
3Lepa ina sulo diaʹ detaʹu lataʹ, ngan diaʹ lataʹ lepoʹ Yahudi peseket kaʹ amin Detaʹu Bioʹ Kayapas, 4mentung nte mita janan nyelem ke dakep Yesus ngan lematai ia. 5Un dau re: “Ayen le uyan puyan ini tegoʹ tau Bunut, moʹ le malap kelunan kadoʹ kenai beteʹ ngan nyakat.”
Leto iaʹ ngejemo Yesus kaʹ Bitani
(Un te neng Markus 14.3-9; Yaya 12.1-8)
6Dalau Yesus un kaʹ Bitani, kaʹ amin Simun iaʹ sakit bekayen idai, 7sulo kenai ca leto palaʹ Yesus ngkin ca tajau dumit, iaʹ ina tajau “ala-basta” koʹ seʹ mening ca kelingai are. Ngan tajau ina sangan kuʹun telang kenyo iaʹ baran laleʹ suhaʹ a. Penco leto ina are mubeʹ e neng ulu Yesus dalau ue uman. 8Taʹan ne diaʹ bayaʹ katuk ke seʹ puyan ina, sulo re miʹa neng leto ina. Un dau re: “Moʹ inu ue ngebura ha tupe? 9Senteng nge matu telang kenyo ini ngan alaʹ kadoʹ ligit suhaʹ a, ngan ligit ina senteng le naʹ a me kelunan kasip.”
10Un sepuʹo Yesus tisen puyan ina, sulo dau ue neng ida: “Moʹ inu hem pemiat leto ini tupe? Ban ne marung lete puyan ne iaʹ tiga ina neng akeʹ. 11Moʹ kelunan kasip lemuto re pemung ngan ncem, un sepuʹo abeʹ keʹ lemuto pemung ngan ncem. 12Kumpin leto ini lepa mubeʹ telang kenyo ini neng usa heʹ, seleket seʹ e nekena ke petenup usa heʹ kena dulu ke masek akeʹ. 13Nawai tiga le neng ini. Mele kempi kempi le ke pedenga Denga Injil kusun tanaʹ ini, pekina lete ilu ke petawai badaʹ ban pemuyan leto ini.”
Yudas ngahaʹ ke mencai Yesus
(Un te neng Markus 14.10-11; Lukas 22.3-6)
14Un ca usa neng ahang puloʹ dua usa diaʹ bayaʹ katuk Yesus dina, ngadan ne Yudas Iskariut. Sulo tai ie palaʹ diaʹ detaʹu lataʹ, 15ngan un dau ue neng ida: “Inu iaʹ ikem ke naʹ makeʹ buk keʹ ke naʹ Yesus mikem tupe?” Penco re pecap telu puloʹ liʹap ligit pirak, sulo re naʹ a me ia. 16Cen dalau ina ne tading Yudas mita awang iaʹ tiga apan ne mencai Yesus me ida.
Yesus pemung uman ngan diaʹ bayaʹ katuk ke, tegoʹ Adet Paska
(Un te neng Markus 14.12-21; Lukas 22.7-14, 21-23; Yaya 13.21-30)
17Neng tau iaʹ ading ading dalem Pemung Uman Rutiaʹ are un lamut ina, sulo kenai diaʹ bayaʹ katuk Yesus palaʹ ia ngan lemutu ia. Un dau re: “Kempi Tuhan ubaʹ ameʹ tai petenup Pemung Uman Paska me Tuhan tupe?”
18Un dau Yesus mipa ida: “Tai ne ikem palaʹ ca kelunan kaʹ dalem lepoʹ ini, ngan un dau hem neng ia: “Un dau Guru, nyeng laʹa abeʹ ne jakaʹ keʹ. Akeʹ ngan diaʹ bayaʹ katuk keʹ ubaʹ ke Pemung Uman Paska kaʹ amin ncoʹ.”
19Penco tai re bayaʹ dau pengecuk Yesus neng ida, ngan petenup Pemung Uman Paska ina.
20Tai tahup tau ina, Yesus ngan puloʹ dua usa diaʹ bayaʹ katuk ke dina madung pemung uman. 21Dalau re uman, un dau Yesus neng ida: “Akeʹ badaʹ mikem, ca usa neng ahang ikem ke mencai akeʹ me dulu ʹo.”
22Miat laleʹ ne tekaʹ kimet de diaʹ bayaʹ katuk ke dina, penco re lemutu Yesus tahaʹ ca, tahaʹ ca: “Ahaʹ Tuhan, abeʹ e akeʹ mo?”
23Un dau Yesus mipa ida: “Kelunan iaʹ mejep ruti neng kiut pemung ngan nceʹ, ia lete iaʹ ke mencai akeʹ ʹo. 24Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”
25Un dau Yudas iaʹ ke mencai Yesus ina: “Ahaʹ Guru, abeʹ koʹ ke kuma akeʹ ina mo?”
Un dau Yesus mipa ia: “Ukoʹ baʹan dau hoʹ ne ne.”
Bunut Tuhan
(Un te neng Markus 14.22-26; Lukas 22.15-20; 1 Kurintus 11.23-25)
26Dalau re uman, kun Yesus alaʹ caluʹung ruti, sulo ho nyuaʹ tiga saheʹ palaʹ Allah. Kun ne mepeʹ ruti ina are, penco ho naʹ a me diaʹ bayaʹ katuk ke. Un dau ue: “Alaʹ ne, ngan uman ne. Ini ne usa heʹ.”
27Lepa ina kun ne alaʹ ca sawan, sulo ho nyuaʹ tiga saheʹ palaʹ Allah, penco ho naʹ a me diaʹ bayaʹ katuk ke. Un dau ue: “Nisep ne ikem mung. 28Ban ne ini ne dahaʹ keʹ iaʹ ke pedapit ilu neng tuket Tuhan Allah, iaʹ ina dahaʹ iaʹ musa ban tuman kelunan kadoʹ, nuyan janan iaʹ ukoʹ penyalaʹ ke pesau. 29Akeʹ badaʹ mikem, nyahut ceʹ ke nisep telang anggur ini laʹa, pa heʹ ke nisep iaʹ mading ngan ncem dalem puyan pengaren Allah ke ngaren ilu kelunan.”
30Lepa re ngentau ca kentau iaʹ pempau Allah, penco ketai re kaʹ Mudung Ampang.
Yesus nekena badaʹ Peterus ke nyepati ia
(Un te neng Markus 14.27-31; Lukas 22.31-34; Yaya 13.36-38)
31Sulo dau Yesus neng diaʹ bayaʹ katuk ke dina: “Alem ini lete mung ngkem ke tai kelap ngan petengen akeʹ. Ban ne un dau jo Kitap kuma ha: ‘Allah ke lematai laki iaʹ manan dumba dina, sulo dumba dina ketai petat purat.’ 32Un sepuʹo lepa heʹ nai ngeliwet mudip laʹa, akeʹ ke tai kaʹ Galilia tahaʹ tena neng ikem.”
33Un dau Peterus neng Yesus: ‘Naʹ pe mung nte ke petengen ikoʹ, nyahut ceʹ ke pekina ne.” 34Sulo Yesus mipa ia, un dau ue: “Nawai tiga le neng ini. Kena iap ke nekuʹuk alem ini ʹo, ikoʹ ke nyepati akeʹ telu liwai.”
35Un dau Peterus mipa: “Nyahut ceʹ ke nyepati ikoʹ, naʹ pe akeʹ ke matai pemung ngan ncoʹ.”
Pekina lete dau re diaʹ bayaʹ katuk ke diaʹ ca dina.
Yesus lemameʹ kaʹ pula Gesemani
(Un te neng Markus 14.32-42; Lukas 22.39-46)
36Sulo ketai Yesus ngan diaʹ bayaʹ katuk ke kaʹ ca lasan tanaʹ iaʹ ngadan ne Gesemani. Un dau ue neng ida: “Madung ne kini ading, jinan nceʹ tai lemameʹ.” 37Kun ne ngkin Peterus ngan dua re anak Sapdi serengan ne. Bihe ne tekaʹ a, ngan meba laleʹ seʹ kimet te. 38Un dau ue neng diaʹ bayaʹ katuk ke: “Tai bahat kuʹo ne tekaʹ tawai heʹ, nyeng tekaʹ ke matai. Ngelineʹ ne kini, ngan jagaʹ ne ngan nceʹ.”
39Sulo tai Yesus ngecoʹ ida kediʹut le, penco ho sutlep ngan lemameʹ pa silung nge abeʹ kaʹ tanaʹ. Un dau ue: “Ahaʹ Amai, buk ke sukat, ngecoʹ ne sawan penuyen ini cen akeʹ. Un sepuʹo abeʹ keʹ nyat bayaʹ pengubaʹ keʹ tengen, di lareʹ bayaʹ pengubaʹ koʹ tuaʹ le.”
40Lepa ina sulo nai ie ngeliwet palaʹ ida telu usa diaʹ bayaʹ katuk ke didai, kun ne taʹan ida luntoʹ. Un dau ue neng Peterus: “Adeʹ kem telu abeʹ un senteng jagaʹ ngan nceʹ ca jam le tupe? 41Jagaʹ ne ngan lemameʹ ne, apan ncem abeʹ un tai supeʹ kuʹun pengeten. Lan te berua hem pali, un sepuʹo usa hem iaʹ lemaʹ.”
42Neng kedua liwai ie Yesus tai lemameʹ. Un dau ue: “Ahaʹ Amai, buk sawan penuyen ini abeʹ un sukat ke coʹ neng akeʹ, di lareʹ bang akeʹ ke nisep le, talan ne ina bayaʹ pengubaʹ koʹ.” 43Nai ie ngeliwet laʹa, kun ne taʹan ida diaʹ bayaʹ katuk ke luntoʹ pelaʹa. Abeʹ de sukat nengayet tekaʹ ke maga.
44Ceng liwai laʹa tai Yesus mecin ida. Tai ie lemameʹ neng iaʹ ketelu liwai ie, pekina lete dau ue koʹ baʹan dau iaʹ ading are. 45Sulo kenai ie ngeliwet palaʹ diaʹ bayaʹ katuk ke. Un dau ue neng ida: “Petem lepe ikem luntoʹ ngan penteng jengan ncem mo? Naʹat ne. Abeʹ ne jakaʹ Anak Sio ini dulu ke mencai palaʹ gaham kelunan diaʹ pepuk neng penyalaʹ. 46Beteʹ ne ikem. Tai ne tepat puke. Naʹat ne. Moʹ kelunan iaʹ ke mencai akeʹ lepa un ne ia kini.”
Puyan dulu dakep Yesus
(Un te neng Markus 14.43-50; Lukas 22.47-53; Yaya 18.3-12)
47Dalau beluaʹ Yesus pisiu, abeʹ ne Yudas, ca usa neng ahang diaʹ puloʹ dua usa diaʹ bayaʹ katuk Yesus didai. Kadoʹ dulu nai serengan ia. Un diaʹ ngkin bahing ngan petung, ban pengecuk diaʹ detaʹu lataʹ ngan diaʹ lataʹ lepoʹ Yahudi. 48Kelunan iaʹ ke mencai Yesus ina lepa badaʹ ca tedanaʹ palaʹ kelunan kadoʹ dina, un dau ue: “Aheʹ iaʹ akeʹ ke maoʹoʹ ʹo, ina ne kelunan iaʹ ikem mita idi. Dakep ne ia.”
49Kenai abeʹ Yudas, penco tai ie palaʹ Yesus, un dau ue: “Ahaʹ Guru, saheʹ ne.” Sulo ho maʹoʹ ia.
50Un dau Yesus mipa ia: “E tuyang, uyan ne sangkit, inu iaʹ ikoʹ ke uyan.”
Lepa ina penco kenai kelunan kadoʹ dina ngenyeng Yesus, dakep ia, ngan mapo ia salet salet.
51Un ca usa me diaʹ bayaʹ katuk Yesus, sulo ho menat bahing nge ngan miau ca usa ulaʹ Pengebioʹ Detaʹu ina, lajap telinga ha. 52Penco dau Yesus neng ia: “Meseʹ ne bahing ngkoʹ ne ngeliwet, ban ne mung kelunan diaʹ ti dulu man bahing, ida ke matai kuʹun bahing lete. 53Kumpin, abeʹ koʹ tisen akeʹ senteng ke nyat Amai heʹ ke mepo akeʹ mo? Ngan sangkit Amai heʹ senteng ke naʹ lapa neng ʹo puloʹ dua mpun bawa melikat. 54Un sepuʹo buk ke pekina, kumpin ne isiu Kitap senteng ketai palup, iaʹ kuma ha tekep lete puyan ini ketai nuyan pekini?”
55Sulo Yesus pisiu kelunan kadoʹ dina, un dau ue: “Adeʹ kem ngkin bahing ngan petung nai dakep akeʹ tupe? Koʹ baʹan seʹ neng ca kelunan iaʹ nyakat perinta are? Singket singket tau heʹ un pekatuk kaʹ Umaʹ Palan Allah, abeʹ pe ikem dakep akeʹ dalau ina. 56Un sepuʹo ketoʹ puyan ini tai nuyan apan tai palup ne dau surat diaʹ pegawa Tuhan nyurat dalem Kitap.”
Lepa ina mung diaʹ bayaʹ katuk Yesus tai kelap ngan petengen ia.
Yesus neng juma Mpun diaʹ Lataʹ
(Un te neng Markus 14.53-65; Lukas 22.54-55, 63-71; Yaya 18.13-14, 19-24)
57Kelunan diaʹ lepa dakep Yesus dina are, penco tai re ngkin ia kaʹ amin Pengebioʹ Detaʹu Kayapas, iaʹ ina kukoʹ diaʹ guru Katuk Adet ngan diaʹ lataʹ lepoʹ Yahudi lepa pempun. 58Nai Peterus bayaʹ Yesus, un sepuʹo abeʹ un ne nyeng neng Yesus. Sulo kenai ie kaʹ use amin Pengebioʹ Detaʹu ina, penco ke madung ngan pulis diaʹ mengau Umaʹ Palan Allah ina, moʹ o ubaʹ ke tisen kumpin ketai pengelepa puyan ina. 59Sulo diaʹ detaʹu lataʹ ngan mung Mpun diaʹ Lataʹ dina ten ke mita tugen iaʹ palo neng Yesus, apan nte sukat lematai ie. 60Un sepuʹo abeʹ de tisen tugen neng Yesus, kenuen pe kadoʹ diaʹ palo neng ia. Lepa ina, sulo ketai dua usa nekejeng tahaʹ tena ida, ngan un dau re dua: 61“Kelunan ini ne iaʹ kuma ha: ‘Akeʹ senteng ngasing Umaʹ Palan Allah, ngan telu tau uʹo ina akeʹ ke medeng nge laʹa.’ ”
62Sulo kenai Pengebioʹ Detaʹu ina nekejeng ngan pisiu Yesus: “Moʹ inu hoʹ are un mipa puyan dulu mekem salaʹ mikoʹ ina tupe?” 63Un sepuʹo abeʹ Yesus pisiu. Pisiu pe Pengebioʹ Detaʹu ina ngan Yesus laʹa kuma ha: “Akeʹ mudoʹ dau lemutu ikoʹ man ngadan Allah iaʹ mudip naʹkini. Badaʹ ne mameʹ ading buk lan ban ncoʹ Keristus iaʹ ngkang pungu udip, iaʹ ina Anak Allah?”
64Un dau Yesus mipa ia: “Ukoʹ baʹan dau hoʹ ne ne. Un sepuʹo akeʹ badaʹ mikem mung, cen naʹkini ne ikem ke taʹan Anak Sio ini madung tahaʹ taʹu Allah iaʹ nyingan ʹo, mentung ke nai ie neng usun abun cen langit.”
65Uban kuʹun ina ne iaʹ ukoʹ Pengebioʹ Detaʹu ina lemerit sapai ie, ngan un dau ue: “Seʹ e pejaʹat Tuhan Allah ne ina. Naʹkini ikem lepa kenahan dau pengejaʹat isiu ue. Tuman ina abeʹ le ke mita tugen cen aheʹ aheʹ laʹa. 66Kumpin kaʹ kimet cem tupe?”
Un dau re mipa: “Moʹo un salaʹ, tekep lete ia ke matai.”
67Sulo re lemulaʹ silung nge ngan metung ia. Ngan un pe diaʹ nepap ia. 68Mentung nte kuma ha: “E Keristus iaʹ ngkang pungu udip, badaʹ ne me ameʹ aheʹ iaʹ metung ikoʹ ne.”
Dau Peterus nyepati Yesus
(Un te neng Markus 14.66-72; Lukas 22.56-62; Yaya 18.15-18, 25-27)
69Dalau Peterus madung neng use amin Pengebioʹ Detaʹu ina, sulo kenai ca dikiʹit leto, ulaʹ Pengebioʹ Detaʹu ina palaʹ ia, ngan un dau ue: “Ikoʹ lete ca iaʹ pemung ngan Yesus kelunan Galilia idai.”
70Un sepuʹo Peterus nyepati ia neng juma ida mung. Un dau ue: “Abeʹ keʹ tisen inu iaʹ ikem pisiu ina.” 71Penco tai ie kata pamen use ina. Sulo ca usa dikiʹit leto diaʹ ca laʹa taʹan Peterus, penco ho badaʹ me dulu diaʹ un kina: “Ia lete ca iaʹ pemung ngan Yesus lepoʹ Nasarit idai.”
72Ca liwai laʹa Peterus nyepati ia, un dau ue: “Mudoʹ dau heʹ ke badaʹ mikem, nyahut ceʹ are tisen kelunan ina ne.”
73Abeʹ majan ʹo ina, sulo kenai kelunan diaʹ nekejeng kata kina palaʹ Peterus ngan un dau re: “Abeʹ koʹ are senteng ke nyakat ban ncoʹ lan lan ca usa mida telu lete, moʹ isiu hoʹ iaʹ badaʹ a pekele.”
74Sulo Peterus mudoʹ kuma ha: “Awaʹ awaʹ pe Allah ngukum akeʹ lan buk keʹ uban lemalo. Nyahut ceʹ are tisen laki ina ne.”
Dalau ina lete sulo dau ca iap nekuʹuk. 75Ngan penco Peterus petawai ne dau isiu iaʹ Yesus lepa badaʹ mia are: “Kena tekuʹuk iap, ikoʹ ke nyepati akeʹ telu liwai ʹo.” Penco kenai Peterus kawang, mentung nge nange uban kelesau laleʹ ne tekaʹ kimet te.
Àwon tá yàn lọ́wọ́lọ́wọ́ báyìí:
MATIUS 26: KNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Kenyah New Testament © Bible Society of Malaysia, 1984.
MATIUS 26
26
Peseket ke lematai Yesus
(Un te neng Markus 14.1-2; Lukas 22.1-2; Yaya 11.45-53)
1Uʹo lepa Yesus pekatuk dulu neng mung puyan dina, sulo dau ue neng diaʹ bayaʹ katuk ke: 2“Ikem lepa tisen dua tau laʹa kena Bunut Paska. Anak Sio ini dulu ke mencai apan nte lematai ia neng kayu tecek.”
3Lepa ina sulo diaʹ detaʹu lataʹ, ngan diaʹ lataʹ lepoʹ Yahudi peseket kaʹ amin Detaʹu Bioʹ Kayapas, 4mentung nte mita janan nyelem ke dakep Yesus ngan lematai ia. 5Un dau re: “Ayen le uyan puyan ini tegoʹ tau Bunut, moʹ le malap kelunan kadoʹ kenai beteʹ ngan nyakat.”
Leto iaʹ ngejemo Yesus kaʹ Bitani
(Un te neng Markus 14.3-9; Yaya 12.1-8)
6Dalau Yesus un kaʹ Bitani, kaʹ amin Simun iaʹ sakit bekayen idai, 7sulo kenai ca leto palaʹ Yesus ngkin ca tajau dumit, iaʹ ina tajau “ala-basta” koʹ seʹ mening ca kelingai are. Ngan tajau ina sangan kuʹun telang kenyo iaʹ baran laleʹ suhaʹ a. Penco leto ina are mubeʹ e neng ulu Yesus dalau ue uman. 8Taʹan ne diaʹ bayaʹ katuk ke seʹ puyan ina, sulo re miʹa neng leto ina. Un dau re: “Moʹ inu ue ngebura ha tupe? 9Senteng nge matu telang kenyo ini ngan alaʹ kadoʹ ligit suhaʹ a, ngan ligit ina senteng le naʹ a me kelunan kasip.”
10Un sepuʹo Yesus tisen puyan ina, sulo dau ue neng ida: “Moʹ inu hem pemiat leto ini tupe? Ban ne marung lete puyan ne iaʹ tiga ina neng akeʹ. 11Moʹ kelunan kasip lemuto re pemung ngan ncem, un sepuʹo abeʹ keʹ lemuto pemung ngan ncem. 12Kumpin leto ini lepa mubeʹ telang kenyo ini neng usa heʹ, seleket seʹ e nekena ke petenup usa heʹ kena dulu ke masek akeʹ. 13Nawai tiga le neng ini. Mele kempi kempi le ke pedenga Denga Injil kusun tanaʹ ini, pekina lete ilu ke petawai badaʹ ban pemuyan leto ini.”
Yudas ngahaʹ ke mencai Yesus
(Un te neng Markus 14.10-11; Lukas 22.3-6)
14Un ca usa neng ahang puloʹ dua usa diaʹ bayaʹ katuk Yesus dina, ngadan ne Yudas Iskariut. Sulo tai ie palaʹ diaʹ detaʹu lataʹ, 15ngan un dau ue neng ida: “Inu iaʹ ikem ke naʹ makeʹ buk keʹ ke naʹ Yesus mikem tupe?” Penco re pecap telu puloʹ liʹap ligit pirak, sulo re naʹ a me ia. 16Cen dalau ina ne tading Yudas mita awang iaʹ tiga apan ne mencai Yesus me ida.
Yesus pemung uman ngan diaʹ bayaʹ katuk ke, tegoʹ Adet Paska
(Un te neng Markus 14.12-21; Lukas 22.7-14, 21-23; Yaya 13.21-30)
17Neng tau iaʹ ading ading dalem Pemung Uman Rutiaʹ are un lamut ina, sulo kenai diaʹ bayaʹ katuk Yesus palaʹ ia ngan lemutu ia. Un dau re: “Kempi Tuhan ubaʹ ameʹ tai petenup Pemung Uman Paska me Tuhan tupe?”
18Un dau Yesus mipa ida: “Tai ne ikem palaʹ ca kelunan kaʹ dalem lepoʹ ini, ngan un dau hem neng ia: “Un dau Guru, nyeng laʹa abeʹ ne jakaʹ keʹ. Akeʹ ngan diaʹ bayaʹ katuk keʹ ubaʹ ke Pemung Uman Paska kaʹ amin ncoʹ.”
19Penco tai re bayaʹ dau pengecuk Yesus neng ida, ngan petenup Pemung Uman Paska ina.
20Tai tahup tau ina, Yesus ngan puloʹ dua usa diaʹ bayaʹ katuk ke dina madung pemung uman. 21Dalau re uman, un dau Yesus neng ida: “Akeʹ badaʹ mikem, ca usa neng ahang ikem ke mencai akeʹ me dulu ʹo.”
22Miat laleʹ ne tekaʹ kimet de diaʹ bayaʹ katuk ke dina, penco re lemutu Yesus tahaʹ ca, tahaʹ ca: “Ahaʹ Tuhan, abeʹ e akeʹ mo?”
23Un dau Yesus mipa ida: “Kelunan iaʹ mejep ruti neng kiut pemung ngan nceʹ, ia lete iaʹ ke mencai akeʹ ʹo. 24Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”
25Un dau Yudas iaʹ ke mencai Yesus ina: “Ahaʹ Guru, abeʹ koʹ ke kuma akeʹ ina mo?”
Un dau Yesus mipa ia: “Ukoʹ baʹan dau hoʹ ne ne.”
Bunut Tuhan
(Un te neng Markus 14.22-26; Lukas 22.15-20; 1 Kurintus 11.23-25)
26Dalau re uman, kun Yesus alaʹ caluʹung ruti, sulo ho nyuaʹ tiga saheʹ palaʹ Allah. Kun ne mepeʹ ruti ina are, penco ho naʹ a me diaʹ bayaʹ katuk ke. Un dau ue: “Alaʹ ne, ngan uman ne. Ini ne usa heʹ.”
27Lepa ina kun ne alaʹ ca sawan, sulo ho nyuaʹ tiga saheʹ palaʹ Allah, penco ho naʹ a me diaʹ bayaʹ katuk ke. Un dau ue: “Nisep ne ikem mung. 28Ban ne ini ne dahaʹ keʹ iaʹ ke pedapit ilu neng tuket Tuhan Allah, iaʹ ina dahaʹ iaʹ musa ban tuman kelunan kadoʹ, nuyan janan iaʹ ukoʹ penyalaʹ ke pesau. 29Akeʹ badaʹ mikem, nyahut ceʹ ke nisep telang anggur ini laʹa, pa heʹ ke nisep iaʹ mading ngan ncem dalem puyan pengaren Allah ke ngaren ilu kelunan.”
30Lepa re ngentau ca kentau iaʹ pempau Allah, penco ketai re kaʹ Mudung Ampang.
Yesus nekena badaʹ Peterus ke nyepati ia
(Un te neng Markus 14.27-31; Lukas 22.31-34; Yaya 13.36-38)
31Sulo dau Yesus neng diaʹ bayaʹ katuk ke dina: “Alem ini lete mung ngkem ke tai kelap ngan petengen akeʹ. Ban ne un dau jo Kitap kuma ha: ‘Allah ke lematai laki iaʹ manan dumba dina, sulo dumba dina ketai petat purat.’ 32Un sepuʹo lepa heʹ nai ngeliwet mudip laʹa, akeʹ ke tai kaʹ Galilia tahaʹ tena neng ikem.”
33Un dau Peterus neng Yesus: ‘Naʹ pe mung nte ke petengen ikoʹ, nyahut ceʹ ke pekina ne.” 34Sulo Yesus mipa ia, un dau ue: “Nawai tiga le neng ini. Kena iap ke nekuʹuk alem ini ʹo, ikoʹ ke nyepati akeʹ telu liwai.”
35Un dau Peterus mipa: “Nyahut ceʹ ke nyepati ikoʹ, naʹ pe akeʹ ke matai pemung ngan ncoʹ.”
Pekina lete dau re diaʹ bayaʹ katuk ke diaʹ ca dina.
Yesus lemameʹ kaʹ pula Gesemani
(Un te neng Markus 14.32-42; Lukas 22.39-46)
36Sulo ketai Yesus ngan diaʹ bayaʹ katuk ke kaʹ ca lasan tanaʹ iaʹ ngadan ne Gesemani. Un dau ue neng ida: “Madung ne kini ading, jinan nceʹ tai lemameʹ.” 37Kun ne ngkin Peterus ngan dua re anak Sapdi serengan ne. Bihe ne tekaʹ a, ngan meba laleʹ seʹ kimet te. 38Un dau ue neng diaʹ bayaʹ katuk ke: “Tai bahat kuʹo ne tekaʹ tawai heʹ, nyeng tekaʹ ke matai. Ngelineʹ ne kini, ngan jagaʹ ne ngan nceʹ.”
39Sulo tai Yesus ngecoʹ ida kediʹut le, penco ho sutlep ngan lemameʹ pa silung nge abeʹ kaʹ tanaʹ. Un dau ue: “Ahaʹ Amai, buk ke sukat, ngecoʹ ne sawan penuyen ini cen akeʹ. Un sepuʹo abeʹ keʹ nyat bayaʹ pengubaʹ keʹ tengen, di lareʹ bayaʹ pengubaʹ koʹ tuaʹ le.”
40Lepa ina sulo nai ie ngeliwet palaʹ ida telu usa diaʹ bayaʹ katuk ke didai, kun ne taʹan ida luntoʹ. Un dau ue neng Peterus: “Adeʹ kem telu abeʹ un senteng jagaʹ ngan nceʹ ca jam le tupe? 41Jagaʹ ne ngan lemameʹ ne, apan ncem abeʹ un tai supeʹ kuʹun pengeten. Lan te berua hem pali, un sepuʹo usa hem iaʹ lemaʹ.”
42Neng kedua liwai ie Yesus tai lemameʹ. Un dau ue: “Ahaʹ Amai, buk sawan penuyen ini abeʹ un sukat ke coʹ neng akeʹ, di lareʹ bang akeʹ ke nisep le, talan ne ina bayaʹ pengubaʹ koʹ.” 43Nai ie ngeliwet laʹa, kun ne taʹan ida diaʹ bayaʹ katuk ke luntoʹ pelaʹa. Abeʹ de sukat nengayet tekaʹ ke maga.
44Ceng liwai laʹa tai Yesus mecin ida. Tai ie lemameʹ neng iaʹ ketelu liwai ie, pekina lete dau ue koʹ baʹan dau iaʹ ading are. 45Sulo kenai ie ngeliwet palaʹ diaʹ bayaʹ katuk ke. Un dau ue neng ida: “Petem lepe ikem luntoʹ ngan penteng jengan ncem mo? Naʹat ne. Abeʹ ne jakaʹ Anak Sio ini dulu ke mencai palaʹ gaham kelunan diaʹ pepuk neng penyalaʹ. 46Beteʹ ne ikem. Tai ne tepat puke. Naʹat ne. Moʹ kelunan iaʹ ke mencai akeʹ lepa un ne ia kini.”
Puyan dulu dakep Yesus
(Un te neng Markus 14.43-50; Lukas 22.47-53; Yaya 18.3-12)
47Dalau beluaʹ Yesus pisiu, abeʹ ne Yudas, ca usa neng ahang diaʹ puloʹ dua usa diaʹ bayaʹ katuk Yesus didai. Kadoʹ dulu nai serengan ia. Un diaʹ ngkin bahing ngan petung, ban pengecuk diaʹ detaʹu lataʹ ngan diaʹ lataʹ lepoʹ Yahudi. 48Kelunan iaʹ ke mencai Yesus ina lepa badaʹ ca tedanaʹ palaʹ kelunan kadoʹ dina, un dau ue: “Aheʹ iaʹ akeʹ ke maoʹoʹ ʹo, ina ne kelunan iaʹ ikem mita idi. Dakep ne ia.”
49Kenai abeʹ Yudas, penco tai ie palaʹ Yesus, un dau ue: “Ahaʹ Guru, saheʹ ne.” Sulo ho maʹoʹ ia.
50Un dau Yesus mipa ia: “E tuyang, uyan ne sangkit, inu iaʹ ikoʹ ke uyan.”
Lepa ina penco kenai kelunan kadoʹ dina ngenyeng Yesus, dakep ia, ngan mapo ia salet salet.
51Un ca usa me diaʹ bayaʹ katuk Yesus, sulo ho menat bahing nge ngan miau ca usa ulaʹ Pengebioʹ Detaʹu ina, lajap telinga ha. 52Penco dau Yesus neng ia: “Meseʹ ne bahing ngkoʹ ne ngeliwet, ban ne mung kelunan diaʹ ti dulu man bahing, ida ke matai kuʹun bahing lete. 53Kumpin, abeʹ koʹ tisen akeʹ senteng ke nyat Amai heʹ ke mepo akeʹ mo? Ngan sangkit Amai heʹ senteng ke naʹ lapa neng ʹo puloʹ dua mpun bawa melikat. 54Un sepuʹo buk ke pekina, kumpin ne isiu Kitap senteng ketai palup, iaʹ kuma ha tekep lete puyan ini ketai nuyan pekini?”
55Sulo Yesus pisiu kelunan kadoʹ dina, un dau ue: “Adeʹ kem ngkin bahing ngan petung nai dakep akeʹ tupe? Koʹ baʹan seʹ neng ca kelunan iaʹ nyakat perinta are? Singket singket tau heʹ un pekatuk kaʹ Umaʹ Palan Allah, abeʹ pe ikem dakep akeʹ dalau ina. 56Un sepuʹo ketoʹ puyan ini tai nuyan apan tai palup ne dau surat diaʹ pegawa Tuhan nyurat dalem Kitap.”
Lepa ina mung diaʹ bayaʹ katuk Yesus tai kelap ngan petengen ia.
Yesus neng juma Mpun diaʹ Lataʹ
(Un te neng Markus 14.53-65; Lukas 22.54-55, 63-71; Yaya 18.13-14, 19-24)
57Kelunan diaʹ lepa dakep Yesus dina are, penco tai re ngkin ia kaʹ amin Pengebioʹ Detaʹu Kayapas, iaʹ ina kukoʹ diaʹ guru Katuk Adet ngan diaʹ lataʹ lepoʹ Yahudi lepa pempun. 58Nai Peterus bayaʹ Yesus, un sepuʹo abeʹ un ne nyeng neng Yesus. Sulo kenai ie kaʹ use amin Pengebioʹ Detaʹu ina, penco ke madung ngan pulis diaʹ mengau Umaʹ Palan Allah ina, moʹ o ubaʹ ke tisen kumpin ketai pengelepa puyan ina. 59Sulo diaʹ detaʹu lataʹ ngan mung Mpun diaʹ Lataʹ dina ten ke mita tugen iaʹ palo neng Yesus, apan nte sukat lematai ie. 60Un sepuʹo abeʹ de tisen tugen neng Yesus, kenuen pe kadoʹ diaʹ palo neng ia. Lepa ina, sulo ketai dua usa nekejeng tahaʹ tena ida, ngan un dau re dua: 61“Kelunan ini ne iaʹ kuma ha: ‘Akeʹ senteng ngasing Umaʹ Palan Allah, ngan telu tau uʹo ina akeʹ ke medeng nge laʹa.’ ”
62Sulo kenai Pengebioʹ Detaʹu ina nekejeng ngan pisiu Yesus: “Moʹ inu hoʹ are un mipa puyan dulu mekem salaʹ mikoʹ ina tupe?” 63Un sepuʹo abeʹ Yesus pisiu. Pisiu pe Pengebioʹ Detaʹu ina ngan Yesus laʹa kuma ha: “Akeʹ mudoʹ dau lemutu ikoʹ man ngadan Allah iaʹ mudip naʹkini. Badaʹ ne mameʹ ading buk lan ban ncoʹ Keristus iaʹ ngkang pungu udip, iaʹ ina Anak Allah?”
64Un dau Yesus mipa ia: “Ukoʹ baʹan dau hoʹ ne ne. Un sepuʹo akeʹ badaʹ mikem mung, cen naʹkini ne ikem ke taʹan Anak Sio ini madung tahaʹ taʹu Allah iaʹ nyingan ʹo, mentung ke nai ie neng usun abun cen langit.”
65Uban kuʹun ina ne iaʹ ukoʹ Pengebioʹ Detaʹu ina lemerit sapai ie, ngan un dau ue: “Seʹ e pejaʹat Tuhan Allah ne ina. Naʹkini ikem lepa kenahan dau pengejaʹat isiu ue. Tuman ina abeʹ le ke mita tugen cen aheʹ aheʹ laʹa. 66Kumpin kaʹ kimet cem tupe?”
Un dau re mipa: “Moʹo un salaʹ, tekep lete ia ke matai.”
67Sulo re lemulaʹ silung nge ngan metung ia. Ngan un pe diaʹ nepap ia. 68Mentung nte kuma ha: “E Keristus iaʹ ngkang pungu udip, badaʹ ne me ameʹ aheʹ iaʹ metung ikoʹ ne.”
Dau Peterus nyepati Yesus
(Un te neng Markus 14.66-72; Lukas 22.56-62; Yaya 18.15-18, 25-27)
69Dalau Peterus madung neng use amin Pengebioʹ Detaʹu ina, sulo kenai ca dikiʹit leto, ulaʹ Pengebioʹ Detaʹu ina palaʹ ia, ngan un dau ue: “Ikoʹ lete ca iaʹ pemung ngan Yesus kelunan Galilia idai.”
70Un sepuʹo Peterus nyepati ia neng juma ida mung. Un dau ue: “Abeʹ keʹ tisen inu iaʹ ikem pisiu ina.” 71Penco tai ie kata pamen use ina. Sulo ca usa dikiʹit leto diaʹ ca laʹa taʹan Peterus, penco ho badaʹ me dulu diaʹ un kina: “Ia lete ca iaʹ pemung ngan Yesus lepoʹ Nasarit idai.”
72Ca liwai laʹa Peterus nyepati ia, un dau ue: “Mudoʹ dau heʹ ke badaʹ mikem, nyahut ceʹ are tisen kelunan ina ne.”
73Abeʹ majan ʹo ina, sulo kenai kelunan diaʹ nekejeng kata kina palaʹ Peterus ngan un dau re: “Abeʹ koʹ are senteng ke nyakat ban ncoʹ lan lan ca usa mida telu lete, moʹ isiu hoʹ iaʹ badaʹ a pekele.”
74Sulo Peterus mudoʹ kuma ha: “Awaʹ awaʹ pe Allah ngukum akeʹ lan buk keʹ uban lemalo. Nyahut ceʹ are tisen laki ina ne.”
Dalau ina lete sulo dau ca iap nekuʹuk. 75Ngan penco Peterus petawai ne dau isiu iaʹ Yesus lepa badaʹ mia are: “Kena tekuʹuk iap, ikoʹ ke nyepati akeʹ telu liwai ʹo.” Penco kenai Peterus kawang, mentung nge nange uban kelesau laleʹ ne tekaʹ kimet te.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Kenyah New Testament © Bible Society of Malaysia, 1984.